其實要喺香港食好食嘅西餐，係真心嘅難。好多時好食嘅西餐廳都係又貴又唔好食，嚟到觀塘，經朋友介紹都係指定要食呢間西餐廳。我本人就好鍾意鹿，自由奔放同埋溫馴，有種與世無爭嘅感覺。雖然間餐廳係以鹿為主題，入到門口啲裝飾都唔錯嘅，環境氣氛都幾浪漫，但係見到個鹿頭掛住咗喺埲牆度，就有種怪怪嘅感覺，變左標本咁🤣一入到門口，有一個店長同侍應，啱啱坐低嘅時候個女侍應已經拎咗香草甜包俾我哋做前菜，又有禮貌，係唔錯嘅。講真係一間唔係專門食蠔廳入邊，你叫生蠔黎食，一般都冇咩期望，因為好食嘅生蠔根本唔需要落檸檬汁同埋蕃茄辣椒醬，就咁食落肚已經係好鮮好甜。見呢間餐廳做緊生蠔優惠，就叫咗半打黎食。生蠔嘅味道係驚喜嘅，因為佢冇乜腥味而係有種鮮甜嘅味道，相對於自助餐來講，生蠔都算係肥美嘅！於是食完第一盤之後又叫多半打黎食。呢餐真係驚喜不斷，叫咗個小食拼盤嚟食，有雞翼有雞軟骨牛柳魚柳薯角洋蔥圈，雞軟骨好食唔再講，牛柳嘅肉質夠Juice唔會乾近近，我老婆仲話洋蔥圈都真係勁好食。之後又叫咗清酒煮蜆嘅意大利粉同埋海膽明太子意粉，蜆肉雖然係雪藏但係都好大好肥美，海膽就咁食都覺得好甜好鮮，仲以為會食唔飽，點知碟碟餸都咁好食，下次一定會再嚟。侍應同店長非常好，今次冇叫嘢飲，個女侍應仲係咁埋黎倒水俾我哋。真心滿意。

難得今日係星期日，決定揸車仔同老婆去到荃灣區食午餐，唔知食邊度，所以搵嚟搵去，決定去如心廣場嗰邊到食野。行完如心廣場第一期同第二期，老婆都係決定去食燒牛扒。聽同事講話呢間神石燒係幾好味㗎！佢話我知又重牛肉味，好肉汁，好好食。好啦！今次就試吓啦行到去餐廳！門口有一個女侍應嚟服務我哋，原來係要入餐廳前，俾咗錢先。嗰度就好似日本咁樣樣，係將啲錢入落部機器入面，就會出咗張單，先至可以入去食。入咗去之後，環境都算唔錯，仲有自助吧添。嗰度有薯仔沙律同埋蔬菜沙律俾你選擇。又有兩大兜嘅麵豉湯，同埋日本既座米。等咗5分鐘都唔夠，手上揸住部機就嘟嘟嘟咁響，去前邊嘅自助吧度攞牛扒，聽到滋滋滋既聲音，有種莫名其妙嘅興奮。大大塊嘅牛扒，係熱石上邊燒，已經聞到香噴噴嘅牛肉味，我同老婆就正正式式据牛扒啦，又可以自己控制牛肉五成熟七成熟九成熟，真係好好食㗎。

舊年十一月我同老公去台灣旅行，本身諗住買老虎堂點知行錯左去隔離鋪買錯人生第一杯milkshop，買左冬瓜鮮奶。一飲之下發覺好好味好有驚喜之後係台灣每日都要飲一杯！係宜蘭為左飲佢行左一個鐘頭，連臨走返香港個日都要為左佢係台北車站搵到差啲趕唔到捷運走疫情令到而家去唔到台灣，但係仲好掛住milkshop。今日同老公去左如心食午餐，行過見到竟然香港都有食完個飯即刻沖去買！心知一定唔夠台灣好飲，始終牛奶唔同，但真係好想試下就買左杯冬瓜鮮奶同埋芝士奶蓋綠茶飲落又幾好味！同台灣比都唔會輸喎！其它鋪買冬瓜鮮奶都會覺得太甜，又無得較甜度，哩間都無得較，但都唔會覺得好甜！芝士奶蓋好香好滑配埋好濃郁既芝士味真係不得了

去到荃灣大壩街，如果想食燒味，我諗成條街只有一間，就係味苑。喺呢段疫情期間，去佢呢間味苑叫外賣燒味飯只需要三十六蚊，又會送埋維他檸檬茶，又真係幾抵架。但如果堂食，又會貴少少，都要成四十幾五十蚊。但講真！明顯地d白飯又真係可以幾好食既，而且佢啲燒味特別係白切雞同燒肉都非常之好味架。不過，始終講性價比來講，食外賣嘅燒味飯係最抵，而且啲燒味感覺上仲會多啲。今次黎食，雖然啲燒味得返啲頭頭尾尾，好似冇咩肉食咁，但其實都好好味既。如果識嗌，梗係要叫返外賣咁先至夠抵同夠好食。佢啲姜戎同黃芥末點燒肉同雞都係味道，點都要試吓拉。

今日同老公去咗如心廣場叫外賣食晚飯，行嚟行去都唔知想食咩，想平平哋食但係又唔想食頹野，最尾行過呢間台灣野見到有老公鍾意食既藥膳排骨飯就決定食呢間。老公叫咗藥膳排骨飯配爆米花仙草奶茶，我叫咗紅燒燉牛腩配檸檬冬瓜茶。外賣等咗唔係好耐，大約10分鐘就攞得啦！返到屋企即刻開嚟食，啲嘢食都仲係好熱辣辣，仲聞到好香嘅藥材味！佢仲有送個開胃菜，應該係酸辣嘅白菜，我自己覺得有少少辣，但係老公覺得好好味，食晒兩兜。到主菜啦，個藥膳排骨飯都好重料，望落成兜都係藥材同排骨，但係湯底有少少唔夠味。而個牛腩就好濃味啦，啲肉又好多又好嫩，一啲都唔硬！飲品方面個檸檬冬瓜茶有驚喜，甜甜地又酸酸地好解渴，但係個爆米花仙草奶茶就甜得滯，飲落好重奶精味！相比之下我會推介檸檬冬瓜茶多啲啦兩個餐加埋都唔使$200 ，仲有一個鐘停車場送添！

黎到彌敦道627號搵野食，唔知~你會想食邊間，層層都有野食咁濟，認真會花多眼亂。一講特色野就會諗起呢間吉列牛忌廉烏冬專門店，一間日韓相融既餐廳。至日本吉列牛兩年前係香港興起之後，愈黎愈多餐廳開吉列牛既餐廳。一年前我去日本東京食吉列牛，間餐廳會寫埋佢係邊個地方出世既牛同埋編號，可以放心比你食用。係日本，吉列牛同香港一樣，都係外炸吉列內在嫩滑多汁，唯一同香港唔同既係，東京個間係唔需要煎，係就咁配合珍珠米，紫菜黎食。香港因為d牛唔知咩來源，而且生食又有風險，好多香港既吉列牛都係需要去煎番十二秒咁上下先食，始終同日本冇得比。呢間吉列牛我試過都唔錯架，即使要煎都算係另一種風味。今次我黎到呢間餐廳，訂座食七點三十分，因為搭lift遲左八分鐘上去，就比個好似係老闆娘既人話:『有冇搞錯呀，遲到呀?唉好拉，唉你去個邊卡位拉!』都唔緊要拉，因為野食好食，咁都比人秒嘴秒舌，今次就由佢拉。食吉列牛食到厭，今次一反傳統，唔食佢既拿手吉列牛同忌廉烏冬，就叫左海鮮釜飯同海鮮鍋，加埋必叫既滑蛋同枝豆。一年冇黎食，食物素質都係番到，滑蛋夠滑而且配合埋芝士味道一流。飯同鍋入面既帶子、蜆肉都算唔錯，朋友都讚好。食到一半，個個好似係老闆娘既人未夠70分鐘就摧我地埋單了，個陣時先岩岩60分鐘，之後重叫埋店員黎收我地d野，於是我地就快快手食完就走了，廢事又比個個女人秒嘴秒舌喇。如果想去傾計既話，就要去其他坐得耐既餐廳了。呢間野就好食，但係唔坐得耐架。

之前無聊同屋企人天水圍天澤個邊食過韓樂既早餐，其實都算唔錯。市道艱難，最近轉左新工，去左荃灣個邊番工。發現海之戀既地下又有間韓樂，因為要慳錢朝早平時經過都唔會食。今日番工冇拉拉勁大雨，又冇帶雨傘，見走唔到，於是就入左韓樂食番個早餐。入到去好多英文同韓文字，係韓國既風格。佈置令過天水圍天澤個間。一入正門有一個收銀處，然後左右兩邊有條大直路比你入去。疫情關係，店員會悉心為你探熱，完成後就帶你入座，座位同座位之間都好有心咁，用膠板去分隔一點五米距離，而且膠板上面重好細心咁寫哂防疫字句，提醒客人時時刻刻分分秒秒都要有防疫既意識。個膠板唔會影響餐廳既風格，和而不同既效果。睇左陣餐牌，叫店員落單，見到有我中意食既溫泉蛋同蕃茄湯，就叫左了。唔洗10分鐘，我叫既蕃茄濃湯溫泉蛋扁意粉就黎左了。濃湯上有一顆顆既蕃茄微粒，唔會熟過龍既溫泉蛋，上面重有幾令仔既蔥花仔﹐加幾條既薑絲。天氣太熱叫左杯凍咖啡少田少雪，味道岩岩好，聽聞即磨咖啡重好好飲先呀。呢餐早餐先至36蚊，算係咁，睇下邊日落大雨再黎食過早餐先，番工咁辛苦，隔唔中都要獎勵一下自己先先架啫。

話說7月26日打電話去湊湊鍋訂位，佢話冇得電話訂坐都算，六點鐘放工去左拎位，科技好似好先進咁，要用QR Code，等左半個鐘打黎話有位，叫我六點五十二分要去到，我同老婆說準時六點五十分跑到去，個侍應話未入得都算，我同老婆睇住社交平台企係度等，等左十分鐘，我問個侍應入得未，佢話入面未埋單，唔入得去住，過左十分鐘我都開始燥底，問個侍應重有幾耐入得，佢話埋緊單，我話冇位你又打電話黎話入得，重要搞到我老婆跑到成身汗。於是一等就等左成大半個鐘，由六點五十分等到成七點三十五分先入到去，已經餓到我老婆屎屎下，真心嬲！入到去，點餐叫左花膠湯底、帶子、牛肉、蜆、墨魚滑等等。。。野都未食，就有侍應就放低左杯白色野話叫我地解油膩都算。我同老婆都留意到d侍應，我地食緊野個陣就咁亂擺d野食埋黎，冇禮貌不特止又求求奇奇！一路食一路哄老婆既時候，個侍應重走埋黎話洗唔洗幫我整墨魚滑落去，重要問左我兩次？？？做咩呀而家？趕我走阿？快d食哂d野趕我走呀？牛肉冇牛味，d帶子成138蚊又唔好食，好似純食緊花膠入面既雞湯味咁。本來都諗住叫埋珍珠奶茶飲，食左成800幾蚊都唔知食緊咩，唔會再黎！只此一次！冇性價比可言，去隔離食牛氣都冇咁嬲，先每人三百幾蚊，家陣要食四百蚊位，都唔知食緊乜！

今日熱辣辣同老婆去食個下午茶，搵左幾間餐廳都無開，最尾見到哩間comma既西餐，見佢間鋪面好似乾乾淨淨同企企理理咁，就同老婆入左去啦！ 由於今日係老婆既第一餐，所以佢就叫左個葡國汁既雞扒飯，因為我已經食左個早餐同埋午餐，仲要留肚食埋今晚個餐晚飯，就小小地，叫左個好似好好味既牛肉漢堡配薯條喇，再加十幾蚊要個老婆話想食既墨西哥脆片啦！ 之後老婆話有驚喜，個葡國雞飯好食汁又多，雞又大大舊又好嫩口！薯條又熱辣辣辣親個咀，真係即炸即上架！最估唔到既係，個漢堡飽原來咁大份咁重料架！墨西哥脆片配埋吞拿魚醬都好夠味！熱氣都要食多兩塊啊餐飲叫左兩杯凍檸茶消暑解渴！最尾都要讚下員工既服務態度既！

天氣咁熱，想食泰菜，又想食海南雞，但又唔想食湯面。本來想去食置樂小曼谷又唔想行咁遠，近近地西鐵沿線，由錦上路搭去屯門Vcity，只需要十五分鐘，行行下搵到呢間叻沙海南雞，同朋友係餐廳出面睇餐牌，竟然發現有撈烏冬，就行左入去。入到去服務員態度非常好，好有禮貌咁帶我同另一個朋友去個位度，環境尚算乾淨。呢個撈烏冬，有種泰式配日式風味，雞嫩有雞味，烏冬又唔會煮過龍，無聊試下新野叫左杯恐龍美綠，美綠上面似有盆栽，恐龍唔知係點解呢，其實整體黎講，天氣咁熱，食個海南雞撈烏冬都唔錯，唔洗食湯面熱屎辣辣。朋友叫埋沙嗲雞肉串都話唔錯，都算係咁了。下次想食撈烏冬都會再黎阿。