依間串燒店係即叫即燒，所以等既時間會比較耐🥰
每個set都有味噌湯，沙律，前菜-中華沙律，糖心蛋。
味噌湯有豆腐、冬菇、蔥，湯唔會太鹹😋
沙律菜好新鮮，個醬汁係醋，酸酸地幾開胃🤤
糖心蛋岩岩好，蛋黃有流心狀態，正😍😍

🥢LUNCH SET A.黑豚串，露筍猪肉卷，燒車厘茄，茄子，冬菇 $98
黑豚串:豚肉肉質多汁，爽口。
露筍猪肉卷:猪肉薄片包住既露筍爽甜有口感，而且表面猪肉燒至焦香。又脆又甜🤤🤤
茄子:茄子表面塗滿醬汁，燒到好入味咁😍咬落去茄子肉多汁，醬汁鹹甜適中，口感非常好🤤
燒車厘茄:燒完既車厘茄好甜，冇左陣草青味😋
冬菇:燒到乾身，醬汁燒到好入味🤩

🥢LUNCH SET B.雞翼，牛舌，燒車厘茄，茄子 $98
雞翼:雞翼外皮燒到金黃香脆，雞肉香口鮮嫩。
牛舌:一串有三件厚切牛舌。咬落去完全不會鞋口，而且肉質爽嫩😋有驚喜啊😍😍

🥢LUNCH SET 鹽燒鯖魚定食 $88
燒鯖魚魚皮燒到脆脆，魚肉嫩滑鮮美，無魚腥味😋點埋醋食可以更加突出鯖魚既鮮甜🤤🤤

評分：
味道：⭐️⭐️⭐️⭐️
環境：⭐️⭐️⭐️⭐️
整體：⭐️⭐️⭐️⭐️

————————————————————————

試過WALKIN冇位，所以今次我地醒啦，打咗去訂位先，佢話入座時間有17:30同埋20:45，唔知係咪其他時間已經full左🤷🏻‍♀️🤷🏻‍♀️提提大家如果想去既可以打電話去訂左位先❗❗

-6人套餐 $889
🥢是日老火靚湯(大)
🥢楚撚記原隻脆皮炸豬手
招牌之一，個日唔知係咪太多人叫，等左成個鐘先有，但等待係值得既😍因為佢真係好好食😍個皮好脆，肉質嫩滑，唔會好油膩，好正🤤🤤
🥢豉椒鵝腸
好香鍋氣味，個汁唔鹹🥰
🥢香煎黑松露手打蓮藕墨魚餅
上枱既時候，個黑松露好香，但食落就冇咩松露味。蓮藕好爽口，同墨魚餅好夾🤤
🥢楚撚沙拉骨
D汁包滿豬骨，酸酸甜甜咁，還好🤣
🥢椒鹽鮮魷
個粉槳岩岩好，唔厚，上枱仲熱辣辣，皮脆鮮魷嫩🤣加埋椒鹽調味，香口又好食🤤🤤
🥢飛天通菜煲
通菜唔會炒到好老好鹹，好有鑊氣😍
🥢瑤柱蝦粒帶子蛋白炒飯
有瑤柱絲、蝦粒、帶子、蛋白、菜芯粒等。味道偏淡

另外加既餸~
🥢黃金椒鹽粟米 $69
黃金鹹蛋黃同椒鹽加埋甜甜地既粟米，鹹鹹香香咁🤤幾特別😍

🥢鮮人蔘濃湯時蔬$86
時蔬揀左娃娃菜，個菜都幾吸湯，食落有淡淡既人蔘味，幾特別😆😆感覺好似好補咁🤣

🥢秘製香辣水煮花甲$128
花甲處理得好好，冇沙粒😆而且有個火熱住個煲，唔驚食得慢會凍🤣香辣味可能要煮耐少少先出多D辣味，但少辣都唔錯😍

🥢蜜椒薯仔牛柳粒$113
薯仔粒煮到甜甜地，好淋，又入味🤤牛柳粒唔靭，剛剛好😍

🥢楚撚記小炒皇$99
小炒皇不外乎都係韮菜花、蝦乾、銀魚仔、腰果、魷魚等。但係係食大排檔必點既小菜，因為屋企好少炒到咁香口，咁有鍋氣味既小炒皇😍😍

🥢西檸煎軟雞 $99
依個煎雞個皮既粉槳比較厚，但係雞肉都算嫩滑，個汁還好，不過不失😆😆

🥢綠豆清心丸(甜品)
綠豆係用去左衣既綠豆，所以係黃色。但係可能煮得唔夠耐綠豆個芯仲有D硬😝清心丸軟糯煙靭，都幾好食🥰🥰


評分：
味道：⭐️⭐️⭐️⭐️
環境：⭐️⭐️⭐️️
整體：⭐️⭐️⭐️⭐️

🥢蜜汁雞脾海苔芝麻便當
雞脾切件上，都算幾大隻😍😍
雞髀肉好嫩滑，而且個雞皮脆脆地，應該燒過或者煎過，好香口🤤🤤滷肉飯既滷肉同台灣一樣都係用比較肥既豬肉滷出黎，所以比較有油香味🥰佢套餐既小食有粉絲，四季豆同豆腐。味道就比較淡🤣🤣

🥢小時候台灣便當
雞扒既脆漿岩岩好，炸得非常酥脆，內裡仲有少少肉汁，肉質嫩滑，唔會嚡口🤤🤤佢套餐既小食都係有粉絲，四季豆同豆腐🤣🤣


評分：
味道：⭐️⭐️⭐️
環境：⭐️⭐️⭐️
整體：⭐️⭐️⭐️

餐廳係無限時任食任飲❗❗❗想同朋友食野吹水吹到收鋪都得😆
裝修以狗狗為主題，餐牌、爐頭上也都有狗狗既圖案。餐廳有唔同既火鍋雞煲任食套餐同湯底可以揀。佢好特別，食法係跟住餐牌上既次序食落去，姐係如果你食夠餐前小食就可以叫佢上前菜，頭盤，但之後就唔可以叫返餐前小食🤣

🥢冇限時火鍋盛宴 $288/1位(有10%服務費)
ROUND1-餐前小食
(炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳)
薯條好熱好脆🥰
唐揚脆炸雞太厚粉唔係咁好食🫢
蟹籽沙律正常，青瓜新鮮，但沙律醬太多，有D膩😝
酸甜炸大腸唔肥而且個汁都幾開胃🤤
鮑汁雞腳膠質好高，食完個嘴好黏🤣

- ROUND2-前菜
三點刺身盛合(一次性)👈🏻每人一份，冇得重複叫
(生蝦、三文魚、北寄貝)
刺身都好新鮮，生蝦北寄貝都好鮮甜🤤🤤

ROUND3-頭盤
二揀一：任食寵寵雞煲/為食酸菜魚(一次性)👈🏻每人一份，冇得重複叫
我揀左雞煲，因為任食😆雞煲醬汁入味，雞肉嫩滑，而且可以不停加雞😆😆

ROUND4-火鍋盛實
湯底👉🏻(櫻桃鮮茄薯仔/黃金皮蛋芫茜/高湯牛尾/麻辣鍋)(鴛煮鍋+$30)

為食海鮮拼盤 是日5款(一次性)👇🏻
鮮蝦、蠔、蜆、半殼元貝、脆肉鯇、白鱔片

為食牛肉拼盤 5款(一次性)👇🏻
潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯

任食火鍋配料：
-SRF和牛腰脊肉
-美國Prime牛胸腹肉
-美國Prime肩胛肉眼
-紐西蘭羊卷肉
-鹿兒島茶美豚
火鍋肉類比較高質素。丸類同菜既選擇都多，最重要係冇限時，想食幾耐傾幾耐都得❤️❤️

評分：
味道：⭐️⭐️⭐️
環境：⭐️⭐️⭐⭐️
整體：⭐️⭐️⭐️

🥢千層生吐司 $28
千層生吐司每日有3轉出爐時間，而且每轉都有限件數，如果真係想試可以留意返時間去買😆😆
吐司未打開個膠袋都已經聞到好香既排包味😍滿心期待咁撕開之後發現原來佢係硬身的。食落去係無味唔甜唔鹹，好似食緊海綿咁，不過係超薄嘅海綿😆我覺得唔特別到要排隊去買😝😝
Btw佢薄到好似唐老鴨塊三文治咁😂

評分：
味道：⭐️⭐️
環境：⭐️⭐️
整體：⭐️⭐️

————————————————————————

裝修好有風格，牆上有好多舊香港感既懷舊鋪面，好適合打卡。

🥢招牌牛肉蕃茄湯配牛乳炒蛋麵 $44
招牌果然係招牌🤣🤣個蕃茄湯非常有驚喜❗❗❗湯底好濃郁，酸酸甜甜咁，好開胃🤤🤤牛肉是鮮牛肉，唔會太軟都唔會太韌，但個重點都係蕃茄湯🤣食個陣公仔麵麵質適中，唔淋唔硬😋

🥢飛女餐-
招牌瑞士汁雞髀撈公仔麵配牛乳炒蛋、丹麥多士 $60 轉雞髀+$3
瑞士汁雞髀非常入味，唔止得雞皮有味，雞肉入面都吸晒瑞士汁，而且雞肉唔老😍🤤牛乳炒蛋炒得有過龍，有少少老。丹麥多士食落好香牛油味，酥酥脆脆咁🥰

🥢綠椰冰 原價$26 跟餐$10
綠椰冰唔係周圍有，綠豆蓉同椰汁各佔一半😍😍椰汁味濃，不過綠豆蓉就有D硬，但都幾特別🤩


評分：
味道：⭐️⭐️⭐️⭐️
環境：⭐️⭐️⭐️⭐️
整體：⭐️⭐️⭐️⭐️

————————————————————————

九龍城有小泰國之稱，周圍都係泰國餐廳。今次介紹一間抵食又唔多人排隊既泰菜🤣🤣雖然入面環境麻麻，但野食唔錯🤤

🥢炸蝦餅
每一次食泰國野，都會叫依個小食，依度既炸蝦餅上枱仲係熱辣辣，咬落香脆又彈牙而且唔會成口油🤣🤣記得點埋個泰式辣醬🤤🤤

🥢燒豬頸肉
豬頸肉外皮燒到好香脆，中間既肉彈牙又爽口🤤配埋個甜甜地既醬汁都幾惹味又開胃。亦都可以唔點汁就咁食個豬頸肉，會會到少少焦香味😋

🥢泰式炒金邊粉
金邊粉幾香鑊氣味，但炒得比較濕。味道酸酸甜甜，食落幾開胃。麵質彈牙，唔會一夾就斷🥰配料就有豆乾, 雞蛋,芽菜, 最重要既係有爽脆既菜脯😋😋正🤤

🥢菠蘿沙冰
沙冰同菠蘿比例適中，唔會太甜或者太淡🤭🤭不錯

評分：
味道：⭐️⭐️⭐️⭐️
環境：⭐️⭐️
整體：⭐️⭐️⭐️

————————————————————————

試過好多乳酪雪糕都係偏酸既。但依間既乳酪雪糕一D都唔酸，仲好好食😆😆而且門口會放D雪糕模型係度，好吸引🤤🤤

🥢Wild Pineapple $52
有塊菠蘿脆片插係乳酪雪糕度，菠蘿脆片有D薄，食到淡淡既菠蘿味。個面會淋左D紅桑莓汁同荔枝肉，酸酸甜甜咁，幾夾。中間個層有芒果肉同自家製脆粒，甜甜既芒果同脆粒加埋個雪糕一齊食，好有口感🤤令人食完一啖再接一啖，停唔到落黎😋


🥢Vanila Sky $52
有塊杏仁脆片插係乳酪雪糕度，杏仁片好香脆，幾好咬😆個面會淋左D雲呢拿汁，令到杯雪糕更香雲呢拿乳酪味。中間個層有芒果同自家製脆粒🤤最底個層係藍梅，但藍梅就酸左少少。


評分：
味道：⭐️⭐️⭐️⭐️⭐️️
環境：⭐️⭐️⭐️⭐️
整體：⭐️⭐️⭐️⭐️

————————————————————————

🥢豚肉醬油魚介拌麵 $92 👍🏻👍🏻 拉麵既麵質比較幼身，拌麵配料有櫻花蝦、筍、雞蛋、紫菜、豚肉叉燒...(仲有蔥花同洋蔥粒，不過比我走左🤣🤣)將所有配料同拉麵拌勻後，令到成個麵都掛滿醬汁😍😍而且拌麵比湯拉麵更加重味，所以食落好惹味🤤🤤豚肉叉燒望落有D似豬扎，同格離枱既豚肉拉麵塊肉唔同😆😆 🥢炙牛拉麵 $92 拉麵麵質幼身，韌力十足，所以食落好彈牙。拉麵既配料有糖心蛋，炙燒牛肉同埋蔥。溏心蛋煮到仲係流心，牛肉全熟但一D都唔韌😋🤤好香口🤤配埋個清清地既豬骨湯一齊食🤤正😍 🥢自家製餃子 $62 唔推薦，皮有d厚，個底煎到燶左，食落有D苦，唔好食🫢🫣 🥢野菜天婦羅（南瓜，粟米，茄子，甜薯，紫蘇葉）$88 金菇炸到成朵花咁，好靚😍食落就冇咩味😆粟米既天婦羅比較少食，所以都幾特別又好食🤤全部炸物粉漿都唔多，而且食落都好酥脆😍 🥢鮮水果茶(凍)$36 可以自選甜度冰量，水果都算新鮮😆 🥢淺蜜白桃烏龍(凍) + 寒天 $27+5 可以自選甜度冰量，烏龍茶濃度適中，同白桃都好夾，寒天好彈好好咬😆 評分： 味道：⭐️⭐️⭐️⭐️ 環境：⭐️⭐️⭐️ 整體：⭐️⭐️⭐️ ———————————————————————— 📌三代目 📍將軍澳貿業路8號新都城中心2期1樓1011-1013號舖 📍荃灣青山公路荃灣段398號愉景新城1樓1064-1065號舖 📍北角英皇道500號港運城地下11-13號舖 #香港美食 #吃貨人生 #港美食 #吃貨 #慢生活 #美食推介 #打卡 #打卡餐廳 #慶祝生日 #慶祝 #將軍澳 #將軍澳美食 #荃灣 #荃灣美食 #北角 #北角美食 #日本菜 #拉麵 #居酒屋 #水果茶 #天婦羅 #拌麵 #foodie #hkfoodie #foodiehk #852foodie #hkfood

🥢SET LUNCH-意大利香腸及蝦意粉配辣忌廉番茄醬 $148

套餐跟配餐湯/意大利水牛芝士配番茄沙律
湯係南瓜湯黎，好香濃既南瓜甜味，有少少蕃茄既酸味同奶味，好特別😋😋加埋脆脆地既麵包粒，好食🤤
沙律菜新鮮🥗加埋黑醋汁特別開胃🥰🥰
佢個意粉係長通粉，軟硬適中，加埋個醬汁食落去酸酸甜甜咁🍝雖然佢話係辣忌廉蕃茄醬，但係一d都唔辣，仲好開胃😝蝦都好彈牙🦐🦐


🥢+48 Artsy Print Coffee/ Chocolate 藝術打印咖啡/朱古力
由於當日咖啡機壞左，所以淨係試左朱古力🍫朱古力香濃，唔太甜，但口味唔係重點，重點係打印既內容🤣🤣大家可以去之前揀定相，去到order個陣店員會比個whatsapp number你send相過去，然後就可以坐定定等飲品啦😍😍如果好似我咁，係張相上面加字既，記住張d字拉返上近人頭既位置‼️如果唔係就會cut走左d字🙈🙈




評分：
味道：⭐️⭐️⭐️️⭐️
環境：⭐️⭐️⭐️⭐️⭐️
整體：⭐️⭐️⭐️⭐️

————————————————————————