🥢鮮茄焗豬扒飯 $53
焗豬扒飯高質過快餐店🤤🤤焗飯表面鋪滿芝士，夾起個豬扒就會見到個芝士拉絲🤤配埋茄汁同炒飯底好夾❤️番茄汁酸酸甜甜咁，撈埋個飯食好開胃，好正🤤🤤豬扒係厚切嫁!!啖啖肉，而且唔會有陣肉騷味🥰價錢同連鎖快餐店差唔多，值得一試🤭佢跟餐仲有個青紅蘿蔔粟米湯，都唔錯，唔會淡茂茂🤤

🥢海鮮湯飯 $60
湯底濃郁而且個湯唔重味精，就算飲晒個湯都唔會口渴🤣入面有蝦有花蛤有魷魚同埋炸魚皮😍重點係佢係用新鮮海鮮❗❗❗起初以為依個價錢應該係急凍海鮮...真係好有驚喜😍

🥢焗龍脷魚飯$60
炸過既龍脷魚柳配上白汁芝士，香口嫩滑🤤再加埋個炒飯底落去焗真係好香口，但白汁味道比較淡🫣對比茄汁飯有D遜色🫣一樣都有跟中湯❤️

評分：
味道：⭐️⭐️⭐️
環境：⭐️⭐️⭐️⭐️
整體：⭐️⭐️⭐️⭐️

————————————————————————

今次黎到九龍灣依一間燒肉店，佢係位於food court入邊，有獨立既座位，可以燒肉😆嗰日我黎到既時候咁啱係lunch time所以就試咗佢既韓式主食套餐。

🥢牛・燒肉飯
首先佢個套餐有一個配菜一杯嘢飲同一個主食😚講吓個配菜先，泡菜比較酸，我個人比較中意偏甜泡菜😆😆而個主食真係完全冇諗過會有咁多片牛肉，每片牛肉都唔會太肥太老，又唔會太靭🤤🤤而且每片都鋪滿甜甜既燒汁，配埋隻溫泉蛋撈埋落啲飯度，超級好食😍😍評分：
味道：⭐️⭐️⭐️⭐️
環境：⭐️⭐️⭐️
整體：⭐️⭐️⭐️⭐️

————————————————————————

-
我去依間餃子店係條長樓梯側邊中間，有D隱世既感覺，但都算容易搵🤣
🥢冰花抄手-蒜芯豬肉餃$58
首先要讚下廚房真係煎到d餃子好靚😍火候控制得好好，脆得黎又冇燶底🤤🤤餃子上面鋪左蒜泥同蔥，因為好少係出邊可以就見到蒜芯豬肉餃🤣所以覺得好特別😍咬開入邊蒜芯份量唔多，唔會搶味🤤但唯一既問題係配埋上面蒜泥食，個口就好大陣味，加埋我戴口罩🤭🫣呢個餃子比較重口味，食淡D既可以嗌其他口味既冰花餃子🤭


🥢餃子套餐$74
套餐可以揀兩款餃子，我就揀咗韭菜蝦皮豬肉餃同埋黑白松露豬肉餃(要加$4)。韭菜蝦皮豬肉餃外皮煎到好香脆，入邊韭菜同豬肉比例岩岩好，而且韭菜唔會苦，證明菜夠新鮮😂
黑白松露豬肉餃我揀咗湯餃，個湯底係豆乳湯底，好特別😍湯餃未食已經聞到陣漏煤氣味，超級香口，而且餃子唔鹹🤤🤤

絲網春卷 $24
炸得好香脆，1D都唔油，正🥰

芝麻雞翼$18
呢個芝麻雞翼炸到外皮好香脆，入邊雞肉肉質嫩滑😍😍

炸雞軟骨串(2件)$11
可能係食開燒同炒既雞軟骨顏色比較深，所以一上枱既時候見到比較淺色，我仲以為佢唔熟😆但食落個味道都係比較生🫣下面有D類似燒汁既醬汁俾你點，但都係冇咩味😔個人比較唔推薦🫣🫣

評分：
味道：⭐️⭐️⭐️⭐️
環境：⭐️⭐️⭐️⭐️
整體：⭐️⭐️⭐️⭐️

————————————————————————

今次依間係位於銅鑼灣既懷舊車仔麵麵店🤤🤤又係一間D位比較少既食店🤣

🥢三餸車仔麵 $46
根據我個人口味揀左豬頸肉，雞翼尖，魚肉春卷同油麵🤣其實係上網睇邊種人氣高就叫邊種😆😆油麵煮嘅時間都把握得好好，軟硬適中，入口冇個種好難聞既鹼水味，加埋個濃濃既湯汁一齊食更加係🤤🤤豬頸肉同雞翼尖都好入味，豬頸肉爽口，而且出面食車仔麵好少會見到😍雞翼尖煮到好淋，好好食🤤魚肉春卷就差左D，個人覺得粉左少少🫣

🥢咖喱辣醬墨魚頭
不得不提依個墨魚頭，真係好好味😍😍咖喱辣醬好入味，一食落去就辣辣甜甜咁又爽口又有陣墨魚香味🤤🤤超推👍🏻👍🏻



評分：
味道：⭐️⭐️⭐️⭐️
環境：⭐️⭐️
整體：⭐️⭐️⭐️

今次要介紹又係一間主打蕃茄湯既麵店🤤🤤依間鋪有D細，所以D位比較少🤣一坐到位，枱上面會有個QR CODE比你自己落單🤣 🥢炭燒風味雞扒刀削麵 $68 炭燒雞扒真係有好香既有炭燒味😍燒到雞扒外皮脆卜卜，入面肉質嫰滑🤤番茄湯底濃郁，刀削麵上掛住啲湯汁，好正🥰但麵既份量唔多，而且比較硬身。想食軟麵可以叫返上海麵或者加$8轉烏冬/葛粉🤣🤣 評分： 味道：⭐️⭐️⭐️⭐️ 環境：⭐️⭐️⭐️ 整體：⭐️⭐️⭐️⭐️ ————————————————————————

-香港好少見到一間專食湯飯專門店，而且係一間好足料既專門店，所以吸引好多人排隊，同時可以係排隊時個陣叫埋，唔洗入到去先慢慢睇餐牌落order


🥢花膠干貝雞龍蝦湯泡飯 $78
一上枱D花膠乾貝好吸睛，冇諗過咁足料，雞肉都比佢地遮住晒🤣🤣湯底好鮮甜，可以飲到少少花膠同雞既味，不過唔係好飲得出龍蝦味🫣🫣湯入面既雞肉嫩滑，一啖湯肉，一啖飯，正🤤🤤
可以加$15轉套餐。套餐包一個飯，一碟菜加一杯野飲。

🥢花膠螺頭雞煲 $68
雞湯入面有花膠，螺頭同埋重點係半隻雞😍😍盤上面仲有埋手套比你可以自己撕雞🤤撕出黎既雞肉浸返落湯度食好正，肉質完全唔鞋口而且好嫩滑🤤個湯底天然雞湯冇味精，所以比較淡🤭 如果覺得唔夠味可以點佢既秘製醬油，好好食😍😍
同樣可以加$15轉套餐。套餐包一個飯，一碟菜加一杯野飲。

🥢魚餅拼春卷
魚餅外皮炸得太乾，入面吸得太多油，個人唔喜歡🫣春卷都係炸得比較乾，但味道唔錯😍😍

🥢南乳雞翼
炸到雞翼個外皮超脆😍又唔會好乾，入面仲有肉汁🤤而且好香南乳味🤤


評分：
味道：⭐️⭐️⭐️
環境：⭐️⭐️⭐️
整體：⭐️⭐️⭐️

————————————————————————

🥢濃湯鮮茄牛肉薯粉 $58
番茄湯底味道正常，唔會太淡太濃🥰牛肉係用鮮牛肉，但又唔會有好大陣醃肉味🤭紅薯粉彈牙得黎又吸滿晒啲湯汁，好正🤤🤤

🥢煙燻樟茶鴨米線 $48
樟茶鴨肉外皮酥脆，肉質細嫩😍😍咬多幾下有好淡淡既香味滲出黎🤤米線湯底係清湯加蔥，比較淡🫣

🥢孜然雞中翼 $28
岩岩炸起既雞翼上面鋪滿孜然粉🤤表皮比較乾身，咬落去入面肉汁豐富😍

🥢酥炸雞扒 $28
新鮮炸起，外皮酥脆，雞肉嫩滑😍肉質岩岩好，又唔會好油🤭

評分：
味道：⭐️⭐️⭐️⭐️
環境：⭐️⭐️⭐️
整體：⭐️⭐️⭐️⭐️

————————————————————————

🥢下午茶套餐(上海炒粗麵+小籠包+豆漿) $52
上海炒粗麵個麵彈牙好食，炒得好有穫氣，味道唔會太鹹，又唔會炒得太油, 有唔少冬菇絲🥰
小籠包熱辣辣新鮮蒸起😍而且皮好薄，豬肉餡冇豬臊味，一淡咬落去即爆湯汁🤤湯汁濃郁🤤記得要小心咬❗❗如果唔係會辣親個咀仔👄
凍豆漿有豆味，唔太甜

🥢下午茶套餐(上海炒年糕+雞絲粉皮+豆漿) $52
年糕煙韌有咬口，但又唔會太硬。味道同上海炒粗麵差唔多，所以唔中意食麵可以叫佢
雞絲粉皮嘅粉皮韌度適中，好香既麻醬味加埋雞絲同爽口青瓜好開胃🤤

🥢糖醋排骨
新鮮炸起，酸甜既味道剛剛好，好岩送飯🤭



評分：
味道：⭐️⭐️⭐️⭐️
環境：⭐️⭐️⭐️
整體：⭐️⭐️⭐️

————————————————————————

-
🥢滑一滑-新鮮騸牯滑牛、炒滑蛋、日式拉麵 $54
湯底好濃郁，酸酸甜甜咁，好開胃，鍾意蕃茄湯既你一定要黎❗❗❗牛肉是鮮牛肉，份量都唔少，而且又唔會太韌，但個重點都係蕃茄湯🤣滑蛋真係炒得好滑，蕃茄湯加蛋🤤🤤拉麵麵質適中🥰

🥢腐皮墨魚蝦條、日式拉麵 $48
一樣都係蕃茄湯😍😍墨魚蝦條完全唔粉，同平時打邊爐完全唔同，好彈牙，而且蝦條入面有D墨魚粒，粟米粒可以咬下，好食🤤🤤如果唔想跟麵，可以單點小食🤣

🥢墨魚芝士小丸子 $28
小丸子細細粒，入面係芝士餡，粟米粒🤤🤤同個腐皮墨魚蝦條差唔多味，所以可以唔洗2個都叫晒🤣🤣

🥢檸檬雪梨露 跟餐$18
酸酸甜甜咁，但比較淡，冇咩雪梨味🤣🤣

🥢豆漿 跟餐$10
正正常常，豆漿唔太甜🥰

評分：
味道：⭐️⭐️⭐️⭐️
環境：⭐️⭐️⭐️⭐️
整體：⭐️⭐️⭐️⭐️

————————————————————————

-
每次黎依間車仔麵都要排隊，而且係同一條街一共開左4間鋪，你就知道佢有幾多人食😋🤤首先排隊買麵，買完先會安排座位比你🤣🤣

🥢玻璃辣魷魚+瑞士雞翼+牛柏葉+油麵+秘製辣汁
車仔麵既賣相麻麻地，好有舊香港特色🤣🤣記得加埋辣菜脯。魷魚好有咬口同彈牙，但唔入味，可能係因為個湯浸住左，所以冇咩味。雖然，個湯底係秘製辣汁(小辣)，但係後尾越食越辣，最後先發現係個玻璃魷魚個汁令到個湯底好辣，所以唔食得辣既朋友仔要注意啦❗❗❗牛柏葉乾淨爽口，唔會好韌😋😋瑞士汁雞翼好入味，連雞肉入邊都甜甜地🤤🤤強烈推介❗最後其實我係叫幼麵但係姐姐聽錯左油麵，所以order既時候要大聲d🤣

🥢韭菜餃+魚肉+八爪魚腐皮卷+銀針粉+腩汁
韭菜餃好香好香，但個皮就比較厚🤣魚肉入面肉嘅比例比較多，咬落去完全唔粉，有咬口，好好食😋八爪魚腐皮卷就普通D，可以叫其他野試🤣🤣

🥢玻璃辣魷魚
外賣左個玻璃辣魷魚返屋企食，發現個魷魚冇左個湯浸住，D辣味真係會辣到噴火，陣味好刺激😍而且好似食唔停口咁，好正😍🤤

評分：
味道：⭐️⭐️⭐️
環境：⭐️⭐️
整體：⭐️⭐️⭐️

————————————————————————