每次經過厚福街都覺得呢間西班牙餐廳好令，今晚終於同朋友黎左試下，原來餐廳最近轉左新menu, 多左唔少菜式選擇，我地點左一份黑毛豬火腿火龍果沙律，燒豬仔骨，墨汁可樂餅，西班牙海鮮炒飯同好吸晴既甜品！ 黑毛豬火腿火龍果黎麥沙律賣相好有誠意，火腿咸香而且好多，沙律加左黎麥口感豐富～ 墨汁可樂餅入面有一粒粒墨魚，唔錯。 推薦呢份小食燒豬仔骨，大大件，肉質幾嫩，配蜜糖芥末醬好味👍🏻 西班牙海鮮炒飯亦有驚喜，揀左一人份但都好大份，海鮮好多，仲有大大粒刺身帶子，而炒飯味道亦唔錯，飯粒分明而且有咬口，整體滿意😋 最後呢個甜品Sexy Six打卡一流，一次過食到6款甜品，有藍莓芝士蛋糕，抹茶朱古力brownie, 石板街，白酒香橙杯，士多啤梨乳酪，咖啡配雪糕，適合多人分享

今晚同朋友黎老媽拌麵食個快dinner, 我哋點左一個酸辣雞絲拌麵，紅燒半筋半肉牛肉麵，一份炸甜不辣同蔥抓餅~ 餐廳環境都幾大幾舒服，可以慢慢坐同朋友傾計。 紅燒半筋半肉牛肉麵好大碗好吸引，麵底揀左刀削麵，刀削麵粗身有咬口，個湯底好濃微辣，而牛筋炆得好淋，唔錯。 酸辣雞絲拌麵就比較濃味，個汁好濃而且好麻，中意麻辣同重口味既朋友會好岩食！ 炸甜不辣外脆，入面煙un~ 最中意食台式蔥抓餅，唔會太油，份量好多而且好香口！

平時行moko好少入food court, 今日經過見到原來入面開左間和牛燒肉店。 餐廳食物選擇都多，中價同貴價既牛肉都有得食，唔想燒肉既都有d幾抵食既丼，！我地叫左一個M7澳洲和牛拼盤，另外加左份牛舌，菠菜沙律同豚肉生薑燒飯~ M7澳洲和牛拼盤好吸引！有各個唔同部位，份量都幾多，有內裙肉，牛頸脊，腰脊心，牛肩肉同牛腹，都係平時比較少食到既部位！ 澳洲和牛油脂唔算好多，有肉味，當中牛頸脊同牛肩口感最軟最滑，如果想單點既話會推介呢2款。 另外牛舌都好好食，勁厚切！ 豚肉生薑燒飯就正常發揮，$78連湯同野飲都好抵食，肉既份量都好多，想簡單食個lunch/dinner要好岩！

今日跟朋友去揾食🤣呢間o係太子既居酒屋不太顯眼，估唔到入面咁有格調！ 餐廳主打多款酒類同cocktail, 好多都好吸引！點左Vodka Lime同 ASA試下。 ASA賣相好令，入面有sake+vodka+cucumber +yuzu, 飲落好清新易入口，酒味唔算好重，幾岩女仔飲！ 而Vodka Lime就濃d, 加左lime都係好fresh~ 野食方面有好多款燒物都好特別，呢串睇落係豚肉串，但入面係包左芝心竹輪卷，好食～ 蒲燒三文魚腩賣相雖然一般，但燒得好香，肉質好淋好先魚油脂，都係好正，不過份量就少左d🤣 自家醬燒安格斯牛，個醬汁好惹味，唔錯。 燒飯團細細件，入面都吸滿醬汁～ 另外推介呢份蝦多士，入面有勁多蟹肉，其他地方比較少見！ 最後呢份邪惡玉子燒都十分出色，蛋好軟熟滑溜，入面有芝士拉絲，但上菜速度就比較慢，個蛋做得好好，等咁耐都抵👍🏻 整體呢間居酒屋食物質素唔錯，幾岩同朋友飲翻幾杯：）

每次經過呢間天吉屋都會見到大排長龍，一直未有機會試，今日早左收工就黎碰下運氣xd 6點幾已經開始有人排隊，好彩都好快入到。 餐牌選擇唔多，我地揀左天吉丼同天幕御膳～ 野食黎之前先黎前菜椰菜沙律，份量好多，仲可以refill, 食炸嘢之前食d菜減低罪惡感xdxd 2個餐一齊黎到！d天婦羅勁大份好吸引，天吉丼係呢度signature, 有黑虎蝦，魷魚，鯛魚，茄子，南瓜，四季豆，紫菜同温泉蛋，勁多款天婦羅。 尤其中意虎蝦同魷魚，虎蝦超大隻，係平時既2倍大細！魷魚好淋身，整體天婦羅炸粉都好薄，不過放左o係飯上面有少少淋左，但都好食，加埋個天婦羅汁甜甜地撈飯一流👍🏻值得一讚呢度既飯煮得好好，粒粒分明！ 另外既天幕御膳都好豐富，天婦羅係另上所以keep到脆口！款式大致相同係多左炸軟殼蟹同洋蔥。 估唔到天婦羅洋蔥咁好食！ 呢個天幕御膳有三種食法， 最中意都係傳統點天婦羅汁食最正！另外叫天幕御膳既話白飯可以refill, 其他丼就都加$ ga~

We chose this new restaurant for dinner because of the renovation and environment of Casa Cucina. The restaurant was full house even on weekday. Luckily we made a reservation and no need to wait. The menu is short with limited choices. We ordered clams, duck ragu pappardelle, lamb and tiramisu. For drinks, there are many choices of wine and cocktails. We ordered a cup of white wine and a passion fruit bellini. Starter is a complimentary herb bread. The clams is a nice choice for starter. It served with slices of baguette. There are plenty of clams and the sauce is very creamy and rich. It is recommended to dip the baguette into the sauce. The duck ragu pappardelle is a very special pasta which I rarely find in other restaurants. The sauce is full of chicken liver and vin jaine. The pasta is al dente and perfectly match with braised duck. The lamb rack is delicious as well. We ordered medium and it is just perfectly done. The lamb is tender and I like the green peppercorn sauce as well. Last but not least, the tiramisu is a must try item. The mascarpone cheese is light and creamy. With layers of sponge cake, the texture is very nice and you can finish the whole dessert because it is not too sweet. The restaurant is a decent dining place with fair price. It is gd for celebration dinner, chilling with friends, sharing wine in the evening.

今晚黎到荃灣呢間環境幾靚既西餐食晚飯，餐廳用Deer做主題，好多裝飾擺設都有鹿既原素！ 野食方面點左一份set dinner, 炸魷魚圈，Carbonara ，值得一提呢度有好多款mocktail同cocktail, 價錢仲唔貴，就叫左2杯試下！ Set dinner既頭盤揀左黑松露意大利雲吞，作為口盤好少見！有2大隻，個汁好濃好味~之後仲有餐湯甘荀湯 主茶揀左威靈頓三文魚扒，又係平時好少既菜式，一上枱已經聞到好香，酥皮切落好脆，三文魚熟度剛好仲好滑, 好正👍🏻配菜係紫薯蓉值得一讚～ 另外既Carbonara 用上貝殼粉，好彈牙，d汁好rich裝滿o係貝殼粉入面，唔錯~ 炸魷魚圈炸粉夠薄，份量亦多~ Mocktail亦好有驚喜，presentation 好有心思，呢杯rainforest入面有番石榴、桃同菠蘿汁，酸酸甜甜好開胃。 另外passionfield就用左熱情果同青檸，都幾好飲！ 整體呢度既野食同飲品都有水準👍🏻👍🏻可以再黎！

好多年無食過dazzling cafe, 仲記得以前香港未有既時嘅，去台北會排隊食佢既蜜糖吐司~ 今日同朋友黎食甜品，平日6點幾已經接近坐滿，人氣依然。 今期做緊愛文芒果系列，我地點左芒果蜜糖吐司，草莓waffle同2杯野飲~ 草莓waffle好快就上枱，大大份好厚身既waffle😍waffle外脆內軟，配草莓雪糕食好味，不過就唔熱，熱食會更好，另外仲有3個sauce(煉奶，草莓醬，蜜糖), 好邪惡。 之後既芒果蜜糖吐司好吸晴😍好大份！配左芒果雪糕，吐司烘得好脆，個人覺得脆過頭😂 另外吐司盒上面有扮蛋既芒果雪皅，好有趣！本身以為個盒入面無野，點知係塞滿生果，幾有驚喜。 飲品方面點左熱水果茶同葡萄柚梳打都唔錯。

一直想試下呢間pizza但因為因得外賣未有機會食，今日去開港島區朋感覺屋企終於可以試下啦！ Pizza揀左2款，一個係the works 一個係the Maui Wowie, 另外當然要買佢地出名既donut xdxd The Maui Wowie有啲似夏威夷pizza, 有ham同菠蘿不敗既配搭，芝士好多好拉絲，另外批邊外脆入面有啲咬口，唔錯！ 好欣賞佢地有幾款口味既dip用黎點pizza, 最正係truffle同garlic sauce, 點pizza食好特別, 估唔到又幾夾！ Vi比較推薦the works，多左辣肉腸同辣椒，味道豐富d, 少少辣，好味。 而donut幾有驚喜，揀左nutella同apricot 味，donut幾軟熟，面頭加左玉桂糖，好味但十分邪惡😂

今日同朋友仔黎左呢間工廈餐廳晚飯， 餐廳環境好舒服，有好多植物點綴~ 野食方面點左鮮蜆全蛋闊麵同紐西蘭羊鞍。 鮮蜆全蛋闊麵好有驚喜，有好多隻蜆，而且粒粒都好大隻鮮甜，好味。而蛋麵亦好有口感，不過呢個麵就無咩汁比較乾身。 而紐西蘭羊鞍亦幾出色，有三大件，5成熟肉質粉嫩。 而配菜都唔馬虎，薯蓉之外仲有粒粒芒草醬～ 甜品既熱情果芒草crepe亦十分推薦，比較少見真係用熱情果果肉做既甜品，酸酸甜甜，中和翻忌廉既膩。crepe亦即叫即做，熱辣辣唔會唔好食🤣 最後飲左藍莓milkshake就普普通通，好邪惡既一杯XDXD