同朋友一值都好想試下呢間韓燒，所以我地2個一早book左7點去食。去到唔洗等就可以入去坐底叫野食啦！一開始我地叫左呢個安格斯牛肉先因為呢個牛肉本身都有d肥膏位，所以唔洗落油去燒就得啦！一大塊放落去，用佢地提供嘅鉸剪去剪一條條先，d 侍應見我地雞手鴨腳咁，幫我地剪埋同燒，真係好好呀！剪到一粒粒燒哂六邊夾起就可以夾係d生菜入面食，真係好好味😋仲可以夾埋d泡菜同芽菜一齊食㗎，點埋佢d醬都好正😄一個係咸咸地黑色嘅汁，一個係甜甜地橙紅色嘅醬，但係唔記得影相😅之後我地叫左個大虎蝦，帶子同牛脷，個虎蝦佢幫你一開二方便燒同快d熟，我地用番留係爐面燒牛肉嘅油黎燒，d蝦就唔會好乾痴底喇！燒完兩邊夾起開殼，點個橙紅色嘅醬黎食，真係正😗但我地掛住食蝦唔記得左個帶子，所以個帶子燒得有d乾左😢之後我地燒埋個牛脷試下，可能我地燒得耐得制，攪到有d韌😅仲有d唔夠飽所以我地叫埋個雪花肥牛，呢個唔會太薄又唔會太厚，所以好快燒完兩邊點醬食就得啦！呢個真係餸飯一流，但我地又食唔到飯，咁會飽得制😂
最後我地叫埋個雪糕就完成呢餐晚飯啦，佢呢度有朱古力，士多啤梨同雲呢拿味，我叫左個朱古力味，真係好好味，佢雪糕呢個牌子係出面好少有得買架，仲要係每一啖真係有朱古力係入面😋😋😋下次一定會叫多d fd一齊黎食！