之前同過朋友食The Jang，試過啲烤肉四人餐都唔錯，今次試吓帶未食過嘅朋友一齊試吓。原來呢排又新出咗套餐，不過今次係二人份量，費時左諗右諗，我地決定直接叫呢個餐感覺方便啲。
頭盤先上咗4小碟前菜，除咗有常見嘅泡菜，仲有切條嘅魚糕、沙律同蝦乾拌蔥，水準都正常。 1++韓牛及鍋物套餐 $458/兩位用
韓牛白泡菜壽司
．伴有芥末蘑菇醬，加埋壽司一齊食好過癮，有啲刺鼻感
．壽司飯唔同平時日式醋飯壽司，反而有啲似粥嘅質感，但食落又無散開
．韓牛加白泡菜食落無咁油膩 三合一(韓牛/帶子/蘑菇)
．擺盤吸引
．帶子同蘑菇份量都唔少，帶子雖然未至於超厚切，但食落口感都算新鮮
．韓牛輕輕炙燒就食得，牛味唔算超重但又未至於好淡，食落都唔會無咬口 鮟鱇魚伴蜆及蔬菜豆腐鍋伴烏冬
．額外加配$68升級咗呢個海鮮鍋配烏冬
．海鮮配料都唔少，鮟鱇魚都幾多，魚肉厚身
．海鮮湯清清地幾好，無乜額外調味料嘅感覺
．細細煲二人分享啱啱好 韓國蜜桃奶昔
．本身驚味道偏淡，但估唔到桃味比士多啤梨味濃
．底部桃肉頗多，建議拌勻先飲，桃肉食落都唔太假味
韓國草莓奶昔
．士多啤梨果肉顏色鮮艷，但味道無想似中酸甜，有少少被奶味蓋過
．兩杯奶昔嘅奶味都偏重，另附一小件酥皮餅仔幾好食

識我嘅人都會知我對貓狗呢啲小動物係超熱愛，由喵天尼開業無耐，就同過朋友講想試吓，呢排終於有時間可以再次體驗吓貓Cafe。 呢間樓上貓Cafe比想像中闊落，裝橫上亦別樹一格，採用酒吧主題風，menu都有cocktail選擇。啲貓貓可以隨意係偽酒桶之間穿梭，好得意。 蛋黃汁卡邦尼意大利粉 $108 ‧蛋汁幾濃稠，食落唔會太鹹 ．意粉混有煙肉碎，增加鹹香同口感 迷你小食拼盤 $138 ．拼盤有蜜糖雞翼、薯條、炸魷魚圈、沙律 ．炸物水準普遍都正常 ．最欣賞薯條炸得香脆但又唔會燶 ．雞翼都炸得唔錯，蜜糖份量唔會過份膩 香蕉雜果朱古力窩夫伴雪糕 $78 ．窩夫有啲驚喜，有輕微鬆脆感，內裡亦夠軟腍 ．配料都算幾多，豐富層次感 ．賣相幾靚 士多啤梨玫瑰花茶 $58 ．聞落有幾明顯同突出嘅玫瑰香 ．初時入口會較清淡，浸泡耐咗花茶香會更濃烈 山政小山園焙茶 $50 ．焙茶入口偏室溫，再熱啲感覺會提升口感 ．茶味唔算太甘澀，怕苦人士可以一試 ．拉花圖案再扎實啲會更美觀 *入面有唔少貓貓都幾活潑，對於一啲物件都仲有想玩嘅反應，如果店家可以提供埋貓玩具，互動性高啲就更好。

同友人傾起，先發現自從轉咗工後都好耐無食酒店自助餐，今次happy friday決定食豪啲，試仔灣仔國際嘅海鮮自助餐，感覺咩都有啲，啱晒咩都想試嘅我地。 「龍蝦．鵝肝．生蠔」海陸盛宴自助晚餐 $729 ．當晚有6-7款日式刺身，例如有：三文魚、八爪魚、吞拿魚、鯛魚、希靈魚同甜蝦。推薦大家試三文魚、八爪魚同甜蝦，切件都算厚。 ．冰鎮海鮮都多選擇波士頓龍蝦、即開生蠔、香草小龍蝦、加拿大鱈場蟹腳、鮮蜆、藍青口同翡翠螺等。龍蝦膏都幾多；蟹腳係必試嘅鮮甜之選；生蠔肉偏薄身，但勝在新鮮即開；鮮蜆肉都算大粒。 ．熟食方面，重點推介以下回本之選！包括：鵝肝醬芝士焗蠔、蒲燒鰻魚米餅、鵝肝醬伴威靈頓牛柳、一系列沙嗲串燒同焗海鮮釀蟹蓋。鰻魚米餅口感特別，軟中帶脆；威靈頓牛柳都估唔到有得食，牛柳偏熟；串燒推介肉丸串，同醬汁超夾。 ．另有小籠包、蜜汁叉燒、片皮鴨、火雞肉等常見啲嘅熟食，都係可以一戰。 ．芒果拿破崙、沙翁、雞蛋仔、豆腐花、朱古力心太軟、迷你葡撻、榴槤巴斯克蛋糕、雜莓蛋糕、焙茶奶凍、爆谷等。幾款水果味甜品都幾值得食，尤其係榴槤巴斯克蛋糕，榴槤同巴斯克綿軟嘅口感出奇地夾，果香仲異常濃郁，但食落完全唔膩。最特別係有沙翁同雞蛋仔呢類港式小食，雞蛋仔仲可以自由混醬，有花生醬、煉奶同朱古力醬揀。 ．另有自助飲品吧任飲玻璃樽裝汽水，自助式開蓋，係幾有趣同第一次見嘅自助餐體驗。

海港城嘅海運大廈又有新嘅韓式餐廳進駐，作為韓式食物愛好者，路過當然要拉埋朋友試試新野。餐牌設計得幾可愛之餘，估唔到啲食物都幾睇得又食得，性價比都唔錯。 橡果黑毛豬卡邦尼意粉 $108 ．橡果黑毛豬比普通煙肉更重豬肉香，多咗少少似煙燻嘅香氣，連帶意粉都倍添香氣 ．意粉濃稠度適中，帶少許拉絲感，芝士忌廉香唔會過膩 玫瑰醬八爪魚年糕 $89 ．原先擔心份量唔夠飽肚，但原來啱啱好 ．玫瑰醬辣度唔高，怕辣人士都絕對食到 ．幼身長條年糕食落無傳統個款咁滯，口感又再軟糯啲 ．八爪魚質感軟腍，咬落仲保持到適當水份，感覺幾新鮮 香濃花生夢幻冰沙 $95 ．面層黃豆粉磨成嘅醬好驚喜，有濃厚黃豆粉香，又唔使驚坊間啲黃豆粉甜品被啲粉會濁親 ．刨冰磨得好細碎，入口即化，配上黃豆粉醬同香甜紅豆粒好夾。另可淋上煉奶倍添甜蜜感 ．夾心仲有大量香口花生碎同幾粒黃豆粉蕨餅 ．甜品另附一條韓式傳統米菓 軟綿綿粟米蛋糕 $58 ．賣相好吸引，粟米香撲鼻 ．睇得出蛋糕層次上花咗心思，仲加上唔少脆脆 ．入口充滿粟米濃湯味，感覺幾特別 甜蜜桃桃伯爵冰茶 $38 ．想清爽啲可以揀呢款飲品，解膩幾好 ．內附兩大片桃肉切片 ．伯爵冰茶帶點甘澀茶香 怦然心動熱情果梳打 $58 ．熱情果嘅果粒份量好多，果味十足 ．推薦鍾意飲品酸度重啲嘅人士選擇呢杯

係黃竹坑附近做完野，兜兜吓發現呢間有啲所隱蔽嘅多國菜餐廳。雖然位置唔多，但餐廳裝潢同擺設都幾有外國酒吧感覺，靜靜地幾好feel。 尼泊爾豬肉餃子 $88 ．豬肉餡特別以香草同香料醃製，單食餃子都好夠味 ．一碟有8隻，附有卡其色辣醬，前調會有啲刺激，但後勁唔犀利，辣椒香氣都不俗 黑松露薯條 $78 ．黑松露碎都幾多，有提香效果 ．粗切薯條薯蓉更為豐富，飽足感幾強 奶油雞件 $138 ．用蕃茄醬同牛油煮成嘅唐杜里雞 ．醬料微辣，富印度風情 ．雞件數量唔少，每舊都頗大塊 ．另附有鹹味脆薄餅 意大利瑪格麗特薄餅 $118 ．選用意大利水牛芝士、車打芝士同蕃茄醬 ．芝士比例極多，拉絲效果滿分 ．蕃茄醬解膩一流，清爽唔會過酸 Strawberry spritzer $68 ．偏甜，適合嗜甜人士 ．內有唔少士多啤梨果肉，果香唔假 Virgin mojito $68 ．青檸、藍莓混合梳打而成 ．入口清爽，唔會太甜

非初次嘗試Amico 1890，見證佢由裝修前到裝修後變成靚靚打卡餐廳，間中都會同朋友再食，旺角地點咁就腳，梗係要約埋係附近做野嘅朋友趕走Blue Monday。 美國安格斯肉眼 $198 ．三成熟唔會太韌 ．留有少少脂肪位，但整體肉量都幾夠二人分享 鵝肝多士 $68 ．鵝肝比想像中大塊，油脂豐腴無咩怪味 ．加上黑醋連多士同食，口感不俗 香脆紐約薯條 $58 ．厚切薯條薯蓉頗多，炸得乾爽 ．建議加$10配埋芝士黑松露醬，幾抵食同夠濃郁 提拉米蘇牛角窩夫 $68 ．牛角窩夫幾有牛油香 ．面層忌廉頗多 髒髒海鹽奶蓋可頌 $58 ．夠飽肚，麵包口感較重，帶有少許酥皮質感 ．忌廉偏稠身，入口微鹹 益力多梳打 $38 ．清爽解膩 ．冰量唔少，酸度相對有啲淡 Tiramisu Latte $48 ．面層加上灑有咖啡粉同忌廉嘅手指餅 ．咖啡基調濃厚 Mocha $48 ．打卡一流，杯邊加上一大球朱古力雪糕 ．咖啡味相對溫和

放工後同友人係深水埗行咗一陣街，發現地鐵站附近有間美式漢堡小店。店內空間唔算太大，如果外賣自取應該方便啲，店內仲掛咗啲舊港式電影海報，幾有懷舊風味。萬聖節前夕店家仲加咗唔少南瓜裝飾，好得意。 芝士漢堡加蛋 $98 ．非常推薦呢款，加蛋後嘅芝堡多咗濕潤感，食落唔乾身 ．蛋汁豐盈流心 ．牛肉扒厚身，油香充分但唔過火，牛香亦夠 芝士漢堡加2塊煙肉 $106 ．欣賞包身都係有烘過，煙肉版令芝牛堡更香口 ．煙肉唔會過鹹，口感煎得香脆 甜香蕃薯條套餐小食 $38 ．份量唔少，二人分享綽綽有餘 ．選用粗身切條，蕃薯香較濃郁 金黃炸魚條套餐小食 $38 ．以為會似炸魚柳口感，但原來似帶有魚蛋口感嘅炸魚，食落幾特別 ．口感彈牙，炸得幾乾爽 飲品 ．跟餐分別揀咗雀巢檸檬茶同淳茶舍，消滯解膩 *店內仲可自取漢堡包造型軟糖，食完漢堡再食漢堡糖，儀式感滿滿。

身邊好友都知我鍾情飲泰式奶茶，亦唔抗拒間中食吓下午茶，竟然真係被我搵到可以一次過滿足我兩個願望嘅餐廳。打完風high返個泰式靚tea就最適合，難得天氣仲靚到爆，約埋同友人打卡一流。
Fennel afternoon tea $498/兩位用

鹹點：
24小時慢煮牛舌芯多士
42個月伊比利亞火腿蕃茄莎莎法包
加拿大鱈場蟹腳牛油果三文治
青蘋果蝦肉脆脆
泰式鳳爪沙律
泰式生蝦(阿根廷紅蝦)

．最期待嘅多士鋪上嘅牛舌芯慢煮至軟腍，配上大量甜洋蔥，
．法包同三文治都出色，前者鹹香惹味，後者足料滿瀉
．迷你餅乾脆片幾開胃
．兩道泰式冷盤不俗，特別係鳳爪已去骨 甜品：
迷你芝士蛋糕(6款)
錐形夾心朱古力(3款)
英式提子鬆餅配忌廉、蜜糖及果醬
香蕉Muffin
香脆法式牛角包

．6款芝士蛋糕幾用心，最欣賞黑朱古力同藍莓味
．錐形朱古力好得意，好似迷你雪糕筒，外層黑朱古力脆皮仲印有流線型花紋，味道上最欣賞紅色嘅雜莓味，同朱古力最夾
．鬆餅、Muffin同牛角包都係正常發揮 兩杯無酒精飲品：
經典泰式奶茶
．免費配兩杯無酒精飲品，選擇頗多，唔止平時嘅茶或咖啡
．盛載泰奶嘅容器有儀式感，另一款杯內有兩杯以泰奶製成嘅冰，融咗都不失茶味
．飲落甜度比坊間低，茶味相比之下會明顯啲，如茶香再悠長啲更好

滿心期待有新餐廳進駐，見係主打新加坡美食，荃灣又有分店同幾好嘅評價，一早book定位去試，點知由第一樣餸開始就差到難以置信。

馬來咖喱豬扒飯 $55
．一夾起白飯已感受到痴埋一舊，已經唔係要求粒粒分明，但竟然可以煮到近似粥咁軟爛，飯都未識煮 ．咖喱無咩特別，醬量唔多
．最離譜係豬扒，一食只係微溫，但明明係炸豬扒嚟(對比炸物小食熱度明顯不一，唔知佢豬扒炸好放咗幾耐 砂煲肉骨茶配白飯 $68
．本應最濃味嘅肉骨茶可以毫無藥膳味，只係一堆煲到深色嘅湯 ．肉係不值一提，唔夠腍 招牌星馬雞配油飯&雞湯 $63
．雞同油飯係分碗裝，更顯雞件頹廢同少 ．未見過雞件切到咁碎上，8成都係雞皮，肉係要自己尋寶咁搵，連女仔都一定食唔飽

鮮油咖央多士 $29 ．咖央多只可以話不過不失，但唔值得食
．咖央份量少到幾乎食唔到佢嘅存在
．多士有烘底
．牛油尺寸有待改善，但厚度算可接受 昭通醬炸雞翼 $39
．食落好普通，炸到偏老，食唔出有昭通醬味 椒鹽雞軟骨 $39
．椒鹽味唔夠重
．雞軟骨同雞翼一樣炸得夠熱，但炸衣偏厚，油益味重 草莓抹茶奶茶 $15/凍
．以為最伏嘅飲品有驚喜，$15嚟講幾足料 ．草莓、抹茶、奶茶三樣加埋比想像中和諧，入口係草莓味最重，只有好少量抹茶係後勁 百香果綠茶 $10/凍
．甜度可接受，百香果味幾出

檸檬乳酸梳打 $15/凍
．酸度突出，正常嘅一杯梳打
*飲品應該係最正常同唔伏，但唔會再幫襯，食物差到難以置信，位置又唔係好坐。

旺角雖然餐廳林立，但中伏機率同樣多。為咗避免再中伏，收工後就同係附近返工嘅友人去食評價一向幾好嘅爆丼屋。 好彩友人除咗鍾意食刺身，仲同我一樣都係牛魔王，所以今次決定一款海鮮丼飯+一款牛肉丼飯開心share，咁就可以一次過試到唔同丼飯味道。 炙燒七級魚蝦蟹丼 $298 ．丼飯共有七款炙燒刺身，包括：松葉蟹腳、帆立貝、白身魚、赤蝦、拖羅、三文魚籽同三文魚腩 ．除咗赤蝦，其他炙燒刺身都有兩塊，方便二人分享 ．整體刺身質素都高，仲帶有輕微炙燒香氣。特別係拖羅、三文魚腩同帆立貝，肉質爽滑又夠厚身，但又唔會有筋 ．赤蝦都幾彈牙，松葉蟹腳唔腥，味道清甜 爆盛慢燒牛肉丼(400克) $188 ．想要有牛肉山嘅賣相，一定要點有400克嘅版本，夠晒飽肚 ．牛肉份量足料，入口軟腍，每件切片都頗大塊 ．面層淋上大量自家製蒜香燒汁同山葵忌廉汁，個人鍾意前者多啲，蒜味同薄燒牛肉幾夾 跟餐味噌湯 ．幾足料，有肉片、迷你豆卜、海帶、紅蘿蔔同白蘿蔔片等食材 ．飲落唔太鹹 跟餐罐裝汽水 $18 ．分別揀咗可樂同忌廉