<< Flipper’s pancake >> 早已聽聞，一早想試好耐，但成日都要排隊，今次特登搵平日下午去，終於不用排隊！pancake種類唔算太多，有甜食同咸食！但本人鐘意甜食多d 點左《榛子朱古力焦糖香蕉班戟》！ 賣相唔錯，入口都鬆軟，同埋好有蛋香味！ 味道又唔會太甜！ 但個pancake比較易爛，唔算容易分比人食。香蕉上既焦糖太硬，我拎走左食😂 d榛子都偏硬，係咪我d牙衰退左？😂😂 整體都可以！唔算太特別😊

台灣係香港人快閃旅行既地方 所以台菜一直都係我最喜愛菜式之一 疫情關係去唔到台灣，謂有黎拜訪一下Check-In Tapei !!! 間鋪唔係好大，三十幾個位度 食物方面我覺得都算整得幾有心機！ 櫻花蝦烏醋茄子 好味指數五粒星滿分，我比四粒星 因為茄子整到好淋，汁甜甜地幾開胃！ 蒜香三色台腸 好味指數我比二粒星 因為賣相好一般，拎過黎已經好失望！食落去味道同想像差唔多，但肉身偏乾身，所以我建議你地留肚食其他食物！ 鹽酥雞 好味指數我比三粒星 外皮幾酥脆，肉身還可以 但欣賞它兩邊有二隻不同醬汁點來吃，唔洗咁dry😂日式起司鰻魚蛋餅 好味指數我係比滿分！！ 全晚最好食！！可能我係鰻魚腔😂😂 員工會即場燒熟芝士，燒過既鰻魚配埋熱熔熔既芝士簡真係冇得輸😎 蛋餅變左配配角 豬軟骨牛乳拉麵 好味指數我比三粒星 先講左唔好既係豬軟骨整得唔夠淋，呢個對鐘意食豬軟骨既朋友仔黎講係大忌！ 但勝在湯底濃郁，佢係偏結身的，牛乳味亦夠 溏心蛋魯肉飯 好味指數我比四粒星 食到呢碟其實我地已經好飽... 但為左openrice既同伴們，點都要試一試😂😂 佢既份量唔係好大，因為魯肉飯係偏油，所以岩岩好！ 肉身肥瘦適中！將肉汁連埋飯一齊食，好黏身，味道唔錯！不止400次伯爵茶泡沫咖啡 好飲指數我比四粒星 呢杯野飲算係新出，攪拌下底既咖啡果凍一齊飲幾好飲！ 亦為呢一餐畫上一個完美既Ending!

係食評見到廚師發板好似好吸引，說order左一份，以為一份係$188，我地二個人食就$376，坦白講呢個價大把餐廳都有唔少唔錯既選擇～ 但重點係味道完全唔可以，蝦頭仲有少少生....唯一好食係唔洗煮既蟹棒..... 個黑松露鵝肝飯，更加唔想講有幾難食....有興趣不妨可以去試下！叫左二樣野，最後二丁友5成飽出番黎，但盛惠每人$三百二十蚊埋單！（喊住走...😭😭）