老實講 我都好經常幫襯呢間嘢 但啲服務真係一次不如一次 曾經見過個服務員帶着同一對手套呢頭換完垃圾袋 轉個頭就出餐.... 服務員亦經常視而不見，明明同你有眼神接觸都可以當睇你唔到....唔係一個半個 係個個都係咁.... 有時我真係唔明白 點解我嚟食嘢要俾你呼喝..... 但老實講 同區咁嘅價有西餐食 又好似真係無乜選擇 食物質素同份量都唔差嘅 卡邦尼 以前好似有粒蛋 依加冇左 但味道仍唔錯 份量又唔細 呑拿魚長通粉 好多呑拿魚 味道出色 面頭啲芝士仲燒過先出 有啲心思嘅

知道The One新開左鮨千寿 所以要黎幫襯吓！ 環境好舒服好有日本feel🤗 首先，黎個刺身拼盤先！ 三文魚又肥又肥美好新鮮 帶子膽蝦都好甜🙈 黃色碟仔係墨魚包住海膽！ 呢個好做得好出色！ 每一款刺身都好新鮮！ 松葉蟹蓋海膽石鍋飯 熱騰騰！哥哥建議即刻將蟹蓋上面嘅嘢撈落個飯度一齊食！蟹肉好鮮甜😋啲海膽同蟹肉撈埋一齊好夾！因為夠熱！仲有飯焦添！好正🤤一個人都可以食晒佢🤤 呢到嘅服務同日本拍得住！ 而且食物真係好新鮮 一定會再黎😋

早兩日同朋友行左去PMQ 行街﹐治途行到去蘭桂芳已經是下午四點幾 我同朋友個肚都開始餓, 於是經過呢間點心鋪就入左去試啦。 呢間點心鋪打正旗號係賣創意點心的﹐等我續一介紹下裡面既食物啦 首先, 我地叫左個宇治金時饅頭, 炸到仆仆脆既饅頭, 面頭撒左綠茶粉同埋紅豆,好味! 之後叫左個鮑魚燒賣, 鮑魚爽甜, 口感不錯, 鮑魚同燒賣 食落覺得幾match^^ 阿華田流心包, 呢個真係創意點心黎講必食之選呀, 因為我地一般都係食流心奶皇包 而今次係食阿華田既流心, 呢個點心都算係幾突破架啦^^賣相仲好唔錯。

踏入12月實在太多飯局啦
提早同媽咪食個聖誕大餐
之前係第二度見到呢間野覺得幾特別
原來尖沙咀都有分店所以就喺呢度食啦😊
淨係環境都覺得好好feel 好聖誕🥰🥰
以聖誕大餐黎講 價錢合理👌🏽
重點係 啲野食
好好味！好好味！好好味！
（重要嘅野要講3次😂）
Parma ham with grilled peach
Parma ham唔會得個咸字
而且配有生果有桃同埋橙
食落去好Fresh 好健康 唔會好膩👍🏽
Beetroot carpaccio
酸酸甜甜好開胃
面頭有啲番石榴粒又係健康👍🏽
火箭菜唔會得個苦（啱晒我口味）
個湯酸酸地幾開胃
好濃郁嘅茄味👍🏽👍🏽
慢煮牛
牛肉肉質好林
唔會咬都咬唔到

呢個來自沖繩嘅豬
食落口就知唔係普通豬 肉質口感好好
記得以前去沖繩旅行嘅時候睇過啲資料
話黎自沖繩嘅豬每一日都好嘆
佢哋係個農場到就係聽音樂食好嘢
同埋........比人按摩...😂😂
個汁好出色呀 酸酸甜甜咁
配埋啲肉一齊食就唔會食到覺得好滯
記得要食埋啲菜同薯蓉呀!!!!!!!
甜品係士多啤梨啫喱
外觀好有聖誕氣氛啊🥰🥰
食落口啲cream好滑好香
啫喱每層都有士多啤梨肉喺度

仲嗌埋杯聖誕特飲gingerbread latte
本身擔心會好甜 但係飲落去有驚喜喎
而且薑味啱啱好 薑味亦都唔會好假👍🏽
重點係 各位呃like一流呀🤫
兩個人埋單唔使$1000 符合我budget

食咗一個超級驚喜嘅下午茶 妹我瞓到日上三竿 起身諗住出去食個tea 想去試試朋友介紹嘅green waffle 去到因爲過左lunch time 唔洗等位 仲要估唔到仲有lunch menu 咁我緊係叫啦 我餓食得落一隻牛 叫咗個煙肉蛋黃濃汁長通粉 個外表好靚仔 面頭好多芝士片 好香濃嘅味道 份量量中 個汁亦唔會因為夠濃而太膩 加左杯latte 啲奶打得好滑 咖啡油脂夠 又唔會燶味 最後仲有驚喜 原來lunch menu有半份waffle送 好香 外脆內軟 絕對唔係整定擺係到等你食果啲

一家人一早訂左位...
叫左隻豬..仲要有米ge..
去到坐左陣就有得食...
熱辣辣..香噴噴~
上左隻豬之後店員會問我地影唔影相...
影完就幫我地切開佢.嘩...入口脆卜卜..
唔同平時果d硬骨骨ge脆.
呢個脆係好鬆化.好香口~
隻豬有d肥.但唔肥應該唔好味...
飯溶入左豬油..更為香口..
一家四口淨係叫隻豬都好飽飽洛~
有機會真係要再黎食下~

休閒ge星期六..上次係ifc食過...
今日行過又好想食啦~
條隊好長....不過冇理到.,照排...
半個鐘...同友人傾傾下計好快過...
哥哥姐姐service麻麻...禮貌一般...
70幾蚊食件蛋糕被呼呼渴渴的感覺不太好受.
今次叫左件green tea
味道同我預期有點出入..略嫌綠茶味太少..
不過佢ge cream依然好soft..千層皮亦好香軟 再叫左杯rose Tea...奶味較重~沒太多茶味.
但奶泡打得香滑..仍可一試喔~ 坐左大概一小時,,,人流有增無減~
坐無虛席~

會再吃的~期望服務有改善呢~!

好日唔行過荃灣 難得行過仲見到問左新野 緊係入去試啦~~位置唔難搵~好光猛~筷子好特別..前半截係另外加上去.
幾細心一個設計...乾淨..放入熱湯夾野又唔係熱到手~自己味道自己調~叫左蜆鍋~
呢個正~入面真係有4斤蜆!!!
味道好鮮甜而且新鮮~!d粒粒粒痴住個殼冇跌晒出黎~
蜆肉乾淨冇沙~


食晒d蜆就打邊爐~叫左韭菜餃~
有6大隻~
皮夠薄~餡夠多~一D都唔馬虎.好多肉~
肉都好新鮮~唔係梅dum dur ge肉~
韭菜味道好出~玫瑰花豬爽肉~$68
有少少入口會溶GE感覺~
但肉質又爽爽地~唔會肥到食落去漲住個咀~APPLE CIDER$38
$38蚊好抵~出面唔收你50,60偷笑~
打邊爐唔飲野對自己唔住~
(其實人地有茶比我飲~藉口)


野食就唔係叫左好多~但已經好飽...
因為個蜆鍋真係係會食飽肚!!!

星期五ge Lunch Time..一行三人~~
見到之前食過幾好味ge Press Entre冇咩人~就行入去啦~
入到去就覺得伏伏地~d staff坐晒係到...
好啦,,唔理~~照叫野食啦喂~叫完野~好快d湯就黎啦~~
上完湯..又唔比餐具我地...
個哥哥仲叫極冇反應.,,,唯有自己去拎啦...
個湯..上次明明好好味....
今日,,,,好似飲緊熱水咁...完全冇味,,,
見隔離碗湯有d綠色一粒粒係上面..
我地就得3碗黃色又冇味ge野....
唯有期待下d食物啦~我叫左個忌廉汁雞肉煙三文魚長通粉
醬汁好濃味~味道都算唔錯~好香蒜味~
通粉唔係煮都林池池一pat野咁~
食落去有d咬口...不過略嫌份量有d少....
友人一個叫扒,,一合叫鯖魚...
我就冇試呀,,,外表好似唔錯...
但係份量好似又係好少....
定係佢地應該換隻細碟...??
仲有好好笑...唔知係米lunch time好忙...
我地叫ge時候已經冇晒飯....
呢個價錢,,可能下次未必會幫襯lu....

友人一場黎到元朗~緊係要帶佢食好西啦~~~
永年士多.平時見到好多人排晒隊已經好想試~
今日就一於同友人去食啦~
地點都好易搵呀~朗屏站行一陣就到~
同友人分頭行事,一個搵位一個買野食~門口條隊長長地~但D姐姐手腳都好快~
所以唔洗5分鐘就買到野食啦~~~坐無虛席~好在友人夠醒目~~
2個人叫左一個大碗麵、一個多士、兩個奶茶紅豆冰~
食到好飽飽~大碗麵 -$58
首先我要講~~真係好足料!!!!(希望仲背得晒有咩~)
有好鮮甜GE菜心~~真係用魚打GE魚蛋~~
糖心GE蘿蔔~~乾淨GE豬大腸~
粒粒豬紅~~份味GE雞翼~~同埋雞翼尖~
爽口GE魷魚~~仲有紅腸~~
個湯底仲好清甜丫~
咁GE價錢10樣餸~~好抵啦~
出面食個碟頭飯都$40蚊啦~珈央多士$12
個包仲熱仲脆~姐係係新鮮烘而唔係烘定架啦~~~
個醬都唔孤寒~
有好大pat~好味一人一杯奶茶紅豆冰~
跟麵加$12
個茶味又香又濃~
重點係有好多紅豆!!
而且仲煲起晒沙!!!
呢餐好滿足!!下次又黎食過先~