A group of four deceided to have a veggie dinner at Bobsang Green. It has 2 prices, $148 for 1 hour and $168 for 1.5 hours. Since we would like to have sometimes to chat, we chose 1.5 hours.It is a Semi-Buffet which has 3 choices of main dishes. The first one burger was sold out. Too bad, I wanted that one...Teach u how to make the hotpotAnother side teach u to make the riceballHot plate on desk, which is easy to controlSo the main dish I chosed the portobello rice. Different from other Korea style stone-pot-rice, this one provided no sauce. Only has the taste of fresh vegetable. Of couse, u can get the salad dressing or soya sauce on the self helping bar. To be honest, I pretty like this original taste of food.Congee and soupSalad barHotpot barDrinks - There are yuzi / corn / ginger teaI added some salad / seaweed / almond to the bowl of rice to have extra favors.Hotpot looks strange with the green colour soup (Kale tasted), but I pretty like it. The strong smell of frensh green veggie.I also recommend the seaweed soup. So nature and not oily. Tasted simple but great.
This restaurant provided a nature tasted of vegetable. No MSG or other extra tastes added. Here is a good choice for Vegan

出黎搵食，黎左心夜來潮，個名咁搞笑呀 餐牌野食唔貴，唔知有幾大碟，叫左幾款野食下。
先黎個牛腩煲，好香好多料，好多腩好多肚，仲有蘿蔔，百幾蚊抵食。再叫左雞煲，嚴格黎講都唔係煲嘅，一大盤雞同豬手，勁肉，勁多肉，大大隻雞脾，好入味，好多雞油，精華咪係呢d，好味，怕肥咪鬼食啦。再叫個好出名嘅醬鵝，骨多肉少，調味正，損下d骨都好正。食左咁多肉叫返碟炒菜，豬油咋炒菜，色香味區存，菜嫩，豬油香仲有食左棵？唔記得叫乜，潮州粉果嘅物體，ee un un好味，點豪油仲好味。

2016最後一個返工日，係呀，唔使返星期六㗎，呵呵，朋友話接收工兼請食飯，本來去食中菜，不過所有酒樓都只有大枱同圍餐，咁食下越南野都ok嘅，隔離間X壽司等位等到爆，相反呢便嘅越棧人都無，一陣伏味……叫左個二人餐廢事諗，188ok啦。落單後廿十分鐘先有飲品，人手完全不足，朋友要椰汁紅豆冰，佢話ok，我要左凍檸蜜，無檸無蜜味，水～我其實係一杯水～再等五分鐘先到嘅雞翼，煎得香口嘅。再黎蓮藕餅，好細塊，薄切，二人餐得三塊嘅意思係……？唔難食但無乜味咁囉，點汁食吧。等到天荒地老嘅津白，又係無味，齋有色嘅湯底，呢個上湯係咩料，咁白灼又唔會難食嘅，健康啲食個白灼囉。朋友碗生牛豬脛肉湯河，深不見底的大碗伴著超少份量的河粉～我呢碗正常啲，至少見到有河粉，要左生牛牛腩湯河，生牛嫩滑，牛腩硬過柴片，原來越南人食牛腩係一片片的？湯底不夠熱，亦沒鮮味，連鎖店果然係無期待嘅。

由落單到碗粉黎用左四十分鐘，但黎到所有野都係半溫不熱的，究竟係煮唔切定係上唔切？店員神龍見首不見尾，毫無禮貌可言，呢一餐除左係填飽個肚外真係不知所謂，不過其實唔飽，轉戰老麥食個甜品哈哈。

間中想食下燒味飯，講平梗係利興啦，大大盒都係廿蚊，有傳聞佢用大陸燒味，講真，而加有咩唔係大陸野，都唔驚得咁多，唔通下下出citysuper呢啲大舖買野自己煮咩，咁鬼攰求其落樓下買啦。

無驚喜地又係揀左叉燒併燒肉，一甜一咸個人覺得好夾，而且呢兩樣都無骨，啱哂懶人食，是日叉燒瘦得黎又唔係好韌，燒肉偏肥，大大層肥膏係皮下面，啲皮好脆，咁唯有咬左塊皮同食下層瘦肉，中間啲肥膏就唔係太敢食啦，健康理由，雖然食燒味飯都唔健康得去邊。

真心講句呢餐野真係不知所謂！！！全部都勁難食！！！！下圖已經攞哂全場野食，除左咖哩無攞，因為賣相十分恐怖。

叫大xx到會都好食過佢囉，要成二百蚊人頭，居然係食青瓜壽司，你連整做青瓜小卷都懶，有無搞x錯。

黎飲下午茶，要求不撘枱，姿客話唔撘枱貴d喎，茶錢貴一蚊架，心諗一蚊我仲比得起囉，唔使問n次係咪唔撘枱呀？？！？珍珠雞入面多汁到爛開，水流流，食到唔有餡，淨係汁同飯。排骨肥到喊，味精味囉。蝦餃ok，菜苗餃個皮爛哂，出哂水。上枱已經凍，超薄，懷疑係炸多過煎，點解可以咁硬？！
點心唔好食，服務差，無人沖水，不過好平係真嘅，大中小點十幾蚊，仲想點。

突然想食點心黎左呢間新開的點心舖，見都幾多谷友推介應該都唔差啦。叫了一個特大荷葉籠仔蒸飯係列嘅鮑魚什錦飯，刮住必食應該好得啦，點知真係幾失望，飯完全無荷葉味，蒸到好爛，排骨幾好味嘅，鳳爪都好入味，鮑魚無特別，但食完勁口喝，飲左成十杯茶都唔掂，應該下了不少師傅。個飯失望都算，d店員唔知做乜晚娘咁嘅面口，全程黑面，落單無反應，沖水無反應，火都黎，間舖冷氣又唔夠，食不知味，短時間內應該不會再去了。

一家老小第一次來海之戀，老人家就鍾意飲茶，海天排晒隊，就到彩薈軒飲，估唔到同一時段，一間茶樓等位一間茶樓會無人飲… 叫左個午市套餐，再加左個鹹水角同一蚊燒賣，見個餐唔係好多野，估唔到黎到又多野食，仲食唔晒添。 一蚊一籠燒賣，唔好預計佢會好味啦，有燒賣外觀嘅行貨，偏鹹，無豬肉口感。 叉燒包醬汁偏甜，包立口。 鹹水角得好少餡，但至少即炸出黎係熱嘅。 蘿蔔糕無乜蘿蔔絲，亦無乜臘味。 春卷幾好，夠脆。 燒腩仔併叉燒又幾好食，入味嫩口。 福建炒飯幾香口，多汁又係粒粒米，好食。 人均消費一百蚊位，ok啦，話晒有海景睇。

間中口痕都會買下麥樂雞餐食 平時一般都係要bbq醬 但店員永遠好順手比甜酸醬你 唔明點解…可能甜酸醬受歡迎啲？ 呢排有十八件雞加四款醬 咪試下啲新醬囉 今期係蜜糖芥末、煙燻芝士、新加坡咖哩、大蒜醬（?） cajun中文名係咩？ 薯條同蘋果批都熱 但麥樂雞就凍嘅 仲諗住咁多人買會係啱啱炸起添… 幾隻醬都好味嘅 各有各特式無話邊隻特別好 不過驚喜唔大 試過便算 唔試都無損失 奇怪係四款醬個盒大細同質地都唔同 真係由唔同地方嘅麥當勞進口？

蝦堡又回歸了 用app買仲平五蚊添 就叫個菠蘿蝦堡食下 再加埋個菠蘿吉士批 今期用上角落生物包裝 外觀幾得意嘅 先食蝦堡 雖然等左好耐先有得拎 但個蝦堡已經係微溫 蝦餅吸晒菠蘿嘅汁 搞到好淋又好爛 口感認真差 加上唔知本身塊蝦餅係粉多定咩 唔彈牙淋pat pat 好似未熟咁樣 我自己就唔會再食多次啦 吉士批幾香甜 菠蘿醬同吉士醬各沾一半 呢個拎上手仲熱 外層又脆 係好食喎 不過都係蘋果批好食啲… 後尾又加左杯朱古力新地 朱古力醬夠多 咁平無投訴啦