打邊爐冇麻辣湯底就唔夠過癮😂方叔叔出名重慶麻辣火鍋🍲辣得黎又好上癮😋今次叫左麻辣鴛鴦鍋除左辣湯另一邊加左每人$20要花膠雞鍋而入面真係有花膠😍麻辣湯叫左普通辣🌶️一開始都冇乜特別不過係會愈滾愈入味愈辣🤣花膠雞湯勁養生👍 - 火鍋配料勁好全部都有得揀半份所以唔洗擔心兩個人食得唔多款式😉佢配料種類超多見到好多都想叫忍唔到手😂叫左小水母$48/鮮鵝腸$68/手打魚粉蝦滑$58/現炸豆皮$38/武隆苕粉$48/鮮活海蟶$45/黑豚腩肉$48/千絲柏葉$38/重慶炸酥肉$38/萵筍條$18/麻辣牛肉$48/手釣鮮魷$58/皇帝菜$48/鮮滑魚麵$38/手打四寶丸$58😍 推介小水母🪼/海蟶/鮮魷🦑呢幾款海鮮無論配辣/唔辣湯都勁鮮😌 食得辣就要叫千絲柏葉/麻辣牛肉放入辣湯真係唔同層次😋 另外必點炸酥肉放辣湯外脆內軟加辣汁👍如果唔夠飽可以叫武隆苕粉佢同一般薯粉唔同佢質感厚實好多煙煙韌韌😋

福建海蠣煎 煎蠔餅其實都唔會難食真係佢唔係潮州個做法唔會話成口粉漿😉反而簡單用蛋煎香再係上面鋪滿蠔假😋呢個一定要沾埋個酸辣汁食👍 - 辣子鮮海蠣 呢個有驚喜😍辣子炒蠔佢個辣味加蠔既鮮甜好夾👍 - 扁肉湯 扁肉湯好特別佢有好多勁細粒既餃子係入面加埋個酸酸咸咸既紫菜湯好開胃😋 - 芋香鴨 鐘意食芋頭就一定要試！佢個鴨肉係完全冇骨佢拆哂肉再用芋泥包住外層炸到酥脆😋 - 椒鹽豬手 新鮮熱辣辣炸起一咬噴哂煙🤣佢豬手係勁軟糯而外皮係炸到好脆咬落去卜卜聲😍佢係啜幾下就成舊骨可以完整吐出黎👍 - 興化炒米粉 聽講呢個炒米粉係佢既招牌菜！果然米粉既口感好好唔會好爛或者好粗糙😉仲要加埋蜆/腩肉/菜絲/豆卜炒所以個味道好豐富👍 - 酥炸冰心榴連 如果係榴連控既你呢個甜品就算幾飽都要食！話係新加坡名物🤣果然外面用粉漿包住炸但入面個榴連蓉仲keep住冰心😍

銅鑼灣登龍街食街一向都係好多人既飯腳點因為好多唔同餐廳都係個條街🤣近排就見到有好幾間都轉左而呢間韓國餐廳係新開就去試下😌唔想等位想叫外賣仲可以預先係網上order🛒

-
Dinner Set 2人餐 $499包左勁多野有Salad/Pizza/炸雞或者意粉/飲品🥹食到個個都飽到要打包走😂
-
Salad
呢個Salad份量比我想像中大😂但都好既因為食太多芝士會覺得膩到時又食下沙律菜中和下🤣
-
Pizza
芝加哥Pizza可以揀雙拼！小編決定揀d平時少見d既香芒大蝦同蟹肉樂園味😌不得不讚個Pizza係超級拉cheese岩哂芝士控😋個pizza皮都好特別似係用左黑糖整啡啡黑黑咁食落甜甜地🤣
-
炸雞
炸雞都有4隻味揀但就冇得雙拼🤣有蜜糖芥末/雙重芝士/甜酸/經典甜辣！蜜糖芥末配炸雞係最夾因為個芥末味好fresh冇咁易覺得膩😂炸雞完全冇骨而且肉質juicy不過略兼個脆漿太多🤔
-
藍乳酸特飲/凍柚子蜜
藍乳酸其實唔係檸檬味都係乳酸味😂但幾解膩酸酸地😋

放假就想搵D特別既地方行下食好西靜靜咁享受週末😌長洲/南丫島/大澳已經去過無數次然後小編發現原來從來冇去過愉景灣！上網睇原來好多人打卡個白色教堂就係個度就決定Weekend去湊熱鬧😂而隔離就係愉景灣酒店好鐘意食Buffet既小編就決定book埋枱好好食一餐😋 - 🍽️晚市自助餐主題: 室外BBQ燒烤區😍 💰星期日至四: $488/位 💰星期五至六: $638/位 - 海鮮 基本既麵包蟹/長腳蟹/凍蝦/大蜆都有😌麵包蟹都算多膏仲好結實同鮮甜😋長腳蟹都要一讚佢蟹肉鮮甜得黎冇個陣咸水味而且蟹腳都厚肉👍如果有埋龍蝦或者生蠔就會更開心🤣 - 燒烤 室外燒烤係今次酒店主打既主題所以都特別安排左個師傅👨‍🍳係户口即場幫大家燒😍可以欣賞海景之餘仲可以感受下燒烤既溫暖😂同埋唔想出户外既話其實餐廳入面都會不斷refill食物😉燒烤呢邊就有西冷牛/羊扒/牛仔骨/三文魚/虎蝦/魷魚/腩肉/雞翼/香腸等等款式都應有盡有👍推介牛扒同虎蝦😋 - 刺身 三文魚/鯛魚/吞拿魚/帶子/八爪魚呢幾款都係basic items😉全部都好新鮮唔會出水或者食落好霉👍另外仲有個壽司區不過小編驚霸住個胃既位就冇食🤣 - 熟食 熟食都有10幾款當中要推介一下個fusion菜煙燻鴨配莓醬呢個係好出色必試👍另外食辣既小編要推介埋辣子雞同酸菜魚😌個味道好正宗搞到要翻食2次😂 - 前菜 沙律/Parma Ham/ Salami/Cold Cut/煙三文魚呢d基本前菜都有齊😉正常發揮既👍 - 甜品 呢度個甜品區都值得highlight下😉佢有一大張圓枱擺左成10幾款甜品😍蛋糕呢d好好因為全部都分到細細件可以每件都試下🤣推介Tiramisu杯勁重咖啡酒味😋另外朱古力同咖啡慕絲蛋糕必食！Lemon tart都比想像中正唔會好酸😉最後推介就係個朱古力噴泉🍫鐘意食辣既人可以自己加LV 1-7既辣椒醬食🫢小編試左Lv3係都ok既因為有朱古力唔算好辣🤣

前菜個泡菜同大豆芽都好好食解膩一流😉唔夠仲可以refill!! - 豬手芝士燉雞 $348 之前淨係食過燉雞今次見個個人都叫豬手芝士就決定試下！豬手真係幾有驚喜佢雖然俾好多芝士包住但個陣滷水味勁入味😋雞肉全部都去哂骨啖啖肉完全唔洗驚咬到骨😉燉雞本身已經煮到勁入味但雞肉依然好嫩滑👍雞肉下面仲有勁多冬粉索哂湯汁超入味😍雖然佢話得一人份量但係2個人都食到勁飽🤣 - 飯焦 $38 雖然食到好飽但係呢個飯焦係必點🤣佢個焦味好味又勁脆沾埋燉雞湯食好正呀！😍

通常都係特別日子慶祝先會去食Omakase獎勵下自己個肚🥹Omakase開到一街都係價錢亦唔平所以每次試新餐廳都係一個挑戰😂鮨燐我係會再食👍今次揀左$1880 Set慶祝當然要食好D🤣長文慎入❗️ - 前菜 青瓜/螺肉/蕃薯雖然前菜望落一般但去到後面就發現呢個餐係值嘅🫢 - 刺身 7點 剝皮魚/鰤魚/生蠔/秋刀魚/香箱蟹/大中拖羅/鮑魚 1️⃣剝皮魚切到一條條再經過師傅調味咸咸地肝醬撈均食勁特別😍 2️⃣生蠔係北海道直送超肥美簡單咁加左D啫喱同柚子食落勁清新😋生蠔係新鮮到咬落勁爽口 3️⃣ 鰤魚師傅用左2個部位同整法😉辣麵豉醬好特別配魚生好夾🥹另一個肥美d既腩位就炙燒再用柚子胡椒就唔覺好肥膩😋 4️⃣秋刀魚係時令產品師傅話10月最岩食就咁沾薑葱豉油就已經好正🙊 5️⃣香箱蟹望落好似普通但其實拆好哂肉幫你撈均蟹膏放入口食係好滿足🤣 6️⃣拖羅唔洗多講入口即溶係食得出中同大既分別😌 7️⃣鮑魚師傅用左鮑魚內臟去整個醬汁平時小編好怕因為食過韓國鮑魚粥係勁腥🥲但呢度係甜甜地咁沾埋鮑魚食勁正👍 - 和食 2點 炸銀雪魚/藍龍蝦烏冬 炸魚配上青檸汁可以吊到魚既鮮味而且岩炸起係勁酥脆魚肉勁嫩滑😋龍蝦烏冬有d驚喜佢一放低個陣煎香既龍蝦味係咁飄出黎🦞肉質勁彈牙😍 - 壽司 6點 深海池魚/北寄貝/白蝦/銀雪魚BB/赤鯥/海膽 呢6款壽司其實都好正因為材料新鮮師傅唔洗特別整d咩都已經好好食😌最令人驚喜當然係滿瀉既海膽卷勁鮮甜😍銀雪魚BB同赤鯥係小編至愛因為油脂感係最高😋 - 甜品 呢度既甜品都超有誠意唔係就咁得水果/雪糕而係自家製抹茶奶凍🥹抹茶味勁濃而奶凍唔會太甜同太奶搶左個味😋

旺角朗豪坊後面新開超抵食又高質既日本餐廳😌初見本身係荃灣已經係非常出名今次揀左係旺角開分店☝️ - 初見香草吉列牛 $146 吉列牛我諗大家都好熟識就係有個石板燒熱俾你慢慢煎牛熟成度可以自己調節😉香草吉列牛好特別會用左香草包住個牛再炸😍牛肉入口即溶其實就算你煎耐左都唔會韌👍唔想食白飯可以加$8要味素小編認為呢$8唔可以慳🤣 - 季節海鮮鍋 $96 海鮮鍋係龍蝦湯底只可以話小編只要見到係龍蝦都會點🤣佢海鮮鍋有超多海鮮例如虎蝦/海蝦/三文魚/青口/帆立貝/蜆/魷魚糕等等除咗海鮮本身個鍋都有菜/金菇/芋絲/豆腐/蒟蒻😍個鍋細細個但有勁多配料😋唔想食飯可以轉讚岐烏冬打邊爐梗係要食烏冬啦！佢個烏冬另外用白湯上但小編有個tips就係將半個烏冬放去龍蝦湯度😋😋

灣仔小巷隱世拉麵店🍜入面d姨姨超有禮貌好似真係去左日本咁🤣 - 蟹籽沙律 $48 蟹籽沙律用料唔馬虎有好多蟹籽仲有蟹柳絲配青瓜咁熱既天氣食透心涼又可解膩😌 - 和風餃子 $38 呢款成個餅既和風餃子🥟賣相吸引已經贏左比起就咁放幾粒餃子上碟🤣 - 蝦汁帆立貝沾麵 $128 沾麵個湯係勁濃勁稠食落有魚介又有蝦味個麵超掛湯每啖都飲到勁多湯😋麵可以揀凍或熱建議大家揀熱因為之前係第2度揀凍浸個湯勁快就凍哂😂除左帆立貝仲有舊厚切豚肉脂肪比例均勻唔會話食完好膩😋 - 醬燒牛肉丼 $93 呢個本身以為好普通點知有驚喜😍牛肉勁多而且燒到岩岩好唔好過韌😌重點個飯撈埋蛋汁食一流😋

之前朋友已經介紹過龍鳳號，但係成日覺得觀塘好遠所以一直都冇試到。今次難得嚟到觀塘梗係要試一試，但原來地點超級就腳，地鐵站行過去都唔使10分鐘。 入到去個環境好特別，好古色古香，嘢食亦都好好食。 叫咗個滷水豬大腸，好入味，而且一啲都唔肥。 另外叫咗個麻糬地瓜棒，呢個我超級超級鍾意食，好煙煙韌韌，一啲都唔油膩，仲要個份量係超多，性價比超級高。 甜品方便梗係要叫佢哋嘅招牌名菜： 寶島鳳梨刨冰。 香港就算10月嘅天氣都係好熱，食完呢個刨冰簡直透心涼，啲嘢果又好味，而且仲要勁大份，食完真係好滿足。 買單嗰陣時我見到收銀有辣椒油， 原來可以買㗎，就係餐廳上面嗰個古法秘製辣椒油，每樽$68，其實真係好抵，包裝又勁靚， 所以我哋都買咗樽。 總括而言，呢間餐廳環境同埋嘢食都好好，性價比好高，大力推介👏👏

食點心唔一定要晏就先得既而家愈來愈多點心餐廳唔一定走去茶樓😌 - 秘制叉燒包 呢個叉燒包不得了勁多料一咬個外皮勁酥軟好似雪山咁🤣入面個叉燒汁勁香甜停唔到口😋 - 黑松露北菇燒賣皇 最正就有得叫2粒岩哂兩個人黎食但又唔洗食4粒濟左🤣燒賣勁大粒真材實料😌 - 千層薑汁糕 薑汁糕煙煙韌韌咁勁彈牙😂 - 潮州粉果 粉果記得問佢拎辣椒油🥹配落粉果度先係完美😍 - 酥炸鯪魚球 鯪魚球乒乓波咁大粒好香鯪魚味又唔會腥炸到金黃色好脆卜卜😋不過個蜆蚧醬就唔夠腳臭味唔過癮🤣 - 煎蛋牛肉金鳳飯 食點心唔夠飽可以叫個蒸飯佢雖然唔係窩蛋但佢個牛肉係超彈牙再加芫荽同豉油撈勁好味😋