星期一，11：50，店面8成滿。外賣就要排隊，堂食就搵位坐低點餐。來買外賣的人可謂籠絡不斷。 餐牌內食物種類多到有點花多眼亂。我想食牛，但見有套餐配炸雞，又即本試吓。 食物應該是整定的，3分鐘內就有餐。炸雞皮是脆的，雞肉滑，但唔熱既。溫泉蛋有兩隻另上，感覺好抵。蛋白仍是流質，剝雞蛋殼時唔小心俾蛋白彈到自己。牛肉和燒肉份量不少。飯是熱的，飯粒軟硬適中。整體感覺很好。（兩張相係加溫泉蛋後和加蛋前） 叫了冰紅茶，今天叫冰紅茶套餐減5蚊。賣相一般，但飲落 ok。 12：07 已經食完，之後要拎張單去排隊俾錢。因為有唔少人叫外賣，要排左幾分鐘先俾到錢。宜家食過兩餸飯加飲品都要四五十蚊，呢個餐真係好味，感覺好抵。

【拉麵？港式？】 在坑口站入東港城商場，經過中庭，行多幾步就到。星期六，下午2點。有一對情侶在排隊。店內是滿客的。有人埋單出黎。大約等了 10分鐘。 可以人手用點心紙落單，或者用 QR code。 花鵰醉雞湯，淡麗，拉麵 （$98） 湯很濃厚，有雞味。店家聲稱是親手熬製，沒有用原素表。我覺得爭論是沒有意思的，於是決定飲晒佢。（一個鐘後，無口乾，無不良反應）至於個麵，我覺得似油麵多過拉麵。 一路食，一路思考，其實花鵰醉雞點解可以襯拉麵？這真係算日式？不過，有唔少菜式其實黎左香港經過改良先啱香港人口味，反而去當地食未必係心目中咁樣。 餃子 6隻 （+$25） 熱既，皮薄，涵靚，味道唔錯。 樽裝無糖可樂（+$12） 其實，可以唔駛加野飲。不過今日想飲可樂。留意番，店家用紙飲筒。好處是比膠飲筒環保，但紙飲筒因為質地比較粗，放入樽裝汽水會放大量既泡，而且啲泡會由飲筒噴出黎。（如果在 STEM 堂玩會比較有趣，在食堂就好捩咁棄。） 還有不同口味的拉麵，見附近幾枱都有叫胡椒豬肚湯，似乎唔錯。我本來都想叫，但掙扎左一陣點解胡椒豬肚同拉麵會夾，最後都係試醉雞。有時候就係咁，其實唔係咩大問題，心理個關過唔到就係過唔到，無得勉強。

在地鐵站不遠，在地圖找誠信中心。上一樓。平日晚上，餐廳半滿。朋友訂了位，一行8人。 可能太累，把門口招牌 Fufa life 看成 futile。 鵝肝 $128 （必試） 麵包好脆，鵝肝好 rich。 曼谷街頭小食拼盤 $108 拼盤，包括炸蝦春卷，牛肉串燒及香葉烤雞串。 炸蝦春卷的大蝦香口惹味 牛肉串味道濃郁 麻辣手撕雞薄餅 $158 幾特別 烤季節蔬菜 $128 份量唔算多，賣相吸引，茄子烤過，香口鮮甜，配上烤菇，口感頗不同 清酒煮大蜆 $188 上枱時用透明袋包裹，店員打開膠袋時香氣四溢。蜆肉味道清新鮮甜，口感嫩滑。 美國安格斯肉眼扒 12oz $388 牛扒5成熟，咬落有口感，唔韌，有肉味，油脂分布平均，口感不錯。薯條夠脆。 水牛城雞翼 $68 炸雞翼，水牛城醬，甜酸帶香辣，惹味。 澳洲羊架 $268 點左5成熟，有羊味但唔羶 芝士吞拿魚沙律薄餅 $158 晤...有一款小朋友零食，有一包餅乾配一罐粟米吞拿魚，自己夾，尤其是係去學校旅行無野做時食... 蟹飯$388 好味，好香，值得推介 德國豬手 $258 豬手已經切件，方便大家分黎食。豬皮脆卜卜，肉質仍鮮嫩。 卡邦尼意粉 $168 (唔記得影相) 頗大碟。意粉應該是手工意粉，有隻蛋，本身意粉蛋香味濃，有咬口。有蘑菇及煙肉作配料，好味 手工巴斯克芝士蛋糕﹝用openrice 訂位送啤酒或甜品的﹞ 蛋糕口感像乳酪蛋糕，濕潤鬆軟，外側烤至焦黑並有焦糖味，口感具層次。 地方是舒服的，座位的分布合適，唔太密。上菜速度適中。值得推介。其實食餐飯，吹吓水，餐廳重要，同啱傾既朋友去，同樣重要。

【粉粿桂花檸檬】 路過。一直好想知咩係粉粿。 唔想食糖水。唔想飲奶茶。唔想食仙草。 有諗過問店員：「可唔可以一杯淨粉粿？」 但佢應該會覺得我係度玩野。 竟然有一款飲品符合我今日的心情／要求。 好飲。 酸味味。粉粿個口感有啲似仙草，但無苦味。杯野好開胃。

【可以加番兩張枱四張凳】 幫朋友整野，整到3點9佢話好想飲野，要有芋圓。諗起康怡三樓橋好似有間嚐仙，去到勁多人。於是過隔離望吓。 芋圓波波抹茶鮮奶 $43 聲稱用明治 4.3特濃牛奶。朋友覺得太甜，芋圓亦一般。 黑珍珠岩鹽厚鮮奶 $38 我隨手點了黑珍珠，反而唔錯，奶味好濃厚。 花生醬棉花糖熱壓吐司 $37 賣相覺得唔抵，因為壓到一塊薄片。食落就夠熱，花生醬綿花糖好難唔好食，正常發揮。 見無得坐，於是外賣。 揀野飲時，朋友問咩係歐蕾，咩係寒天。我答：點知。等野飲時，發現有解釋。你自己睇。 唔想等，可以預先落單。（利申：我無試過） 心諗咁大個鋪，擺番兩張枱四張凳應該都大把位。

【名店坊中的足料漢堡】 是日放假，和朋友去金鐘處理完一點事情，她想食漢堡，就搭兩個站地鐵。在銅鑼灣站 E出口行3分鐘就到。到達時是星期六的 12noon，裡面有一檯父女。 用 QR code 落單。 朋友點了菠蘿煙肉漢堡（餐）+煎蛋。餐係加 $35 有汽水薯條。朋友話煎蛋超好食，係太陽蛋，食唔晒都要加。 薯條好味，連皮，夠熱夠脆。 我點了鵝肝漢堡。超邪惡 ，鵝肝煎得香口好味，唔油膩。漢堡肉今日少少失色，之前食過 juicy 啲，今日少少過左火，有啲乾身。無加薯條就有沙律配菜。 仲想食魚手指配他他醬。手指夠熱夠脆。 非常滿足的漢堡。會再來。

【值得一試的漢堡】 今天路過 K11 Musea，星期六 6pm，見到座位8成滿， 毫不猶疑就入去，因一直想試這間漢堡。 先去收銀位點漢堡，有中英文 menu。漢堡可以自選配料，其實有好多都係醬汁。 我選了雙層漢堡 （$85），配料生菜，番茄，烤洋蔥，烤磨菇，蛋黃醬，茄汁。 開放式廚房，你可以睇住自己個包烘熱，塊漢堡即煎，熱辣辣，加配料。很滿足，食完係飽到上心口。 另外，點了細薯條 （$48）和汽水 （$35）。汽水是任添。 薯條是連皮炸，手切，有不同大小，略鹹，但真的很多香脆，很惹味。食完才發現有個位自助唧茄汁。 臨走時還見到有一大盆花生，據說以前是任食的，現在不肯定還是不是免費。 我覺得，都係一分錢一分貨。如果唔抗拒芝士，應該芝士漢堡底更美味。另外，企係個收銀前諗要咩 toppings 真係好大壓力，我影左幅相，下次可以諗定要咩配料先。

【抹茶控必試】 今天想去誠品買本書，路經此地，下午4點，基本上座位都坐滿人。 先去收銀處買飲品，發現也有不少甜品和包，但今天主要想喝一點，同行朋友則被雪糕吸引。叫了飲品後，去搵位，等了大約5分鐘就叫我們的號碼。 我點了抹茶特濃咖啡鮮奶 （$48）。 奶味很濃郁，茶也香，反而咖啡味不太重。 朋友點了抹茶鮮奶配北海道牛乳雪糕 （$52）。 抹茶味很重，但不苦澀。雪糕奶味很香很濃，頗滑。 見到有人點窩夫，很吸引，下次試。

【和朋友慶祝生日】 星期日，晚飯，大約7點，個場8成滿。我們一行7人，坐一張圓形枱，加三張凳。用手機掃 QR code 點菜。Waiter 強烈推介三邊鍋，味道4選三，我們揀了清湯、麻辣、番茄。（還有酸辣可揀。） 高鈣羊。主要覺得個名好有趣，點黎試吓。應該係因為切法保留了一點筋，咬落會「 索索聲」，幾得意。 其他都試左好多唔同款，無影晒，亦唔記得啲名。總之份量都算大碟，味道好鮮。 烤羊串 （$28 一串，逐串計），朋友說：必試！ 負責安排的朋友用 Openrice 訂位，好似會有折。後來另一位朋友上幾個月食過，有3張 coupon。（要留意，湯底和酒水唔計落可用 coupon 的總數。）埋單後又收到幾張 coupon。 其實，食餐飯最緊要都係一班人開開心心。

【豚骨湯拉麵】 今天有事在灣仔處理，星期六，下午 1：45，到達時店有一兩個空位，不用排隊。 點了豚肉湯拉麵，套餐配小食，我選了餃子。 點餐後人開始散去。等了幾分鐘，拉麵先到。湯很濃。义燒有咬口。麵軟硬適中（對我來說）。玉子是流心蛋，超滑，好味。我覺得有驚喜。 差不多食完麵，餃子才到。很熱，好味。我猜想應該是自家包的。而且即煎，所以等得比較耐。 價錢不算平，但物有所值。期待下次再有機會到灣仔工作。下次會試蝦味噌麵。