心血來潮去左食燒肉 去到先知淨係得任食（公眾假期） 坐位算坐得舒服 裝修都唔錯 我地吖左澳洲和牛餐 牛肉唔錯 不過唔好揀牛肋條！ 咬極都咬唔爛 其他牛質素可以接受 海鮮亦都唔錯 推介大蝦🍤 另外其他種類既野食都好唔錯 食到咁上下可以叫個凍烏冬解膩 野食黎得好快 人手好夠 服務好 換碟換燒個塊鐵都唔會黑無面 最後仲有雪條作尾 揀左白桃烏龍 好食！ 整體來講都算唔錯

今日幾個女仔約食飯，揀左係D2place呢間西餐試下🤩 一坐底超餓，即刻叫左truffle薯條，外脆內鬆，超正！炸洋蔥圈都唔錯😆 再叫左2個pasta 有carbonara,肉醬意粉～ 肉意就味道正正常常，肉醬比較稀身～ Carbonara比較出色～ 2份牛，一個係m5和牛，另一個揀左flat iron! M5和牛好薄身，不過都幾香牛油，但就好似冇落過鹽冇乜味，要自己點鹽先好食～ flat iron一開頭叫左medium rare,但太生好似香口膠🤣🤣即刻麻煩waiter搵廚房再整熟d 大約6,7成～本身仲驚會一煎煎到overcook,估唔到真係啱啱好medium!!超級好食！ 服務態度都好好！抵讚

一路都有朋友介紹呢間餐廳🤣 終於今日有機會去試下 坐坐下仲要排隊 鋪頭唔算大 但係都坐得唔迫 茶餐廳裝修同乾淨既情度 兩個人叫左椒鹽粟米同一個半隻雞花膠雞火粟米炸得出色 唔會過火 雞湯火鍋一路食一路飲🤩🤩🤩 濃郁既雞湯 配豆腐同竹生都一流🥰🥰🥰 雖然雞件普通 不過咁既價錢仲想點🤔🤔🤔 飲品略普通 同埋樓面得兩個人 做到佢地隻野咁 不過小店都盡量體諒🙏🏻🙏🏻🙏🏻 已經計劃左下星期再去飲雞湯 正😝😝😝

今日有老闆請食飯！ 雖然冇一間外賣送上半山，但打去鋪頭問，我話加返的士錢比佢，佢地都可以安排到同事送到上黎～服務同態度都超好！ 十幾人既份量，份份都係熱既！食物質素同之前去過堂食一樣咁掂！ tiramisu latte 仲好細心咁分開一杯latte一杯係tiramisu串～ 因為我落單既時候想方便自己到時分食物，所以whatsapp落單有加埋同事名係食物前面～ 估唔到佢地竟然細心到每份食物都幫我地寫好哂名！！仲畫埋畫添～好窩心啊！ 同事都大讚食物質素高，員工又細心！ 不得了！

新都城終於有間好食既酸菜魚！ 叫左小辣，平時食開譚仔4小辣既應該都覺得小辣係完全handle到，下次再食會叫中辣試下！ 小辣唔夠過癮！ 另外叫左毛血旺，鴨血超正！ 口水雞都唔錯，正正常常～ 再叫左個蒜蓉青瓜，清清地解下油膩～

生日男朋友帶左我黎食呢間法國菜～ 係門口已經覺得好靚☺️ waiter都好nice好有禮貌 服務一流～ 叫左個10個courses既餐 每一道既擺盤都好靚～好有心機 最中意佢用乳鴿整既法式雲吞！ 味道好豐富！ 第2中意就係佢既甜品！椰汁糕 個椰汁糕好Q, 好似jelly咁 配左個橙sauce，好fresh好特別！估唔到橙同椰汁糕咁夾！好意外☺️ 排第3係佢既牛～熟度控制得剛剛好！又夠juicy! 基本上每道菜都好食 有水準既～ 加上環境好舒服，服務又好～ 絕對會再黎食～

生日朋友帶我黎食呢間好出名既雞串燒～ 一去太肚餓又未齊人就叫左個魚tartar配薯片～好意外佢個薯片都好味！ 係薄切薯仔片 再炸到啱啱好 非常脆口！ 魚tartar既調味都一流～ 齊人就瘋狂叫哂佢雞既唔同部位黎試！ 最中意就係雞膝、雞皮、雞二頭肌💪🏻 佢唔同部位都有唔同既汁/香料配搭！ 雞腎雞心內臟類 食落一d都唔會腥～ 超水準既串燒 不過價錢當然成正比～ 間唔時食下就ok既🤣 同埋佢既sake同cocktail都好正！你只要同waiter講你想要既口味，佢地都好好會推介比你～ 下次再食應該就會叫d 飯/面類試下～ 如果要食串燒食到飽，人均都要1千蚊左右～～ 重點 我地都唔算大食🤣

每隔一、兩個星期就會黎呢到嘆佢地凍latte! 佢既軟殼蟹牛角包真係冇得輸！每次叫都keep到水準！ 個牛角包夠哂脆，配軟殼蟹、煎蛋同酸青瓜，加埋個少少辣既汁，味道好夾！ 另外今次試佢既牛肋闊條蛋面，佢既pasta永遠都唔令我失望～ 因為佢地既蛋面真係好香！ 唯一失色就係佢pasta既醬汁有d淡，同偏稀，唔夠掛身～ 要自己加返d鹽同pepper就好味好多～ 另外佢既花茶都好靚，啱哂打卡，味道都好香又清新！都值得一試～

同朋友收工想係西環happy hour~ 經過呢間幾抵飲就入去試下！ d小食都幾令人驚喜 薯條係似薯格口感果款！正 炸芝士波都好食！ waitress服侍都好有禮貌 draft beer都有5款左右揀～ 下次會再黎！

2年前食過一次比佢d咖喱嚇親冇再食過！ 朋友話佢d生菜包唔錯，有次宵夜就叫左外賣試一試！ 揀左豬頸肉生菜包，估唔到進步左咁多，令我大改觀！！新都城終於有返間正常既泰國菜🤣🤣🤣 今次同屋企人就叫左椰汁雞湯，正正常常～ 馬拉盞炒通菜，正！通菜好嫩好新鮮！ 再食多次豬頸肉生菜包！必叫！！ 個海南雞飯就麻麻地～