天氣好，我哋就好鍾意去陽光與海灘🏖️ 可以望住個海灘返餐，的確係一個好好嘅享受❤️ 一知道我哋鍾意去嘅 @caferoma 出咗新 Meun， 梗係又揾機會過去食餐飯啦❤️ 🦪脆炸日本生蠔伴他他醬及檸檬角 外皮酥脆，內裏Juicy，點埋他他醬特別好味 🍗香脆雞塊伴蜜糖芥末醬 同樣係外脆內軟，香口美味 🍝小魷魚墨魚汁意粉 墨魚汁掛滿意粉，墨魚汁嘅鮮味一口接一口，連一向麻麻地墨魚汁意粉嘅我都食多兩啖 🥘 雜菌燴意大利飯 燴飯足料，粒粒都有汁，菌味香濃，想豪啲仲可以加配鵝肝添！ 🦑 香烤八爪魚配橙檸橄欖油汁配香烤雜菜及薯蓉 烤八爪魚最擔心就係overcooked, 但係呢度廚師把握得恰到好處，令到八爪魚鮮味，爽口 🍖紅酒燴澳洲牛頰肉配南瓜蓉 呢個燴牛面頰燴得好腍亦好入味，配菜嘅南瓜蓉都好好味 🧁經典意式甜品拼盤 (Cafe Roma 自家製提拉米蘇 | 意式奶凍 | 精選芝士蛋糕) 食飽飽再加埋呢個甜品拼盤，為呢餐劃上完美句號

難得同阿女出去撐枱腳 梗係要食餐好㗎啦🍽️ 今日我哋就嚟到尖沙咀金域假日酒店 Holiday Inn Golden Mile 一樓嘅Bistro on the Mile 嘆個 環球海鮮盛宴自助晚餐 先❤️ 淨係睇個名都知今次自助餐係用海鮮做主題🦐🦞🦀唔同款式嘅沙律、前菜，熱盤都一樣加咗好多海鮮🐟🐙第一次嚟到呢度食自助餐嘅話，淨係睇到嘩嘩聲😳 因為真係好。多。嘢。食。啊🤤 巨型冰鎮海鮮山裏面有波士頓龍蝦🦞東南亞瀨尿蝦🦐鱈場蟹腳🦀英國麵包蟹、紐西蘭青口、加拿大翡翠螺🐚大蝦🍤及蜆等等，款式超多。而且海鮮肉汁鮮甜非常彈牙🎣 自助餐當然唔少得有刺身同壽司啦🍣仲有唔少嘅熱盤俾大家選擇，我最欣賞嘅係經典千層酥皮鮭魚威靈頓🐠同芝士焗龍蝦🦞 而我最鍾意食嘅沙律都有好多款式，所有前菜同沙律都用上大量海鮮，真係超開心❤️ . 自助餐餐每日提供限定美食，今日我哋食到嘅係星加坡咖喱辣蟹🦀配炸饅頭同西班牙海鮮飯🥘 咖喱辣蟹嘅醬汁配炸饅頭簡直係一絕。 本身已經飽到郁唔到嘅，我見到超級足料嘅西班牙炒飯又忍唔住去食返碗😅炒飯用料十足味道一流🥰 最尾就一定要食甜品，款式多到如果每樣食一件都會飽到上心口😅所以我淨係選擇香甜可口嘅酥脆拿破崙同栗子撻作結尾。 Kelsey 就梗係食糖同埋Haagen-Dazs 雪糕啦🍨

爸爸一向都好鍾意食拉麵，趁放年假梗係要同佢去品嘗下啦🥰 🍜檸檬牛油雞白湯拉麵 100% 日本國產雞肉熬煮奶白色雞白湯底泡沫細滑，加上檸檬同牛油，檸檬清新酸降低鹹度，牛油香就加添湯嘅風味，加埋喺枱面嘅白松露油，味道一再提升。嚴選天然同優質食材，佢地用全天然成分既全麥麵，麵條分明，口感極佳。慢煮日本國產雞肉製成雞肉叉燒，爽口之餘軟腍入味。拉麵上豐盛分量嘅京都九條蔥，蔥味辛香帶甜。 🍜擔擔雞湯拉麵 於雞白湯湯底加入以數種辣椒同芝麻醬調製而成既擔擔醬，食落微微嘅辣湯入口順滑，層次感豐富。 而每碗麵都配有溏心蛋🥚唔係半隻，係原隻🤩分量非常慷慨😍 🥟雞皮餃子 老公最懷念嘅雞皮餃子，用煎嘅方法製作出面都好少有得食，而滿滿嘅餡料，食落非常多汁，加上雞皮嘅香脆，眨吓眼就食晒😋 🐓香港限定嘅日式香酥雞胗 口感脆中帶軟，烹調嘅時間拿捏得非常好，我忍唔住食完一粒又一粒😝 🐓另一款香港店限定嘅料理係廣島黑酢拌炸雞 外皮酥脆，加上微酸黑酢喺外層減低油膩感，不過重點係雞肉，真係食得出有雞味，一啲都唔似其他舖頭無雞味嘅雪藏雞，真心大推👍🏻

韓國餐平時就食得多，今次試啲特別啲嘅，試下新派韓國菜🇰🇷 喺Elements啱啱開張嘅韓國餐廳ANJU，除咗係新派韓國餐廳，仲係一間酒吧，drink list入面有唔少係加入咗韓國燒酒或高麗嘅元素，一於就試吓先🍽️ 我地叫咗有柚子香同燒酒嘅Yuzu Soju Mojito同帶有薑嘅辣味嘅Ginger Mango Delight，兩杯易入口之餘，酒精濃度又唔算太高，用嚟做一餐嘅開始係一個唔錯嘅選擇🍷🍸 🍽️食物方面我地有醬油帶子鮑魚 先將鮑魚同帶子切成薄片，仲有三文魚子，味道唔濃味又清新，鮑魚口感軟腍，仲有淡淡嘅麻油香味，新派之餘仲有陣陣嘅傳統韓國風味 🍽️韓式烤牛肉包 烤牛肉以基本韓式醬汁調味，牛肉juicy，再將佢搖身一變變成漢堡包，阿女爭啲一個人食晒兩個 🍽️醬烤五花肉 呢款五花肉嘅比例恰到好處，烤過之後迫出油香，外層焦糖化，仲有辣椒、蔥花、蒜粒及辣醬同生菜，可以包住嚟食，減低油膩感之餘，仲有菜食添🥬 🍽️韓式炸雞 呢度嘅炸雞份量雖然唔夠出面坊間嘅多，但在味道取勝，擺盤仲好靚添，而雞肉亦都係新鮮嫩滑，真係一件接一件咁食🍗 🍽️甜品就有由燕麥奶製作，配上粟米片同柿子嘅燕麥奶布丁，甜度足夠，用燕麥奶嚟整，少咗牛奶嘅油脂，感覺健康啲🍮 🍽️另外仲有我嘅最愛—Affogato 呢度嘅Affogato除咗有雪糕同咖啡，咖啡入面仲加咗少少燒酒，同平時食開嘅唔同，別有一番風味🍨

今日老公要過銅鑼灣做嘢而我又要番工，咁梗係捉住佢同我食 Lunch 啦❤️ 最近銅鑼灣百德新街開咗間黑膠唱片主題嘅cafe/餐廳酒吧 - Mercury Recalls ，今日就等我同老公去感受一下先🪩 Lunch 同brunch menu 可以跟餐湯或沙律，仲有指定飲品🍸而且仲可以加小食❤️結果兩公婆叫到成枱都係😅 🥣餐湯 - 忌廉南瓜湯 淡淡南瓜味配忌廉真係好好味。唔太濃唔會飲完湯飽晒 🥔黑松露薯條 薯條夠哂脆上面仲刨咗啲黑松露加添咗薯條嘅香味。 🐷雙重芝士巴馬火腿烤多士 用芝士烘嘅多士，面層再加多一層芝士。除咗咁仲有塊巴馬火腿點綴，火腿肉質柔軟，超好食味道好有層次感。 🥑炸牛油果條 炸粉薄脆，入面包住嘅牛油果夠哂creamy。 🍗水牛城雞翼 酸香微辣嘅醬汁包住炸得鬆脆香口嘅雞翼，真係非常醒胃 🍳煙三文魚班尼迪蛋 煙三文魚餡配菠菜，係我最鍾意嘅配搭。水波蛋做到流心效果配左自家製濃厚荷蘭醬，切開雞蛋見到蛋汁湧出真係超級開心，底部嘅鬆餅都夠軟熟，味道層次夠晒豐富。 🍝美國有機雞胸青醬扁意粉 啱啱好嘅份量，青醬同意粉真係prefect match，雞胸亦煮得恰到好處，一齊煮嘅蘆筍亦好鮮味，加埋芝士同橄欖油，味道有層次之餘又唔油膩 🍹飲品方面我要咗杯伯爵冷萃氣泡茶，淡淡嘅氣泡加上啱啱好嘅伯爵茶味，早兩日咁熱，好啱消暑 老公就要咗Expresso Tonic，Expresso個base好香，撞埋Tonic Water唔只無苦味，仲有少少甜添

又係lunch食好啲嘅時間喇🍽️ 大家都知喺尖沙咀想食韓國菜係去有韓國街之稱嘅金巴利街，不過而家去格蘭中心都幫襯到正宗韓國燒烤喇😋 Galbi Town 大約8000呎，主打韓燒！餐廳裝潢以白色為主調，空間感大之餘，感覺仲好hi-end。除咗主打菜，仲有韓式湯同麵，而燒肉方面仲有由韓國直接入口，提供全國漢牛協會證書嘅韓牛添🥩 食韓國菜，前菜好緊要，點完菜之後就馬上送上四款時令前菜，其中蓮藕係我第一次食，清清地，口感爽口😋 難得有咁靚嘅韓牛供應，貴少少(其實又唔算)都試一次，我地就叫咗韓牛肉眼同韓牛刺身。 點選韓牛係會送另外兩款前菜嘅，分別係辣醬凍蟹同冰泡菜，冰泡菜第一次食，爽口開胃。 上菜喇，先到嘅係韓牛肉眼扒，睇落油花均勻，仲有QR code可以睇到韓牛嘅產地同屠宰日期，再由店員負責燒烤，唔洗怕自己整得唔好食。第一次食韓牛，一食就係1++，原來係肉味濃郁，又唔會太油，亦都易咬，配埋新鮮生菜或紫蘇葉，點少少竦醬，非常好味🤤 之後就係韓牛刺身同和牛唔同，韓牛刺身係好少油花，入口有香濃嘅肉味，同埋都有嚼勁，唔係入口即溶，反反而可以細味韓牛嘅肉味，對我嚟講又係一大新嘗試。 食完韓牛，到食豬喇，呢款係經過醃製嘅豬肋肉，店店員會細心先換鐵網再燒烤，醬汁不算太濃，但就好入味，嫩滑多汁又唔油膩。 另外我哋叫咗個大醬湯，有少少辣味，用料十足，用嚟拌飯一流，食到一半，店員仲過嚟教我哋將石鍋放喺籠上面暖住嚟食，keep住暖嚟食湯飯，特別暖心。 最尾順帶一提，餐廳採用電子化，用平板電腦落單，點餐後上菜超快，另外韓燒嘅爐頭亦採用電子按鈕，感覺比較安全，而且爐頭嘅抽風口強勁，完全無一般韓燒舖頭嘅燒烤味，大家就算去食lunch，食完都唔怕有一陣味咁返公司啦！

邊爐精一家成日喺屋企打邊爐，但係有時懶得洗都會出街打嘅❤️ 今日我哋嚟到旺角荷李活商業中心2樓全層超過16,000呎嘅「壹號漁船」，餐廳以海鮮為主打，店內仲有漁池，保證海鮮日日新鮮🎣 為咗讓食客享用唔同嘅食法，餐廳分2個區域：自助火鍋區同點心小菜區，咁我哋可以分別食到海鮮小炒嘅風味同埋火煱烚出嚟嘅鮮味😋火鍋區設有火鍋料、小食、飲品、雪糕區俾我哋自助享用。 呢度嘅120分鐘晚市自助火鍋，每位會送蠔皇原隻鮑魚扣百花菇1客，炆煮咗4-5小時嘅鮑魚入晒味，一啲都唔韌。每兩位起仲有波士頓龍蝦海鮮盤，包括半隻波士頓龍蝦、鮮鮑魚、鮮海蝦、海斑、生蠔、小紅魷、蝦丸、墨魚丸。海鮮仲係響魚池即時撈起㗎😍海鮮送到上枱仲識郁㗎，超級新鮮🦞 我哋今次叫嘅係套裝C，薄薄嘅特級牛頸脊同SRF黑和牛肩胛就咁灼3-5秒巳經食得，而且牛肉味十足。除咗牛肉外最鍾意就係呢度嘅手打墨魚丸同蝦丸，非常彈牙❤️ 火鍋放題以劃紙入單，可以慢慢揀你想食嘅材料。 材料咁新鮮，地點又方便，等我哋再安排吓去食多餐先😋而家新張期內仲有88折優惠，OpenRice 訂座仲可以享有八五折添。

近排做功課叻豬咗好快攪掂👏🏻 咁就可以出去食下飯輕鬆一下❤️ 今日就同佢去到旺角一間貼地又親民價格嘅意大利餐廳— 意粉狂熱。 餐廳食物選擇包羅萬有，有小食、前菜、沙律、主食、意粉、薄餅同甜品等等，價錢亦相對相宜！ 🍽️忌廉汁煮青口 青口份量頗多，忌廉汁中加入煙肉增加口感同味道嘅層次🫕鍾意佢個汁夠晒Creamy，即刻叫多份蒜蓉多士一齊食😅 蒜蓉多士油濃郁嘅蒜蓉味，就咁食都已經好滿足 🍽️香煎鮭魚配味噌忌廉鮮製意粉 三文魚煎到金黃色，魚肉嫩滑🍝意粉彈牙富嚼勁，忌廉味噌汁幼滑濃郁，加上蒜蓉炒菇菌更添口感。 🍽️瑪格麗特pizza 今次我哋揀咗細嘅Pizza🍕份量啱晒我個女❤️ 餅底厚度適中、軟熟。鋪咗厚厚芝士再加埋蕃茄嘅味道，阿女食得勁快，一件接一件，我都爭啲無得食😂 🍽️經典三式拼盤 裏面分別有秘製雞翼、脆炸薯角同埋意式薄切三文魚忌廉芝士卷。 雞翼炸得非常鬆脆而且肉質嫩滑。薯角可以食到薯仔肉，非常滿足。三文魚忌廉芝士卷芝士嘅味濃，加埋三文魚一齊食感覺冇咁膩。 最後我哋叫咗蝶豆花檸檬冰茶同蘋果益力多🍹 蝶豆花檸檬冰茶檸檬清新，加咗蝶豆花，顏色非常吸引。 蘋果益力多容易入口，阿女竟然可以成杯飲得晒！

12月除咗鍾意周圍睇吓聖誕裝置，其實我哋都會留意吓身邊嘅美食❤️ Asok Thai Cake 主打泰式口味及造型蛋糕店，賣相非常精緻，像真度極高。之前經過見到啲造型咁靚已經好想買，12月推出聖誕限定套裝，就買返屋企同阿女應吓節啦🎄 1盒4件嘅聖誕限定套裝款款都精緻可愛，四款口味個個都各具特色，每一啖都感受到嫩滑奶油層加上蓬鬆海綿蛋糕嘅豐富口感🧁 🎄【泰式聖誕蛋糕套裝】 ❄️聖誕芝士蛋糕 ❄️聖誕樹羅勒朱古力蛋糕 ❄️雪球泰式咖啡百利甜酒蛋糕 ❄️聖誕老人檸檬草熱紅酒蛋糕

人氣店Pizza Maru但一路都無機會試，因為實在太多人排隊喇，而家開咗間喺海港城，喺晚餐食唔到嘅情下，同老公去食個Lunch 啦！ 餐廳位於尖沙咀海港城 LCX ，淺色木系色調裝修， 配合餐廳嘅落地玻璃，可以飽覽維港海景，真係非常舒服。 本身set lunch menu都已經好吸引，但係難得嚟到，睇下A La Cart menu有咩啱食先！ 前菜，我地叫咗脆炸章魚仔，外層炸得非常鬆脆，章魚新鮮，就算炸過之後都好鮮嫩爽口，一啲都唔韌而且非常多汁，配搭MARU 凱撒醬相當一流。 之後就係韓式海陸Pizza ，餡料包括香辣蝦，韓式烤肉，香辣薯角，蘑菇，青椒，辣椒碎，牧場醬，酸忌廉醬，馬蘇里拉芝士，意大利香芹，紫洋蔥。 味道豐富，酸酸甜甜再加少少辣味，而且仲有勁多芝士🧀批底煙韌唔算厚，表皮香脆，牛肉仲唔韌，同埋有薯角嘅Pizza真係第一次食，原來都幾夾，除咗飽肚，仲增加咗口感。 有得Pizza又點可以無炸雞，我地order嘅係首爾醬油咖哩粉炸雞🍗 炸雞新鮮即炸，雖然唔算好大舊，但係以質素取勝。熱到拎唔起但係鍾意佢夠新鮮👍🏻 食落有淡淡嘅咖喱味外脆內嫩，食落勁juicy。 飲品我地就叫咗Peach Lime Iced Tea同Honey Yuza Ale，好味又青新，甜度恰到好處，係啤酒以外嘅一個好選擇。