朋友推介$188/斤 長腳蟹 興致勃勃去試 打電話問優惠是否仍有 接聽的人說有 然後我問那可否留位 接聽人士笑說隨時walkin 結果當晚去到說沒有留蟹所以沒有蟹了 於是我再問那可以訂平日晚上嗎 終於訂了位 誰知迎來第2次不愉快經歷 家人去到後被告知$188要加價做$238 侍應表示已致電2次 我檢查手機並沒有留言 2件事總結這是沒有管理的一間酒樓 一個說有蟹一個說要book 一個留$188 最後索取$238 寧願8點空著枱也不願提供優惠

好耐無去呢度吃啦 上次吃炸饅頭 出場有架船真係好震撼 於是今次再encore 叫了酸菜魚 夫妻肺片 然後見到每枱都叫大大壺飲品就跟風 原來是水蜜桃雜果茶 顏色很正常 有果肉 很心思 一開始以為係香水味 飲落覺得可能是水蜜桃 雜果味沒有很突出 夫妻肺片也很快上菜 每一片都很大片 啖啖肉好滿意 最後 終於到酸菜魚 很明顯不新鮮的魚 有陣味 味道非常的咸 咸味比酸菜味更重 吃了幾片就沒有再吃了 再返去飲杯飲品已經飲不出味道🥸 希望下次唔洗吃咸魚 調整一下調味同新鮮度就係一間好的餐廳

一直有飲開不要對我尖叫 行過中環 推薦朋友一起去飲 點知 唔知係咪太耐無黎 定係星期日的中環係咁 行入舖頭2位店員 一直背向收銀 一個整飲品 一個行黎行去 等了一陣才有人過來 落完單後 朋友發現飲品內的配料需要另外下單 店員說該飲品未製作可以加回 於是朋友就補回差價 總共等了半小時 拿到飲品時發現配料加錯杯 跟店員反映後店員就馬上繼續背向門口 完全沒有反應 太匪夷所思… 幾十蚊換來一杯柚子水跟很難飲的拿鐵加粒粒 如果加不了也可以早提醒客人 而不是隨手加在一杯飲料內吧 可能太多生意 櫃檯內擺滿滿滿的飲品 所以店舖不在意一兩單生意的客人 但完全跟剛開店時有禮貌的感覺不一樣了

放假6點去食唔洗排隊 姆明主題期間 最正就係有公仔陪食服務 一口氣叫哂有公仔樣的食物同飲品 再加個明太子醬三文魚籽意粉 第一個到既係 史力奇探索開心梳乎厘 估唔到佢係最快 好香的蛋味 第二碟黎北歐芬蘭溫馨全日早餐 個餅…有點乾身, 似放了很久 最難過係上面的糖面很馬虎 如果唔係為了姆明就不會叫這個啊 然後到明太子意粉 上面有2粒帶子, 都是煮很熟 味道沒問題, 意粉反而有點硬 有沒有發現 飲品一直都未上 食完咁多的餅同咸點, 好口渴呢 千盼萬盼, 終於到了 姆明冰雪探險配聖誕餅乾(熱) 淘氣阿美的粉紅冬日(凍) 熱飲比凍飲好味 杯凍飲俾士多啤梨醬搶哂味 冰有點多, 想搞均飲都有難度 食食下對面的阿姨要求打包 說等很久了, 哈哈, 還好我沒有很趕時間 最後埋單5百幾蚊, 比想像中貴 沒有主題的話, 應該只會叫梳乎厘吧

自從小伊甸轉左做伊甸 因為價錢比以前高所以好耐無食 上個月俾我見到佢LUNCH有折 即刻叫返幾次 當時雞扒好大件, 好滿足 台式吐司餐都有折, 都試下啦 台式吐司都超多蛋 小龍蝦份量適中 點知特價左一排又無左 然後到了今日又見佢特價 叫左個豬扒新竹米粉 對比上次雞扒, 豬扒份量就得一半 仲要不幸地有一大舊骨 炸粉同豬排比例是2:1 真的很難見到咁薄的豬扒 結果好似食左炸粉米粉咁 可能附近有5X既快餐店 令老闆想用價錢吸引客人 但快餐廳店的豬扒是很厚肉的 希望下次再食時份量多返 不要迷失在減價戰 嗯…餓了. 我要食餅充饑

好耐以前就聽講過蠔站食蠔好抵 撞正OR訂位有折就book去試下 $199有8國生蠔又有一杯餐白酒, 呢個組合好吸引 一入座就ORDER同枱一人一份 另一個賣點係$10長期每日特價精蠔 都嗌了半打試試~~ 上菜(蠔)的速度 一食就知道原因 可能因為訂單太多, 所以生蠔不是即叫即開 食落口覺得是一早開定然後雪起的生蠔 16隻入面有2隻有少少臭, 尚可接受 不幸的係有一隻竟然同$10的生蠔大小差不多 講返$10的蠔真的超細隻, 哈哈~~ 係好平啊, 但係好似我咁叫左$199SET就應該唔洗試$10 食完生蠔當然唔夠飽 再叫了個豬手做完結~ 呢個豬手最有驚喜了 皮脆肉嫩, 連帶配菜薯條都一樣很脆 總結呢個餐廳價錢恰當 食生蠔的話適合新手 如果食開即開生蠔的不推薦 食其他野食反而幾抵坐 話哂位於尖沙咀酒吧區 同朋友吹水酒飲不錯

早幾日去食海港城 排哂長龍既呢間姚姚酸菜魚 一探佢既虛實 裝修方面很吸睛 偏向Tiffany blue的藍色 坐落不會很擠迫 落單是用手機很方便 就連送餐時都有送餐機械人 開餐先～ 第一個要點的菜, 當然是酸菜魚 基本上每枱客人, 都有一大碗魚 由於是2個人食的關係, 怕只吃魚不夠滿足 就轉成雙拼-拼了個水煮牛肉 雙拼黎講, 份量好多, 食極都仲唔哂咁🫣 人多的話建議多加幾個配料 有金針菇, 萵荀, 豆腐, 米絲等, 選擇很多 吸哂啲湯好入面, 應該好正 留意返個碗下面有蠟燭, 食得慢都唔慢變凍 然後就直接跳過去到甜品 哈哈哈, 女孩子還是比較喜歡甜品啦 點了個紅糖糯糍粑跟彩虹烏龍冰粉 紅糖糯糍粑比平時在其他地方吃的大個 咬下去非常煙靭 雖然是紅糖但甜度很適中 彩虹烏龍冰粉 顏值滿分💯7樣食材味道配合剛好 食完濃味野必須要吃埋佢清清口 2杯飲料都很足料 多多桃膠椰奶 滿滿幾cm的桃膠👍🏻好足料 鮮奶紅茶凍 有茶凍的關係, 間中幾啖又黎濃濃茶香 如果唔洗排隊時 入黎食甜品都是不錯的地方~ 講完又想食🤤 #姚姚酸菜魚 #yaoyaohongkong #酸菜魚 #sauerkrautfish #紅糖糍粑 #海港城美食 #foodiehk #hkfoodie #水煮牛肉 #尖沙咀美食

屯門少有的台灣菜 店內坐位不多 所以經常見到有人龍 排隊時可以畫定想食咩 一入去就可以等上菜 上菜速度都幾快 如果好似我咁嗌芋圓 建議食到一半先嗌 因為枱面好快擺滿😂 講返食物 滷肉飯-小已經好大碗 滷肉不是太多, 食到尾會變到得飯 紅燒牛腩米粉-味道令人聯想起泰式湯底 台灣香腸-蒜頭不辣, 有點不習慣 肉鬆起司蛋餅-好味～肉鬆+起司無得輪 涼拌牛肚-冷盤, 正常 芋圓仙草豆奶-芋圓好彈牙～推薦 冬瓜茶-正常 豆花胚芽奶茶-豆花增加飲品口感👍🏻

好出名的章魚燒店 去旺角同葵芳都會買返份 得知觀塘開咗新分咁 咁近 就衝去買返屋企食 落單後等候時間為15分鐘 等候期間覺得對比附近店舖 舖頭油煙味很重 很突出😂 也是唯一有人排隊的店 看起來是有2個職員 1個收銀 1個整章魚燒 遺憾的點整章魚燒的那個人 全程都沒有配戴口罩 可能真的太熱了 外賣關係 已經不期望會有脆皮的可能 點知返屋企一咬～嘩個皮咁厚嘅 食哂全部都係一樣咁厚粉 入面嘅章魚大細不一 非常希望觀塘分店 亦能維持跟其他分店一樣的水準

每次經過門口 都見到好多人排隊 望入去入面有位 可能疫情關係坐疏啲 是日平日 見隊伍短少少就都排排看 點了個鬼門拉麵 加個味蛋 雖然很多評價說抵食 但認真看只係將配料續個分開收費 如是者 我獲得一碗拉麵 上面有豚肉 蔥少許 然後甚麼都沒有 紫菜要加錢 荀要加錢 當我後悔時 餐廳的炸物已沽清 還好有嗌到味蛋 鬼門拉麵如其名就是辣 然後 就甚麼味都沒有 哈哈哈 湯底應該是白開水？ 然後加了很多辣粉 原本菜單上寫日本直送湯底讓我很期待 結論不建議嗌呢個湯底 下次如果不用排隊可能再試其他