放假日出銅鑼灣接男朋友收工食晚飯，佢就帶左我去平日食lunch偶然會經過既阿麥廚房！男朋友話平日行過見環境都唔錯幾好feel，睇人地食評都唔差，價錢又適中，所以想帶我黎試下☺️

晚餐選擇不少，價錢由$160到$240，視乎選擇邊款主菜，而每個主菜都有跟沙律、是日餐湯及飲品

唔想食得咁簡單，加錢升級埋本來跟餐既沙律及餐湯喇🤓咩都鐘意加一餐既我，當然今次都唔例外喇😎（當然係睇過係自己鐘意食既先加喇😆）首先黎左香煎鵝肝配蕉糖酒醋藍莓，一黎到已經聞到好香，鵝肝岩岩煎好帶微熱，而且頗厚身，咬落滿口油香，好正😋
另外蕉糖酒醋藍莓汁帶甜及微酸，食落好醒胃，又可配搭隔離沙律菜一齊食，係好好既前菜😊這個大蝦占美多真係不得了😵將大蝦🦐切開數小件，蝦肉十分彈牙，加上佈滿濃濃既蝦膏，一試難忘既美味🤤個人認為係絕對值得加$58升級既前菜😋👍🏻另外轉埋兩款餐湯，首先係蟹肉南瓜忌廉湯，都幾鮮甜，啖啖湯都充滿南瓜蓉同蟹肉，飲落好有口感👍🏻

而男朋友都升級左做黑松露菌忌廉湯，有好多菇粒，同蟹肉忌廉湯一樣都係好有口感，黑松露香味濃郁😋

因為兩個湯都好正，所以同男朋友一人一半sweet sweet share😆主菜揀左黑松露麵包蟹肉意大利飯🦀
個人十分喜歡食意大利飯，鐘意佢一粒一粒既口感，而旁邊放左一小碗黑松露，如果淨係灑係飯上面一定無咁多，岩曬我呢d鐘意每啖都想食到黑松露味既人想落幾多都得😁
反而蟹肉就不算多，所以最後我地係一啖黑松露加一啖飯咁食曬😆另一款主菜就係德國式燒豬手，一黎到要嘩😮一聲，因為好大份呀😂

豬手肉質軟林林咬落唔「鞋」唔會痴牙，塊皮好香口又勁脆，正宗外脆內軟👍🏻

不過味道稍微有點偏咸少少，所以點少少本身配有既燒烤醬汁可減低咸味感覺🙂

早幾日又山長水遠走入流浮山搵我好朋友同佢隻狗仔玩，平時去佢屋企前都會約係元朗食個lunch先！

今次就揾左一間食burger 既特色小店，完全俾間店鋪既外表吸引我地入去😆

入到去裡面連裝修很有特色，雖然店內不算很大，約可容納20人左右，但每張枱都不算小，坐下都不會有太迫感覺，另窗外面亦有幾張高櫈，帶狗仔🐶出黎時想食個tea都唔怕喇😁Burger 選擇不少，而且有不少特色漢堡，我見隔離枱一個人食緊個巨型魚堡賣相十分吸引，絕對好適合比相機食先📸

不過我同朋友都係鐘情於牛既人，所以我地都係選擇左牛堡🐮

揀好burger 就可以考慮加$28轉套餐，有埋薯條及飲品

除左burger 外，仲有沙律🥗、意粉🍝及其他小食首先出場既係泰式鮮蝦沙律🥗
有蝦、生菜、番茄、菠蘿配以酸甜醬汁，蔬菜新鮮，食落幾開胃，不過個人覺得個醬汁稍微酸左少少點睇都唔似同芒果有關係既雞翼😅
但一咬落去就食到微微芒果味，加上雞翼烤得好香口，有驚喜👍🏻
若果加多少許芒果作伴碟會更好😁烤菇牛堡登場喇！！
牛肉非常厚，巨大烤菇十分juicy ，麵包鬆軟帶微甜，好正😋

加$28有埋薯條，份量頗多，新鮮炸起又係好正😋食到無辦法停口

因為同朋友happy share個burger ，所以一影完相就問店員可否幫我地切開一半，切完後仲幫我地用鐵籤吉返住兩邊唔會散開

由於半邊漢堡都實左太大個，絕對係無可能一啖咬曬所有材料，而且每咬一口都有不少醬汁會擁出黎！

正當我地苦惱緊點咬之際，店員很體貼即遞上膠手套比我地，帶左手套後，我就無後顧之憂咁大啖大啖咁咬😋跟餐有一杯飲品，朋友點左蜜伯爵茶，其實我個人不太喜歡桃味既飲品，總覺得係藥水味😅

反而伯爵茶我就十分喜愛，所以就飲左兩啖試下😳出奇地我反而覺得呢杯又幾好飲，桃味香不會過甜而且有淡淡茶香，我朋友飲左半杯都無最後係我飲曬既🤣

早兩晚係網上訂左飛係旺角睇戲，諗住出得旺角順便諗定食咩可以book定，唔洗係街等餐死😎

諗住循例問下男友想食咩喇，其實寶寶想食韓燒但寶寶不說🙈
點知佢話想食放題🙄

本來係book某一間放題嫁，可惜無位😶
最後比我搵搵下搵到呢間又可以食韓燒又同放題同類型既餐廳喎，同埋見食評有好多野玩，咁就book位試試喇😏

我地book左7點半，去到好多人係度等緊，有部分都係walk in，等左約15分鐘我地有位嚕😊沿路行去我地張枱，見到好多款式既野食，多到都唔知點開始好😂

首先睇下日本代表先🇯🇵
有刺身、多款唔同壽司、稻庭烏冬等

第一時間都係食左冷盤先，刺身選擇不算少，其中我愛食既象拔蚌都有喎😁

每人每之最多可以拎8片，但我覺得唔係片，係舊囉😆個三文魚切到幾厚，好正呀！食左兩轉✌🏻️😋即制吞拿魚忌廉酥盒，口感好鬆脆，配上熱辣辣吞拿魚忌廉，好好食😋到韓國代表喇🇰🇷
先黎韓式水冷麵！有多種醬汁可以落，因為貪心想每樣都試，所以每樣都係旁邊落少少😝個人覺得鰻魚汁味幾好😊再黎就係我想食既韓燒喇喇喇😌

實 在 有 太 多 款 喇！！！

有🐓🐄🐑🐖真係每樣食一串都飽😂
因為牛柳同原味雞翼都好好食，所以有encore😌

除左肉類之外，仲有蔬果同菇系都有好多選擇🌽🍍🍆
我當然最鐘意就係燒菠蘿喇🍍又燒左幾串😂每張枱個爐唔算太大，亦設有小型抽氣扇，所以不算太大煙，不過始終室內每張枱都同一時間開爐，所以食完有油煙味都在所難免😅另外設有小食區，約有6、7款小食
有我平時食放題最愛既番薯仔🍠飽住都可以食到7、8粒😝

仲有魷魚鬚、pizza喇...仲有個炸香蕉🍌試左舊都幾得意，好似炸芝士d朋友，只係入面轉為香蕉餡其實仲有個熟食區，好似自助餐咁有多款唔同熟食，有肉有菜，賣相唔錯嫁！

不過食完燒肉後已經飽左8成，我淨係食左碗蟹粥同飲左小半碗三文魚頭湯，都覺得唔錯🤔個人幾欣賞蟹粥唔係好稀好水個種

食到9成飽，係時係去搞搞震😆
勁想試下自己整章魚小丸子，不過見keep住都有人整緊，同埋係隔離見住人整覺得好似好難玩，所以最後放棄，走左隔離炒年糕😎

其實都係貪得意玩下，所以淨係煎左幾舊，費事做大嘥鬼👻
加d辣醬加d芝士，整得都似模似樣嫁😆 有齊材料比你煎，味道唔會差得去邊，除非貪心落得太多醬喇😏食埋炒年糕開始進攻甜品喇！如果你係好鐘意食甜品的話，千萬唔好食得太飽，因為呢度甜品既種類多到無多兩個胃跟本食唔曬😎

有好多種蛋糕啦、cupcakes 啦、糯米糍啦、喱哩啦、曲奇啦、蛋撻啦、豆腐花啦。。多到仲有d都記唔曬😅 甜品另一邊仲有好多花款既小食可以自己整嫁！

有爆谷啦、炒雪糕啦、雞蛋仔啦、格仔餅啦、棉花糖啦！

但由於太飽唔想浪費，淨係試整左棉花糖，原來一d都唔易嫁，同平時食既味道一樣，每人整左兩個，有食曬嫁，反正都唔會濟既😌飲品都係自助既，又係有好多唔同款式既飲品，仲有清酒🍶都係任飲，可惜在當日無沙冰試

朋友前排同佢老公食完，推介我可以放工去試下，因為間餐廳係開24小時，又係我返工地方附近，所以有時放工太晏都可以去😎

仲諗住放工已經係食飯時間去到要等位，但去到又無咩人喎，反而沿路附近酒吧都好多外國人，應該係香港人晚飯時間太夜，人地外國人都去曬happy hour🍻😂坐低時已經好肚餓，再望下個餐牌，都有唔少選擇，價錢都ok，又到左選擇困難症既時候喇😅
最後都係等我男友出手😎

當揀好後，只要到櫃臺點餐就可以，雖然全部都係外國人，但佢地都聽得明中文，所以如果怕用英文點餐既朋友唔洗驚😊

我地最後點左兩個漢堡包，一份薯條，半份雞翼同兩杯飲品

漢堡包唔太多款式揀，我男友係崇日既，所以一見到和牛漢堡就點左🐮

到上枱時係有嘩😮左一聲既（自問張相影得唔太好😅）
因為份量都唔細，而且塊牛肉好厚好大塊
由於太大個無從入手，又想兩個人share食，就問店員可唔可以幫我地切，佢解釋因爲係手打牛肉，如果切開就會好容易散，所以最後我係不顧儀態甘大啖大啖甘咬😀

一咬落去，係咬唔曬所有野既，又熱喎，淨係咬到半個😂
麵包非常鬆軟，帶有微甜，係我鐘意既類型🙂而厚厚既牛肉一d都唔乾，牛肉味濃，且有豐富肉汁，加上與半溶芝士混合，配有椰菜絲、酸瓜、沙律醬，係幾好味喎😋另外再點左個cheese burger ，今次個店員有幫我地切開一半喇😄
單從外表同和牛漢堡比，完全感受到一分錢 一分貨既意思😂但係並唔係唔好食嫁，只係有比較🤓

Cheese burger 塊牛排就薄d，但我反而鐘意呢個配有番茄，如果唔係食左和牛漢堡先既話，我覺得cheese burger 都唔差嫁🤔薯條有幾款選擇，而我地就揀左黑松露薯條🍟
食食下個包個黑松露薯條到喇，又係好大大既一份😁
剛剛新鮮整起，勁香！未食完個包已經忍唔住狂食左一半薯條，先重新拎起個包再食😂
本身個薯條仲跟左個沙律醬，因為熱辣辣食個時點左既話就會蓋過黑松露味，所以我係食到尾d薯條開始淋同唔熱我先點😌之後雞翼都黎埋喇！一咬落去，嘩！好辣呀😵不過食多幾啖就慢慢接受到，我仲食曬tim，不過個人覺得偏酸左少少🤓我呢d唔飲酒既人梗係飲返d小朋友野😂
我最愛既曲奇味，仲好重奶味，加上勁多cream😍
係肥既，但唔理得咁多喇😆

放工同男友係銅鑼灣睇戲，諗住食定少少野打底，等睇完戲先再食正餐🍴

係戲院附近都有幾多小食店，平時食lunch行過見呢間格仔餅店好多人係度等，所以今次經過都等我去試下先😌

除左格仔餅之外，仲有好多唔同味既雞蛋仔，不過我個人就唔太鐘意食，所以連有咩味都無留意😅
但就係等既過程係咁聽到人買羅宋湯雞蛋仔，唔通特別好食🤔

講到吸引到我既係佢幅圖既金莎朱古力格仔餅同玉桂蘋果格仔餅😁

因為平時屋企樓下都食到金莎味，所以今次就揀左玉桂蘋果試下🤓

買既時候唔靠算太多人，都係等左約10分鐘就有喇！

拎上手勁熱，成塊拎起黎好厚身，比平時食既普通格仔餅厚好多，所以食起黎好有實在感，傳統個d次次食完都好似食左陣風咁唔飽既，真係一分錢一分貨🤔

而夾係入面既玉桂蘋果餡俾得好大方，多到幾乎滿瀉😋
玉桂味香，每啖咬落都有好多粒粒蘋果肉，食完又唔會好漏，當小食黎講岩岩好😊

每個月總有一兩日會山長水遠入流浮山，搵我好朋友同佢隻仔🐶玩

元朗咁多好野食，所以每次入去都會搵定間想食既餐廳等地膽帶我去😌

今次我朋友就推介食最近開既雞翼包，佢話次次都見到排好長龍所以連佢都未試過🤔

聽佢咁講本來已經諗定食唔到既話會轉食其他野，點知我地去到竟然係無人😂

因為佢係外賣店，我地原本打算買返去食，但見佢係花槽石博位放左d枱仔係度比人可以座係石邊食，最後我地都係即買即食😙

兩個人叫左椒鹽雞翼包同蜂蜜雞翼包齊齊happy share👯

等左約10分鐘，熱辣辣既雞翼包到‼️

佢地用既包係自家製意大利包，咬落鬆軟，我幾鐘意😌
而每個包入面有3隻無骨雞翼，有d生菜、青瓜、洋蔥等

因為無骨關係，咬落啖啖肉！椒鹽味較為香口惹味😋
蜂蜜對我黎講都好味，不過偏甜左少少，如果對鐘意食甜既人應該都ok

加$8 叫左杯菠蘿青檸梳打，不過呢杯飲品既味道我就唔太欣賞😟飲唔出有菠蘿同青檸味，仲有d似罐頭水果味，整體感覺都怪怪的🙄

環境本身無問題，不過一路食附近一路傳出陣陣坑渠臭味，雖然唔關店鋪事，但坐係度or企係度食都會食得唔開胃，唯有急急食完走人💃🏻

自從男朋友帶我去食過一次後，就喜歡上呢個味道🍅

濃濃蕃茄湯底加上辣味好開胃😃
而辣度可以由唔辣、微辣🌶到大辣🌶🌶🌶仲有巴辣🔥自己選擇

雖然我可以食到中辣，但試過不同辣度後我個人認為微辣配蕃茄湯底係最perfect 👍🏻
因為既可以食得出蕃茄味，又唔會比辣味完全蓋過😋

另外湯底會配上幼滑炒蛋，平時唔食蛋味既我只要配一啖湯就可以食得落喇😂

可選配意粉、螺絲粉、通粉、長通粉米線、公仔麵。。仲有飯😦

而餸菜有好多選擇，好似食車仔麵甘揀就得，如果lunch or tea hour 黎仲會有較優惠既set可以選擇

今次我就揀左芝士配漢堡扒螺絲粉，一整塊芝士放係熱辣辣既湯上面，半溶芝士加蕃茄味螺絲粉好正😋
有兩個半塊既漢堡扒，味道就一般無特別

飲品我既必選係泡沫檸檬茶🍹
我鐘意佢無檸檬片係入面，又無一般茶既澀味，食完濃濃蕃茄湯飲啖檸檬茶。。好爽😌

食完約12點半，已經見到門口好多人等位👯‍♂️👯👯‍♂️👯所以都唔阻住人埋單走，到俾錢時先知原來12點9前離座成張單會88折😳
嘩！突然覺得好抵食😂

見呢間餐廳只係開左幾個月，平時經過見佢放出黎既餐牌都已經有興趣想試下，不過次次都好多人，心諗反正都係住附近咪下次先食囉😂

呢個下次到喇，因為撞正狂風爆雨，我同男友都係放工諗住食晚飯經過，竟然得一枱客人，終於都可以入去一試喇😄

餐廳面積不算很大，大約可容納20位客人左右！

坐低望下個餐牌，發現同門口個個完全唔同既！諗住走出門口望多次comfirm下，個店員已經拎左佢部電話出黎，show俾我地睇門口個餐牌張相😳

佢解釋出面個餐牌係會因應當天有既新鮮食材為當日推介，所以餐牌會每日更新，岩曬我呢d鐘意新鮮感既人可以成日黎😌

係我地好猶疑揀邊款既時候，有位店員過黎同我地講解佢地既牛扒及意粉係平時最受客人歡迎，而佢介紹牛扒時，特別介紹埋配菜，因為大部份都係用有機新鮮蔬菜，會比平時出面食既唔同，呢點幾吸引到我🤔

雖然佢介紹得好詳細，不過連續食左幾日西餐唔係牛扒就意粉，所以最後我係點西巴牙黑豚豬🐷店員話配菜都係一樣嫁！而我男友就點左大啡菇燒春雞🐔今日餐湯係大蒜薯蓉忌廉湯
只有淡淡大蒜味不會太濃，不太杰身但又有薯蓉口感喎，而且無味精，不錯喲👍🏻

餐包用左竹炭法包，成本會較一般餐包高，以一般小店黎講確實少見，而麵包外脆內鬆軟，香口健康😀

但我最欣賞係個自家製手打牛油，又香又滑，令我完全拋開左個「肥」字，完全食曬這個黑豚豬整舊厚到不得了，起碼有一寸厚😵
平時食豬類最怕就係「鞋十十」，初初見咁厚肉都以為一定會好韌好痴牙！
點知一刀切落去個下就知我誤會左佢喇，肉質鮮嫩唔會整得過熟令到口感差，整舊放入口好易咬又無渣，唔需要點個汁已經好好味😋
仲要有原條蘆筍襯托上夠大方，平時見就算有最多都只係切條放幾條係旁邊大啡菇燒春雞，煮得剛剛好，雞肉幼嫩多汁，連雞胸肉部位都唔「鞋」嫁😀
而底下大啡菇完全吸收曬燒雞既汁，一啖雞肉一啖菇，都係唔需要點個醬已經好好味😋兩個主菜已經好出色，但無諗過旁邊既所有配菜更出眾😵個店員無介紹錯
平時据扒無論個扒平又好貴都好，旁邊既配菜感覺都只係裝飾用，都會食既但都唔會覺得太特別！
但呢間餐廳睇得出佢地對整體食材都好有要求，主角固然做得好可以令佢發光，但會做到連旁邊配角都會同樣發亮，係我最欣賞既地方👍🏻
個番茄仔大大粒同平時見既唔同，原來係黎自美國既串茄，煮到表面微熟，一咬落去勁多汁，仲好鮮甜🍅
薯仔我最喜歡，外層香口，內裡咬落軟稔，帶微甜
仲有青瓜都係好新鮮又唔會煮到「乾爭爭」本身跟餐有飲品配，我應該就係鐘意加錢轉特飲既人，每次都唔跟人地個餐飲😎
一杯係鮮檸🍹一杯係青檸🍹飲到有新鮮檸味唔係澀味，綠野田園仲飲到少少草味🌿
個人覺得兩杯都好飲😊餐廳性價比很高，食物質素超出我預期✨
而且員工服務好好，食餐飯都解釋得咁詳細，到最後原來同我講解食物個位店員原來係廚師😵因爲當日落大雨無咩野做所以出左店面幫忙😅
我決定下次一定要再去試意粉同牛扒😋

同朋友仔係西貢食完lunch，諗坐行去海旁吹吹風繼續傾下計

沿路行去海旁時經過間飯品店，見佢主打新鮮果汁類，所以就決定買返杯先坐海旁😁枱高頭望個menu有好多款選擇，不過已經俾佢show左係前面既飲品吸引左，係近期都好hit下用袋裝既飲品，入面仲有d生果係度，咁就梗係揀佢黎呃下like😆

原來個賣點係新鮮水果加有汽梳打，我揀左泰式薄荷青檸，見佢係即切青檸加薄荷葉，然後用部機器打入氣泡就完成！

味道同一般青檸梳打無分別，只係多左種飲汽水既感覺，所以都算係唔錯既

早兩日放假諗住係屋企hea下啦，點知比兩個都係咁岩放假既fd半推半就既情況下召左出西貢話想傾下計（心諗傾計洗唔洗入到西貢咁遠🙄）

三個女仔傾計，當然要搵個坐得舒服又乾淨既地方喇😌

其中一位朋友就提議Let's Jam🙆🏻

去到門口見到餐牌有好多套餐可供選擇💁🏻

望左陣我諗到想食咩喇，即刻入去搵位先！

點知入到去order時，我地三個都不約而同咁揀左All day breakfast 🎉我就揀左玫塊蘋果梳打，味道清清甜甜，不過唔太飲得到玫瑰味，底有d一粒粒，一路飲都有d口感🍹
而另外兩位朋友揀左咩。。我唔記得嚕😆因為製作需時，而我地點既又一模一樣喎，等左差不多都半個鐘，三份熱辣辣既All day breakfast 到喇🎉🎉

欣賞個🍄同蕃茄整得好好食😋
其實我係一個唔鐘意食蛋既人😗不過蛋入面有溶溶地既芝士做夾心喎，再加埋黃豆一啖過食，蛋味唔濃烈😀所以都食左大部分😆

我仲加錢轉左做牛角包，留到最後先食，竟然一d都無淋到仲好鬆脆，加埋佢地個士多啤梨醬，好正😋👍🏻