一直想著要去，但未有時間。終於，找個周六，出發！ 一進去，已被那古早台灣陳設吸引，禁不住先影相。未點餐, 先興奮！ 到食物，選擇不算少。我點了雞肉飯，老公點了魯肉飯和蝦捲。之前看食評說雞肉飯太亁，可能阿元從善如流，汁比以前多(比較之前食評的相片)，我覺得不錯。魯肉飯好味，蝦捲味道有點像福建菜中的五香雞捲，也味美。（不好意思, 食物相片有點失凖...) 餐牌還有很多食物是我想一試的，下次要再來。 總的食後感是，覺得自己去左台灣，當自己去左旅行！

第一次遇上牧羊少年，是在沙田的文化博物館，那時已經喜歡上它的文青氛圍。這次，它落戶將軍澳單車館，所以立即去試。 餐廳地方闊落，落地玻璃窗戶面對單車館外的水池，感覺閒適舒服。 食物選擇不算多，但亦吸引，而且有健康選擇。當天點了黑椒鴨胸意粉、秋葵胡麻餃子、燒牛肉麵豉湯烏冬，賣相和味道都不錯。 在寧靜的環境享用美食，在忙碌的生活中享受一刻的慢活，為自己減減壓。 如果將軍澳店可以如其分店一樣，辦一些講座活動，就更好了。

築地，係香港人的至愛。用築地做名，難怪此店最初開幕，條長龍勁誇張，無耐性排隊的我，一直無機會試。 星期六下午兩點左右，在附近尋食諗起佢，行去望下仲有無龍，喜見無乜人。揾個面對維港的靚位坐低，order 最愛的壽司。 壽司好新鮮，仲有間八魚、金目鯛等比較特別的選擇，味道唔錯。重點係在天朗氣清的下午，面對無遮擋的無敵靚海景食飯，真係無得輸！ 美中不足是，行去碼頭條路因為做緊工程，比較迂迴同大塵。要等工程完成，相信仲有一段時間。

姆明，一代人的童年回憶！ 餐廳充滿可愛的姆明一族，環境、食物、餐具都有！最愛飲品上的角色圖案，我地四個人，叫齊四個圖案 - 姆明、精靈、阿美、史力奇，姊妹們都大叫＂好得意！＂ 另一亮點是，仲有無敵大海景伴食，部分坐位仲對住大玻璃，正！ 至於食物質素，就真的非常一般... 沙律無味，餐湯太鹹，其他食物味道都正常，不過不能叫好味... 所以嘛，食主題不是食物... 當日見到不少小朋友。雖然這一代的小朋友應該唔識姆明，不過見到可愛公仔，他們仍是笑逐顏開.

中環食晏，人多又貴，質素又未必有保證。
搭三個站地鐵，原來有更好嘅選擇。

上星期同老公試左呢間餐廳。遠離中環，環境寧靜，可能近香港大學，仲多左一份文青feel.

頭盤我地揀左忌廉西芹湯，同雞脾菇. 湯好特別，個菇成朵玫瑰花，超靚！

主菜係 slow-cooked cod fish 同 pork belly. Pork belly 肉入口即溶，外皮好脆。Cod fish 個様無乜特別，食落有驚喜! 最開心係我一向唔食魚嘅老公，都話好味不停食.

主角來了！呢間餐廳最出名是甜品，好期待！我地點了 Kyoto Garden 同 Green Tea Tart. 果然無令人失敗，賣相同味道都無得輸

大滿足的Lunch, 視覺同味蕾都有很好的享受！

家住坑口，幾乎日日經過，不過好少幫襯，因為怕肥…

今日心血來潮，好想食糖水，先知原來平日夜晚都坐無虛席，所以買外賣番屋企。

我叫左杏仁合桃露，老公要薑汁湯圓。

薑汁湯圓無咩特別，不過不失，OK啦。

杏仁合桃露就相當有驚喜！我一直好鍾意食合桃露，但唔係間間得，但聰嫂呢個真係掂！一打開已經好香，食落唔太甜，杏仁同合桃味好平均，唔杰唔稀，食落又唔會膩，正！我覺得好味過杏花樓同滿記好多！

聰嫂真係唔係浪得虛名，唔怪得華仔都親筆提字俾佢啦！下次再試另一種糖水，對豆漿腐竹好有興趣！

以前試過Mega Box果間御苑皇宴，環境同食物都唔錯，今次朋友聚會，選了尖沙咀新開果間，裝修好靚，比Mega Box果間仲多左個無敵海景。

食物方面，真係好好味！有幾味特別值得推介︰

土匪羊扒 – 見個名幾攪鬼，加上本身好羊，所以一試。個樣有D似黑椒雞扒，食落好香，好特別，仲好有羊味，羊癡必食！上枱無幾耐，已經被橫掃，差D連相都影唔到！不過，唔記得問下點解叫「土匪羊扒」…

有朋友建議食咖哩牛腩。咖哩牛腩周街都有，雖然我好咖哩，但無物期望。點知出乎意料，好濃既咖哩，勁香！跟窩巴食，非常一流！聽酒樓D人講，平日佢地中午有做埋免加一碟頭飯生意，呢味咖哩牛腩好受歡迎架！

食得多肉，黎個菜。酒樓推介下，點左豆苤，即係豆苗最嫩果部分，真係刁鑽。結果真係無介紹錯！比一般豆苗更好味！

甜品方面，我地點左土豆西米焗布甸，貪佢夠特別。平日多數係蓮蓉或芋蓉，估唔到土豆都得，而且仲正，又唔會太甜！正！

好滿足！正如之前Ms Chung食評講，人、境、食都好好既一餐！一定會再去！

午飯在中環尋食, 是頭痛的, 到處都人山人海.

某日, 本與同事打算到安和里吃印度菜, 但人多之餘, 當天的set lunch又不吸引, 於是離開. 離開之時, 忽然見到一個新的宣傳牌, 是一家新的樓上西餐廳, 決定一試.

原來餐廳是members only, 但入會手續簡便. 或許是新食店, 沒有人! 座位是高背沙發, 很舒服. 服務員很友善, 耐心講解菜式, 但又不hard-sell. 點了steak, 明顯是炭燒的, 好有肉味, 又juciy, 不錯！

剛巧將有一大班國內同事到港, 決定在此處訂位.

跟他們吃的那一天, 頭盤最令我興奮, 是西班牙奄列. 賣相很漂亮, 大酒店一樣. 像是薯仔蛋餅, 旁還有放得像一朵花的火腿, "好食又好睇"！

主菜是磨菇意大利雲吞, 汁料的味濃, 是我最愛的creamy. 最後的咖啡也是水準之作.

在中環可找到一處寧靜舒適的地方, 吃一頓味美圓滿的午餐, 確是一個驚喜！美中不足的是, 這裡沒有甜品…

老公說了不只一次要嘗「一門」之味. 今天晚上, 我倆難得比平常早下班, 就跟他一起去. 沒訂座, 幸好還有"Bar檯".

嗜羊的我們, 見到餐牌上有"羊菜”, 一定不會放過. 但是這個京蔥羊肉卻令人失望…羊肉變了羊碎, 又沒有羊味…一點不覺得在吃羊肉…

幸好, 燒物實在有水準, 燒雞翼及燒牛舌均不錯, 不會過焦, 或過乾, 只是雞翼略嫌細小了點…

帶子燒餅也不俗, 帶著蛋香, 而且很飽肚. 老公認為帶子太細小, 我卻覺得這樣反而更好, 每件均包含一至兩隻帶子.

個人最愛是燒茄子. 跟一般燒茄子不同, 上面沒有醬料. 上桌時白白的茄子上加了木魚絲. 吃到蔬菜的新鮮和甜味, 還有點juicy. 吃過幾個濃味的菜色後, 再吃這清新的菜色, 感覺很refresh！

可惜店內環境太暗, 加上沒有帶相機, 所以用手機拍的照片不太清楚, 不能令大家看到菜色的真面目.

在中環上班的我, 每趟經過蘭芳園, 都很想試一下並馳名的奶茶. 可惜平日中午, 蘭芳園前的人龍都令我卻步.

這天是星期六下午, 與老公吃過勝香園蕃茄通, 決心要到蘭芳園喝奶茶. 新店沒營業. 沒關係, 反正希望試舊店. 為什麼? 就是那經典的檔口, 已足以吸人我.

人不算多, 要了一杯凍奶茶外賣(HK$15). 30秒就已經ready! 好快！

期待已久的奶茶！茶味與奶味分明, 好味！可惜是, 原來舊店只用普通冰, 沒有新店的茶冰. 若不是第一時間品嚐, 那一定變淡.

嚴格來說, 是非常有水準之作, 並非浪得虛名. 但個人認為, 灣仔金鳳的無冰奶茶更勝一籌, 比蘭芳園的更滑, 更有奶香, 而且價錢仲平HK$3 (即HK$12)！