我地同坐對面既朋友溝通上有時聽唔到， communication error 呀！可能係d音樂大聲得濟，亦可能係我地本身聾聾地既關係。

野食都算幾好味，抵就唔抵啦， Times Square 既價錢囉。

有免費水飲，作為一間正宗西餐廳，都算係咁。

坐得 ok，係一間可以一試既餐廳但我唔會大力推薦。

一個字: 快

好快, 三秒到啲野就上枱 -.-
"O" jor my mouth

好食, 但散嗌就超貴

侍應講野唔清楚, 基本上唔知佢 up mud, 但係最搞笑係, 有個客食緊, 個侍應同個入黎等位個新客講, "呢張吖, 等陣好快有位", 跟住問個食緊野果個: "啲野黎齊未?" 跟住俾張單佢!! 個食客俾佢吹到啤左一聲!! 笑死我地 XDDDDDDDDDDDDDDD

ok 既, 未黎過應該要黎見識下, 侍應既威力!!!

去同女朋友食 lunch~

由中環地鐵站出發, 撘sogo 電梯, 長征咁, 超遠呀!!~~~~仲要落雨囉, 差啲佢收舖先到 (2.30pm), 不過經理超好人等埋我地咋, 係咁問我地去到邊 haha~ 最後都成功到達

一黎就有香檳送, 有包食, 暖既, 唔錯~牛油好好味!!

南瓜湯 is good~, 我叫左酒煮青口, 有打半青口, 差啲食唔晒...
女友叫左羊扒, food is good~ set lunch 有甜品同飲品送, 唔錯唔錯!!

總括黎講, 好唔方便, 但食完都覺得冇去錯地方, 雖然有烏蠅...

哈~第一次去燒, book 枱時問左可唔可以自備甜品, 接線生話可以冇問題, 唔收錢, 佢仲問我係咪搞party, no la~ 考完試食餐飯啫.

當日同學仔考完都已經10點, 去到十點半到, 俾左啲甜品叫佢地雪櫃, 冇問題, suki 出左黎問我係咪會溶, 我諗唔會掛, 結果都 ok!

原本七人坐長枱~勁窄囉, 好在坐左陣 suki 幫我地轉左張坐得舒服啲既枱, 滿意~

跟住叫左宵夜menu 既所有野, 加兩客 ($98 each) 既和牛, 最後再叫多兩碟肉, 啲野黎左之後我地 (其實係我) 就將所有野鋪滿左個網, suki 走埋黎講咁唔得架~ 會火燭!! 哈其實唔知會係點但, 總之suki 之後就全程幫我地燒, 仲送埋雪笆, 正正正正正。奇倫啤好飲。吹水中得知原來suki 就係聽我電話個接線生。

有啲女同學仔覺得叫 Eddy 個 waiter 好似 Edison!! 叫我問佢攞電話, 哈哈佢勁唔好意思囉, 跟住佢地話我知原來佢地同左 Eddy 講我係 gay (IM NOT -.-") 再叫我問佢攞電話 -.- 其實係佢地想問人攞電話, 駛唔駛咁複雜呀老細? 想問自己問啦 -.-

有人教住燒真開心~十點後宵夜 75折, 和牛半價, $150位, 有人熑貴, 我覺得 ok. 幾開心幾好!!1

鬼佬 size, 飽到死人, 又好味喎
總之正正正正正
見到餐飽已經 high 咗
建議 share 黎食, 可以食多幾樣
唔啱熟可以叫佢整過, 我次次去叫 medium 都俾七成我 -.-"
質素冇問題, 價錢 ok 啦, 有咁既環境, 食物有水準, 但銅鑼灣果間就一定要訂位, 尖咀就未必.

絕對可以返卓。

有frd (相中有佢隻玉手) 有會員卡所以黎high tea, 六個人食左四個set tea 再另加兩杯飲品，我要左健康寶寶，酸酸地都可以接受。會員卡收少一份人錢，所以作為酒店都算幾抵，環境幾好，野食都唔錯，不過啲侍應唔會將啲野食捧到你面前，而係叫坐外啲果啲將啲野遞俾坐裏面果啲，o係我印象扣左分，五星服務一定唔係咁囉(雖然唔知間野高唔高級)。除此以外其他一切都唔錯，如有折扣會再黎過。

因人叫到所以黎試下，地點超方便，地鐵站一上就係，嗌左田縲同蟃魚飯，味道比起呢個價錢算係一般啦，不過地方加分，如有卡位坐就更好。之後再嗌多兩個甜品，都是ok 的，不過唔記得影啲野食，如果諗唔到去邊食呢度都可以試下o既，不過唔好太大期望，一句到尾，不過不失。

坐呠呠車去, 但去到赫德道附近唔知點dou 入去, 最後要打1083 問酒店電話再問點去, 仲打左兩次一零八三因為第一次佢俾左"利"景酒店(灣仔) 個電話我-.- 最後遲左十分鐘, 俾訂枱O個個催~ 不過已經到左樓下啦. 有代客泊車(食一千>兩/三個鐘免費), 樓下冇咩排場可言, 不過唔係重點。

五個人(本來係兩個, 剩低果啲O係度發光發熱), 叫左兩個大set dinner (好似係5 至6 個courses), 五百幾一個set, 一齊share 食, 而啲女仔又唔係點食(而且冇俾錢...), 所以係兩條仔食, 超飽, 不過份量請大家預左係"細", okay~ 味道冇得彈, 食左啲乜都唔係太知, 因為我英文唔好~ 總之set dinner 裏面有得揀既野全部黎晒(因為係兩份吖嘛), 大概印象係牛pa, 石班, 意粉, 天使麵, 海膽, 雪芭, 朱古力, 士多啤利, 服務超好, 有人同你掃走枱面啲碎, 去厠所會有人帶到門口, 侍應講中文的.

風景ok 啦, 我地唔係坐對正, 要側身望, 自己睇相啦~

之前有食評話呢度係媾女聖地, 冇錯, 但記住係兩個人黎, 千析咪拖frd 出黎做電器唔該~

好地方, 好服務, 唔係好貴, 兩個人其實可以share 一個大set dinner $528, 呢種地方, 值得.

因為無啦啦有兩張永安coupon 買一送一所以先特登黎試下, 本來張coupon 十四號到期, 但我打電話問原來延期到廿一號. 閒日lunch buffet $178+10%, 銅鑼灣果間貴廿蚊, 咁諗住費事去咁遠所以四條友去左尖咀呢間食lunch buffet.

野食都算有, 十一喎熱野, 湯, 甜品同雪糕都有(烏蠅圍住盤生果飛).飽一定飽但食就唔覺特別好, 不過cheap 到爆既係罐裝汽水/獅威啤酒竟然要廿四蚊, 收錢就唔好擺出黎啦, 唔係窮到咁呀, 我真係x y 老z.

因為搭的黎所以四條友一人一舊水到, 聽講銅鑼灣間好d, 睇黎廿蚊都真係有佢既存在價值.

如果冇coupon 我會後悔黎左呢間野. 有就... 一百蚊自助餐, 係咁上下.

晚餐-有訂位-服務員嚴重不足-廚房係開放式-超爆多人-環境超嘈(因為多人)-坐得都算可以接受-食物算係中上價錢-味道一般-有食蔥燒遼參-送飯一流-拔絲香蕉唔夠脆-雖然對樂富無咩要求-我覺得唔需要再黎-佢地生意實在多到做唔切-可能隔離間會仲好d(起碼見唔到人排長龍)