椰皇芋圓蕃薯圓湯丸 只能説十分失望，價錢同味道係不成正比，只能怪自己選擇錯左😭 無乜椰味，水汪汪 芋圓蕃薯圓無乜芋頭同蕃薯味，好似食緊擦子膠一樣 唯有好味的是芝麻湯圓，

跟朋友預早慶祝聖誕節和她生日，所以book了紅磡九號水產的蠔窩 入到去先知原來馬德鐘係其中一位老闆 當日的dinner set menu 和生蠔list 由於當日set menu 的菜式不合胃口，都是散叫的好！ 餐廳有優惠是凡點了一支酒，可以用優惠價$10一隻生蠔，最多配三隻 當日特價生蠔是4. L' fine oyster 睇就大，但食落肉薄，幸好海水味夠濃 但早知係咁，我會散叫其他meaty d嘅蠔種。 點了兩個前菜 焗田螺和蟹肉多士 兩款都好好味，當中蟹肉多士啖啖肉，配上少許黑松露，提升不少食味！ 這個叫一半磨菇湯•一半龍蝦湯配一隻吉列蠔 這個湯絕對是must eat item 先喝磨菇湯，菇味濃郁，質地幼滑 干邑龍蝦湯是重口味之選！味帶回甘，配上吉列蠔是一絕！ 我的主菜是龍蝦意粉 正常味道，不過不失 相反我朋友的欖油帶子意粉水準十分高，果然是隔離飯香！

點了松葉蟹腳拼帶子意大利粉 份量十足，實在令人意外 蟹腳夠咸鮮和夠厚肉，令我驚喜 廚師能夠掌握帶子的生熟度，不會過熟，加上十分大粒！ 意粉是煮得偏軟，但幸好醬汁的美味力挽狂瀾。 其實我是最喜愛午餐中餐湯所配的小牛油餐包，十分香軟。

點了招牌湯粉- 越大哥招牌香葉燒肉鮮茄蟹肉湯越南粉 蟹湯只聞其味卻不能在湯底反映到它應有的鮮味，是失望的 札肉和豆卜看似是來貨，味道正常 唯有值得讚的是越南粉是十分彈牙。如能改善湯底問題，會回頭試多一次！

因為同長輩食飯，所以專登book Ritz Carlton the lounge and bar 好好享受一個下午！ 環境雖美，但食物的質素卻只是一般。 幸好服務質素還是配得起這樣價位的酒店。 酒店跟奧地利著名Cafe( Cafe Landtamann )crossover afternoon tea set Afternoon tea set 還未到時，我杯chocolate Schonbrunn 就到了！係一杯熱朱古力配橙酒和whipped cream. 朱古力入口濃郁，橙酒味適中，確是不錯！ 老實說，我本身係幾期待這個afternoon tea set, 但最後卻有少少失望 首先，整個afternoon tea set 甜點較咸點多 第二，甜點的口味比較漏， 最後還是點多一個牛油果烤大啡菇漢堡是最美味的！一試難忘！ 大菇厚肉並juicy 好似吃排咁!!😊

我係第一次食自助餐食到訓著覺
應朋友邀請，放工後去灣仔諾富特世紀酒店嘅LE cafe食晚餐自助餐。

用OpenRice 優惠券所以有折，但我覺得折左嘅價錢同我所食嘅野都吾成正比。晚餐三百幾蚊有蠔食 都吾期望話啲生蠔會好大隻
生蠔size固然偏小，基本上我每食一隻蠔都有蠔殼碎，酒店應多加留意。 不過生蠔蠔味濃郁，可以話係全場最好味蟹腳十分鹹但實肉 一隻起兩隻止
翡翠螺則正常質素！

除了生蠔，我吃得最多就是甜品。焦糖雞蛋布丁是所有甜品裡面最好味的，雞蛋味濃郁但又不會過甜，表層的焦糖還是脆脆的
其他小杯裝的甜品就不過不失

熟食基本上我冇食過 實在不太吸引

星期日跟男朋友閒逛九龍城，喜歡食辣的我倆看見川館門口吸引，就入左去坐！
我就叫了滑雞米線火煱湯底。
首先望望色水，合格，並不是有很多辣油浮面，感覺健康一些
雞肉十分嫩滑，而且份量十足，我也有分雞肉給男朋友試，他也說十分滑，並不像本時在米線店所吃的鞋口雞肉。湯底就不是很辣，但辣得清新，喜歡吃很辣的朋友可叫中辣起跌。米線煮得正正常常。
男朋友則叫了燃麵，我嘗了一口，是跟我的米線截然不同，除了辣，還有麻的感覺，十分過癮！

等男朋友黎接我放工，一個人走左去飲杯野食件餅
先説環境，我坐了outdoor的椅子 感覺都幾似係外國架！隔壁食緊煙都會飄到過黎 會有啲吾舒服

我點了熱朱古力和檸檬批
先評論熱朱古力，只能説平平無奇
看見店員只用吉百利朱古力粉來調製 我只是覺得不值得售買差不多五十幾元的價錢
朱古力只是死甜 沒有層次

檸檬批也是令人失望 第一次食到一個檸檬批係甜到無朋友 嗰感覺就好似融左啲檸檬味瑞士糖黎整呢個餅咁 又十分痴牙 這間店又係試一次就好

放左工去左銅鑼灣買嗰海鮮丼外賣拎返去學校食當做晚餐食飯時間到！
除了已配撘好的特定海鮮丼
客人還可以根據自己口味選擇喜愛的配料 加二十元還可配成套餐 有湯和前菜這個就是我的晚餐
分別選擇了三文魚籽($38),加拿大海膽($58)和松葉蟹肉($38)，合計總共$134
這個價錢並不便宜，要吃好東西總要付出代價
配料十分新鮮，三文魚籽粒粒圓渾，海膽雖然沒有日本貨的濃味，沒有苦味已經高興松葉蟹肉份量落得十分多！
內藏小驚喜是壽司飯混合了類型小白飯魚的魚仔，可看得出餐廳的心思值得各位一試！

有芋圓食的甜品店愈開愈多，但質素參差。但食一碗好味的芋圓真係幾靚

上社交網站見到點點甜嘅芋圓好吸引 ，所以一個人去試下係咪真係咁好食點點甜門口貼左張八折優惠單張 話由下午三點到七點前結帳可獲得八折優惠 （ps. 但張單張無寫明春季限定的甜品係不適用此優惠 我都係埋單先知自己中伏 自己就覺得做生意太吾老實係有啲差勁)

言歸正傳 要品評下啲甜品先芋圓仙草盛 $30

我就叫左熱嘅 但碗甜品黎到就凍冰冰
其實我係俾芋泥所吸引的
芋泥的質素令我失望 雖然芋頭味濃 但裏面的芋頭粒大小不一，加上調味不足，仲要吾夠熱，感覺就好似食緊泥膠一樣

芋圓的數量適中，雖然芋圓本身的味道不足，但配上偏甜的糖水一同進食，可以互補不足 其他配料如西米，小丸子，紅豆蓉質素正常，不用多評論了