由於餐廳做緊promotion身份證有某啲數字中咗就有優惠嘅關係，所以我哋就決定去試下~😊 德國菜今次係第三次食，呢間算係最好嘅一間，而且成晚客人都源源不絕，可見食物係有一定水準先會有咁多人幫襯😌我哋一行8人，所以都order咗好多唔同種類嘅嘢食，湯都order咗兩款，不過掛住傾計同食嘢所以有好多相都冇影到😅但係所有食物都好食嘅~有機會都會再嚟食☺ 整體大至上都滿意，服務不過不失，當然可以再好啲😆都有某一兩位侍應比較殷勤啲🤭

同幾個朋友諗住夜晚收工叫啲外賣一齊食少少，飲兩杯就各自歸家，原先打算叫BBQ外賣自己拎，誰不知諗住提早幾個鐘落order點知人哋話幾個鐘後嗰段時間驚會忙，唔做外賣🙄所以就揀咗呢間焰亭~ 拎咗張外賣紙返嚟睇下有咩啱食，發覺種類好似算多，但好多嘢都唔太啱食，簡單啲講種類多，但唔係大眾化口味，左揀右揀都唔知食乜好~最後就求其叫咗幾串嘢~嘩~拎到返嚟打開一睇😑😑啲嘢咁鬼迷你，張單$3xx，感覺好似俾人搵笨😤😤雖然我都知香港地乜都貴，但都唔係咁離譜㗎，真係唔會再有下次

經過見到呢間啱啱轉手冇耐，朋友話食過ok,咁就去食lunch，食完先知原來呢間係一間集團~ 食物質素同價錢屬於合理，唔算貴，味道方面都幾好，不過當日嘅餐湯比較偏咸😅朋友叫咗意粉，我叫咗魚柳，個意粉好好味😋😋反而我叫嗰個魚味道淡咗啲~可能魚本身係超大塊（比起其他餐廳🤣），所以難入味，又冇乜醬汁點，所以比較起來遜色咗😄 服務方面都算ok~真係講英文嗰啲侍應就好禮貌😗起碼講嘢都清晰聽到😎相反嗰啲講中文嘅侍應出菜時講英文講到好快，我聽唔到佢嗡乜😅

朋友話想食川菜或湘菜，就有人話呢間酸菜魚好食，好多人讚，於是就訂位去試下~ 訂咗7點，去到門口時見到已經有人係度等位，好彩有訂位，如果唔係唔知要等幾耐🤪坐低就有人俾張紙我哋睇同落單。睇到張order紙覺得種類同款式唔太多，小食嗰啲全部我都唔啱食😅所以我哋兩個人淨係order咗3個餸，加兩杯飲品，三樣餸包括係一個酸菜魚，一個醬油香鍋(加咗5樣餸)，同埋一個霸王辣子雞~不過個酸菜魚啲湯真係超酸😨，超到我打冷震😅但我知道好多人都鍾意佢夠酸，反正人人口味都唔同🙊至於個霸王辣子雞就真係嫲嫲哋~入面啲腰果好似疏咗氣咁完全唔脆，係好似有啲淋淋哋咁，另外就係啲雞同啲辣椒嘅size係完全一樣🤣要不停咁望真啲邊啲係雞，驚食錯🙈連個侍應生都以為我哋食完想收碟，佢之後都再望真啲係仲有雞，先放返低🤭早知啲雞都係咁細粒嘅話叫返宮保雞丁算數😄另外佢杯hoegaarden個價錢比西餐廳仲要貴十幾蚊，而且size又唔係特別大杯，如果好似我咁鐘意食同飲同時進行嘅人嚟講，我唔會選擇係度食，因為食物款式少，而且飲得唔夠盡興😂😂情願去食西餐會好啲，起碼款式種類多，而且酒精飲品價錢都比呢度合理先😆（以同區比較）~ 服務整體上都ok嘅~

朋友推介話呢間好食，而且價錢合理，唔貴~於是就相約朋友一齊去試😎 我哋訂咗7:30，諗住早啲過去搵下地址（雖然自己都係住區內，但就好少行到堅尼地城尾🤭），因為以前未聽過有呢間食雞煲嘅地方，以為係新開張，點知去到先發現原來係一間開咗好耐嘅餐廳，店舖望落好舊而且好似唔係太乾淨，令到我有點兒卻步😅😅但最後都決定入去食，因為附近幾間火鍋都試過，而且朋友話呢間堅好食~所以就試下係咪真係咁好食先😌始終好多嘢我哋係唔能夠單睇表面嘅~要試過先知內涵😄😄我哋叫咗個招牌雞煲，真係好食㗎😋😋味道香，同埋見到佢嗰度啲海鮮都唔係賣得貴，算賣得平~係環境吵雜咗少少同埋坐得冇咁舒適啫~至於服務方面係爭啲，可能啲姐姐忙，同埋地方嘈雜，所以講嘢比較大聲呱🤣

其實數下手指，呢間餐廳幫襯過最少5次以上，多數晚飯，係今次就happy hour嘅時間同朋友嚟傾下計~例牌一坐低就係睇下有咩香口小食同叫啤酒😂😂由於約咗另一班朋友7點係其他地方食晚飯，所以係度唔可以飲太多同食太多，如果唔係到時下場就食唔到嘢~所以叫咗個價值$145嘅雞翼拼薯條同沙律，一次過有晒3樣嘢😋，同叫咗兩杯大嘅 Hoegaarden🍻🍻😎😎咁就傾兩個鐘，真係好抵~而且個雞翼拼盤跟咗個類似泰式醬汁，超好食呀～🤩🤩 不過就次次去食飯，頭頂一定有啲蚊係上面圍繞咁飛😅如果可以有辦法減少蚊子數量嘅話就實在係更好🤪🤪同埋如果可以有個識講廣東話嘅侍應就超級好啦～🤣🤣因為本人英文水平有限，每次嚟食飯都會有種驚驚感覺，怕自己會聽唔明侍應講嘢，大家之間會溝通錯誤😅

今次係開張以嚟第三次嚟食，因為今次得兩個人食，所以叫唔到好多嘢食~但一定會叫我最愛嘅椒鹽九肚魚，一口豆腐粒同埋鴨血😋不過今晚食嘅九肚魚同之前食嗰兩次有啲唔同，冇咁好食，唔知係咪唔夠新鮮呢🤔～另外仲有個安格斯牛肉都好食😚飯後有甜品，不過嗰個甜品都係同上次一樣😅我覺得太甜，芋圓口感唔夠煙韌😄純粹個人口味啫~ 當晚見到佢哋人手都好充足，不過有啲姐姐明顯係新手，問啲嘢都答得唔太清晰😅有個仲搞笑，隔離枱同佢講完嘢後，佢就將隻碟放係我哋度🤣🤣我朋友話我冇叫你拎碟哦～佢聽唔到就走咗😂隔咗陣有第二個行過見到我哋枱面有隻乾淨碟就話幫我哋收走🤪🤪

結婚週年紀念日，原先諗住買餸係屋企兩口子打邊爐慶祝就算，晏晝就出銅鑼灣行下街，幫bb添置新衫先~一落車就見到sogo巴士站嗰度有間寫住食蟹嘅又係日本餐廳，老公就提議不如唔打邊爐改食蟹啦～咁我話如果食蟹嘅話不如去世貿間蟹家啦…因為上年朋友生日食過一次，我覺得幾好，可以再去，所以就當日打去book位，remark想坐窗口位，因為可以望海景，當然店員都係答盡量，唔肯定一定有，去到嗰時當然係冇窗口位坐，可能訂窗口位嘅客人早過我哋訂呢🙂～ 坐低即刻叫兩三款小食食住先，再慢慢睇下個餐牌，再決定食咩餐~ 見到佢有個蟹餐$3990，但要3人以上先可以order,另外又有個2人毛蟹餐就$1200，但我唔想食毛蟹，所以最後叫咗個和牛餐，見入面都有啲蟹件，再另外散叫幾樣食物，點知就係個餐有啲中伏😅😅不過除咗個餐外，其他嘢都好好食，加上殷勤嘅服務，我哋大致上都滿意嘅~到臨走時老公都仲話下次嚟一定要叫隻毛蟹食，我個人覺得$800隻毛蟹，仲要咁細隻唔係太抵食😏

基本上我每個月都會同唔同嘅朋友約出嚟食飯，所以每次都要搵唔同嘅地方同餐廳食飯~不過今次呢班朋友就大部位住新界，所以就搵個中間點嚟食飯，於是有人提議試呢間。 朋友訂咗枱，所以去到就即時有位，唔使等，上到去嗰時見到店舖唔係好似出邊打邊爐啲餐廳咁大，而係細細間，啲枱都細張啲，由於我哋一行四人入面有3個都係屬於肥同大隻，所以我哋迫係張細圓枱度覺得好辛苦，不過冇辦法啦～香港地係寸金尺土，好多店舖都有咁嘅情況~聽聞嗰度雞煲係任食，即係可以食完一煲又一煲先再叫湯底打邊爐😋不過由於係有限時，所以我哋覺得都係食完一個雞煲就開始打邊爐算😆費時唔夠時間食其他😙 不過睇返張order紙，又唔係有太多種類食物，同埋好多飲品都要收錢，除咗汽水外😅仲要唔係有個雪櫃放係出邊俾客人自己拎，係你需要就同侍應order,等佢哋拎俾我哋… 除咗店舖環境同擺設特別外，其他嘢食都係一般般，算過得去😂

今次係本人生日，所以朋友請我食飯~😁而家想搵間有生蠔食嘅自助餐真係好難，以前食過幾間都有，但而家陸續開始冇部都冇得食生蠔🙄係openrice搵到後都要打電話去確認下係咪真係有生蠔食先訂位🤣🤣不過我絕對唔係生蠔怪，最多都係食3隻左右，同埋我哋食得唔多，不過想試多啲種類同埋可以坐得耐啲傾下計咁啫😎呢間食咗有生蠔食，最重要係有啤酒任飲😆😆我好鐘意飲啤酒🤤 去到嗰度安排咗坐卡位，坐位好舒服😗之後出去諗住拎生蠔食，去到放生蠔嘅位置時，有啲失望，因為都係唔係即開，又係開完拎出嚟，不過就有員工係度幫你分，一人兩隻咁拎，但每次拎出嚟嘅生蠔數量都好少，唔夠分，咁唯有等下轉，點知下轉又等咗好耐，好彩俾我分到兩隻，但食落去感覺唔太新鮮😔之後都唔想再去拎嚟食，但另外個朋友就好鐘意食，佢話冇所謂，唔係去到臭都冇問題😑去到後段時，啲蠔出得超快，快到滯銷，冇人食~都唔知係咪啲人食夠晒唔再去拎，定還是佢哋開定太多，早段出得太慢，見臨收工就嗱嗱聲拎埋出嚟🤔不過都係我個人猜測啫~每間公司都有自己嘅程序同出品次序時間，又唔到我哋話事😝 同場見到有魔術師同啲小朋友玩下，表演魔術俾佢哋睇，令到啲小朋友好開心🤗都幾特別下。 至於其他食物大至上間間buffer都大同小異，佢嗰度嘅時間比某啲buffer多半個鐘🤣不過我哋坐到最後都唔好意思阻人收工，所以都係9點半左右就走咗😆唔做最後，做尾二😄😄 值得一讚係啲服務，侍應個個都好禮貌同笑容，加水同收碟都好快🤭refill啤酒速度都快😇