真係好伏，諗住生日食飯，朋友話社交平台見到呢間好似好正，咁就上openrice睇下啲食評同相啦～望落個個都係好評，而且影啲嘢食都幾好，咁咪book嚟試下～
睇到餐牌價錢唔平，飛驒牛要成$8xx一份，朋友話生日食飯最緊要開心，唔好理價錢，但我覺得穩陣啲都係試咗普通嘢食先啦…我最鐘意飲啤酒叫個雞軟骨，點知個雞軟骨好似好多油咁，正確嚟講應該係唔夠油溫炸嗰種“立”油，呢個形容詞我都係問人，因為睇個樣似翻炸，不過冇理由會炸定係度㗎，成個場得3-4枱客人，又唔係爆場😅之後我哋就order啲肉嚟燒啦～海鮮諗住叫現成唔使辛苦自己🤣見到餐牌有兩款燒大蝦，一個係$128/隻,另一個係$158／隻，諗住賣到咁貴應該有返咁上下大細呱～點知上第一隻黃金嗰個$128／隻時，睇到我朋友想講粗口，個size係中蝦size係度扮大蝦，我都話算啦算啦～可能今日啲海鮮嚟貨唔大呢…朋友話唔大就唔好賣呢個價錢啦！好搵笨囉！過份！跟住到$158嗰隻蝦嚟到時，我朋友即時話呢隻先叫大蝦㗎嗎～不過望到個蝦頭已經黑黑哋，跟住拆開見到入面未熟晒，諗住叫佢哋拎返去再整過，之後見到啲肉係“梅”嘅，朋友話直接取消算😮‍💨真係冇下次😰

7月生日月份，不停咁同唔同朋友出街食飯慶祝😚😚今次揀咗呢度食，一嚟到見到個場好大，好多侍應生，服務都好好，講解詳盡👍而且呢度係冇限時任食，好難搵到一間冇限時任飲任食得嚟又咁好服務同埋環境又咁舒適，真係所謂一分錢一分貨，呢句說話真係好認同😌 呢度對我嚟講真係冇乜可以投訴🤭任飲係可以飲埋酒，仲要係啤酒，白酒嗰啲都可以任飲👍👍真係超級鐘意，食物種類雖然冇出邊嗰啲地方咁多，但都已經好夠食，最緊要係有質素😌由於掛住傾計，所以都冇乜點影相🤣我會再幫襯㗎😁

生日月份，朋友請食飯，揀咗好多間泰菜，終於搵到一間可以好舒服咁慢慢食慢慢傾嘅地方，啲嘢食又唔貴，而且質素都好好，又大碟，真係好抵食😋成餐飯都好滿意係個軟殼蟹爭少少，有啲腥腥哋嘅味道，可能係我哋兩個口味有問題，食唔慣呢款軟殼蟹，所以都冇叫人換，唯有將佢拎嚟點豬頸肉個醬汁，等容易啲入口🤣另外就係冷氣超級大😂大到著埋外套都頂唔順🥶可能咁啱嗰個位係出風位，又費時麻煩人調位😁，下次會再去食，試其他嘢

食生日飯揀咗呢間，台式火鍋我最愛，因為有鴨血，仲係無限添加～聽到都好開心 訂咗枱，入座前告知係兩小時，都可以，平時兩個鐘乜都食得晒～我哋叫咗鴛鴦鍋，一個係菇，一個係台式麻辣，個鍋嚟到見到有鴨血，已經好心急要食，等到湯滾就食，一食落口已經覺得貨不對辨，都唔係食開嘅正宗台灣鴨血，而且仲要有啲酥味，我最怕就係好似羊肉嗰啲酥味，真係食咗入口都吐返出嚟，簡直就係失望到極，另外就係朋友生日，帶咗蛋糕嚟，正常都會問係咪係度食，同講返幾錢切餅費，我哋帶得嚟都預咗俾，不過佢哋好似同事間冇溝通咁，亦都冇問客人會唔會係度食，而且你有限時食飯時間嘅話，通常做法就係唔會提前同你last order,最少都半個鐘或45分鐘前問下要唔要加嘢之類，完全冇人問題，到最後見佢俾單我哋埋，我哋先以為係仲有半個鐘夠鐘，跟住佢哋就上咗果凍之類嘅嘢俾我哋，隔5分鐘後就夠鐘要走，問我哋個蛋糕點😡我哋當堂係O晒嘴，我話可唔可以俾5分鐘時間我哋，純粹諗住開個蛋糕影張相走就算，佢話唔可以，因為出邊有人等，原來連鎖店係咁樣做法，真係去到夠鐘直接俾單人埋，而唔係提早last order客人，當時都仲有嘢未食完，咁樣嘅地方真係可一不可再，仲要當我哋離開時，出邊已經有兩張吉枱係度，出面等位人數都係兩pair人，唔係想霸住枱唔走，係完全冇提早通知就嚟夠鐘同埋會唔會切蛋糕呢樣嘢，點解明知客人帶咗蛋糕都可以唔問人會唔會係度食，好多小店都知道要咁做，偏偏咁大間公司，仲要國內有咁多分店，連基本嘅嘢都做唔好，完全唔知點樣training 啲員工

生日飯朋友揀咗呢度食，環境望落去都幾好，不過可能坐位有限，所以2人都係單丁一張枱仔，望到隔離左右大家都係迫住嚟坐，直頭係手踭掂到手踭明白嘅～租金貴，地方細，所以大家將就下😅 食物整體嚟講都幾好，上菜都快，我哋落order時都就住張枱size嚟order,只係暫時order 4款嘢，但張枱已經係放唔到，啲碟係已經出晒界，頂到個人咁滯～同埋職員見到枱面唔夠位放，都唔想方法諗下點位擺放好，係等我哋去幫佢去騰空啲位置出嚟俾佢放，最後有啲叫佢換隻細碟放，先放得齊4款食物🙄食完4樣先再加多兩款菜～

由於疫情關係已經好耐都冇同朋友出去食飯啦～我哋冇訂位，6點半左右walk in上去睇下有冇位，好彩有位，以前記得有拖羅食，後期冇咗，有點兒失望，到最近去食，連燒黃花魚都冇埋，雖然款式仲算多，但想食嘅嘢就慢慢減走晒，得返普通款式食物，有啲熱食仲偏咸咗啲，真係食一啖已經唔想食，一係就唔夠熱，我都唔想浪費食物~希望下次如果有機會再幫襯時，食物會有所改善

最近返工比較忙所以好耐都冇嚟食過啦😔～都好掛住呢度嘅食物😋今年同屋企人提早食圍年飯，所以就揀返呢間食，好耐冇食過呢度嘅美食，所以訂位時特別問職員最近有冇新菜式或者需要預訂嘅餸，我話我哋係食圍年飯，佢哋問返大廚，大廚就推介我哋食幾樣特別啲嘅菜式~咁我哋都覺得可以試下，出邊都未必食到同埋價錢又抵食😎 家姐話想飲白肺湯，因為屋企好難可以煲到，同埋呢度最近啲客人都好鐘意訂白肺湯飲，呢排興😄原先決定要白肺湯，但臨食前兩日話最近武漢肺炎話都係唔好飲白肺湯😥唯有打去改，咁大廚就推介另一個花膠牛奶燉竹絲雞湯，聽到花膠兩個字就覺得好滋補，所以決定飲花膠湯🤭，另外仲有個魚嘅食法對我嚟講都好新穎，因為從未見過同食過，可能我太年青見識少😂😂之後仲有龍蝦鮑魚同其他菜，我哋6個大人1個小朋友都只不過係叫咗七餸加兩小食啫，居然咁都食唔晒😅😅要打包走人（因為大部分菜式都係好大份，我哋冇諗過會咁大份，真係超抵食）~

每個月都要上openrice搵食幾次，見到啲相影出嚟個環境好似幾好，座位又闊落而且仲有嘢玩，所以決定試呢間~😋😋 一嚟到見到個場都好大，環境都真係幾好，餐牌又有小食，炸物，啤酒呢啲最啱我食🤭🤭聚會傾計簡直一流 至於嘢食方面就同大部分西餐差唔多，味道都可以，係個雞翼略為多醬汁咗，起初以為係俾錯水牛城雞翼，點知佢話呢個唔辣嘅都係咁嘅樣🤣🤣如果可以冇醬汁淨係普通炸雞翼可能會更好食今次又係眼闊肚窄，叫太多食唔晒😅

今年生日嚟咗呢間試，搵咗好多間，最後決定揀呢度嘅原因係因為有飲品任飲😂諗住食物就間間都差唔多，而且口味都好個人嘅🤭 不過明明個場咁大，又唔係好滿座，仲有好多吉枱，但就偏偏安排到坐最入😓仲諗住訂咗位會安排好啲嘢位置，點知被安排到最入，次次行出去拎嘢食都覺得好遙遠🙄 嘢食方面望到好似好多款式，但味道方面本人覺得可以稍微改善下，另外每枱每人送龍蝦一隻，啲龍蝦夠晒大隻同多肉，係最好味嘅🤭甜品方面就咁睇好似好多款，但其實俾我感覺係相同款式唔同味道🤣所以對於鍾意食甜品嘅我嚟講就選擇少~

每月飯局，今次6月揀咗呢間試，由於太忙所以而家先得閒寫返食評🤭~知道呢間夜晚有放題食，於是打去問詳情，大約記得價錢連加一就約接近$400，但只包1杯飲品同埋得兩個鐘時間，感覺上唔抵食，於是我哋就決定散叫，因為都係想聚下舊飲下🍺🍺傾下計，所以我哋都係叫咗兩款小食同2款串燒先，之後先再order個刺身再加多個嘢食，同叫咗4~5杯🍺，個刺身拼盤大約5款左右，每款2~3塊，老實講嘢食唔算特別出色同好食，收費真係比較貴~不過勝在服務好，有位女侍應生服務態度very good~😊