夏日炎炎無咩胃口唔想食熱嘢嘅時候，撈麵就係最好嘅選擇，深水埗呢間新開小店 - 秘撈王雖然隱藏於車房街附近，但高質出色嘅撈麵真係令人一試難忘


🥢日式肥牛x香煎雞扒水晶粉(秘製醬) $49
肥牛唔會好似橡筋咁韌，入口即溶😍
雞扒大大塊好JUICY，秘製醬好似平時食涼皮果種少少麻辣嘅醬汁，好香好惹味，配水晶粉簡直係perfect match!!!!

🥢日式昆布豬頸肉x秘製豬大腸冷麵(蒜蓉醬) $49
豬頸肉同豬大腸一樣超淋超入味，後者入面有少少肥膏，入口即化，食蒜蓉醬冷麵就好似以前讀書時食果d$10幾包撈冷麵咁，回憶返哂黎😂


🥢香煎沙薑雞翼 $39
1000000%推薦，即叫即煎，一上檯見到6隻大大隻肥美雞翼已經覺得超級抵食，煎到外面勁香脆嘅雞翼，入面勁嫩滑，火喉控制得剛剛好，沙薑味好入味，唔會過咸🤤🤤🤤🤤🤤🤤🤤🤤


🥢西瓜冰/龍眼冰 $12+$12
跟撈麵餐可以加$12有沙冰飲，用原片8424西瓜即榨嘅西瓜汁，超！級！鮮！甜！飲完勁想原地encore多一杯
龍眼冰都好好飲，岩哂唔鍾意太甜嘅朋友仔

溫馨提示：小店堂食只有少量室外位置，建議可以喺外賣平台落單再喺屋企慢慢嘆咁好味嘅冷麵啦😍

秘撈王
地址：深水埗福榮街172號地舖

回頭指數：⭐️⭐️⭐️⭐️⭐️
抵食指數：⭐️⭐️⭐️⭐️⭐️
推薦𖤐：日式肥牛、秘製醬水晶粉、秘製豬大腸、香煎沙薑雞翼
人均消費：$80.5

全香港最好食芋圓，絕不誇張，以往去食總是要等好一陣子，而家平日夜晚去食總算唔洗等啦

首先成間店舖由牆紙到餐牌再到餐具都係紫色已經好岩我心水😆

🥢椰汁雪耳百合海底椰芋圓 （熱）$32
椰汁味好重，仲有埋椰肉，淨係聽個名都覺得夠哂潤喉啦😂

🥢鮮奶椰汁桃膠芋圓 （熱）$35
超級滋養補身嘅一款，鮮奶味濃，桃膠好有咬口，芋圓係我食過最煙韌嘅，而且份量好多，食極都仲有😍
食過咁多次都依然保持水準，價錢唔貴，性價比超級高

芋圓圓
地址：太子柏樹街1號地舖

回頭指數：⭐️⭐️⭐️⭐️⭐️
抵食指數：⭐️⭐️⭐️⭐️⭐️
人均消費：$35

邊爐控二訪打卡港式雞煲店，懷舊裝修週圍都係打卡位，好似去咗6/70年代婚宴現場咁
味道比起第一次好似有D退步，唔知係咪因為有DISCOUNT嘅關係
佢去到31/5前，只要你電話有指定數字，最多可享全單加一前7折優惠，特價食品除外

🥢日本廣島蠔雞煲(一隻) BB辣$298+$50
上檯之後計時1分鐘熄火就可以食啦，但因為佢本身已經煮熟哂攞出黎再加熱1分鐘，所以一打開食嘅時候其實唔算太熱，但蠔好大隻，煮熟咗之後都冇變細，而且好鮮甜，數量大概有6-7隻左右。
雞件好鞋下…而且佢都算多汁，越食越咸，唔推薦叫呢款雞煲

🥢自家製陳年鹹檸七配七喜$38
打邊爐飲呢款飲品超解渴，正！

🥢頂級安格斯牛肉(小)$228
有牛味同時都有咬口，價錢同份量成正比

🥢龍鳳呈祥海鮮拼盤二人盛$288
唔推介，新鮮唔係話唔新鮮，但食唔到鮮甜味

🥢龍鳳呈祥鮮蝦鳳尾餃(6粒)$88
大推，蝦肉彈牙，成隻蝦包入餃子入面，好CREATIVE，連埋入面D豬肉一齊食好好味

🥢滋潤菊花蜜$68
比想像中無咁甜，配合打邊爐飲有解漏功效

迷你自家製魚皮 (迎新會員送)
Download手機APP成為會員之後送嘅反而好有驚喜，即炸魚皮香酥脆好滋味

龍鳳呈祥火鍋雞煲
地址：尖沙咀加拿芬道16號金輝大廈2樓
 
回頭指數：⭐️⭐️⭐️
抵食指數：⭐️⭐️
人均消費：$455

牧羊少年相信大家並唔陌生，今日黎到文化中心千尺分店，空間感十足，環境好舒服，不過現場除咗有咖啡機嘅聲音之外亦有嘈雜嘅人聲，所以預咗講嘢都要大聲D。
 
WEEKEND都有SET LUNCH，$158起有2 courses (前菜/甜品+主菜)


🍴雞尾酒蝦蜜桃莎莎杯
Shrimp Cocktail Peach Salsa
帶酸辣sauce嘅彈牙大蝦再配桃粒


🍴依比利豬背油薯條
Iberico Lard Fries
一上檯已經勁香豬油味，一條接一條脆卜卜口味，必點！



🍴澳洲M4安格斯西冷及香烤蔬菜佐牛燒汁
Grilled Australian M4 Angus Striploin Steak w/ Roasted Vegetable & Gravy (+$68)
肉味超濃，5成入口未到即溶，但好易咬開，配菜嘅蘆筍就比較硬啦


🍴龍萵蝦油慢烤蕃茄醬大蝦扁意粉
Shrimp Linguine w/ Tarragon & Slow Cooked Shrimp Oil Tomato Sauce
蝦油令成碟意粉加哂分，超重蝦味，不得之了


特別推介：🍹香芋椰子牛奶
驟眼睇佢好似係一杯平平無奇嘅牛奶，但細心一睇杯底有層香芋，入口第一啖超級香椰子同香芋味，3者MIX埋一齊簡直係PERFECT MATCH，飲完第一啖已經想原地ENCORE一杯


🍴焦糖燉蛋脆脆蛋糕
Crème Brulee Cake
普通焦糖燉蛋味，無咩特別，可以唔洗叫

牧羊少年與他的浮萍
地址：尖沙咀梳士巴利道10號香港文化中心地下

回頭指數：⭐️⭐️⭐️⭐️⭐️
抵食指數：⭐️⭐️⭐️
人均消費：$250

食到捧住個肚走嘅觀塘工廈點心店
溫馨提示：可以提早一日至一個月打電話訂定位先，咁就唔怕食唔到呢間咁受歡迎嘅點心店啦🫣，或者中午十二點前到達都可以直入

落單時阿姐見我哋點咗14碟，問我哋幾多個人？我哋好有信心咁答佢3個(其實我哋實際係3+1架，同事肚入面嘅BB都計一個架😆😆😆)
阿姐笑住叫我哋食得哂先好嗌，雖然最後我哋都真係比阿姐睇死咗，但我哋無做大曬鬼架，有打包走😆




全部點心都大件夾抵食，好多都無諗過份量係咁大份同咁多。尤其係蝦餃同牛肉球，一粒都半隻碗咁大，睇相完全係唔會感受到佢有幾咁震撼😆😆😆
牛肉球唔似出面酒樓果D食落咁多粉，餃類全部做到真正嘅皮薄餡靚
燒賣同蝦餃都係每籠兩粒，兩個人黎都唔怕食唔哂啦，蝦餃入面有數唔清咁多嘅蝦🦐

必點推介：五香金錢肚、醬汁煎釀茄子拼尖椒、蜂蜜黑糖糕


豪隍點心工房
地址：觀塘敬業街65-67號敬運工業大廈1樓A室

回頭指數：⭐️⭐️⭐️⭐️⭐️
抵食指數：⭐️⭐️⭐️⭐️
人均消費：$161.5

燈籠滷味喺香港開張嘅時候，我幫襯過銅鑼灣分店一次，果時覺得味道好淡，就算加咗辣椒油都好似冇味咁，之後就無下次啦…

今日黎到葵芳，喺唔知食咩嘅情況下，經過聞到陣陣好香滷水味，就決定比多次機會佢。

🍜第一碗招牌燈籠滷味（蜂巢牛肚鴨胗甜不辣蹄膀冬粉）$78 - 除咗蹄膀aka豬手，其他都係入味同淋，蹄膀太乾身食落又無咩味，最後我都食剩咗幾舊，蜂巢牛肚係全晚我覺得最出色嘅一個餸。

🍜第二碗招牌燈籠滷味（白蘿蔔豬肚雞翅膀唐生菜米線）$62 - 白蘿蔔同雞翅膀都醃得幾入味，生菜係食得出嘅新鮮，係全部都係滷水味道嘅情況下，叫菜係一個唔錯嘅選擇。

🍜大甲濃厚香芋鮮奶 （沙冰）$35 - 明明餐牌唔係寫住沙冰，去到app點嘅時候變咗沙冰，無計啦，好想飲香芋，唯有硬著頭皮狗衝啦，好在呢晚無敏感性牙齒，佢嘅甜度都適中嘅。

🍜清新冬瓜仙草檸檬 $31 - 好fresh嘅味道再配上仙草，飽飽的滿足感，佢都算偏甜。

🍜奶油芋泥肉鬆起司蛋餅 $56 - 唯一不推介嘅餐點，滿滿的芋泥吉士包裹住肉鬆，除了漏還是覺得漏…

TIPS：記得要問店員攞辣椒油，加咗落碗滷味度，簡直有畫龍點睛嘅效果，令碗嘢d味提升咗

燈籠滷味：新都會廣場1樓181號

回頭指數：⭐️⭐️⭐️⭐️
抵食指數：⭐️⭐️⭐️⭐️
人均消費：$144

二撇雞 - Brother Chicken

真係超級好彩，12點幾去到店門口見到長長的龍，打定輸數食唔到啦，點知前面排嘅全部都係5個同8個嘅大檯，店員走出黎問有冇2個嘅時候，開心到我哋大叫😆😆😆😆

入到去落單完之後，唔洗5分鐘米線已上檯，再觀察下四週，其實都唔算大，不過大家都係食碗麵就走，所以流動率都算高。

🐔黃酒藥膳雞米線 （$59）- 酒味同藥材味平衡得剛剛好，唔會搶咗對方風頭，又唔會「哽」到入唔到口，會令你不知不覺飲下一啖飲下又一啖。但比較估唔到係佢唔係用新鮮雞件，而係用雞柳，雖然係好嫩滑同食得出有醃過，但係用新鮮雞件會比較夾d。

🐔花膠雞濃湯米線 （$69）- 雞湯係好味嘅但唔夠濃，米線係幼果款，好彈牙好有咬口，呢碗係唔洗五分鐘就上到檯，所以相對無咁熱，感覺好似一早整好哂凍哂咁，如果可以再濃d熱d呢碗米線會係💯，呢碗用上鮮雞件，醃得好入味，不過如果要轉雞髀要加$13，相對較貴。

🐔小食：失傳已久的豬扒 （$28）- 一定要趁熱食！！！
一口咬落去，超級鬆化，成塊手掌咁大，無咩骨位啖啖肉

🐔低糖豆漿*2 （$9/枝）- 佢呢度得低糖同無糖兩款可以揀，低糖同外面正常糖一樣夠甜。

後記：留意到店員清一色係男人，跟住同事話咁人哋叫brother chicken，又係wor😆😆

同埋見到人哋食吊你癮小鍋米線，原來係咩都有嘅雜錦酸辣米線，落單時店員會問你知唔知係咩黎，跟住一口氣好似唸急口令咁講哂有咩餸，好正😝😝😝😝

另外要注意因為佢哋人手不足，而家淨係開午市，大家記住唔好好似我第一次夜晚去摸門釘呀🥶

二撇雞
觀塘開源道60號駱駝漆大廈第3座4樓O室

回頭指數：⭐️⭐️⭐️⭐️⭐️
抵食指數：⭐️⭐️⭐️⭐️⭐️
人均消費：$87

最近食過最伏嘅餐廳😩🫠🥹😭

大概一年前食過一次lunch，果時覺得以酒店入面西餐廳黎講性價比好高，一年後今日想同朋友慶生，於是就試埋佢個癲拿，點知….伏到一個點

❌甜品：Churros西班牙油條($135)-雖然知佢係油炸嘅，但都比想像中油，食過第二度嘅係可以做到無咁油膩，點朱古力醬係可以令到個油味降低少少，不過一定要襯熱食，唔係凍咗就更加會唔想食。

❌Steak Frites($348)-除咗扒上面由香草製成嘅牛油有牛油味之外，成塊扒完全無肉味，就算點埋個芥末醬都完全無味，真心想叫個廚師出黎問下到底係點做到架？
得薯條配茄汁係正常🥹

❌Seafood Paella 西班牙海鮮飯（中）($350)-比較正常的一道菜，份量比想像中少，但飯係粒粒分明，海鮮有蝦，魷魚同蜆，蜆嘅海水味太重，但呢碟已經算係比較有味。

❌Chicken Salad ($160)-都算係比較濃味嘅菜，粒粒雞肉配好fresh嘅生菜，無我唔鍾意嘅火箭菜，但入面有種味道好似咸魚嘅魚，掂到菜更加會令條菜變腥😩

❌Octopus Tapas($195)-就係白灼無味八爪魚，下面舖滿都係無味嘅薯仔，一行三人都食到懷疑人生，到底我食緊d咩？

❌Prawn Tapas($195)-蝦係新鮮彈牙同大隻，下面舖咗蒜頭，但同樣想問調味係咪可以濃番少少？如果唔配合蒜頭食，蝦根本就無味🙄

❌飲品：2杯raspberry milkshake同1杯vanilla milkshake($264)-raspberry果杯會fresh d亦都唔會太酸，反而vanilla果杯好淡口，好處係飲落唔會太漏。

後記：值得稱讚嘅係上網卜位嘅時候有remark到係慶生，所以就算叫甜品時無特別講，佢都自動喺甜品附上生日牌同蠟燭，減少要喺生日朋友面前要求嘅尷尬👍🏿

Bayfare Social
5/F, Rosewood Hong Kong, 18 Salisbury Road Tsim Sha Tsui

回頭指數：
抵食指數：
人均消費：$906

邊爐控又黎試伏啦😆
城寨煲皇地理位置唔算方便
門口雖然有好多打卡位，但落到地底舖頭入面完全無打卡位🤔



🐷清甜椰子雞鍋(半隻)完全唔清甜，超級少椰子味，慢煮十分鐘焗熟咗d雞之後，雞件算滑但完全無雞味


🐷美國榖飼肥牛真係薄到我唔信，廚師刀工好到我懷疑人生

🐷即炸紫菜響鈴算係幾好，始終唔多地方即炸再點酸汁都係好食嘅

🐷花甲同蟶子算鮮甜嘅

單點邊爐黎講佢算貴，貴得黎好似食咗陣風咁🥲。無自家製特色食物，而且主角椰子雞鍋真係好失色，雞同湯底兩樣都total lost🙄
感覺呢間火鍋樣樣都做到半桶水咁…

城寨煲皇
地址：尖沙咀亞士厘道24-38號天星大廈地庫A號舖

回頭指數：
抵食指數：
人均消費：$509.5

好多年前食過一次，時隔多年又再黎探佢，大西北對九龍區人士黎講真係好很遠，用咗差唔多一小時搭火車入黎，黎到粉嶺站之後仲要再行多15分鐘先到達，2:30黎到店門口，正想講一位之際，店員已經話3:30先再有豬手，山長水遠黎到就梗係選擇等啦。

眨下眼黎到3:30，坐低之後被告知只有豬手同牛丸可以點，order咗兩大名物之後，店員先送上兩碟仔辣椒油，如果食哂可以出去再添，跟住等咗唔洗5分鐘豬手同牛丸就上檯啦。

🐮爽口牛丸米（大）- 一個細碗入面裝住足足12粒牛丸，視覺上真係好震撼😆😆😆。牛丸細細粒唔係實的的果種口感，牛丸味唔係話好出但勝在易咬開。

🐷美味豬手米（大）- 期待已久嘅豬手，成碗滿滿骨膠原，起碼有7件以上豬手，食完咀唇張住，係幸福嘅味道。其實兩碗味道都好清淡，靠佢碟細細辣椒油吊起個味，但又唔好點太多，因為都真係幾辣下。雖然兩碗都叫咗大，但入面除咗大量餸，其實都係得好少米粉，食完唔係話太飽，之後都係要搵其他嘢食😆

群記牛肉圓豬手
新界粉嶺聯和墟聯昌街5號豐景樓地下

回頭指數：⭐️⭐️⭐️⭐️⭐️
抵食指數：⭐️⭐️⭐️⭐️⭐️
人均消費：$47