呢晚放左工心血來潮想食甜品,,於是西鐵落左車就去左呢間度食,,
幾就腳,,係正VCITY地下,不過原來大約十二點就截單,,
叫左個士多啤利窩夫食,,好好味!!!
佢個窩夫應該係即叫即做~
用刀切落去果下,,幾脆,,撈埋D雪糕生果一齊食,,外冷內熱,,外軟內脆感覺好正~~
呢碟野賣相真係幾靚嘅,,不過佢D士多啤利醬淨係用黎伴碟有D唔夠,,
如果多少少加落窩夫可以撈下更加重士多啤利味就好喇~

依家屯門已經今非昔比,,好多餐廳以前要出到MK CWB TST 先享受到嘅,,
依家係屯門都食到,,呢日同個BOY FD 一路行街一路吹水,,
無意中係三樓以前california果個位發現呢間德國餐廳,,即刻二話不說衝左入去試試,,
我都無麥IDEA 食咩好,,就叫左之前聽人地講德國出名嘅食物
豬手,,德國啤,,仲有漢堡飽,,

漢堡飽黎講,,飽入面嘅醬都幾多,,所以食落個飽都幾JUICY 唔乾曾曾
豬手有WAITER 親手切,,幾好食又夠味,,
除左呢度嘅野飲,,除左普通嘅,,仲有COCKTAIL 德國啤 仲有 無酒精COCKTAIL
好似我呢類唔太LIKE飲啤酒嘅表示,,德啤幾好飲,,重麥味,,唔澀,,幾易入口

幾IMPRESS我係餐廳入面嘅裝修俾我一種感覺一D都唔局促,好開暢,,坐得幾舒服~

其實想食小曼谷好耐,,但次次門口都有勁多人等位,,每次都走左,,
今次因為個遲大到嘅朋友,,估唔到等下等下就咁等左個幾鍾
終於成功食到一次啦

第一次食,,又唔知食咩好,,幾乎叫嘅菜都係佢餐牌上寫住推介果D,,
串燒雞同串燒豬,,生蝦,,菠蘿飯海鮮炒飯,,
串燒雞黎講我略嫌有D"鞋"口,,佢地嘅串燒配醬汁都幾好味~~
菠蘿海鮮炒飯都幾足料同埋大碟~
不得不讚係呢度嘅生蝦,,好新鮮,,
縱使冒住食完個口會有一陣味都一定要將蝦包住一粒蒜頭再點啲醬,,爽口~~
最衰價錢有D貴,,成舊水一碟,,如果唔係都好想叫多一兩碟黎食。

我食午飯一向覺得快快手, 食個飯咪算, 但今日既午飯覺得特別寫意,悠閒!
去左好煮意 叫左佢既是日午餐 a餐: 黑淑汁雞扒飯 配湯 +熱奶茶
d食物味道真系一般, 份量算幾大碟, 都算抵食, 不過味道 同普通快餐店既碟頭飯其實差唔多, 
都算過得去。 不過d 湯飲左幾啖就冇飲, 裹面冇料, 但系又睇到幾浸油, 飲左幾淡, 咸咸地, 唔系好敢飲。
不過環境一流, 對住個湖, 雖然有時會擔心雀仔會飛過, 整到自己, 不過當然系唔會啦! 雖然戶外冇冷氣,
但唔會太熱, 會有微風, 而且心情都會特別寫意, 所以特別有涼意
同朋友一齊吹水都特別舒服

下午茶好抵食! 25一個餸既米線+2隻雞翼+凍豆漿
同譚仔 雲貴香相比 真系好抵食
所以今次我叫左 雞肉中辣米線+辣雞翼(因為有分辣同唔辣)+凍豆漿
雞翼的辣度唔系同你講笑, 真系會辣到伸舌果種, 不過幾過癮!
而米線 因為有雞肉 滲入湯裹面, 湯變得更甜, 而米線份量好多, 我一個人都系食唔哂,
不過都幾彈牙, 唔會話好軟, 中辣湯底都唔系講玩, 真系會食到流淚, 不過這正系追求食辣既人所追求既!
所以食辣既人真系不能錯過
這個價錢, 這種刺激味蕾的快感, 值得!

金家樂真系一個for食團年飯的好地方, 地方嘈系嘈d, 但反而有熱鬧,大家慶祝既感覺!  而且食物味道一流, 同自己煮既一定完全唔同, 所以一個菜七十幾蚊, 都系有佢既原因, 而且佢好在咩稔得出既住家菜都有,你想咩炒咩 都可以, 任你配搭。今次叫左 沙拉骨,西芹炒蝦仁,貴妃雞,咕嚕肉, 4碗白飯, 十分滿意。 沙拉骨, 其實系啖啖肉, 沙拉醬份量加得唔會太膩, 又沾到每一塊肉。 西芹炒蝦仁,  蝦仁夠大隻, 唔會搵人笨, 又炒得好乾身, 好爽口, 真系比自己屋企 炒既好好多。 貴妃雞, 可能系我唔識野, 不過我會話好似一般豉油雞, 講真, 真系細碟左d, 4個人好快ko 左, 不過明既, 現家世道系咁架啦, 而味道 醬油都剛好, 幾滑。 咕嚕肉 既肉大細有d唔系咁均稱, 不過甜酸度適中! (試過系其他鋪 試過好酸既咕嚕肉(( )  最後仲有紅豆沙做糖水, 免費架   系一個幾好既ENDING!   最後埋單好似4百幾蚊,還可接受!

其實今次食松記糖水, 平時我叫糖水都一定會叫果d又有生果 同 雪榚既糖水, 覺得咁樣先夠抵食, 但今次破天荒try 新野, 叫左招牌糖水'哈囉' , 反而有驚喜, 而且好滿意! '哈囉'裹面有 涼粉, 珍珠, 粟米(我唔肯定), 紅豆, 黑珍珠,腰豆, 面台仲有層奶同芒果汁, d料真系好足, 啖啖口感十足!! 而且皆因,我叫既時侯, 根本預料唔到佢裹面有咩料, 所以食既時侯真系覺得好新奇, 我稔可能系因為咁樣先會改名做'哈囉'掛haha! 我下次黎到都一定會再叫呢糖水, 因為總比 只系生果涼粉 or 生果加雪榚, 有趣得多!! 而且價錢真系講你都唔信既平, 只系$20 咋!!  真系極力推介' 哈囉'!!

本人係屬於超重口味，所以今次我一黎就叫左麻辣大辣雞肉炸醬,食完個咀唇都會麻哂 真係好過癮，食完好滿足，正! 呢間葵芳既譚仔D米線好彈牙, 剛剛好, 唔會話同其他鋪頭既米線般太軟。 我叫左雞肉,炸醬; 加雞肉,d湯會滲埋雞肉既鮮味,會更增湯既味道,真系必選之菜。另外系炸醬方面, 其實我覺得好睇個別鋪頭的質素,有d鋪頭既炸醬會油 同肉粒分離 ,睇到都唔多開胃, 有d又反而會 個醬太'結', 而我個人認為以上既 較差既炸醬 通常會出現系新開既分店,而葵芳呢間分店 就屬於炸醬剛剛好, 每口麻辣湯米線混一匙炸醬,正!  
而最後,我想講下今次我叫左既小食: 細蒜泥白肉,反而呢個小菜令我有少少失望, 雖然佢既蒜蓉真系好香, 重口味的我,一嗅起就興奮, 但食起黎, 太多油啦, 食食下, 會唔知自己食緊油, 定肉, 總之就一定唔好自己叫黎食, 真系冇可能食得哂。不過整體上,對呢間譚仔印象都好好!

黎到最鍾意既許留山
梗係叫翻個香芒小丸子 37蚊
有好大個芒果雪糕 旁邊有一d小丸子 唔難咬 最鍾意既係旁邊既流沙般既芒果沙冰（？）定唔知芒果蓉 好甜唔算 而且口感好好
之前有試過個一碟三式既芒果甜品 有糯米慈 小丸子 同唔記得乜野 賣相好靚好精緻 40幾蚊 糯米慈好好食 一口Size有芒果係入面 但可惜每個都細細碟唔抵食所以都係叫翻呢個
跟住朋友叫左個燉雪蛤 上黎既時候竟然係用膠碗
咁熱既野用膠碗裝 問有無得轉翻個碗 又話無 話平時都係就咁用微波爐叮
「。。。」
味道就同普通既燉雪蛤差唔多 但唯獨唔多夠料 而且份量好少
雖然出得黎食野預左 但係我最鍾意既許留山...
唉 完全覺得食得好唔放心

忙左咁耐終於可以靜靜坐低休息下
今日同bb黎左元朗行街 行到差唔多坐低休息嘆杯野飲
傾下計
叫左杯新既夏日莓Frappuccino 入面有個奶凍好似幾特別咁
點知飲落先發覺Frappuccino加左奶凍十分奇怪 而且同莓果味完全唔夾 而且好難啜上黎😂
bb就叫左杯Green Tea Frappuccino 呢個就好飲好多喇 十分有綠茶味🍵 而且加左Cream感覺十分和諧好Fresh好舒服 不過飲到一半d沙冰就啜唔到上黎... 要自己慢慢「不」上黎食 好麻煩...
但係呢度service幾好就真既 最impressed係呢度環境好舒服 unlike其他starbucks 而係開放式擺位
唔會話覺得係一間店入面好窄咁 同朋友傾計上黎都舒服d😌