陪宅朋友參加黑執事少爺之夜，原本對呢度既食物冇期望，點知來到食落口竟然有驚喜，個牛肉蓋飯真係好好食，牛肉5係果d俾梳打拿到冇哂味既垃圾，半熟得嚟5會好韌好有牛味，配個微酸既汁好開胃，攪到食完重意猶未盡，不過如再加其他野又太貴所以最後都忍住冇再叫野，之後有件忌廉蛋糕同1杯扮香檳既汽水,蛋糕只係好普通既蛋糕,個餐成2百幾食物真係少咗d,如可加多個前菜或湯會好好多，不過嚟得都係醉翁之意不在酒架喇………

約埋朋友1齊聚腳拆下禮物，叫咗特式飲品，綿花糖香檳好鬼棧，不過熱煮紅酒就一般，先嚟 Egg Benedict，今日係boxing day原本既火腿變成火雞，不過都好好味，之後既雜菌天使麵都5錯，跟住係炸魚薯條，魚柳好入味炸粉5會太厚5錯，薯條係厚切5會炸成金黃色好新鮮5係預先炸定，卡邦尼醬汁調得幾好，最後叫咗個火焰布朗尼蛋糕做甜品，又睇得又食得很好!

聖誕節當日同朋友食自助lunch.環境都幾舒服5會好迫重可望到維港景色，都幾多外國人嚟食，自助既食物只有冷盤，甜品同3款熱葷，冷盤有Parma ham,煙三文魚，火腿，沙樂美腸，牛肉等等好多5同種類凍肉，全部都好新鮮，帶芝士味脆卜卜既麵包條同薄脆片超正，法包就一般，芝士有3種都係好易入口5會超濃到好怪既芝士，送薄脆一流，最遺憾係冇沙律菜，惟有狂掃伴Parma ham既哈蜜瓜代替，除了煙三文魚另外1款凍醃魚好腥個人不太接受，重有幾款5常見好特別既冷盤例如用醋醃製的蔬菜，1片片白色軟身似芝士既野，熱葷有1款薯仔燉牛肉同青豆煮銀鱈魚，牛肉炆得好冧，魚就略嫌太淡口，藍青口好快俾人掃哂拎5到冇試，之後有3款固定菜式，魚煮南瓜飯，魚又係冇乜味，南瓜飯都係好淡，食落口只得黏稠既口感，認真麻麻地，意式雲吞ok但個餡都係冇乜味，薯蛋個質感好得意似年糕，可惜都係冇嚟味道，5知個廚師係咪5記得咗落鹽同調味料，意菜竟然寡淡成咁真係出乎意料之外。甜品大部分都ok,有焦糖燉蛋，奶凍，麵包布甸，朱古力布甸，tiramisu等。冇意粉真係掙d野咁，熱盤太少連湯都冇，4百幾蚊5算好值，最大問題係5好食，如果5係d冷盤同甜品加番d分完全係5合格，真係冇下次………

11點半已經有人排隊等開門，我們等咗1陣坐下，點了2個意粉，份量很少，辣味噌意粉幾辣，不過冇乜料，另1個青檸雞扒意粉，雞扒幾好味，意粉汁一般，個人5太鐘意青檸果陣洗潔精味。法式草莓奶茶ok,微酸但冇藥水味 ，甜蜜派對吐司好味，新鮮熱辣，配蜂蜜很香甜，經典朱古力鬆餅超好食，鬆餅中間夾住麻糬，好煙韌，配焦糖漿朱古力雪糕非常美味。呢度都係甜品飲品主打，正餐5太建議嚟呢度食，因為主菜選擇太少份量少5抵食。

經過附近朋友睇咗某雜誌介紹想試，1行3人就上咗去。未夠12點開門營業，我們等咗1陣，當時已經有人排隊等開門，入到去坐下，除咗甜品酒水之外食物只有1個set lunch，著傳統女僕裝既侍應生過來落單，我們3個都要求牛扒medium熟，飲品只有朋友1個叫咗咖啡，佢表示冇乜特別。首先來法包，我本身勁鍾意食法包，呢個係我食過最好味既法包，外面果皮好煙韌好香，個芯好軟熟，只係搽少少都已經牛油超好食，如果5係留肚食牛扒真係自己1個隊哂3人份都得。之後來咗核桃沙律，配酸酸地既沙律汁好開胃，再來主菜牛扒，秘製醬汁5知係咪有肝臟成份，果味有點似鵝肝，牛扒5係俾梳打粉拿到冇哂味林到爆，雖然代價係有點韌但勝在好有牛味，medium中間半熟有少少血絲，火候控制得岩岩好，5會好像一般香港餐廳明明叫medium都係俾well done你。薯條第1次就真係過咗火燶咗d,之後第2次添既薯條就好好多金黃色。不過個人都係覺得薯條配番茄汁好食d。之前我地order咗2個甜品，焦糖燉蛋有點失望，cream5夠paul lafayet 幼滑，焦糖層就夠厚夠脆。另一個紅莓雪芭配雪糕蛋白餅就好驚喜，紅莓係1種超蝦人整既野，整得5好好易變藥水味，見佢上來一大片紅色果漿有d擔心，但食落口竟然1d都5藥水，果漿應該真係用新鮮紅莓打出來5係藥水罐頭野，雪芭好正，鬆化蛋白餅沾果漿食很不錯，白色雲尼拿雪糕入面重見到點點黑色雲尼拿籽，似乎連雪糕都係自製5係買現成貨，呢個真係值得一試!

食完飯行過見茶幾吸引就決定坐低抖抖，叫咗紅莓果茶，一飲落口就知出事，藥水到冇朋友，要勁加蜜糖漿，個提子小鬆餅就5錯，呢set茶成5x蚊有點貴，最慘係藥水味，早知叫黑豆茶…朋友叫咗雞蛋布丁同咖啡，咖啡帶酸5好飲，雞蛋布丁冇乜焦糖味，同超市買既冇分別，完全5抵食…

老闆生日中午去了公司附近的加太賀食飯，叫咗2個套餐，今日的刺身算新鮮，有三文魚，牡丹蝦，油甘魚，八爪魚，吞拿魚，墨魚，花之戀和壽司都不錯，沙律汁幾好味，另一個沙律太多我5食既青瓜冇乜點食，魚湯麻麻地，炒飯不錯，燒鯖魚ok,牛油焗雜菌ok,天婦羅冇乜特別，豬軟骨忟得好冧，炒麵就一般，最尾有雪米糍做甜品。菜式一般，冇和民好食，不過貪佢近近地老闆又有折。

食物新鮮，不過略貴，推介荔枝煙肉卷，煙肉外脆配合卷住甜美多汁的荔枝十分清新，燒芝士年糕芝士份量十分足如泉湧，蟹肉蛋卷蟹肉份量不少鮮甜，燒牛舌心超好食，新鮮不是淋到死的雪藏貨，鵝肝石窩飯帶點焦的飯撈汁很不錯，鵝肝很肥美。最失敗係冰燒菠蘿，如果5係店員詳述製作過程都冇咁失望，但係出來完全做5到佢描述外面冰糖脆的口感，真係5講好過講…

Lunch time同同事一齊嚟食，午餐時段set lunch幾抵，49蚊有個牛肉鍋，就佢啦!前菜係中華沙律，冇咩特別，白飯係質地黏黏煙韌既珍珠米，不錯!牛肉鍋係壽喜鍋湯底，偏咸，牛肉份量都算足可惜太肥，配料有生蛋冬菇金菇豆腐少量粉絲黃牙白小棠菜一棵，豆腐5係街市檔口果d,因為街市果d豆腥味重我從來5鍾意食，1試便知龍與鳳，係5係百福就5知不過肯定係類似既豆腐。麵鼓湯冇咩特別普通野，略咸。鶴園街呢頭日本料理5多，5係佢就加太賀，不過加太賀午餐set實在太行貨，呢度價錢實惠水準都算ok，都係一個午餐好去處。

朋友慶生生日飯，order嚟得幾快，首先就係煙三文魚沙律，呢個冇咩特別，同平時西餐廳食到既差5多，只係用料多咗牛油果。再來墨西哥肉醬粟米片，粟米片好脆夾埋肉醬生菜一齊食好開胃，雖然餐牌話有一隻辣椒，但我覺得一d都5辣，不過一d辣都5食既朋友就話有少少辣。之後係咖哩香腸班戟，咖哩係普通日本咖哩既味道，5辣，香腸味道普通，班戟食落有d甜味，同面頭既配料5係幾夾，班戟果然都係甜食好…之後明太子意粉，面頭竟然放咗d好像鴻星果種小魚乾，5知係咪我們掛住消滅其他食物放耐咗d，魚乾只係少少脆吸收咗醬汁既部分已經冧咗，而且味道同個明太子汁5係幾夾，令到個意粉無啦啦帶咗d魚腥味，不如5好放重好!意粉就普通啦！之後就係5記得個名既牛肉飯，肢解咗隻太陽蛋撈飯，一食落口原來就係頭先果個墨西哥肉醬嚟，味道完全一模一樣，即時諗起麥兜媽媽處理聖誕火雞既方法…(5明既朋友自行睇番某部麥兜電影,支持本地創作)相比之下我覺得粟米片好d。然後就係原味班戟，搽上cream狀牛油滴幾滴檸檬汁最後淋上楓糖漿，新鮮熱辣既班戟果然好好食，雖然冇配料但比頭先個咖哩腸好食N倍!最後就係坐低前特別request staff 係碟邊寫happy birthday既雜莓西多，西多好新鮮香脆，配雜莓醬汁雪糕忌廉很不錯!