今日同男朋友去拍拖，見到megabox有間裝修得好靚嘅西餐廳，價錢又唔貴，我哋就揀左佢。 餐廳有個all day set menu，午市同晚市都有呢個set menu。價錢幾抵，選擇雖然唔算好多，但勝在想食沙律、意粉、意大利飯、牛、魚等等都有得揀。 首先有兩個脹卜卜嘅麵包，呢個包唔會太乾太硬，唔錯。 <香草薯仔忌廉湯> 今日嘅湯係香草薯仔忌廉湯，而沙律係粟米蕃茄沙律。我哋都揀左湯。湯好重菜味，份量好多，不過略嫌唔夠creamy。 <烤法國鴨胸配燒意大利青瓜及紅酒燒汁，$155> 好似唔算太多地方有烤鴨胸，我哋見到幾特別就點左。首先不得不讚個擺盤好精緻，一啲都無hea你。其次係切好哂，share 食都好方便。最重要係佢個味道，烤嘅程度岩岩好，無過熟，鴨胸好香好腍好好食。 <炭燒牛側腹扒配沙律及脆薯條跟黑胡椒汁，$186> 另外點左個牛側腹扒，賣相依然好靚，仲要切好左好方便。牛肉好腍，有淡淡炭燒香味配以牛肉香味。 <法式焦糖燉蛋，$25> 我哋淨係加左一個甜品，原本想點千層但係好可惜今日無，最後我哋點左法式焦糖燉蛋。面層焦糖雖然唔夠薄，但係好好味，而燉蛋有啲過實，但整體不錯。 <Earl Grey，$20> <Jasmine，$20> 整體而言，我都好推介如果大家去開mega box，不妨嚟食下。晚餐嘅性價比都幾高，環境氣氛又好，慶祝下生日都唔錯。

晚市堂食終於放寬，決定支持下小店，就揀左呢間cafe。 我哋點左兩個主菜加一個小食，原本想試埋個甜品都食唔落。 <西班牙伊比利亞雜錦風乾火腿，$138> 有4款唔同嘅風乾火腿，整到細細塊好方便食用，如果多幾個朋友share都唔洗分嚟分去。 <北海道海膽帆立貝幼蛋麵，$198> 個海膽超級鮮甜好好食，帆立貝都唔錯，爽口又鮮甜。只係略嫌個麵有啲冧同黐住，如果個汁嘅味再濃啲就更好。 <霹靂霹靂烤法國春雞，$188> 呢個春雞有驚喜，味道酸酸地，但係又好惹味。而家個雞好嫩滑，好好食。不過如果調味淡返少少就更好。 <荔枝啤梨鮮打綠茶，$56> 真鮮打綠茶，係飲到有水果嘅渣！荔枝同啤梨嘅味配合得好好，無搶左對方嘅味道。我無諗過cafe有咁好嘅鮮打綠茶！ <Japanese Jonathan Apple Soda，$58> 味道清新，不錯。 整體而言，我好推介大家去食！除左支持小店外，食物質素都算唔錯。而且又可以打卡，岩哂同朋友慶祝生日。

今日去左灣仔食lunch，就食到一間好好食嘅串揚小店。 午市套餐嘅選擇唔多，只有四款。串揚有三款而串燒就只有一款。我哋點左一個串揚一個串燒大家share。 <串揚5款套餐，$128> 美國安格斯牛肉眼，海蝦，日本洋蔥，紫蘇雞肉，半熟流心蛋 美國安格斯牛肉眼就算炸左都仲係好腍，好香牛肉味，一啲都唔油膩。 海蝦好好食，超彈牙，都有啲鮮甜嘅味道。 日本洋蔥一啲都唔刺激，食到嘅就只有洋蔥嘅甜。 紫蘇雞肉比較特別，不過有少少嚡，但係都幾好食。 半熟流心蛋係真係流架！不過真係冇乜味，店員都有㗎可以落啲鹽，落左鹽就好食好多！ 而飯團就冇乜特別，入邊有啲漬物，有漬物嘅會偏咸。無漬物嘅位置我就點左個醬，我覺得都好好食！ <串燒4款套餐，$118> 汁燒雞翼，煙肉車里茄，美國安格斯牛肉眼，鹿兒島五花肉 汁燒雞翼好香，燒到雞翼皮脆，雞翼肉仲係好嫩滑。 煙肉車厘茄refreshing，我嫌得兩舊唔夠。 美國安格斯牛肉眼都係好好食，但相對之下就會比串揚油膩啲，但係又好香好好食。 鹿兒島五花肉個人認為有啲膩，友人覺得好正，肥美適中，而且燒得好香好惹味。 整體而言我都好推介朋友去食，特別係set lunch價錢唔算好貴，而且環境都幾舒適。我希望下次可以happy hour或者食個輕晚餐chill下！

今日去左食串燒，支持黃店！ <川式燒芫茜，$22> 男朋友最愛之芫茜，係原條嘅芫茜。 <札幌芝麻香燒雞翼（兩隻），$32> 雞翼燒得好嫩滑，不過略嫌咸左少少。
<鹽燒厚切牛舌，$68> 個牛舌厚左少少，有啲韌，但係個味唔錯。<秘製醬汁香燒豬頸肉，$68> 望落好似好肥，但係食落唔太肥，幾好味。<香辣燒原條茄子，$49> 食燒野多數都會叫呢個燒茄子，今次點左個辣味，好惹味。<芝士煙肉焗大啡菇，$39> 好少見到串燒店會有得食焗大啡菇，我本身好鐘意食芝士煙肉焗大啡菇，個菇<黃金蒜蓉燒日本廣島蠔（三隻），$88> 雖然落左好多蒜蓉，但係仲食到隻蠔好新鮮好肥美。<椒鹽魷魚圈，$59> 岩岩炸起仲熱辣辣嘅，好香脆。




<（柒）支裝手工啤酒，$78> 幾特別嘅手工啤。

呢排涼涼地，打邊爐嘅季節又嚟喇。宮廷式裝修都幾有心思，而且仲有「聖旨」叫大家join member我覺得幾有心思。 火鍋湯底款式好多，有好幾款都好吸引，可惜無雙拼。我哋最後揀左有隻手指公嘅順治特色卜卜蜆鍋。 服務好好，店員會幫我哋煲滾啲水再沖一沖，乾淨又衞生。 有四款前菜。 火鍋配料有芫荽、辣椒粒、蒜蓉、蔥粒同豉油。呢到嘅火鍋配料會一直放係枱，唔怕落唔夠又要再拎。 <順治特色卜卜蜆鍋（小辣），$198> 入面勁多蜆，一人一碗都唔止。啲蜆都唔細隻，無沙而且都幾甜。湯底就無太大驚喜，我哋怕太辣食唔到，所以叫左小辣，我覺得一啲都唔辣，下次可以叫返正常辣度！<極上手切牛肉宮拼盤，$498> 點個牛肉拼盤就可以一次過試哂幾款牛！成拼都好好食，係對得起價錢嘅。
後排右邊嗰款牛肉味極香濃，不過唔可以淥得太熟，唔係就會好嚡。但如果淥到仲有少少粉紅色，就會有好香濃牛肉味之餘，有啲口感，但又唔會好嚡。
後排左邊嗰款偏爽身，有牛肉味但係算唔係勁重。食落爽爽哋都唔錯。
後面中間個牛肉粒真係令我好有驚喜，平時最唔鐘意點牛肉粒，因為覺得好難控制，一係過熟好嚡，一係過生食唔到。但係今次呢個牛肉粒好好食！好香牛肉味而且就算熟哂都唔會嚡！
前排左兩款都好好食，左邊嗰款嫩滑得嚟又有牛肉味，而右邊牛味同嫩滑度最平均。<桂花蚌／珊瑚蚌雙拼，$158> 呢個蚌嘅雙拼岩哂二人邊爐（姐係我哋），可以食多一樣野。桂花蚌同珊瑚蚌都好爽口。桂花蚌仲好鮮甜，不錯。<新鮮蟶子皇（四隻），$198> 最近講起蟶子都好想食，見到佢有蟶子皇我就叫左，都算大隻。幾鮮甜都同埋都無沙。<娃娃菜，$42> 啲菜都幾新鮮。
<紫淮山，$48> 男朋友點嘅紫淮山，我唔識欣賞。<足料竹蔗茅根（冷）（一渣），$68> 一渣竹蔗茅根有起碼四杯，我哋都飲唔哂。份量夠之餘，味道都唔錯，唔會好稀無味，但又唔會得個甜字。最後仲送左個甜品，係牛奶果凍，好好食！牛奶味好香濃而且加左啲酒幾香。果凍都整得好滑。
整體而言，我都推介大家去食呢間，食材質素都好高，牛肉同海鮮都好新鮮。而且襯住嚟佢最近都有啲折扣優惠快啲去試下。

今日同朋友行開，一直都以為呢間餐廳淨係食甜品，點知原來有主菜而且好䬮都幾吸引，所以決定一試。

<雞翼併盤 Wings Platter，$118>
雞翼併盤分別有蜜糖味同香辣味各3隻。個人比較喜歡香辣味，因為做得好惹味，好想食多幾隻，強烈建議有得淨係點香辣味。蜜糖味其實都幾好食，只不過香辣味太出色。
無論香辣味定蜜糖味，個雞翼都整得好唔錯，炸到外面脆，入面好汁嫩滑，好好食。 <四重芝士菠菜 Quattro Formaggi，$98>
見到呢個pizza係酥皮好吸引，我哋揀左四重芝士菠菜。四重芝士分別係Cheddar Chesse, Buffalo Cheese, Mozzarella Cheese同Parmesan Cheese，再加左菠菜同波特菇。呢個都係好好食，酥皮pizza好鬆脆，而個芝士都唔會太膩太滯。 <二重邪惡 S’mores，$78>
嚟呢到又點少得個crepe呢？我哋揀左好邪惡嘅棉花糖加Nutella榛子醬，呢個有啲滯，不過我都係略嫌唔夠多榛子醬。 <曲奇雲呢拿 Oreo Joy，$58>
好滑嘅奶昔，oreo味唔算太重但係幾好飲。 <荔枝蜜桃梳打 Lychee & Peach Soda Cup，$38>

整體而言，我都推介呢間餐廳。性價比都算高，而且啲野食都幾好食。

原本諗住book呢間餐廳嚟chill下shisha一下，點知今日我同朋友都病咗，結果就去食個Tea。 <Benedict Salmon，$68> 煙三文魚嘅egg benedict都唔錯，不過不失。 <Spaghetti Bolognese，$68> 意粉處理得幾好，整得好煙韌。不過個肉醬就無驚喜，以cafe嚟講算好唔錯了。 <Rose Orange Peel Tea，$48> 唔想飲凍野嘅關係所以點左杯熱野，呢杯玫瑰橙茶酸酸地幾好飲又幾開胃。 整體而言，我都想再去多次。因為最想去試下啲小食、cocktail同shisha。環境好舒服好chill。

呢到環境唔錯，岩晒同朋友飲吓嘢食個飯。<（1pc）黃金手工蟹餅配秘制酸辣醬，$98> 蟹餅好好食，好足料好多蟹肉，仲岩岩炸起，好香脆。秘製酸辣醬好惹味開胃。 <北海道帶子明太子意粉配三文魚籽，$228> 大大粒帶子，都幾鮮甜爽口。個忌廉汁都幾好食，不過好似加左番茜。 <香煎太平洋鱸魚配黑蒜油，$288> 個魚煎得好好，魚皮香脆，魚肉嫩滑多汁，而且一啲都唔腥。 <Asahi 500ml，$78> <Cosmopolitan，$78>

今日同朋友去左銅鑼灣，經過見到呢間台灣野幾靚咁，一於就試下佢。

呢到係scan QR code睇menu同落單，係自己部電話就搞掂哂！
不得不提呢到用呢個機械人送餐，好得意之外，仲會感覺衛生啲。

<白滷水8福拼盤，$188>
由於我同朋友都唔食鵝腸、鵝翼同鵝掌，所以同左餐廳講，佢就幫我哋減左。最後我哋有鵝肉、鵝肝、牛展、滷溏心蛋、滷豆腐同類似係醃蘿蔔定筍。鵝肉同牛展都好入味好香，而且都好腍。鵝肝一啲都唔羶。最開心係滷溏心蛋，蛋黃好流好好食。

<五木竹笙蔬，$78>
另外點左個菜，入面有紫准山、黑木耳、靈芝菇、竹笙同蟲草花。
朋友好鍾意大讚紫准山同竹笙，紫淮山先煎一煎，好鮮好香脆；竹笙好入味，但我最鐘意就係靈芝菇同蟲草花。另外黑木耳超級爽口。

<滷肉台稉米飯，$30>
呢個滷肉飯超好味，滷肉嘅肥瘦度適中，夠哂味又唔會太咸，仲要有我最愛嘅溏心蛋。而且啲飯都比平時好食。

<蜂蜜金鑽鳳梨汁，$30>
酸酸嘅鳳梨汁加左啲蜂蜜，幾特別幾好飲。

<凍時令水果茶，$44>
水果茶嘅茶好香濃，好足料有好多生果。

總括而言，我好推介呢間餐廳，以銅鑼灣嚟講性價比都幾高，又可以坐得舒舒服服同朋友傾下計。

今日約左朋友食飯，突然之間想食日本野，就去左十和田喇。 呢度嘅落單程序係用電話scan QR code睇menu然後再自己係電話落單。 <超特選壽司拼盤（配湯，蛋），$298> 首先先嚟左個麵豉湯，朋友話略嫌太鹹。 之後就有呢個茶碗蒸蛋，個蛋都算蒸得幾滑。 呢個壽司set一共有十一款壽司，壽司飯好特別，好似溝左豉油咁。
十一款壽司分別係中吞拿魚、油甘魚、吞拿魚 、象拔蚌、三文魚子、生松葉蟹腳、蛋、甜蝦、海膽、海鰻同碎吞拿魚腩卷。 海鰻係最有驚喜最好食，好大條之餘又無骨，好好食！ 象拔蚌同海膽都唔錯，象拔蚌好爽口，海膽都幾creamy而且唔會好腥。 油甘魚幾好食一啲都唔腥。 甜蝦比一般嘅大條，都幾鮮甜。 個蛋唔會好嚡好老。 中吞拿魚好好食，又係一啲都唔腥！ 三文魚子鹹咗少少。 生松葉蟹腳都好鮮甜。 呢個碎吞拿魚腩卷好足料！