鍾意食甜品的我，會去試未食過的甜品店，係朋友介紹下，去了馬鞍山好梳芙甜品屋食。 甜品選擇種類也有不少，其中最吸引我係椰皇燉蛋白系列和冰雪系列。 冰雪系列中揀左新推出產品 - 大千世界。 賣相相當吸引，而且材料豐富，有抹茶奶雪冰，紅豆，小丸子，班蘭果凍，脆餅和抹茶雪糕。 我鍾意小丸子夠煙煙韌韌，班蘭果凍幾特別，入口清新，甜度適中。 沙冰係綿綿冰，所以入口夠幼滑，與紅豆，小丸子和果凍一齊食，多重口感。 椰皇燉蛋白系列揀左熱桃園結義，當中有桃膠，芋園，椰汁西米底。 蛋白質感夠滑身，配上煙韌芋園，桃膠，口感一流，又夠滋潤養顏。

早幾日係銅鑼灣工作完，有點肚餓，食埋野先返屋企，我去了Royal Inn食。 一踏入餐廳，已被華麗設計吸引住，仲有一個噴泉，真係好少見。 主菜點了紅酒燴牛肋肉意大利飯 Red wine braised beef risotto 。 賣相精緻。 牛肋肉肉質夠稔身，份量也不少。 意大利飯軟硬適中，啱我口味，吸收晒牛肋肉精華。 甜品不可少，揀左焗蘋果金寶配雲尼拿醬 Apple Crumble。 好耐無食焗蘋果金寶，見到就想點來食。 上枱時，已香味撲鼻。 外層脆身，饀料有吾少蘋果肉，甜甜酸酸，食完野食最好不過。 飲品揀左Cappuccino。 不但拉花靚，口感夠幼滑，也易入口，不需要加糖。 這一餐好飽，好滿足。

我鍾意食鐵板燒， 早前去了三日月食飯，點了澳洲龍蝦、美國Prime 肉眼薄燒9道菜午市套餐。 🌾前菜三小點 包括蒜頭漬，芝麻豆腐和煙燻雞肉 🌾時令水果沙律，配上柚子汁，清新開胃。 🌾鮮活澳洲龍蝦 龍蝦肉質夠彈牙，配上以龍蝦膏煮成的醬汁一齊食，更能提升鮮明。 🌾茶碗蒸 蛋夠滑身，淋上鰹魚汁和三文魚子，混合黑松露油，口味豐富。 🌾鐵板燒日本野菜和美國Prime肉眼薄燒卷 牛肉卷點岩鹽和黑椒粉，再配上炸蒜片一齊食，更能突出牛肉味道。 有需要可以點酸汁，麵豉汁和芝麻醬。 🌾鐵板炒飯 日本米質感帶黏性，這個混入梅粉，帶少許酸酸，幾特別。 這炒飯兩食，混入鰹魚湯和芥末，成為茶漬飯，口感完全不同。 🌾龍蝦味噌湯 用龍蝦頭去煮湯，更能帶出鮮味。 🌾 甜品 以抹茶紅豆餅作為完結，感覺圓滿。

對於係新蒲崗返工的我，自從開左Airside後，食野多左選擇，今次試下 GRIND & BREW。 餐廳主打澳洲精品有機咖啡豆、無麩質飲食、Cocktail、寵物有善餐廳。 我揀左Truffle Wild-mushroom Pasta ，加$28要埋雞胸。 這是無麩質意粉，我自己平時也較少接觸無麩質食品。 意粉仲有黑松露，野生磨菇和巴馬郡芝士。 磨菇份量不少，而醬汁入口夠香濃幼滑，加上黑松露和芝士，全部也好夾，啱我口味。 飲品揀左熱抹茶Latte ，拉花當然不可少。 抹茶味道濃郁，喜愛抹茶的朋友可以一試。 原來仲有澳洲精品有機咖啡豆、自家設計衣服和環保袋出售，真係夠多元化。

好耐無食韓國野，今晚相約好友去了Bingo & Cook食晚飯。 我地點左鮑魚海鮮鍋，蜂蜜黃油無骨炸雞(半份)，牛肉Pancake和柑橘奶昔。 今餐好豐富，我自己最愛這裡炸雞，不但熱辣辣，而且外脆內嫩。 海鮮鍋材料豐富，有鮑魚，青口，帶子，蜆，蝦，蔬菜，菇，年糕和粉絲。 湯底鮮甜，粉絲吸收晒海鮮精華。 牛肉Pancake 一試愛上，牛肉餡料不少，係海鮮薄餅以外的另一個選擇。 食甘多濃味野，凍飲不可少，柑橘奶昔賣相吸引，甜度適中，又解渴。

之前見到朋友食火山排骨，覺得好吸引，早前終於相約好友去了尖沙咀MILU THAI食晚飯。 必點火山排骨，這間可選甜酸口味，相對辣度較低，但對於不太食得辣的我，揀左汁分開上，甘就最好。 一上枱已被佢的份量嚇親，一共有四大塊排骨。 可以帶手套直接用手食，好滋味，肉質算嫩滑，加少少汁更滋味。 另外，點了粉絲焗大頭蝦。 對我來講，粉絲係主角，吸收晒大頭蝦精華，好好味。 蒜蓉牛油雞翼，勁多蒜蓉，啱我口味，雞翼外脆內嫩，又夠大隻。 食甘多肉，點了蒜蓉椰菜苗，這個好味，份量也不少。 中和濃味食品，我地點了椰青和芒果梳打。 椰青清甜又解渴，食泰國野不可少。

好耐無食日式燒肉，尋晚相約好友去了D2 Place One 銀座炎蔵燒肉Ginza Enzo Yakiniku食晚飯。 食燒肉，必點牛肉，這裡選擇多，又可以試到平日較少食的部位。 先點和牛「極致」六點拼盤 🌱和牛内腿肉 🌱和牛肩三角 🌱和牛貝身 🌱和牛芯芯 🌱和牛定三角 🌱和牛羽下 賣相相當精緻。 上枱時，店員告訴我們六款牛食的次序，再配上芥末和鹽一齊食，更能突出牛的味道。 每款牛的油脂分怖平均，質感好柔軟和嫩滑，食完沒有油膩感。 當然不少得我最愛的牛舌。 質感帶少許爽脆感。 另外，試了日本產雞腿肉。 肉質嫩滑，不會覺得太乾或硬。 見到和牛咖哩烏冬吸引，也點來試下。 上枱已聞到咖哩味，好醒神，食埋飯，好滿足。

有時晚餐吾想食飯，我就會選擇粉麵，最近外賣左了杞醉濃湯半隻雞花甲米線（二人份）。 這裡有半隻雞，雞肉夠嫩滑，完全吾覺得乾和硬。 花甲份量不少，肉質鮮甜。 最驚喜係隻溏心蛋，橙色的蛋黄，再配上酒香，好味道。 一打開個米線湯底已經好吸引，湯裡有不少杞子和龍眼肉，我最愛養生湯底。 平日盡量少飲湯，這個湯我飲晒，特別晒秋冬食，滋補又暖身。 而米線口感也夠滑身，和這個湯底好夾，食完感覺舒服。 食完米線，食埋杯茶，感覺舒服。

Airside 有吾少餐廳，對於係新蒲崗返工的我，真是一大喜訊，lunch食野多左選擇，今次去左NAM NAM VIETNAMESE CUISINE食lunch。 午市套餐包小食，主菜，甜品和飲品。 小食定左係堤岸蔗蝦和扎肉蒸粉包各一件。 主菜點了牛肉餅配越南米粉。 熱南薑桂圓茶。 是日甜品係椰汁芋頭糯米。 兩款小食幾好味，蔗蝦幾彈牙。 牛肉餅同我想像中有出入，佢係一片片，好似扎肉甘，味道尚可，但份量少左d，但越南米粉份量就幾多下。 飲品味道偏淡，甜品不錯。 下次可以試下其他款式。

平日工作忙碌，有時間也想揾一間舒適的食店，好好坐下，慢慢食，最近發現了一間不錯的日式洋食屋 - Black Bear。 主菜點了茄汁虎蝦扁意粉 Tiger Prawn Linguine with Tomato Sauce 賣相精緻。 蝦肉夠爽口彈牙，意粉軟硬度適中，口感不錯。 飲品點了鐵觀音拿鐵 Oolong Tea Latte 見到係鐵觀音，我就試下，味道幾香，入口質感幼滑，也不會太甜。 甜品當然不可少，點了藍莓忌廉芝士牛角包窩夫 Blueberry Cream Cheese Croffle 即叫即整，牛角包窩夫和平日食的窩夫口感不同，帶有煙煙韌韌，我愛食這款多些。 甜度適中，配上藍莓和忌廉芝士，好夾又美味。