我好少係openrice寫食評，呢間酒吧真係唔可以唔比個好評佢。 今日特別想搵個地方靜靜地飲野，本來叫左個朋友諗住出黎飲下野傾下計，最後都係得我一個😂由於我放工已經係9點半仲要港島區，基本上都冇乜餐廳或者酒吧會有野食，咁岩比我搵到呢間西班牙酒吧，有主食之餘又可以過下酒癮，正！ 因為今日星期五，我去到既時候已經全場爆滿咁濟，係酒吧外面同個靚女吹水吹左十分鐘，終於入得啦。 一入去就叫左杯blue diamond, 其實睇食評果陣啲人話酒味唔係好重同埋有荔枝味，易入口好岩女仔飲，所以一黎到就已經有目標地嗌左黎飲 然後嗌左個黑松露醬炒野菌，聽講呢個都係必食，但係我覺得唔係想像中咁好，黑松露味係重既，但係唔夠味。 另外加左個啤酒燴牛面肉，肉質好稔，配埋個汁食真係幾好食。 呢間酒吧可以encore我下次想飲野都會選擇黎呢間度飲 題外話：企門口果位靚女都好nice, 多謝佢明明做緊野都陪我吹水，一邊叫人入去飲酒一邊仲要應酬我

餐廳新開既時候黎過一次食晚飯，感覺都唔錯，適逢今日又係荃灣，又再一次黎到食晚飯🍽️
🍽️。
今次個menu加左好多新菜式，成個餐牌轉左，但依然有我最中意食既芝士系列，但今日我想試下新款式😋😋，所以就唔嗌芝士野啦💪🏻

首先小食方面叫左個一口避風塘炒茄子，而飲品就叫左薄荷檸檬梳打，朋友就叫左雪糕紅豆冰👇🏻

一口避風塘炒茄子 : 作為小食黎講，都算唔錯，茄子淋身🍆，加埋用左椒鹽炒好香，味道岩岩好，又唔太咸，好味👍🏻！

薄荷檸檬梳打🍋: 上次係度試左百香水果茶，今次試新menu薄荷檸檬梳打，甜甜地好fresh，加上而家天時暑熱☀️☀️叫返杯可以降溫，黎食飯既朋友有興趣可以試下。

雪糕紅豆冰: 朋友話個雪糕球好好食😂😂同埋紅豆冰涼浸浸飲落好舒服🍹
之後叫左個德國雞肉腸拼盤，原本以為啲腸唔辣，點知食左其中一條辣到飛起，然後先知原來拼盤有辣肉腸🌶️雖然好辣，但係幾好食🎈🎈
主食: 
韓式雞肉意粉 :

當我係menu上見到呢個意粉既時候我就想嗌黎試下，如果唔食得辣都唔緊要，因為可以嗌小辣，個意粉雖然好簡單咁用雞肉同埋加啲韓式醬黎炒，但係味道已經岩岩好🍝
海鮮闊條麵配海膽汁:

因為我本身都好中意食啲芝士啊忌廉啊既野食，所以我睇到餐牌個圖之後就叫左個試下，其實我個人唔食海膽，所以對所有海膽有關既野我都唔太食，但係呢個闊條麵食落去有啲creamy，同埋加埋海膽汁又真係幾夾，個人建議黎到真係要試下呢個🤩🤩
以上都唔係我既主要目的，我最想食既野就係呢個👇🏻

🌟燒焗美式豬肋骨配薯條🌟
因為父親節優惠，而家做緊$58咋❗❗❗ 我中意食呢個ribs既原因係佢燒得岩岩好，舊骨都多肉，同埋佢燒到啲肉可以一切就離骨同埋好淋，加埋BBQ Sauce黎燒，超好食😋😋😋

整體黎講好滿意，而且作為一間港式西餐廳(?) 食物種類同味道已經好好，仲要一直都keep住保持良好既服務態度，真係唔容易! 加油!我會再黎幫襯架! 

千色匯最近有間新餐廳，見今晚有時間就同同事去試下，因為早左少少到，所以唔洗點等位😊 講下佢環境方面，位置我覺得都幾闊落，空間都好大，坐低都好舒服😌 而食物方面，作為芝士迷既我，見到meau上有我最愛既芝士野食，毫不猶豫就嗌左個芝士魚柳飯然後小食就有瑞士汁雞翼同蒜香一口牛🥟野飲方面就叫左經理推介既水果百香茶。 先講下主食，因為佢上枱就已經有芝士係面，估唔到佢仲有加熱熔芝士呢part，見到果下已經流哂口水，急不及待想即刻試下，食落口覺得啲芝士好香，個魚柳好脆，連埋飯一齊食成件事好夾。 小食： 瑞士汁雞翼 - 遜色左少少，因為我中意多啲汁，佢個汁唔係幾夠，不過肉質幾好，煮得夠腍，啲肉一咬就開。 蒜香一口牛 - 可能我本身食得濃味，我同事覺得個牛咸左啲，但係我覺得都ok，我仲食埋啲洋蔥絲同蒜香片添 飲品： 水果百香茶 - 因爲見到佢meau上有好多特色飲品，有選擇困難既我都㨂唔落手，就問下經理推薦邊隻好飲，就叫左呢隻水果茶，果然冇令我失望，飲落好fresh，甜度都岩岩好，如果黎到極力推薦要試下呢個百香水果茶 整體黎講，作為一間新餐廳我覺得唔錯，服務都幾好，下次會黎試埋佢個lunch

我自己本身好中意周圍走去搵好野食，琴日見到呢間食評唔錯，所以心郁郁今日就由九龍去左西灣河食:-D 一入去見到有芝士蛋包飯，唔洗諗就叫左黎食，因為我個人好中意食芝士既野… 結果冇令我失望，飯撈埋咖哩汁食果然一流，仲要係個飯係用雞肉炒既炒飯，價錢又抵，一個蛋包飯+埋野飲都係40蚊啫！ 山長水遠入去食野都值得既