呢間清酒Bar 真係好岩酒量唔算好好既我地 每款清酒都可以試少少😎 . 駐場唎酒師有JSA 資格 只要講下想飲邊類型既清酒 fruity d 定dry d或者米味重d既清酒都可以一一介紹 考到JSA資格既唎酒師基本上已經係學霸mode🤓 有咩關於清酒既問題 都解答得超詳細 . 今次試左幾款清酒之中 我地兩個最鍾意都係來自於三重縣既「而今」($258一杯) 雖然有少少奢侈 但只要呷過一口 就唔難明白點解佢keep到係日本清酒權威SAKETIME 排名Top 10之一😍 入口有一陣清新果香 好順滑 唔會灼喉 米味慢慢滲出黎 有層次得黎又容易入口 . 飲清酒又點少得下酒菜 味淋魚干 ($48) 同埋串燒厚燒牛舌 ($68)口感味道都唔錯 食下少少肉類唔單止唔會咁易醉 油脂流係口腔更會令清酒既米味更突出 講到底都係為左襯托主角清酒👍🏻 . 整體呢間清酒Bar氣氛都唔錯🍾 特別適合對清酒有興趣 又唔係好識點揀清酒既黎呢度試番幾款 試岩先之後再搵黎買番屋企

好鍾意佢既香烤小食拼盤 ($138) 真係有成大條魷魚 蒜蓉青口 香草烤蝦都好惹味 . 紫菜肉鬆蛋捲 ($68) 面層鋪滿紫菜肉鬆 如果中間可以有芝士拉絲就更完美 . 牛骨蘿蔔湯配飯 ($128) 大大煲牛骨 Happy Share比較岩 . 宜家仲有套票優惠 買10張$50現金券 (一套共＄500) 即減$100 買30張$50現金券 (三套共＄1500) 即減$300 再免費送韓式豬手一份 ($168) 如果約一大班人食分分鐘一餐已經用到一套 咁計法變相有個8折又幾抵

日式居酒屋crossover 港式煲仔飯 賞花賞月賞秋香 計我話應該係 嚐餚嚐饌嚐共酌 . . . 特色煲仔飯喺區內幾出名吓 質素絕對唔錯 玉子蟹肉蟹柳蟹膏大混戰煲仔飯 ($198) 比起港式煲仔飯有過之而無不及 足料蟹肉蟹膏 撈埋蛋黃攪勻有少少濕潤嘅口感 每一啖飯都食到蟹肉嘅鮮味 . 除咗煲仔飯之外串燒都係主打 雞腎 ($36) 大啡菇 ($38) 牛舌 ($68) 雞腎同牛舌都幾厚切 大啡菇好Juicy . 蒜蓉牛油扇貝 ($48) 大大粒扇貝 蒜蓉牛油呢個組合絕對冇得輸 旁邊仲有塊多士 可以蘸埋蒜蓉牛油食 . 幾適合約一班人黎食 吹吓水飲下酒 不過餐廳位置有限 如果唔想等就最好預早book位喇

又到年尾要慰勞自己嘅日子 辛苦咗成年當然要食返餐好嘅 放工近近地去咗蘭桂坊附近嘅 Keyaki 用炭火燒爐既居酒屋 感覺好似去咗日本嘅屋台 師傅仲會同食客飲返兩杯🍶 好有溫度既招待 . . . 甲羅燒 ($88@) 味道偏濃 配埋燒飯團食就岩岩好 . 粒貝 ($238) 除咗食到粒貝 師傅仲會沿小孔倒出上湯 可以品嚐埋粒貝嘅精華 . 鮑魚 ($138) 每日總有幾款食材係期間限定 今次就叫咗是日特選之一 鮑魚都幾厚身 . A5和牛西冷 ($368) 每片和牛都充滿牛脂 火候亦都燒得啱啱好

工廠大廈林立既大角咀福全街 暗藏左一間隱世高質Cafe 二世祖 Easy Joe . . . 首先不得不讚下呢款飲品 二世祖特濃朱古力($48) 朱古力味好濃 但又唔係澀個種 凍樽裝無冰所以唔怕d冰溶咗會稀咗 . 推介大家試埋二世祖招牌窩夫配雪糕 ($108) 窩夫加入左木薯粉所以口感煙韌 配上抹茶忌廉又濃又滑 另有仲有草莓軟芝士蛋糕 酸甜度岩岩好 雪糕可以揀味道而呢款係豆腐味 好似食緊豆腐花冰花咁 . 白酒蜆肉扁意粉 ($108) 辣得黎惹味 蜆肉都算幾大隻 . 薯蓉黑松露雜菇薄餅 $98 份量夠曬大既pizza 同朋友happy share就岩曬 . 白酒藍青口配法包 ($88) 法包加左牛油好香脆 配埋白酒忌廉creamy

🍹 Weekend想享受下片刻寧靜 食番個悠閑brunch 又想打卡影吓靚相 呢間餐廳就可以一次過滿足晒所有願望🥰 . . . 難得放假同朋友黎到田園風cafe @musefurniturelab 去完一次已經推介左幾個朋友一定要黎試吓 . 黑松露香煎帶子大蝦法式可麗餅 ($168) 可麗餅係呢間餐廳既熱門菜式 賣相非常之吸睛😍 帶子同大蝦煎得啱啱好 裏面係足料嘅千島醬椰菜同火箭菜 白酒青口意大利粉 ($148) 意大利粉主調係忌廉底 非常非常creamy 👍🏻 青口份量都唔少 百香水果綠茶 ($78) 完全係視覺享受😝 飲落去又唔太甜 又有清新感覺 檸檬柚子梳打 ($68) 朋友就試咗呢款 酸酸甜甜飲落好chill 😙 . 整體嘅結論係無論嘢食定嘢飲都好高質‼️ 雖然用餐時間限定85分鐘 但食完嘢可以周圍喺花園 同埋梳化位打卡 打卡指數100分🥰 極度推介同閨蜜一齊黎影番夠本先走 . . . 餐廳淨係開放星期五至星期一 有時會有包場活動 建議都係預早訂定枱先 揸車嚟會最方便 (收費每小時港幣＄20) 又或者錦上路站轉小巴/巴士都可以 . . . #hkfoodie #foodpost #musefurniturelab #餐廳推介 #打卡餐廳 #相機食先 #錦上路 #元朗 #hkcafe #西餐 #香港好去處 #食咩好 #去邊好 #飲食日記 #閨蜜 #拍拖好去處 #eatwithfoodiez #foodiehk #foodto元朗

上環非一般江蘇菜 一到餐廳感覺裝修非常有氣派 藍金主調雅致而奢華 一碗一碟都盡顯心思 . . . 中菜通常套餐都係圍菜 但呢度有個人既午市套餐 ($498) 兩位起就可以點 而且有多間獨立廂房 都幾啱商務午餐請客食飯 . 淮揚三小碟 首先有陳醋肴肉•一口燻魚•甜梅酒醉雞作為開胃菜 . 松茸螺頭燉湯 燉湯入口鮮甜 落咗雞肉同火腿但一啲都唔油 . 乾燒虎蝦球 虎蝦肉鮮彈牙 甜酸辣味道恰到好處 . 京燒鱈魚片 鱈魚滑溜 味道偏似糖醋魚 . 金盞牛柳粒鍋巴卷 賣相一流 牛柳粒惹味 . 招牌小籠包 外皮超薄 裏面係滿滿既湯汁 . 南瓜香芒凍糕 啖啖椰香 食完濃味既主菜可以清一清味蕾 . 另外散叫咗十二味扣牛肋骨（$438/六件） 貼心地已經將牛肋肉起骨 牛肋肉入口軟化

🍴 玩味十足元朗西餐廳 餐廳就近朗屏站 行5分鐘就到 裝修好有特色仲有打卡牆 仲有好多搞鬼擺設🤪 . . . 野食名都非常搞笑😝 凱婷的全日早餐($110) 豐富大大份 扮cupcup冬蔭功大蝦意粉 ($98) 幾辣幾惹味 . 餐廳歡迎主人帶埋小動物 Weekend帶住毛孩唔知去邊好 都可以考慮黎吓打吓卡📷 . 呢度淨係接受現金或者Payme 打算黎食就要留意下喇 . . . #hkfood #hkcafe #hkfoodie #foodpost #foodiehk #foodstagram #hkig #igdaily #alldaybreakfast #foodto元朗 #元朗 #打卡cafe #打卡餐廳

椰子燉湯專門店 其實已經回訪咗好多次 前一份工散水無去派餅 而係選擇派椰小盅嘅散水湯 始終蛋糕有人可能keep fit 唔想食 但燉湯就差唔多個個啱飲😋 . . . 蟲草花幹貝土雞燉鮮鮑椰小盅 ($80) 織金竹笙烏雞椰小盅 ($66) 跟餐配一碟小菜 紫薯飯 茶 啫喱 (+$9至$23視乎款式) . . . 椰小盅既每盅湯都非常足料 半盅湯都係材料👍🏻 落完材料之後就會落番椰水去煲 所以會帶有椰水既清甜 燉足4-5個鐘♨️ 但難得d湯一d都唔油唔濁 難怪開舖無耐就成為米芝蓮推薦餐廳 . 外賣嘅話仲可以要求真空包裝 拎番屋企飲又衛生又方便

過江龍邪惡pizza 炸雞韓國餐廳 終於登陸元朗開分店 雖然都要等下位 但喺商場入邊可以行吓街 落雨天都唔怕啦😌 . . . 薯角炭燒雞肉芝加哥薄餅 ($213) 超邪惡拉絲 裏裏外外都充滿芝士🧀 烤雞配上BBQ醬少少酸唔會太漏 餅底落咗黑米、綠茶、小球藻同埋12種天然穀物 咬落去唔會實的的而係有啲軟糯嘅感覺 薄餅皮邊仲落咗蜜糖杏仁 無論口感定味道都好豐富 . 蜂蜜蒜泥炸雞 ($123/六件 $223/十二件) 炸雞超香脆🍗 蒜蓉磨成泥之後唔會有個種攻鼻嘅味道 蜂蜜同蒜泥味都好平衡 . 飲品方面8點前會有Happy Hour特價 Mistress Yuza Sour Ale (HH$59) 啤酒帶點果味 幾refreshing 😙 另外叫咗杯Maru Punch (HH$78) 以菠蘿同熱情果做主調🍍 Fruity 嘅組合可以調劑下主食嘅油膩感 . . . #PIZZAMARU #韓國餐廳 #元朗 #Yohomall #形點一期 #炸雞 #PIZZA #寵物友善餐廳 #petfriendly #韓國菜 #邪惡拉絲 #korean #元朗美食 #foodiehk #foodto元朗 #sharefood #partytime