好耐無去北海道，好掛住個種羊肉燒肉～銅鑼灣有一間專食羊嘅成吉思汗燒～店舖抽煙通風做得唔錯，爐上擺滿左椰菜絲沙律同圍爐蔬菜包括洋蔥、菇、椰菜，仲有椰菜絲沙律，食得肉多，可以食蔬菜中和一下口腔～☺️☺️☺️ ✔️日本和牛西冷(120g)：腍滑得來好香濃牛肉味😋 ✔️黑草羊肝：牛肝豬肝食得多，羊肝都係第一次食，但出奇地好食，食落唔膻仲幾爽口😉 ✔️ 石鍋泡菜羊肉飯：石鍋燒瑜火燒，燒到飯底做到飯焦效果，再混合泡菜、羊肉來吃，超滋味～ ✔️ 燒肉拍擋：有牛又有羊，有啲部位都係第一次聽，咬落根位有啲嚼頭，但咬落都啖啖肉～😍羊無膻味，食落仲好腍滑，特別可口一食難忘～ 一邊食燒肉、一邊飲雜果燒酎，再同朋友傾偈一整晚，真係人生一大享受～😌😌😌

放工同埋同事去咗銅鑼灣嘆居酒屋，嚟到hungry monkey又有得飲兩杯又有得食日式小食～點可以唔啤啤佢～即刻叫杯highball先～ ｜蕃茄蒜子沙律｜$28 味道清新醒胃，食下食下好開胃～食慾大開😆 ｜辣酒凍風螺｜$68 肉質爽口，辣味滲透晒螺肉，非常入味😍 ｜清酒煮蜆｜$88 好似拆禮物咁打開～係清酒煮蜆，粒粒蜆漲卜卜好鮮味～ ｜日本原隻活蟶子｜$136兩隻 超大隻又鮮甜，加上蔥粒同蒜粒，兩人share食到停唔到口～ ｜港島燒｜$98 上面舖有肉鬆、可自行加紫菜增添風味～滿口醬汁～薄脆口感味道好豐富✌🏻☺️ ｜A5和牛坑腩炒飯｜$128 飯粒分明炒得乾身，食落唔覺油膩，蔥花蒜粒配軟滑和牛係絕配👍🏻 ｜羊架｜$98兩隻 燒羊架燒到剛剛好，肉汁鮮嫩無比，每口都啖啖肉的～ ｜朱古力香蕉｜$28 呢個係新甜品，朱古力香蕉形pancake,外有少少脆～裡面好香香蕉味～

今次同朋友去左觀塘觀塘駱駝漆大廈一間壽喜燒店~私隱度高又坐得舒適～ 每人有一個三式前菜、壽喜燒、特色飯點同甜品，叫咗個和牛盛宴，一次過食到赤身同霜降和牛，$558，仲有侍應幫手燒~慢慢食慢慢享受～😆😎 ｜前菜｜ 新鮮沙律：酸酸甜甜好開胃 和牛餃子：皮餡滿有肉汁～上面舖有木魚碎特別香口～ 炸可樂餅：質感外脆內軟，味道滿滿牛肉肉汁 然後就係壽喜燒上場～不同部位都有不同特色，沙巴當油花香味濃啲，入口即融；牛腰蓋滑口肉味濃；赤身重肉味同特別爽口～再加埋鹿兒島雞蛋特別滑溜濃郁，先食牛肉原味再蘸蛋汁，簡直人間美食～🤩🤩🤩 後續仲有特色飯點，材料用櫻花蝦、牛肉粒、葱花、蛋、紫菜炒成，飽肚又好味～最後食埋個甜品芝麻雪糕作結，超滿足呀😚😚😚

相信無人會唔鍾意日式燒肉，佐敦和牛燒肉一郎融入和式簡潔美學，除咗提供小田 A4 和牛（Odagyu）外，亦同時有美國和牛及澳洲和牛、鹿兒島和牛、只係和牛都有咁多款，其他燒肉仲有薄燒蔥花牛舌、牛肋條、大判壽喜燒牛里脊肉等等，餐廳仲打造出獨家「燒肉新幹線」，以智能化的送餐，客人安座位置按鍵就可以拎出燒肉啦～ 主食方面，例如有「燒肉丼」、「壽喜燒牛肉丼」、「博多豚骨拉麵」丶「辛辣牛肋肉湯泡飯」丶「冷麵」、「炸蠔」食物水準高，限時兩小時「和牛食べ放題」已同時包括無限量供應沙律丶飲品及甜點，雪條種類非常多，選擇多不勝數，食晒就要捧著肚子離開！

｜凱撒沙律｜ 羅馬生菜混和著香濃巴馬臣芝士同惹味煙肉碎，中間夾著香口面包方脆，爽脆的凱撒沙律，每啖都滋味無窮。 ｜椰菜花忌廉湯｜ 椰菜花本身帶有甜味夠清甜，打成蓉之後口感就像忌廉湯一樣，加少許牛油或橄欖油，令湯更順滑濃郁。 ｜黑松露雜菌意粉｜ 黑松露醬和乾雜菌，乾菌氣味濃郁，包括白菌及雞脾菇，加上黑松露醬令味道昇華至另一層次，意粉爽口彈牙～ ｜牛肉眼｜ 安格斯肉眼油花豐富，口感軟腍，牛肉味道濃郁、脂肪分佈均勻，雪花紋平均分佈，味道香濃而質地柔軟。 ｜椰子、香桃雪葩｜ 雪葩用新鮮椰子肉、桃肉製成，將果肉冷藏至結冰後磨成沙冰再加入奶制品而成，味道濃郁，雪葩含糖量會比雪糕低，較雪糕健康。

一行四人去咗觀塘醉桃園打邊爐～餐廳滿有中國建築古色古香感覺～地方寬敞，我地坐房可以有私人空間～總體來說，食物水準高，性價比好高～ ｜藥膳花雕醉雞鍋(半隻）｜ 用花雕、紅棗、杞子、圓肉、當歸、淮山等數種養生中藥材熬製而成，雞肉肥嫩鮮美無比～米白色湯底，飲起來能嚐到天然精燉出來號鮮甜味～而且份量好多，性價比非常高 ｜牛黃喉｜ 牛黃喉又稱牛心管，打邊爐灼1分鐘便熟，質感爽脆彈牙～ ｜美國黑豚肉｜ 爽口唔油膩，食多幾件都唔厭～ ｜豬肺｜ 連埋豬肺放湯煲煮，質感腍滑軟綿咬落有嚼頭～ ｜手打墨魚丸（8粒）｜ 一食墨魚丸就知高質唔係普通平價料，非常爽口彈牙，有墨魚粒口感～ ｜醬爆丸拼盆（份）｜ 有4款不同味道，各有特色，有牛肉、蝦肉、小心一咬爆汁～ ｜竹笙雲吞(8隻）｜ 大大隻好足料，餡料滿滿的～好香鮮蝦味 ｜鴨血｜ 一碟有8件，蘸辣油食真一流～ ｜皇帝菜（時令）｜ 皇帝菜新鮮爽甜～打邊爐必備 ｜真打鳥冬｜ 最後當然要食烏冬吸盡湯汁作結啦～

相約朋友到尖沙咀isquare港匯軒吃晚飯，先開壺熱茶，茶香味濃～茶壺仲有蠟燭保溫，保持到熱茶溫度，一邊欣賞香港夜景、一邊品嚐中菜～好寫意 ｜蟹粉扒豆苗｜$188 選用時令豆苗配搭鮮味蟹粉，油香撲鼻，脂膏綿密，又不失清爽口感。豆苗要炒得青翠嫩綠，要洗浸水吸收水份，再瀝乾水，一定要用大火快炒，豆苗保留到翠綠，可見廚師有一定功架～蟹肉亦量多，鮮甜極至，啖啖都充滿蟹汁，蟹身肉一梳梳十分滿足。 ｜虎皮椒炒安格斯牛柳粒｜$268 炒牛柳粒時必須要用大火，迅速地煮熟牛肉的表面把肉汁鎖實於牛柳粒內，使牛柳粒更鬆軟，將牛肉的嫩滑與尖椒的鮮辣脆口，色彩鮮亮與口感鮮美很好的融合在一起，非常開胃下飯的菜。 總括來說，座位寬敞舒適，用餐舒服唔嘈吵～食物水準亦高，最難得係有夜景欣賞～景觀一流

尖沙咀新開一間居酒屋，追蹤社交平台仲送乳鴿！上菜好特別，即席點火燒紙，打卡效果一流～

｜和風豬肚雞沙律｜
雞絲沙律食得多，加埋豬肚就好少見啦～好爽口彈牙，沙律新鮮口感好清新，即時開胃幾倍～

｜月見免治雞肉棒｜
配埋蛋黃汁蘸嚟食增加口感幼滑度，肉質腍滑但又有嚼頭，十分滋味～

｜牛舌｜
牛舌厚切咁燒就最正架啦，好爽口又唔硬，加少少秘製辣醬真係超好味～

｜手揸海贍蝦卷｜
好新穎嘅菜式，外表有啲似薄餅皮，中間有蝦肉，上面舖有海膽，口感豐富～

｜咸牛肉明太子山芋｜
我最愛呢道菜，上面咸牛肉加明太子味道配搭起嚟又出奇地夾，燒山芋口感滑溜，連埋一齊食好有驚喜～

｜和牛脂炒枝豆｜
炒香過嘅枝豆係唔同啲～粒粒有都牛肉嘅香味～

｜炸雞槌｜燒雞翼｜
雞肉做留到肉汁，好嫩滑一啲都唔乾～而且夠入味

呢間係一間比較舊式嘅韓燒餐廳，令人懷念年少時同家人食韓燒～放題有好多肉類選擇，加$38升級會有加拿大Prime雪花牛同帶子、仲有法式羊架～ 各款肉類均不錯，尤其是加拿大Prime雪花牛和3A雪花牛，油花分佈平均，牛味香濃。特級肉眼扒肉質腍滑。 黑毛豬腩和豬頸肉爽口，蒙古羊肉也不錯。法式羊架肉質軟腍，醃得入味又無羶味。帆立貝已用蒜蓉調味，大大隻燒得香口～鮮嫩多汁；鮮魷魚入味爽口。 食肉加埋生菜包同埋蒜頭夾住食簡直一流～ 熟食方面都非常出色選擇好多，我就叫咗辣豆腐湯同埋石鍋飯～熱辣辣上菜好美味～ 前菜都係任食，當然要叫大量泡菜啦哈哈 飲品方面好多選擇，雪糕仲有榴連雪糕食，味道都好濃郁！

尖沙咀出名多居酒屋，放工約埋朋友嚟食下日式海鮮燒～享受一下～我地叫咗個小樽二人前套餐$1088 有齊小食、沙律、刺身、海鮮濱燒、生蠔、北寄貝、甲羅燒～仲碗個自選飯食，同甜品、夠晒滋味同飽肚～ 餐前小食有牛旁、水雲、鵝肝，呢個配搭恰到好處，鵝肝好滑好甘香，再食水雲牛旁中和油膩感～ 海鮮濱燒有鮑魚、帆立貝、北寄貝，每款都巨型好大隻～鮑魚生猛仲識郁～食落口每口啖啖肉好鮮味～燒原隻咁食係最滋味的～生蠔好creamy唔重鐵銹味～ 蟹殼蟹彥甲羅燒配香脆法包，真係食到停唔到口～ 飯食方面我同朋友揀咗鮮蟹肉明太子蛋黃醬冷烏冬，火炙香蔥三色迷你海鮮丼，各有特色～海鮮丼有我最鍾意食嘅左口魚～最後係香滑嘅牛奶布丁～ 最後要提下呢個餐仲包免費一手抓蝦，朋友抓到6隻我地每人有3隻赤蝦食～好玩😂