朋友聚餐 三個人食supernormal 食午餐 店舖唔大 餐廳嘅色調較暗 但非常舒適☺️ 係無人排隊嘅情況下 我地食加傾計大概坐左2個鐘🤡 店員都唔會趕我地走 👍🏻 令我地整個用餐過程過得幾愉快🙈 - 入番正題講啲食物 我地叫左3個lunch set 不過因為淨係影低左2個 所以就講呢兩個餐🤣 - 肉眼扒 $106 牛扒賣相唔錯 份量係正常嘅8鞍士 我地叫嘅係五成熟 一切開見到肉係粉紅而仲有少少血水 的確係煎到啱啱好五成 火喉控制得幾好👍🏻 牛扒嘅厚薄適中 食落去牛肉味都香 ☺️ 不過好可惜 唔知係本身呢間餐廳牛扒嘅質素一向係咁 定係咁啱我嗰日食嘅牛扒質素麻麻🧐 牛扒本身肉質偏「鞋」仲有都頗多筋 食落去有好硬同咬唔斷嘅感覺😢 呢樣真係好可惜 但見佢煎得咁靚 而且價錢不貴 所以我哋都係會比4星評分🙈 - 煎龍脷柳意粉 $76 兩塊龍脷柳都偏大塊 有足夠嘅厚度 好重嘅魚味 食落肉質不錯🙉 意粉嘅軟硬度適中 不過調味少少單寡 本身意粉無乜香味 需要靠淋上龍脷柳嘅汁配搭 但佢個汁酸酸甜甜 冇乜得特別 我覺得一般般🤓 - 總括黎講 雖然呢間餐廳嘅食物質素未去到算高 但因為食物價位同份量合理 經過嘅話亦都可以不妨一試🖖🏻

三文魚親子丼 $65 - 親子丼一黎到嘅時候 我已經有少少驚喜 😱 三文魚嘅分量唔單止足夠 質素都唔錯 冇諗過佢呢個價位可以比到比想像上高嘅質素😍 三文魚色澤紋理都唔錯 佢俾左兩片普通三文魚同六片三文魚腩 🍣 以刺身黎講普通三文魚切得夠厚 但三文魚腩就薄左d 不過所有三文魚都有油香幾好食 👍🏻 而三文魚子味道都唔錯 冇苦味 有輕微嘅甘香 我個人喜好 如果可以再多少少三文子就更好 🤓 但以而家嘅水準黎講已經好抵食 中意三文魚嘅人可以一試😋 - 題外話： 呢到啲飯都偏大碗 細食嘅人記得嗌小飯 唔好浪費食物呀👏🏻

荳子嘅食物一向偏貴 💸 但甜品黎講 性價比算高 $50-60嘅價格 吸引嘅賣相 下午茶得閒落去食下 打下卡真係非常唔錯☺️ - 焦糖香蕉窩夫 （$58） 🍌香蕉有明顯焦糖香味 而層焦糖唔會過厚 厚到同香蕉可以完全分離 （出面好多時都會出現呢個情況 搞到香蕉有香蕉食 焦糖有焦糖食 ） 🧇窩夫唔係平時香脆口感 反而有少少似蛋糕 會有少少遜色 不過食落去香香甜甜都唔錯 🍨雲呢拿雪糕正正常常 隔離有個吉士奶油 其實我一直都唔知道點樣食佢 求正確食法😢 🍯焦糖醬同奶 任由自己淋上去 方便自己個人喜好 🍫底下有啲菠蘿爆珠Oreo碎 好多唔同配料 可以夾埋一齊食 多重口感、配搭 最鍾意食爆珠 咬落去酸酸地好開胃😋 - 不過將軍澳分店啲枱可能係時候要換下 當日食嘅時候張枱「黐笠笠」初初以為係未抹乾淨 店員透露係因為張枱面層 嘅油漆甩咗引致 雖然店員好細心為我地再抹多一次 不過解決唔到呢個問題

考完一科試想行下街食好西抖抖氣😪 特登出左去銅鑼灣行下 以前已經係觀塘食過古今一次 今次再食 水準依舊 無令人失望🤩 - 因為價錢上 成個餐牌嘅食物確實偏貴 所以今餐淨係叫左2款卷物 呢到嘅卷物值得稱讚嘅係 卷物嘅大細、材料同飯嘅比例都啱啱好 對於女仔嚟講都可以一口食落去 唔會係大舊飯 呢一方面係比較細心🤙🏻 因為咁就可以體驗到成個配搭嘅完整嘅味道 唔會變咗分開食 分別食到唔同味嗰種感覺👅 - 搖滾樂 （$98）（其實我唔知點解佢叫搖滾樂） 搖滾樂係芝士炸蝦牛油果鰻魚配搭嘅卷物🥑🍤 呢個卷物嘅配搭算係相對比較常見 鰻魚食落去無腥味 雖然唔係好肥美個種 但都有饅魚嘅香味 卷物包住嘅芝士比例大舊 當你一食落去享受完鰻魚嘅味道之後 就會慢慢咬到芝士嘅香味🥰 美中不足係我覺得炸蝦個炸皮雖然係脆的 但某幾舊輕微有少少硬 唔係全部都係咁 或者某幾個位個皮比較厚 但可以留意下🥴 - 火山（$88） 火山係青瓜牛油果蟹柳帶子🥒 呢一個配搭係幾有新意的 外面比較少會食到🌋 食落去有新嘅味覺享受 賣相亦都真係成個火山咁 成個卷物味道嘅來源係來自於 上面鋪滿左一絲絲嘅蟹籽蟹柳 （應該仲有帶子 不過食落去我唔係好食到帶子嘅味道）加明太子沙律醬味、蒲燒汁同少少wasabi 嘅味🤔 係好豐富嘅體驗🤙🏻 - 兩款卷物比較來講 火山會比搖滾樂較為特別 但搖滾樂嘅味道係做得相當出色 兩款都係值得一試😋 - 需要一提嘅係 佢嘅壽司應該係現做的 所以需時較耐 我哋大概等咗多過20分鐘先有得食 趕時間嘅朋友要留意⏱

聽聞係將軍澳海濱附近新開左間日式餐廳 身為將軍澳人就一定要黎試下啦！🤔 於是就經OpenRice 訂左3月21日（日）13:30 四位 - 餐廳嘅環境寛敞舒服 枱與枱之間嘅距離不會太近 光線方面 稍微暗左少少 加上個日陰天 如果可以光啲啲 打卡嘅時候一定更加靚！（特別係食下午茶嘅話，不過可惜今次我地係食lunch唔係tea set） - 服務方面 餐廳服務員態度良好 因為我地book左枱 更加留左張比較大嘅圓枱比我地 隔離仲有啲裝飾品 非常認真和細心 而且收拾桌面同斟茶嘅速度都好快 有一方面需要改善嘅 就係當日問左服務員 魚生丼入面有咩魚生 佢就答我 每日飛機運送 每日都唔同 不過一定有三文魚... 即係其實有少少答唔出 我覺得咁都起馬話比我知 今日係咩魚生會比較好... - 講番啲食物 我當日叫左豚肉生薑燒（$108） 睇相已經非常精緻 湯、沙律、配菜、茶碗蒸全包 湯嘅味道正常 我中意食海帶 呢碗湯入面嘅海帶比其他餐廳多少少 加分😋 沙律 建議可以加番啲沙律醬 就咁食好似有啲dry 茶碗蒸熱辣辣出爐😍入面有冬菇有甜蝦有白果🥸蛋未算超級滑 但都okay! 味道就淡左少少🥴 主菜 豚肉生薑燒 多汁多肉多洋蔥 絕對夠飽🤣 呢到嘅豚肉生薑燒或者未必同外面嘅味道差太遠 不過就食得出佢加左黑胡椒去煮 所以食落去再香啲😛 好貼心佢係用碗裝埋啲汁比我地 咁就可以用啲汁撈飯食 😼 出面好多都係用碟裝 呢一方面睇得出佢哋嘅設計用心👏🏻 雖然$108這個價錢不是平 但佢嘅套餐、份量同味道叫對得起呢個價錢👍🏻 男朋友就叫左 角切魚生丼 （$138） 賣相都幾靚 魚生食落去都新鮮 但味道偏淡😩 由於order嘅時候 店員無直接答出有咩魚 我地靠味道去估 當日應該係三文魚 鯛魚 同油甘魚（不是100%肯定）🧐 魚生我地認為切得偏細粒 有啲仲切到一片片 唔係一粒粒 😅 雖然味道叫可以接受 但唔係太抵食 或者黎呢到食魚生應該要order番啲壽司會更好🍣 另外朋友叫左一份西京燒定食 味道唔錯😋 不過就無影低相🧐 - 整體來講 成餐都頗好的 有視覺上嘅享受食得飽食得舒服🥰

Jomo 一直都好多人排隊 之前黎過幾次 見到太多人 改食左第二間餐廳 今日經過 終於入到去試佢嘅戚風蛋糕 不過味道就無想像中咁好食😩 - 餐牌上寫戚風蛋糕有三隻味（柚子、芝麻、伯爵茶）$52 本身想食柚子味 但嗰日冇 最後就叫咗熱情果未同伯爵茶味🥴 伯爵茶味 熱情果味 - 雖然$52一件蛋糕 真的算貴 但蛋糕嘅份量我覺得是正常 始終是甜品 也不適合太大份 兩件蛋糕嘅口感都鬆軟 有彈性 空氣感十足 在這方面確實做得不錯 奶油夠滑 但味道不夠 只吃到很少甜味 伯爵茶味的味道 是好吃的 但真的淡 然而熱情果味 也只有淋上果醬的部份有酸酸甜甜的味道 蛋糕味道很淡 熱情果籽配上軟綿綿的蛋糕 口感也很奇怪 - 整體來講蛋糕賣相不錯 打卡是很好看的 但味道真的一半 不明白為什麼那麼多人排隊

3月13日
經open rice book左呢個餐廳 19:30 （set menu 有7折）睇吓我哋今日order左啲乜嘢

下面就係今日嘅沙律同埋餐湯
沙律好普通 羅宋湯亦只係茶餐廳都會飲到嘅味道

西班牙烤雞
呢一個薯條係我覺得都幾特別嘅
當大家都以為佢係有啲似薯格嗰種嘅炸薯條嘅時候
佢應該其實係蕃薯條嚟嘅 所以佢食落去係甜嘅
但做得唔好嘅位係 佢放左係啲汁上面 薯條都淋晒
至於個烤雞 都大份嘅 外皮就做得夠脆啦
可惜入邊啲肉就熟咗少少 乾左啲 已經開始有啲「鞋」如果佢可以嫩啲嘅話 會好食啲

男朋友就話個羊膝係一個對得住佢價位嘅羊膝
因為其他嘅餐廳嘅羊膝通常都會比較貴
今日食呢一個就相對來講平少少
份量正常 肉味夠出都夠冧
不過個醬汁來講就可以重味多啲
Cp值唔錯

至於個牛扒 我就唔記得咗影相
不過份量就唔係特別大份嘅 比較簿 鍾意食多啲肉嘅人可能會未必適合
-
炸雞配薯條
呢一個薯條就有啲蜜糖味
個炸雞都幾好食
兩樣嘢都夠脆 不過就唔夠鹹

甜品係芝士蛋糕 都係正正常常冇乜特別

總括來講 今日呢一餐
價錢唔係特別貴都唔係特別平
食物嘅味道算正常發揮唔係特別好亦都冇話特別差
所有嘢都係不過不失

唔知係咪少女心思，總會係有啲時間特別想食蛋糕🍰 喺將軍澳行過paper stone見到個細細個嘅戀人雜果蛋糕🎂就買咗返屋企食 - 講一講佢嘅價錢$148 來講有啲貴 ☹️ 雖然係相對比較高身少少 但其實成個蛋糕只有四吋 😱 同樣價錢在美心西餅或聖安娜餅屋買的蛋糕會比較大🤔 - 外型算是精緻小巧 望下去就是清新草莓奶油蛋糕的感覺 而呢一個蛋糕嘅味道就做得相對出色 ❣️ 我哋係食完一餐晚餐後再食的蛋糕 食落去唔單只冇令人飽到「濟」嘅感覺 反而帶來一種清新🥰 依家士多啤梨當做 好多唔同餅店都有士多啤梨蛋糕賣 但偏偏中間要夾層啫喱、慕絲、布丁、脆脆 雖然創新有特色 但食落去通常都會比較「漏」比不上普通奶油蛋糕的清新☘️ - 講返正題 蛋糕頂層放咗三粒士多啤梨 士多啤梨嘅大細都算正常 賣相都可觀 食落去未算超級甜但可以接受 🍓 蛋糕外層嘅奶油非常厚 非常適合奶油控 奶油非常之夠滑 而佢嘅奶油香濃得來比較清甜😍 而中間夾層就係奶油混合一啲細細粒嘅雜果 酸酸甜甜嘅雜果更加係減輕左成個蛋糕都係奶油嗰種厚重負擔 配搭非常適宜😋 - 所以呢一個蛋糕非常之適合成日想食蛋糕但係又食唔到太大個嘅小女生去食，可惜價錢就偏貴，令到成個性價比減低😩不過值得一試！

2021年3月9日 因有事要到荔枝角 前一晚特意search 附近的餐廳 見到呢一間好多好評 🤩 於是經OpenRice訂座 2位 午餐 仲有 78折✅ 原本book左2:30 但預錯時間出門口 最後2:45 先到 非常抱歉😿 （知自己會遲到嗰陣特登打咗電話告知職員 餐廳嘅職員非常有禮貌 服務態度好好❤️） 呢個係lunch menu: 我地叫左5號餐，香煎紅星石斑魚柳羅勒醬意粉 煎魚柳做得非常好 外脆內嫰 而且份量非常足 羅勒醬意粉嘅份量正常 不多亦不少 可能會有較注重健康的客人會覺得意粉有點多油 但我覺得配上羅勒香草味 這樣才好吃😋 仲有7號餐，煎豬肉眼扒配松露薯蓉 因為我唔食牛 所以叫左豬肉眼扒 好多餐廳煎豬扒都會煎到好乾身好硬 但呢到熟到啱啱好 入面keep到唔乾之餘出面亦有煎香味 而且真係好大份！ 做開gym食得多肉嘅男朋友食都話份量夠😍 松露薯蓉嘅香味都做得好好 唔會太重但係食落去又有松露味🥸 至於個玉桂蘋果 我就唔系太識評論 因為我本身唔太中意食蘋果同酸味嘅嘢🤪 我哋其中一個套餐加咗$38 要餐湯同甜品 兩個人share一份都已經好夠✅ 今日嘅餐湯係南瓜甘筍湯 如果期待想飲比較重南瓜味嘅南瓜湯嘅朋友 呢一個湯未必會太適合 因為佢比較似南瓜蔬菜湯 有南瓜味但甘筍味會更加出 不過都係因為咁 佢個南瓜湯唔係好’結‘ 唔會飲完個湯就飽咗或者有好’濟‘嘅感覺 整體來講都唔錯 甜品係 熱情果奶凍 成個奶凍都幾大個 奶凍好重奶香味 美中不足就係佢唔夠滑 如果可以滑啲一定更加好食 P.s個人唔太中意熱情果籽加奶凍嘅口感 不過挑開佢唔食都冇乜大問題 Lunch time 兩個人夾埋食左 $200 大件夾抵食 食物有高過outback嘅水準 價錢唔貴 非常之滿意❣️ 仲有儲印仔嘅優惠卡