Me. Crab 氣氛輕鬆，環境似 SpongeBob 間餐廳，海鮮OK，最特別係啲醬汁夠惹味，啱晒一大班人輕鬆一下！ 嗌咗一杯White wine sangria同埋happiness heaven，再嚟truffle fries 同埋意粉，兩個女仔其實有少少唔夠飽，所以最後去埋食糖水。 不過呢間都算做性價比較高，起碼環境唔會靜到烏鴉咁，而氣氛幾好，個侍應仲會幫你影埋相！ 學我朋友話齋，門面就真係唔係太好啦，一望落，我仲以為淨係做外賣，好似一間麥當勞咁添～其實咁樣仲好喎，門面唔係太好，咁樣就唔會大排長龍——個個以為淨係做外賣，反而咁樣就冇人同你爭食啦！ 總之一句講晒，大家快啲去試吓啦，welcome onboard!

行完大帽山肚餓餓，喺荃灣揾食一番，比我喺海灞街揾到間越南粉餐廳夾喺韓國嘢同日本嘢中間。依家世風日下，是人都玩日風韓風，我硬是要食番啲小店越南嘢啦！ 時間大概是三點半，咁岩撞正有下午茶，我叫咗豬頸肉法包，蝦三角同埋龍眼冰，而友人就叫咗扎肉河。不夠十分鐘，一碗熱騰騰的扎肉河就捧到我哋面前啦。嘩嘩嘩，我夾咗一塊扎肉嚟食，入口彈牙，夾雜着清而不膩的湯底，呢碗河完全是平民美食超水準！即刻叫侍應比個碗仔我試真啲河，嘩，個湯底不得了，加埋啲蔥，簡直是行山友恩物，不得了啊 剛剛食完我果細碗河粉，又端來一碟法包。包面香脆，豬頸肉入口無楂，加上酸味味的醃菜，好味到喊出嚟啊救命。 由於啲嘢食太好味，我都唔記得影相啦。加埋一杯龍眼多到離哂大譜的龍眼冰，就咁我就完美結束我大帽山之行。 想知有幾好食，唔需要靠OpenRice 有幾高評分。呢間嘢，性價比超水準，唔洗你OpenRice 讚，自然就有一大班屋邨街坊幫襯！

上完CPD 的堂總會九秒九衝到下一層的Bijas 食個自助午餐，份量同價錢適隨尊便，你夾幾重就收返你幾錢，口渴的話可以飲佢哋嗰啲無咪精的素湯，再唔是就加幾蚊要杯豆槳或其他特飲。 有啲人話Bijas 的午餐貴，實情是第一食Bijas 的人往往唔知各種餸的重量、心大心細之下夾到成碟都是餸，，而我以前差唔多日日都喺度食，食慣咗就知道自己夠飽的份量，而我大多會夾到30 幾蚊的份量，所以總括而言仲便過你食cafe 360，Swire 的Ebenezer 或出面果間阿元來了啦。 30 幾蚊有紅米飯、湯同埋幾個無味精又唔鹹的餸，HKU算是咁啦。