星期日同屋企人經過呢間舖見到佢貼左poster俾業主加租，見入面個場好冷清，一於入去支持下！ 之前都有食過幾次，味道幾好，lunch價錢又抵。我哋叫左3個餐，有嘢飲同甜品。 香草汁鯛魚飯$50，魚肉有咬口，唔係廉價個種魚。依家出面好多餐廳都係用平價鯰魚柳，食落鬆散口感好差。呢間餐廳用嘅絕對唔係個種，同埋食得出係比較新鮮嘅魚肉。配埋香草汁，非常香口。 泰式咖喱豬軟骨飯$56，食落有香茅同其他香料味，豬軟骨軟淋，都好多舊肉。 西冷牛扒飯$62，有兩塊牛扒，有少少筋，但以呢個價錢，咁大份肉好抵 午餐包餐湯或甜品，我哋揀左甜品，今日係芒果布甸。一嚟到見到實在太驚喜，咁嘅價錢仲送咁有心機嘅甜品，實在太過份！ 希望多啲人會支持呢間舖，佢啲嘢食真係唔差，算係有質素亦都希望業主唔好加佢租，呢派市道不景，大家都好艱難，唔好逼到人哋咁盡啦！

呢間店開左都有一年多, 住附近嘅我一直都冇去試, 直至最近得知呢間店係良心小店, 一於成家人去支持下! 我們點了三碗車仔麵, 醉雞翼及煎餃子. 味道非常好, 很驚喜, 只恨冇一早發現這間店! 麻辣湯底非常惹味, 聞落好香! 食得譚仔小辣嘅我都覺得辣, 牛腩夠淋 沙嗲湯底帶少許甜味, 蘿蔔很大舊, 豬軟骨都很入味! 最後這碗是招牌辣汁, 味道似平時蒜泥白肉嘅蒜辣味, 很開胃! 糖心蛋有花雕酒味, 令人一試難忘! 醉雞翼是招牌小食, 很入味! 煎餃子外脆內軟, 餡料很多, 賣相似係人手包, 很推薦! 比起一般餃子店還要好食! 我們三個人食完都很飽很滿足, 賣單只係百零蚊, 好抵食! 希望更加多人會支持呢類型嘅小店

喺灣仔番工放lunch經常買這間外賣, 之前是買一送一, 現在轉了優惠買任何兩件食品六折, 與同事夾份買十分抵 食物種類都很多, 有熱有凍。 日式炒麵原價28蚊, 折後竟然只是17蚊, 咁嘅價錢去邊度搵, 簡直冇得彈! 味道正正常常, 有點像大阪燒/章魚燒汁的味, 很有日式風味 食物都不太油膩, 適合健康上班一族。 之前也試過炒粉絲同炒飯, 都很大份飽肚 不過建議午飯時間買, 因為有次夜晚收工買番屋企發現粉絲變壞了 他們的餐單不定期會轉, 一定不會食厭 希望keep住有優惠, 我也會繼續支持!

喺ig見到呢間新開既餃子店,見到d相幾吸引, 今晚就黎試左 餐牌上既價錢唔貴, 大部分餃子都係$35-40, 一坐低店員就同我地介紹有咩食 要左8隻椰菜湯餃, 湯底係肉骨茶, 同埋8隻韮菜煎餃. 另外加多個上海面都係加8蚊, 好抵食. 同埋叫左兩杯凍飲, 賣單先知原來新開張免費送 如果有豆漿揀就好喇 餃子皮好薄, 最好食係韮菜餃, 每隻都煎到一面金黃, 卜卜脆, 入面仲好多汁, 調味岩岩好, 唔會太鹹. 椰菜湯餃都好味, 個味可以再重少少, 不過清清地都唔錯. 湯底少少藥材味幾特別. 總括黎講, 好值得再黎食

夜晚來到新森林食晚餐, 點了芝士海鮮焗黑椒雞皇鴛鴦飯, 芝士焗海鮮豬扒鴛鴦飯, 加了雞翼和餐湯餐包。 呢度加小食非常抵食, 全部都係十零蚊, 選擇亦很多, 加餐湯餐包就$8。炸雞翼新鮮炸起, 脆卜卜, 餐包是蒜蓉包, 也是新鮮烘起, 很好吃。 轉左特飲紅豆冰同乳酸益力多, 紅豆冰紅豆不夠淋, 有點硬, 乳酸益力多點了少甜還是有點甜, 兩樣都一般。 兩個焗飯飯底都係炒飯底, 很乾身。值得讚的是鋪了很多芝士喺面, 芝士控必愛。味道來說黑椒汁是最惹味, 白汁和豬排汁就一般。份量很多, 肚餓來食會很滿足。 埋單150幾兩個人, 總括來說很抵食。

以前已經食過幾次, 感覺上冇講得咁差, 可能人人口味不一吧。但我自己就覺得喺深水埗區呢間上海野算唔錯, 所以今日再來食lunch。 午市價錢不太貴, 選擇也很多, 平均$40-50一個餐, 免加一。兩個人揀了口水雞擔擔麪同黃金炒飯+生煎包。口水雞雞肉算多, 辣度足夠, 但沒有麻。擔擔麪麪質恰好, 軟硬度適中, 花生醬味不太重, 微辣帶少許醋味, 非常惹味。黃金炒飯聞下去很重咸蛋黃香, 食下卻不太重蛋黃味, 但都是不錯的。生煎包沒有影到, 一般般, 包很軟熟, 但裡面沒有湯汁, 有點乾。 總括個人認為不算差, 下次還會試其他客飯

上星期試過lunch set, 覺得唔錯, 今日再黎發覺轉左餐牌, lunch變左自選意粉, $38起, 加配菜+$10, 全日免加一. 揀左一個煙三文魚闊麪, 一個雜菌忌廉意粉加雞翼. 上菜時發現原來仲有個餐包. 三文魚都幾新鮮冇腥味. 味道還好, 份量足夠, 但覺得以前餐牌多選擇同好味d不過以呢個價錢食得飽, 環境又唔錯, 仲有咩要求呢. 一邊食都聽到有客人問侍應係咪轉左新餐牌, 睇黎都有唔少舊客人專程回來, 唔知新menu又可唔可以留住客人呢