✅Galbi Gung 最近同朋友行圍方 順便發掘下有咩正嘢食😏 然後就見到呢間韓國餐廳 主打韓式燒肉😎 裝修環境都好高級 仲有唔少卡位坐 坐得又闊落 又私隱度高👍🏻 🔆棉花糖木槿花和牛壽喜燒 (5塊) $198 我第一下開餐牌就俾佢個棉花糖壽喜燒吸引咗🥰🤩 一上枱就有大大舊棉花糖 打卡able~ 之後店員會倒入壽喜燒汁 係你面前燒牛~ 和牛有5塊 每一塊放入鍋中拖一拖 大概7成熟左右就食得啦😎 和牛每一塊都好薄身 但唔算好入味 只有面頭有壽喜燒醬汁味 但反而係咁食落就好出牛味了😀😀 🔆最上等牛肋骨 $388 如果想食好濃牛味嘅燒肉 就一定要點呢個牛肋骨啦！ 睇落大大條 唔似薄片牛肉咁容易燒 但食落完全唔韌！好軟腍之如仲要好濃牛味 有陣淡淡嘅牛羶味🥰 燒熟後就可以剪開細細舊食啦~ 🔆和牛牛舌 (鹽燒) $178 牛舌呢到有得揀薄切同厚切 我哋就揀咗薄切牛舌同鹽調味 咁就可以食得最香濃嘅牛味啦 薄切牛舌好爽口😀 🔆1++韓牛生牛肉石鍋飯 $188 食完燒肉就要食返個石鍋飯 石鍋飯入面有好多配料 除咗韓牛肉之外 用石鍋嘅熱度煮熟牛肉 都keep到好嫩滑！ 仲有菜脯粒 泡菜 芽菜 菠菜 蘿蔔等 撈埋一齊就食得啦~ 等一陣再食仲可以食到飯焦添！😎👍🏻 🔆菠蘿梳打 $42 菠蘿梳打唔算好甜 仲有菠蘿片添！ 一啲都唔係死甜嘅菠蘿味啊！ 🔆柚子檸檬梳打 $42 飲落就好似柚子檸蜜加梳打咁 酸酸甜甜好開胃！ 味道: 8.8/10 賣相: 8/10 地址: 大圍車公廟路18號圍方3樓331號舖

✅sips;;lban 最近係海港城新開咗一間過江龍嘅韓式Cafe~ 見到好多人都去咗打卡 又有特別嘅粟米甜品🌽 沖住佢個粟米cake就去咗朝聖啦😎😎 🔆玫瑰醬八爪魚年糕 $89 韓國菜食辣炒年糕就食得多 呢到用嘅醬唔係普通嘅韓式辣椒醬 而係用咗玫瑰醬！！(最近韓國都大熱xdd 玫瑰醬係指用韓式辣椒醬，茄醬同蒜頭等配料爆炒嘅醬 所以食落就好香濃蕃茄味 慢慢就有辣味出嚟~ 呢個醬因因酸酸辣辣 所以愈食愈開胃😎👍🏻 除咗個醬特別之外 佢個年糕都好特別㗎！ 唔係平時食開嘅細細粒年糕 而係長條形 唔講仲以為係麵添🤣🤣🤣 年糕幼長比較容易掛汁 而且都好彈牙 好容易咬開👍🏻 仲有大大隻八爪魚🐙 一啲都唔單調㗎！ 🔆橡果黑毛豬卡邦尼意粉 $109 意粉就揀咗廚師推介嘅卡邦尼意粉 呢個卡邦尼好濃蛋黃香味 每一啖都好creamy😍 特別嘅係用咗橡果黑毛豬炒成嘅煙肉粒 炒得好脆口 好有豬味😍👍🏻 配埋意粉食好好味 又唔會單調！ 🔆軟綿綿粟米蛋糕 $58 粟米蛋糕真係最期待嘅甜品🫶🏻 賣相已經超靚 打卡able😎 面層係消化餅餅碎 中間有粟米忌廉 同粟米蛋糕 再下一層就有粟米慕絲同朱古力脆脆做餅底 仲要有粟米流心醬添！！好香粟米味又好甜😍 一次過有哂粟米嘅咸同甜味🌽 口感好好！ 🔆香濃花生夢幻沙冰 $95 刨冰嚟講都幾大個 一定要開心share🤣 沙冰面上有濃濃嘅花生醬 佢唔係淨係花生醬嘅質感 感覺似食緊奶醬多嘅花生醬味 連我唔太好花生嚟講都覺得好好食🥜🩷 仲有紅豆 好香好甜 撈埋冰嚟食就啱啱好 食到中間都唔怕單調 因為中間都有花生醬同埋麻糬 煙煙韌韌好有咬口 唔夠味仲可以加煉奶落去添！ 呢個性價比真係好好😍👍🏻 🔆甜蜜桃桃伯爵冰茶 $38 聞落好香白桃味 飲落又唔會太甜喎 反而好重伯爵茶味 淡淡哋就啱啦！ 🔆怦然心動熱情果梳打 $42 熱情果酸酸甜甜 配梳打之後嘅甜度啱啱好 飲落好開胃🤤 味道: 9/10 賣相: 9/10 地址: 尖沙咀廣東道3-27號海港城海運大廈地下OT G61號舖

✅四面泰。火鍋 早排成日都見到新城市廣場介紹有新泰式餐廳 原來佢係泰式火鍋！ 認真少見~ 平時通常都係泰菜為主 今次真係100%打邊爐😀 啱哂我呢啲火鍋之鬼😏 呢到午市除咗有得單點火鍋外 仲有午市一人或二人套餐 今次就同朋友試咗每人一個一人套餐~ 🔸蝦片 點完餐後店員就會俾每枱一份蝦片 蝦片大大塊又脆口 而且仲有少少香茅味添！ 🔆午市一人套餐 $98 🔸秘製冬蔭功鮮蝦鍋 冬蔭功鮮蝦湯底一上枱就好香濃蕃茄味 飲落都真係好夠酸 而且有少少微辣 入面仲有香茅 蕃茄同辣椒做配料 所以愈滾愈香濃😀😀 🔸椰奶雞湯鍋 朋友就叫咗個相對比較清啲嘅椰奶雞湯 奶白色嘅湯底 入口好creamy 濃厚雞湯之如又有淡淡嘅奶香！ 唔食辣嘅都幾推薦呢個😏👍🏻 🔸美國嚴選牛板腱 每一個套餐都可以揀一份肉類 可以揀牛或豬 我哋兩個都揀咗牛板腱！ 賣相都幾好㗎！ 牛板腱都的確係比較重牛味！ 🔸火鍋配料 跟餐已經有鮮蝦 仲有豬肉卷 蔬菜方面都有蕃茄 豆腐 娃娃菜等 一個人飲絕對夠啊！ 🔸手打烏冬 主食可以揀河粉 金邊粉 或手打烏冬 烏冬彈牙 好掛湯~~ 雖然份量少少哋 但其實都好夠食😎 🔸泰式芒芒碌碌 +$28 飲品就加咗錢要芒芒碌碌 賣相就好似食緊楊枝甘露咁 芒果沙冰做底 入面有啲西柚果肉 仲有有咬口嘅珍珠波波 甜度適中 要嚟打邊爐就啱哂了！😎 🔸泰式手標啵啵奶茶 +$28 朋友就叫左泰式奶茶 係典型泰奶嘅味道！ 可能叫咗熱嘅奶茶 所以飲落甜度啱啱好！ 而且入面仲有珍珠！煙煙韌韌咁 好有咬口！ 🔸另收醬料費 $15/位 🔆香茅雞翼 $48 要咗一份雞翼 雞翼係單骨咁上 用咗椒鹽同辣椒爆炒 所以好惹味又入味！👍🏻 雞翼唔會好乾身 仲保留到雞翼入面啲肉汁！😀 🔆沙嗲雞肉串 $36 食泰國菜當然唔少得串燒 雞肉串一份有兩串 配咗個特別調製嘅沙嗲醬 有花生香味之如又有酸酸哋 好開胃又唔膩！ 🔆招牌椰皇凍 $58 最後仲叫咗個甜品添！係用咗成個椰青製成！ 上枱嘅時候已經好打卡able 有乾冰係底有煙霧效果~ 先用椰青水再加淡忌廉等 再倒返入椰皇到 變咗椰皇布甸啊😀🤣 每一啖都好濃椰香 又有奶味嘅creamy😎 仲有面頭嘅薄脆 加埋一齊好有咬口！ 增加層次感！ 味道: 9/10 賣相: 7.8/10 地址: 沙田沙田正街18號新城市廣場一期7樓708號舖

✅霸嗎拉麵 最記得佢哋嘅雞白湯拉麵 話下都有一段時間冇去食啦~ 最近新推出咗原隻炙燒魷魚墨汁雞白湯拉麵！ 一於去朝聖下啦😎😎 🔆原隻炙燒魷魚墨汁雞白湯拉麵 $128 呢個淨係賣相都100分啊！🤩 係原隻魷魚啊🦑 ！ 湯底依舊係用雞白湯 加埋墨汁一齊煮 飲落好香魷魚嘅味道 後勁就有返雞白湯個種creamy感覺！ 拉麵幼身拉麵都好掛湯！ 魷魚用咗燒汁烹煮 所以好惹味又彈牙！ 🔆雞叉燒味玉辛辣雞白湯拉麵 $98 淨係雞白湯拉麵我又覺得太單調 於是揀咗辛辣味！ 仲可以揀辣度㗎 要咗中小辣 試試🤣 個辣度又okay喎 當然冇川味個種辣 但以日式拉麵嚟講呢個辣度好唔錯啦👍🏻 辣得嚟又保留到雞白湯個味道！ 呢個就跟咗雞叉燒 就好似切咗嘅雞卷咁！ 好嫩滑又唔會鞋！ 仲有大量嘅木耳絲添！ 🔆沙拉唐揚炸雞 $38 炸雞一份有5件 每件都好大舊！ 而且每件都唔會好厚炸粉！ 一咬就勁juicy😀 雞件都好嫩滑 仲有好多肉汁添！ 除咗配沙律醬外 仲可以揀其他味道 例如燒汁等等 🔆羽根燒餃子 $35 拉麵當然都要食埋餃子啦！ 餃子煎得好靚 有雪花紋㗎🤣 餃子入面嘅餡料係有椰菜 仲有軟骨 好有咬口！👍🏻😆 味道: 7.8/10 賣相: 8/10

✅捌哥.馬拉籽 放工同同事去咗大圍揾嘢食🤣 今次揀咗食馬拉菜😍 位置係大圍站直出行5分鐘就到啦！ 小店形式 地下個層嘅座位就唔太多 但勝在有樓上舖 多人都冇問題！ 🔆細滲 $106 嚟到一定要叫肉骨茶 馬來西亞嘅肉骨茶係偏向重藥材味多啲 凍冰冰嘅天氣飲 超暖身！ 好補嘅感覺😍 叫咗細滲 貪佢每樣都有啲 可以每樣都試下~ 分別有雞腳 豆卜 金菇 豬手 腩肉等 啲肉類好入味又唔鞋😍 飲完哂仲可以添肉骨茶添！ 🔆玻璃魷魚通菜 $58 呢個好有驚喜！ 出色之處在於佢個醬汁 醬汁惹味有少少辣 撈埋通菜食就啱啱好！ 魷魚唔會太硬 食落都好爽口！ 呢個菜會愈食愈多🤣🤣 🔆黃金奶油虎蝦 $168 呢到少有地有馬拉小菜叫！ 見到奶油虎蝦就心心眼🫶🏻一定好creamy 但creamy得嚟又唔漏 有少少微辣嘅後勁！ 虎蝦以炒嘅形式都食得出架新鮮！一啲都唔鞋口 而且好掛汁👍🏻🌶️ 🔆青辣椒魷魚 $118 要咗炸魷魚圈！ 魷魚圈炸得好乾身 而且唔厚粉 唔會一咬就皮肉分離！ 但佢並唔係普通嘅魷魚圈 而係有配特制嘅青辣椒醬 呢個兩隻辣椒🌶️嘅青辣椒醬真係唔係流㗎~ 酸酸哋開胃又惹味 個辣係去到喉嚨先發出嚟 但唔點個汁又唔得喎🤣 🔆馬拉沙嗲串燒 (3串) $64 串燒有3串同6串選擇 亦都可以揀豬/牛/雞 我哋就叫咗3串雞串 點咗重花生醬味嘅沙嗲醬👍🏻 🔆魚仔醬啦啦 $54 呢個就係用魚仔醬撈蜆仔 魚仔醬好香咸香味 蜆仔份量都好多！ 做前菜/小食就啱哂啦！ 🔆龍蝦尾海鮮濃湯蝦麵 $128 壓軸就當然要叫返個龍蝦湯麵😍 蝦湯好濃郁 但又唔會死咸 有好多唔同嘅海鮮 例如青口 魷魚等等 重點就係龍蝦！ 龍蝦肉大大舊好鮮味！ 麵類係油麵 唔怕會索哂啲湯變到好腍！ 蝦湯麵仲可以跟餐加配飲品！好抵食啊！ 🔆怡保白咖啡 (跟蝦麵餐) 咖啡有別於平時茶餐廳飲到嘅 濃得嚟又帶少少回甘 好特別! 🔆桔仔話梅水 $30 唔飲咖啡奶茶嘅話 亦都可以試吓呢杯 呢杯比較清新 而且有桔仔話梅仲可以滋潤添！ 冇額外加仼何糖水 飲落都比較健康！ 🔆茶啡滲 $22 另外呢杯都比較特別 混合咗咖啡同拉茶 相對上比咖啡更重奶味！ 唔太鐘意咖啡嘅苦澀味可以試吓呢杯~ 味道: 8/10 賣相: 8.3/10 地址: 大圍積存街14號兆苑地舖

✅豪門小菜火鍋 一講九龍城就一定諗到泰國菜 但其實都有好多隱世嘅小菜火鍋店😏 今次就去咗呢間小菜火鍋試試 最近仲有唔同大閘蟹crossover嘅菜式添😍 🔆蒜蓉粉絲蒸蟶子 $45/隻 (4隻起) 每一隻都好大隻 滿佈蒜蓉同粉絲 蟶子好鮮甜 食得出好新鮮👍🏻 鐘意食海鮮嘅朋友一定要嚟試下啦😍 呢到除咗蟶子外 仲有鮑魚 薑汁蠔煲等~ 🔆蟹粉小籠包 $138 小籠包就食得多 反而好少食蟹粉小籠包~ 新鮮即叫即蒸 熱辣辣🔥 皮薄得嚟又可以包到個餡 個餡充滿肉汁 入面仲有少少蟹膏添~ 鮮味十足啊 面頭都有蟹膏點綴一下😏😎 🔆蟹粉撈擔擔麵 $188 另外點咗一個店主推介嘅蟹粉撈擔擔麵🤣🤣 擔擔麵用咗幼身嘅拉麵 面頭有大量！ 真係超大量嘅蟹粉！ 有蟹膏蟹肉 仲有特別嘅大閘蟹膏添😍 睇落好似好難撈起 但其實個蟹粉都幾流質 加埋擔擔麵食又幾夾喎😀👍🏻 🔆雲吞雞煲翅 $388 呢個就真係要壓軸推介！ 天氣凍冰冰最啱煲物鍋物🍲 基乎每一枱都有叫到呢個菜！ 一鍋雞煲翅可以夠4個人食~ 雞湯一望已經好香濃 飲落好香金華火腿嘅咸香味 每一啖都好重雞味😍 雞件大大件又唔鞋 仲有啖啖肉嘅雞髀添🩷 除咗雞件外 仲有雲呑同娃娃菜！ 雲呑配呢個湯好正 豬肉餡料都好食！ 唔好睇少放係鍋底嘅娃娃菜😍 真係超正！索哂雞湯嘅精華！ 每一條菜都好鮮甜好重雞味😍 私心表示自己食一煲都唔係問題🤣🤣🤣🤣 味道: 8.8/10 賣相: 7/10 地址: 九龍城衙前塱道22號地舖

✅Groovy 好耐冇同大家介紹餐廳啦 今次同朋友就揀咗一間樓上cafe聚會 位置都容易揾㗎 近時代廣場~ 餐廳裝修簡約 靜靜地同朋友敍舊一流！😀👍🏻 今次每人就叫咗一個Dinner set試試~ 🔆素食雜果沙律 每一個Set都會跟咗雜果沙律🥗 有唔同嘅水果 車厘茄同生菜 份量輕盈可以增加食慾！👍🏻 🔆煙三文魚他他 (+$35) 我哋另外一個前菜就加咗錢轉煙三文魚他他 將煙三文魚切粒 紫洋蔥粒 少少醋同橄欖油撈埋一齊而成 調味唔多但係食落都好惹味 會愈食愈想食~ 煙三文魚更加對唔食魚生嘅朋友 user friendly👍🏻😝 🔆是日濃湯 (甘荀蕃茄湯) 是日餐湯係甘荀蕃茄湯 睇外觀係完全唔會估到係蕃茄湯嚟~ 個餐湯酸得嚟又帶creamy感 飲落只係得少少甘荀味 所以唔會太草青！ 🔆慢煮安格斯封門柳配阿根庭青醬 & 炸薯條 $299 嚟到主菜就揀咗店舖嘅主打 ~ 封門柳 一份封門柳都幾多㗎 燒至大概5成熟 食落都好軟腍 配埋特別嘅阿根庭青醬 咸咸哋好開胃 封門柳嘅部位唔會太多肥膏 但食落都好香牛味 熱辣辣又粗身嘅薯條🍟 愈食愈上癮😝 🔆炙燒北海道帶子配蒜香明太子扁意粉 $202 扁意粉配咗蒜香忌廉汁 加上明太子醬 明太子嘅咸咸辣辣 令到意粉唔會有膩嘅感覺 面頭有炙燒咗嘅帶子 帶子好大隻又鮮甜😍 2個人KO絕對冇問題 🔆意式奶凍佐雪糕 呢個甜品好特別 係伯爵茶奶凍加雲厘拿雪糕 一食奶凍 就好出伯爵茶味 而且仲有啖啖奶香味 食落又唔會太甜喎👍🏻 雪糕增加咗個口感 可以同時食到奶凍同雪糕🤣🤣🤣 🔆Breakfast Tea 飲品方面就揀咗Breakfast Tea~ 可以一度慢慢飲一度同朋友傾計 認真嘆啊😝😝 🔆Lemon Grass & Ginger 呢杯就好香檸檬同薑味 會比較提神 而家飲完仲可以叫店員加水 真係可以嘆住飲㗎！ 味道: 8/10 賣相: 7.5/10 地址: 銅鑼灣富明街2-6號寶明大廈3樓C室

✅丸目背脂煮干 好耐冇食拉麵啦 今次就去試吓係旺角嘅拉麵小店！ 呢到主打 🌟背脂煮干 意指係用豬背嘅脂肪同沙丁魚煮干嘅湯底 所以湯底都融合咗海鮮同豬嘅味道 每一啖都係好濃厚好rich嘅感覺😝 環境亦好寛敞 坐落好舒服！ 🔆海老辛醬背脂煮干 - 湯拉麵 $108 呢到每款拉麵或者沾麵都會用到 背脂煮干湯底😍 所以唔需要擔心食某一款麵會食唔到店舖主打湯底🤣 我就揀咗海老辛醬嘅湯拉麵 係原有嘅湯底再加海蝦熬煮 味道上會比較濃味 入口都有好重嘅海鮮蝦味 另外會有辛醬 係辣肉碎同辣粉 要咗普通辣度 大概係譚仔3小辣左右啦~ 拉麵嘅質地都比較彈牙同粗身 亦都做到掛湯嘅效果！ 豚肉叉燒有兩塊 一塊係比較烤焦 另一塊就比較嫩身！ 好香豚肉味 入面嘅脂肪又唔會太漏喎！ 仲有隻溏心蛋😝好食~ 🔆特製背脂煮干 - 沾麵 $98 朋友叫咗沾麵 配原湯 原味嘅背脂煮干湯因為係俾沾麵用嘅緣故 所以比較濃味 但呢到嘅醬汁又唔會太厚身 味道食到有昆布味 而且有淡淡嘅柚子味係後勁 整體食落都好香 配埋角切豬肉粒 少少肥膏更加正！😈😈好邪惡嘅配搭啊~~ 麵質同拉麵一樣 都係靠粗身 咁先可以掛到湯汁！ 沾麵一樣都係有溏心蛋！ 🔆波子汽水 $32 食拉麵當然都要飲返樽波子汽水chill下啦❤️ 味道: 7.5/10 賣相: 8/10 地址: 旺角通菜街74號地舖

✅Tuned Coffee & Roastery 今次同朋友慶祝生日 揀咗係洗衣街嘅cafe 淨係舖頭門口都已經好文青feel 打卡able~ 呢到嘅餐點都好抵食 絕對平過出面嘅cafe啊！ 🔆Roasted Chicken and Cashew Nut Salad $75 首先揀左個沙律！ 呢個沙律bowl有唔同嘅沙律菜 配以烤雞件 & 腰果仁 &青瓜 &仲有牛油果蓉！ 加埋一個芥末醬 酸酸甜甜好開胃！ 烤雞件本身都有照味 可以配埋沙律菜就啱啱好啦！ 🔆Creamy Baby Scallops Risotto $98 朋友想食意大利飯 所以就叫咗呢個~ 佢係用咗迷你帶子去炒飯 帶子細細粒 好得意🤣 意大利飯用咗洋蔥等配料去炒 食落煙韌得嚟又有少少咬口 味道上唔濃味 亦唔算太creamy 不過一定要share食😜 🔆Carbonara $95 呢個係我首選推介！ 好少可會見到Carbonara會用粗通粉！ 粗管粉煮得啱啱好 爽爽地幾有咬口 醬汁講明咗係no cream~ 所以唔需要擔心太heavy 因為加咗蛋黃 所以都營造到creamy嘅感覺！ 而且加埋香脆嘅煙肉粒！ 又昇華咗個粉嘅口感！💗 鐘意食長通粉類嘅一定要去食啊！🔥 🔆Sea Shells Waffle-Caramelised Banana $90 其實食完正餐都已經好飽 但又好想食甜品 所以都叫咗佢哋嘅signature waffle~ 窩夫係貝殼形狀 好可愛😍 而且係即叫即整！ 上枱嘅時候係好濃嘅蛋香味！ 本身窩夫上都有少少蜜糖 加埋一齊食已經好夠味！ 不過仲可以點埋窩夫跟嘅2款醬(忌廉& 吉士)同雲厘拿味雪糕🍦 而最重要嘅主角係焦糖香蕉🍌 香蕉上焦糖化咗💗 上面焦糖脆卜卜 下面香蕉就好甜 配埋窩夫係好夾又唔漏喎！👍🏻 🔆Hojicha Latte +$25 跟set可以加$25 跟湯同45蚊以下嘅飲品 熱焙茶latte有拉花好靚😍 茶味濃之如仲要好香牛奶😍 冬天飲一流啊🥰💗 🔆Soup 跟餐仲可以配是日餐湯 當日係南瓜湯 好creamy又濃南瓜味👍🏻 🔆Honeycomb Latte $27.5 最近愛上咗honeycomb💗 甜甜地又有焦糖香味 配上latte 個味道啱啱好 唔會太甜 又可以中和到個苦澀味🙌🏻 味道: 9/10 賣相: 9/10 地址:太子洗衣街163-163A號鴻德大廈地下B號舖

✅成都老碼頭火鍋 呢間火鍋店位於旺角尾 偏近大角咀 真係bookmark咗幾年 但一直都未揾到機會同食辣嘅伙伴一齊去食🤣 今次就係打風前夕去咗試試佢😀 呢到有得自助配料吧 推薦大家跟佢個指示調製秘製醬汁😀😍 驚辣嘅仲可以拎芝麻油減辣！ 🔆成都風味- 無渣紅油麻辣湯 (小辣) $198 & 鮮淆豬骨湯 為咗避免太辣嘅緣故 我哋叫咗鴛鴦鍋 呢到嘅麻辣湯底係貼近成都口味 相對上冇咁重口味 而且佢哋用無渣嘅清油湯底👍🏻 個味道冇平時嘅牛油鍋咁濃味 辣味會比較突出 食食下辣味都開始出 反而係唔太咸 會靠配料有多啲味🤣🤣 另外豬骨湯就好清澈啦 入面真係有好大舊豬骨😆 入面仲有蔬菜！ 湯底好濃豬骨味😍 要嚟減辣食同淥菜就一流🩷 🔆舌尖上的牛舌 (半份) $68 牛舌半份大概都有6片左右 每一片都好薄身 基本上放落湯底淥幾秒就食得啦😎 雖然薄牛舌 但好重牛味 而且一啲都唔韌👍🏻 🔆滑溜溜鴨血 (半份) $36 食麻辣湯一定要叫鴨血啦！ 佢係新鮮鴨血 唔會有雪藏味或太硬身 入哂麻辣湯麻麻辣辣好正😀😍 🔆澳洲雪花肥牛 (半份) $92 反而呢個雪花肥牛就比相像中細份 而且都係好薄身 略嫌食唔到肥牛嘅質感 不過佢牛味搭夠 配辣湯或豬骨湯都好夾！😆 🔆蒙古羊肉片 (半份) $78 羊肉片少少羶味 鐘意食羊嘅我就覺得羶啲仲正🤣🤣 羊肉片反而放係豬骨湯到更加突出佢個羶味 有啲驚喜！😆🤓 🔆手打芝士墨魚丸 (半份) $68 墨魚丸中間係流心芝士 所以食嘅時候要小心啲~ 墨魚丸係手打 所以食得出係特別爽口彈牙！ 芝士味重得嚟又唔咸！ 幾唔錯~ 🔆蓮藕片 $28 一份嘅蓮藕片原來都幾多 兩個人食絕對好夠！🤣 仲要每一塊都有一定嘅厚度 爽身嘅蓮藕配辣湯會否太正🔥😀 🔆娃娃菜 $28 豬骨湯底濃郁 就唔好浪費個湯底啦 雖然鍋底裏有唔同嘅配料 但都要點返個蔬菜食😜 吸哂豬骨湯嘅精華❤️ 好甜！ 🔆麻辣紅油水晶雞腳 $48 除咗唔同嘅火鍋料外 仲有小食🩵 水晶無骨雞爽口 調味意外地惹味 咸咸辣辣咁！ 🔆泰國椰青 $39 椰青超甜 仲可以食埋啲椰子肉添😍 味道: 8/10 賣相: 8.2/10 地址: 旺角塘尾道61號地舖