聽說話有良心新老闆接手…..👍🏻舊員工師父無變照用…👍🏻價錢照舊…👀眼見仲好似多左幾個伙記添😂可能係新老闆.. 同以前一樣….入到去伙記都好熱情叫我坐底，可能熟客真係認得我！坐底左好自然問我係咪照舊😊 每次都係一個簡簡單單沙嗲牛麵+涷檸茶少甜！雖然簡單…但沙嗲夠味，啲麵每次都唔太硬唔太淋😋……合哂我河車😊…. 有時撞啱出爐蛋撻都會叫多個！呢度啲蛋撻賣得好快！之前食開酥皮蛋撻……今次係曲奇皮…….😋好正！ 其實呢度之前停左大半個月！今日一去到…覺得乾淨咗🤔…….😆成個冰室都光猛左…..😄應該花左唔少功夫去清潔！ 特別提一提…..呢度5:00後會有$10/3個特價麵包！我見有好多公公婆婆買……良心老字號令我由細到大都keep住幫襯！

九龍城一向正野食多
雞煲泰菜茶記cafe 講得出乜都有
質素仲要幾高
不過茶記係我至愛 呢間冰室有個必食之選。就係蝦多士，對於蝦多士啦我嘅要求都甚高，暫時覺得最驚喜嘅當然就係周記同埋呢位於坪洲果一間嘅冰室啦。

而因為呢知道我鍾意食蝦多士嘅朋友極力推薦我嚟到呢一度試吓。

蝦多士彈牙有質素，涵夠多，味道夠鮮，而最正係即叫即炸。見完客未來食個下午茶就最啱。 順手叫多個意思紅豆冰，sorry 係涼粉冰！諗起細個成日叫媽咪整涼粉，近呢幾年叫媽咪整已經話街市冇一嚿嚿嘅良品買啦。剩返嘅呢就係比較常見嘅罐裝涼粉。涼粉買少見少涼粉冰同樣都係。

大熱天時飲杯涼粉冰有時爽過飲杯咖啡㗎!

唔講唔知呢間冰室呢晚市仲有更加多驚喜，又有雞煲又可以加餸打邊爐下次有機會再嚟試吓先！

包羅萬有邊勞放題 星期日同另一半去咗油塘行下，大本型都幾多鋪頭，又有運動店，又有玩具店，又有shopping，都幾啱一家大細去。 我哋去咗foodcourt度搵嘢食，都幾大，嘢食嘅選擇都幾多，見呢間主打日式任食放題，裝修幾靚門面幾大，就食下，醫下飽。 時間都只係四點幾，都冇乜人，但係啲嘢食就已經準備好。放喺大廳隨便攞嘅有打邊爐材料，蔬菜，雪糕，嘢飲，同埋一啲麵類。 我哋揀左2小時任食特選美國牛肉，要咗個沙嗲湯底。 都幾抵食任食牛肉之餘，仲有火鍋材料，包括肉類、海鮮、刺身、料理同自助吧任食。 餐廳係用QR code是點野食嘅，好方便，點完嘢食都好快送到。 我哋鍾意佢啲牛肉刺身同埋海鮮。 牛肉都新鮮，唔會太肥，叫咗差唔多成七八碟。 啲刺身都唔錯，三文魚同埋吞拿魚好食，唔會腥幾新鮮。 海鮮就最鍾意食海蝦同埋生蠔，就算點左幾次，質素都冇下降，讚。 下次都可以嚟食，整體來講性價比高，值回票價。

環境以日式居酒屋格調的小店 有小長的吧枱位 牆身方向係以四人位為主的座位 地方唔算大 但亦無壓迫感 眼見有兩個師傅加一個待應 今次我地坐在吧枱位 雖然椅下並無收納袋既位 但待應好細心哦 預留了一張凳比我地放袋 今日有好多新鮮海產選擇 前菜 刺身拼盤 有油甘魚、帶子、魷魚、生蠔等 帶子鮮甜無雪味！而生蠔加青檸後味道提升鮮味，帶少許海水味，味道一流 蝦方面，蝦頭有濃郁蝦膏，味道新鮮 拖羅、海膽壽司 必食 必試 拖羅 入口即溶 海膽 大份而濃烈味道 好好味..... 鹽燒白鱔、雞皮、牛脷 白鱔肥美 鱔皮亦燒得香脆 馬友一夜干 簡單的馬友伴飯 一夜干馬友 令魚肉味更鮮 肉質更實 連碗飯都值得一讚，幾彈口有口感

以前在灣仔食過佢 今年佢終於衝出香港～島 在九龍尖沙咀開分店😄 先來一個芝士串揚 $21/件 芝士串揚有拉絲效果 芝士味淡而香 外皮有薄薄炸漿包著～～正 三文魚串揚 $23/件 唔會因海鮮類而令外層炸粉加厚 三文魚味有魚味 半熟蛋串揚 $23/件 我認為非常巧功力的串揚 要將蛋煮成半熟蛋 再去殻 上炸漿 炸成形 第一次食時以為好容易整 自已回家一試 🥺 整五隻都冇一隻可以去殻後係平滑 食時店員會建議咬開後加少少鹽 一定要加 味道升華不少 😍 蓮藕串揚 $27/件 蓮藕片一大片 食落爽嫩 黑豚飯團 $25/件 把黑豚肉切成如煙肉的厚度 把肉片包裹著飯團 再攞去燒👍🏻 燒香了的飯團 飯吸收了肉的油香味 中和了豚肉的油膩 而且飯團份量十足-抵 日式年糕 $21/件 必試，咬落煙韌 掃上日式醬油 少甜😋 整體 店舖是分店 水準與總店質素一樣咁高 款式還越來越多 👍🏻👍🏻👍🏻👍🏻👍🏻

經常都聽朋友說觀塘工廈有很多好的餐廳， 這次終於有時間可以一試。(是說這家私房菜算很好找) 手撕雞作為頭盤上桌，味道有點麻辣，我平常吃的手撕雞很少有麻辣口味的，作為開胃菜其實也不錯。 大蜆豆腐湯好好味! 好鮮! 豆腐好滑! 可惜一人只得一碗，亦不能refill...... 蟹可以自己揀煮法，我們選了避風塘炒蟹。一上桌有嚇一跳，那麼大的一盤兩個人要怎麼吃。蒜炸得很香，顏色很金黃。蟹鉗部份好巨型，啖啖肉，好正好入味。 白胡椒炒鮑魚，是我從來沒吃過的口味，好特別，鮑魚彈牙。 流沙黃金蝦，是大大隻海蝦。我向來對金沙東東比較偏愛，所以這蝦味道我很喜歡。 士多啤梨骨，好有果jam味。比平時食的生炒骨甜少少，醬汁味道很濃，食到好淡的士多啤梨香味，送飯我覺得一流。

葵涌廣場三樓出名多野食 而三樓的Top世界更出名多好野 今日六點放工時間 牙仔有d痕 就走左入去揾野食～潮食閣 門口相當多人等食物 眼看店外貼滿金黃美味的食物相片 以炸物作主打的店舖 在門口除了等食既人 仲有食緊既人 好特別 每個人不約而同都叫了 極邪惡的芝士棒 我當然都要試下 仲叫埋以前只在酒樓先食到的炸鮮奶 極邪惡芝士拉絲棒 下面係腸仔 上面係芝士 外層沾有薄薄的粉漿 炸得非常金黃香脆 感覺如食串揚 不覺油膩熱氣 店員仲幫我加了千島醬 令味道更加升華 由於今日只得自已一個 所以影唔到拉絲相 但拉絲時芝士真係拉得非常之長 伸直整隻手仍然不斷 脆味炸鮮奶 $26/7粒 炸鮮奶 可加朱古力醬或練奶 我加左朱古力醬 炸鮮奶非常軟滑帶甜 炸漿亦一點都不厚 高質素之品 潮食閣 非常喜歡佢地的炸漿 調較得非常好 所炸的食物不厚粉 不油膩

今日去到屯門市中心
去試試開業短短時間的GirlBoss
今日星期三晚上
客人唔算好多
唔需要等位就有位坐啦

我哋叫左一個set二人餐$368
包括：
兩份沙律/餐湯
兩道前菜,
一道主菜,
兩款漢堡/薄餅/意粉/飯
*部份食物需另加費用蟹肉牛油果蘋果青瓜沙津 及 是日餐湯
沙津-每款沙津都以玻璃瓶盛載，將佢倒落碟拌好,就食得~
餐湯係雜菜湯前菜: 日式雞軟骨餃子及龍蝦芝士雞翼
日式雞軟骨餃子的日式汁帶出整個餃子味, 餃子新鮮整，熱熱地送上
而龍蝦芝士雞翼中，龍蝦芝士係醬汁，個汁較重濃龍蝦味, ，雞翼係穌炸的薄餅: 黑松露野菌薄餅
一上枱黑松露味已經好香啦... 色香味俱全
薄餅邊咬落脆身主菜係低温慢煮三文魚蘆筍薯蓉香草荷蘭汁
三文魚以低温慢煮，有少少魚味，食落非常嫰滑，蘆荀爽口漢堡: Girl boss 龍蝦包 另+28
來GIRLBOSS 其中一個目的係食佢地既龍蝦包
包上搽了牛油，面包非常之鬆軟。
上面鋪滿龍蝦肉。飲品: 小蘋果紅茶 (熱飲) $58
套餐係唔包飲品，要另外叫
小蘋果紅茶，小蘋果係青蘋果切粒，放在杯內。
紅茶茶壺外型非常之精美。
上枱後，紅茶需浸泡3-5分鐘先好飲哦

9-12月係食大閘蟹既季節 今年掹車邊 有幸比我喺12月食返次大閘蟹 E度大閘蟹size唔算大 但勝在多膏 每人每次可叫兩隻 食完可再叫 每次大約等二十分鐘 除左大閘蟹， E度仲有日泰放題... 可以叫待應開鐵板燒野， 食物種類繁多... 豬、牛、羊、雞、蔬菜、 連海鮮類都有呀 唔想開火燒野 仲可以選擇壽司、天婦羅、 刺身、炸物、連泰式料理都有.. 真係一應俱全，唔洗膽心唔岩口味 飲品方面選擇都多， 有個corner位仲有椰汁冰自已調配， 椰汁冰椰汁味夠。 而甜品方面，除了雪糕、雪條外， 竟然仲有一個甜品櫃 我個人認為 榴連糯米糍係必試， 涵料充足，陣陣榴連香味撲鼻。

葵涌廣場 非常繁忙既商場 裏面出名非常多食店 而每間食店都有佢獨特的特色去吸引人流 呦呦鹿鳴布丁燒 經過櫃位看見一杯杯布丁燒 上面仲印有非常可愛的小鹿圖案 外形看似每一杯都是一樣 但原來內涵非常不同 到底什麼是布丁燒？ 布丁燒分別有三層 頂層係焦糖 中間係布丁 㡳層係芝士蛋糕 首先去到櫃枱前 選好喜愛既味道 店員就會將布丁燒倒出 可選在旁立食或外賣 今次我試下招牌推介既椰爺布丁燒 椰爺布丁燒係椰青口味 布丁用椰青水制成 內裏仲可食到椰青果肉 布丁整得好滑 底層既芝士蛋糕有少少奶香味 不知不覺就將整件布丁燒食哂 店舖原來仲有change spot 既租借服務 日後唔驚出街冇電用la