而家兩個人出街食晚飯，
要$200食到正嘢又飽肚，真係有難度～
點知屋企附近開咗間 🌸 串皇 🌸
#抵食高水準，#回頭率極高⬆️
店內雖小，提供多款串燒、燒煲仔飯，
經常 #座無虛席，好多人排隊堂食及買外賣‼️
🍢 #串燒  近60款選擇，
可選不同辣度：麻、大、中、小、不
海鮮可加芝士：+$6
🦪生蠔 $31/3
生蠔大大隻，上面鋪蒜蓉同蔥，肥美鮮甜。

🍢肥牛金菇卷 $20
肥牛燒出油香，夾住金菇，入口嫩滑多汁。
🍢牛柳 $20
肉嫩多汁，灑上滿滿嘅孜然粉，倍感惹味～

🍢羊肉 $20
羊肉無羶味，肉質軟嫩，加埋孜然粉，
辣辣地，好鬼正！

🥒翠肉瓜 $10
翠肉瓜燒得香脆，爽口富辣感。
🐟三文魚頭 $39
好大個魚頭呀～外皮香脆，肉質鮮甜肥美。
♨️ #燒煲仔飯  有15款選擇，單拼$50 隨後每款加$10
另有豉汁白鱔、韮王黃鱔、薑蔥田雞 每款$68
♨️排骨臘肉燒煲仔飯 $60
一打開香氣撲鼻，排骨肉嫩多汁、
臘肉香噴噴，D飯仲有飯焦，瞬間清晒～

仲有好多款串燒同燒煲仔飯想試，
一於下星期再去食先🤤

食火鍋🍲新鮮食材同靚湯底缺一不可！
而家仲多咗一樣，就係打卡度📸啦～

最近上海極受歡迎嘅 #人氣泰式火鍋店
🌸  四面泰 🌸 喺沙田開咗首家香港分店，
佢嘅 打卡able海鮮金盒 同 功夫心機湯底
性價比高，所以上星期就同老公去咗食，
真係好正，必定會再嚟食‼️

餐廳融合輕法式完素，通過白色石材及木材，
打造現代樸實空間，感覺簡約、優雅、寬敞，
而店員亦相當細心又有禮貌💓

第一次嚟食，當然要揀人氣必食嘅嘢啦！

🦐 海鮮組合優惠 $488
🦪 #寶藏海鮮手工金盒 (2人) + 任選鍋底
海蝦4隻、美國桶蠔2隻、爽脆鯇魚6片、
鮮脆桂花蚌60g、鮮活鮑魚仔2隻、
墨魚丸2粒、鮮活貴妃蚌2隻

賣相驚艷奪目，打開手工金盒，
隨即煙霧四散，視覺效果十足，
裡面放滿海洋瑰寶，絕對打卡able💰

「墨魚丸」每日新鮮手打，鮮味彈牙；
「桂花蚌」同「鯇魚」超爽口；
「桶蠔」鮮嫩大隻，入口大滿足！




🍲 #秘制冬陰功椰奶雙拼鍋
「冬陰功湯」呈鮮橙黃色，好濃郁，
依照泰國傳統古法，著重原汁原味，
用上大量蝦、花甲、辣椒膏等熬制，
上枱時散發原始海鮮香，香辣交纏，
入口綿滑、飲得出酸、辛、香、甜！

「椰奶雞湯」呈雪白色，椰香味濃，
用上原隻雞、南薑、新鮮椰子肉熬制，
入口清新濃郁，非常滋味。

為增加味道及口感，記得沾埋四面泰嘅
3款秘制醬汁：1️⃣酸辣醬 (配牛肉和丸子)、
2️⃣青檸醬 (配海鮮)、3️⃣椒麻豉油 (百搭)。

🥩 #四面泰牛肉拼盤 $288
包括牛小排、牛板腱、肥牛和牛舌，
滙集不同口感，肥美、鮮嫩、滋味。

🦐 #泰式手打蝦餅 $48/2件
手打新鮮蝦肉混合香料，炸至脆卜卜，
肉質彈牙，配搭自家制甜辣醬，倍感美味。

🥭 #泰式芒芒碌碌 $42
鮮榨芒果汁混入了西柚、椰汁和西米，
足料又美味。

🦋 #蝶豆花青檸梳打水 $32
紫色控大讚喜愛，入口清新舒爽。

🥥 #招牌椰皇凍 $58
原個泰國椰子制作，裡面充滿鮮甜椰子香嘅布丁，
質感綿滑；面層灑上香脆椰子碎，口感更富層次。

有日想食乳鴿，腦海即閃出
百年老字號【龍華酒店】，
於是早幾日見好天就同老公
去打卡同食好嘢！

龍華酒店相當古色古香，
從中式合院大門至茶居，
到處見大紅燈籠高高掛，
又有涼亭、大型水車等，
可在開餐前，勁影靚相～
入到龍華茶居，
牆上放滿上世紀嘅明星相，
台上放滿紀念 #李小龍逝世50周年
嘅一系列海報及產品，
供人影相及懷念一返～
龍華推出嘅套餐抵食又好味，
我地仲叫埋幾款必食點心，
全部都高水準，肚仔超滿足～

開心懷舊二人餐 $398
龍華鴛鴦鴿二隻
冬瑤薏米燉鴿湯
新鮮菠蘿咕嚕肉
淮杞上湯浸時蔬
石磨豆腐花
   
布拉腸粉 小點 $29
竹炭流沙包 小點 $29
杞子桂花糕 小點 $29     乳鴿外皮脆卜卜，油香夾肉嫩；
燉鴿湯鮮甜美味，滋補益氣；
咕嚕肉酸甜有咬口，菠蘿甜入心；
腸粉超級細滑，好食到停唔到口；
流沙包做到完美流沙，值得推介；
豆腐花同樣滑嘟嘟，完滿咗呢餐！

無得去台灣，成日心癢癢，
一於食D台灣野填補空虛，
即刻就諗起古早味蛋糕！


成日排長龍嘅【源祖之味】
特別選用北海道3.6牛乳、
歐洲進口雞蛋同韓國低甜度砂糖，
師傅更曾飛往台灣學藝，
以全人手製作出正宗古早味蛋糕！





早前去咗旺角新店買蛋糕，
店內可欣賞師傅製作蛋糕，
並列出咗蛋糕嘅出爐時間，
仲設有可愛嘅打卡場境添！













店內有多款口味：
原味、雲石紋朱古力、芝士、
海苔肉鬆、芝士肉鬆


2款旺角店限定冷泡茶：
源祖之茶 - 炭燒烏龍、白桃烏龍
♥ 原價$25
♥ 現買古早蛋糕可以$18換購


今次我就買咗當中兩款蛋糕
及換購限定冷泡茶。


♥ 雲石紋朱古力 ♥
雲石紋好吸睛，相機食先，
配合比利時黑朱古力粒粒，
味道香濃，入口濃郁鬆軟。





♥ 海苔肉鬆 ♥
面層佈滿鹹香海苔肉鬆，
跟蛋糕嘅蛋香相當之夾，
質感濕潤、鬆軟又輕盈，
我同老公食完都即讚好！





♥ 炭燒烏龍 冷泡茶 ♥
茶同蛋糕如同閏密，
古早味蛋糕配烏龍冷泡茶，
清新、美肌又瘦身，仲唔係最夾！





下次再試埋其他口味先得！

父親節就到， 早兩日就帶兩老到常去的 Novotel LeCafe食Buffet。 今期做緊【夏日法式饗宴】， 任食鴨肝、田螺、生蠔、和牛等， 仲有6折優惠，抵至$317起， 我地一行4人，真係慳好多！ 今次準時入場， 先來Buffet必食的… 【沙律+凍肉】 【刺身】 有多款刺身選擇， 當中最愛三文魚， 新鮮肥美，飽滿油潤。 【專人即開愛爾蘭生蠔】 隻隻新鮮、海水味濃、 肉質爽口，一啖一隻， 咁就食了十幾隻，正！ 【青口+翡翠螺+凍蝦】 【松葉蟹腳】 開胃了，正式入戲肉！ 任食的傳統法式美饌， 精美得令人食指大動！ 【生牛肉他他】 味道酸酸辣辣， 配上脆片口感相當夾。 【法式海龍皇湯】 大大煲海龍皇湯， 盛起時滿載海鮮， 濃湯芳香又濃郁， 啖啖滋味。 【和牛鴨肝漢堡】 漢堡食得多， 這個真的很有氣派， 厚厚的和牛扒+鴨肝， 口感綿密、順滑入口， 油脂慢慢在口化溶化， 實在是必食推介！ 【香煎鴨肝】 如果戒牛，可選淨鴨肝， 油脂口感同樣令人滿足！ 【燒魷魚】 經過見到燒魷魚好吸引， 原來入口相當鮮嫩彈牙！ 場內還有牛油焗田螺、 白酒藍青口、薄餅等， 種類繁多，十分豐富。 肚仔飽飽，是時候食甜品！ 場內的甜品每次都有驚喜， 往往令人將減肥拋諸腦後… 【法式蘋果批】 批皮鬆脆，蘋果酸甜， 咬落去口感鬆脆細膩。 【紅酒燴香梨】 香梨吸滿紅酒， 酒味香口感爽， 不嗜酒的都可試！ 【Mövenpick雪糕】 最後當然要食瑞士 Mövenpick雪糕啦， 士多啤梨味超美味！ 今次大家都好滿意，
仲話下次要再嚟添！

自上次去過灣仔Novotel食海鮮自助晚餐，覺得超抵食！
知道今次主打Shake Shake海鮮袋，又有6折早鳥優惠，
如果讚好專頁，仲可以折後價HKD369.6起享用Buffet，
實在吸引，於是食過番尋味，即book食多次！
為食頭啖湯，6:30pm準時到，看到場內多款前菜、生蠔、
刺身、主菜、甜品等，應有盡有！
前菜：冷切肉、芝士、沙律
海鮮：松葉蟹腳、凍蝦、青口、翡翠螺 ＋ 壽司
當中最愛鮮甜蟹腳及爽口凍蝦。
專人無限量即開生蠔：美國生蠔大隻、肥美；愛爾蘭生蠔
細細隻、海水味濃郁，任食之下，大為滿足！
刺身：原條鱆魚、日本天使蝦
天使蝦肉質結實又肥美，食完一隻又一隻。
今期主打：Shake Shake海鮮袋
大廚將鮑魚、龍蝦、青口、花甲、扇貝、瀨尿蝦等豪華
海鮮放入袋中，加入特色醬汁，以美式手搖海鮮袋混合，
將鮮味提升。入口時每啖都感受到酒香、惹味不同層次。

海鮮入饌主菜：辣酒煮螺、油鹽水浸花蛤、蟹粥
當中蟹粥值得一讚，又鮮又綿，入口細滑，不禁食了兩碗。
飲品：有多款飲品及啤酒
甜品：蛋糕、Mövenpick雪糕、雪米糍、朱古力噴泉
當中最愛芝士蛋糕、水信玄餅及Mövenpick雪糕，
實在回味無窮、百吃不厭！

綠茶對美容及身體有多個功效，所以出現了好多以綠茶
入饌的美食，早前就去了尖沙咀帝苑酒店雅苑座享受了
一個綠茶控至愛的【仲夏綠茶水潤下午茶自助餐】。而
每兩位惠顧仲有TONYMOLY「THE CHOK CHOK綠茶
面霜系列」禮品包一份添！ 以前都到過這裡食Buffet，覺得環境寬敞舒適、食物擺放
條理、款式多、味道亦十分好，加上綠茶主題，所以再來！ 為設合主題，多款食物都添加了綠茶元素，很有心思！
例如，沙律吧的綠茶蛋黃醬。 開胃前菜小食：
軟滑的士多啤梨綠茶豆腐、滑溜溜的紅豆綠茶温泉蛋、
香滑的十勝紅豆綠茶豆腐、鬆化的綠茶朱古力鬆餅…… 主菜、美饌：
材料豐富、啖啖茶香的綠茶茶漬飯、仲有我喜歡的
蜜糖燒雞翼、炸蕃薯條、炸魚柳、煙肉腸仔卷…… 這裡甜品賣相吸引、款式多、甜而不膩，所以記得留肚，
否則會眼闊肚窄。

包括：宇治抹茶蝴蝶酥、綠茶忌廉筒、綠茶草莓丹麥餅、
綠茶紅豆卷、綠茶薈萃、綠茶雪芳蛋糕、綠茶蛋糕、
特式曲奇、拿破崙、鮮果撻…… 最後記得食綠茶心太軟，外暖內流心，切開即湧出微甜
的綠茶餡，細細個可食多幾個。 緊接當然要食埋Häagen-Dazs的美味雪糕及加配料啦！

上年去日本，

嚐過一餐傳統日本料理，

大廚用心選材，保持食材味道，

讓我品嚐到食材原有的鮮味，

估不到回港後都能品嚐到。

早前經日本通朋友介紹下，

跟老友到了尖沙咀【鮨真】品嚐Omakase。【鮨真】大廚堅持保留傳統大和精髓的

烹調手法和調味，不強調以花俏的做法，

只求保存食材原味，加上選用新鮮食材，

讓客人可嚐到食材的鮮味。

食店位於20樓，可盡覽維港美景，

店內環境清雅，設有舒適寬敞的吧枱，

讓每位食客能擁有一定的用餐寬度，

可輕鬆自在地享受正統江戶前壽司。為求一絲不苟，在製作壽司時，

大廚用上檜木原木來製作砧板，餐具方面，

亦使用日本空運來的瓷器和原木漆器。今次我們選了Chef Premium Omakase Course，

包括前菜、15款壽司、湯及甜品。品嚐美食時，枱上已備有多款配菜，

如醃蘿蔔、牛蒡等以便清新味覺。【前菜】日本直送磯粒貝

鮮甜味美，爽口彈牙，為晚餐揭開序幕。為求讓我們品嚐到魚的原味，

及重現江戶時代握壽司的精髓，

大廚握出合口型的的一口壽司，

再調出能搭不同魚種的專屬醬汁，

所以我們全程不用沾上任何醬汁。

【海紅鯛】         味道清新，跟紫蘇葉的互相配合下，突顯魚味。
【深海池魚】    彈牙油份高，口感不錯。
【鰤魚】              第一次食鰤魚的牙鮫位，肉質爽口又鮮甜。
【新鮮銀雪魚】 銀雪魚多以熟食為主，今次少有地以魚生食用，咬口中帶嫩滑。接著大廚便專心地為我們準備【金目鯛】，

透過均勻的火候、秘製的醬汁，

令魚的質感爽夾滑，鮮味十足。美食陸續有來~~

【鰹魚】       全靠大廚的分享，才知木魚絲源自鰹魚，配上薑絲及茗荷後，盡顯香濃味道。
【細池魚】  肉質細緻、想不到濃味。
【赤貝】       賣相吸引，新鮮爽口，丁點腥味都沒有。【赤蝦】                   大隻又新鮮，甜美爽口，重膠質。
【新鮮北寄貝】    爽滑有咬口，零腥味。
【海膽軍艦】         用上北海道馬糞海膽，質地軟滑，入口即溶。
【中拖羅】              屬半肥瘦位置，超滑、油脂足、無筋、入口溶化，激讚！最後，大廚再以火炙技術為我們製作

【燒左口魚】，油份比【中拖羅】更重，

入口後完全溶入壽司飯中，加上秘製醬汁，

那份美味油脂在口裡游來游去，真的回味！滿肚子美味壽司，以為驚喜已完結之製，

大廚竟送上【大蜆湯】，內裡藏著巨型蜆肉，

蜆肉鮮甜，使湯味亦變得清甜。臨別之制，還有由日本入口的【開心果雪糕】，

開心果香配上香濃奶味，又不太甜，香夾滑，

令整個飯局都變得完滿。

而家去食飯，除咗食物要好食，
環境都好重要，因為要打卡架嘛～
MiluThai มิลู่ไทย 尖沙咀新店就有齊啦‼️

新店設有室內及露台位置，
室內佈滿大型graffiti🎨
露台則設有靚靚花房🌼
遇上好天氣，所以就揀咗花房。
喺花牆同燈泡位💡影相好有feel呢～
嚟到新店，又點可以唔試吓
Milu Thai嘅皇牌火山排骨呢🌋

🌋火山排骨 – 甜酸口味 $228
排骨山造型壯觀，肉質嫩滑；
甜酸汁可分開上，部份淋上排骨，
部份食時沾上，味道更加昇華～
單食或伴飯同樣一流！
🦐生蝦刺身 (6件) $108
爽彈肉質配酸辣汁，清新開胃，秒殺！

🥣大頭蝦冬蔭公湯 (小) $128
大頭蝦好大隻，冬蔭公酸辣度啱啱好，
惹味得嚟唔會流晒汗，好親民～
🥢黃咖喱炒蜆 $178
超大碟，蜆大大隻，
肉質彈嫩，咖喱汁惹味！

🍍菠蘿海鮮炒飯 $108
炒飯粒粒金黃，材料豐富，
滿滿菠蘿、提子、海鮮、肉鬆、腰果，
口感大滿足，超正！
🍹乳酸梳打 $34 | 🍹龍眼冰 $36
當滿口惹味時，飲啖冰凍飲味，透心涼！
下次一定要再嚟食先得‼️

區區有美食，今次就去咗最近熱推嘅
觀塘海濱匯 #ULIVO 歎正宗意大利菜🇮🇹

餐廳樓底高、極具空氣感，雅緻舒適，
服務員細心有禮，令整餐飯倍感享受～







開餐前當然食麵包🥖啦！香脆軟熟都有！

緊接就係：

✨私心推介✨

🍯🐙蜜糖燒八爪魚伴茴香墨魚汁 $228
以前食親八爪魚都好易中伏，
會食到「擦膠」咁嘅口感，咬極都咬唔開，
但今次好驚喜，入口軟腍腍，又甜又好味！

✨私心推介✨
🐱香腸意大利辣醬貓耳麵 $188
貓耳麵口感超煙韌，辣醬少少辣超惹味！

🍲特式白酒香草焗大蜆 $308
大蜆肥美肉嫩，香蒜酒味濃郁，瞬間清碟！

🥩🥗澳洲和牛配蕃茄火箭菜沙律 $328
和牛軟滑，配合蔬菜，開胃度大增！

期間亦叫了2杯新cocktail：
🥃Old Fashioned $68
將威士忌、苦酒、橙片、肉桂等
原包經真空低溫烹調14小時，
酒味更出、更濃～

🍸Steam Dark Mojito $68
將薄荷、dark及white rum酒等原包
以51度蒸氣真空低溫烹調6小時，
味道清新爽口，近排咁熱飲啱晒！

🍎🍨蘋果金寶配香草冰淇淋 $108
甜品送到時，服務員特別為我地
放上心形煙花蠟燭製造氣氛，
加上甜品清甜，sweet度爆燈呀～

今餐咁好食，下次要帶埋家人嚟先得🤭