走入餐廳, 由門口至裏面都有唔同嘅主題風格，有d似外國嘅圖書館 又同時令人身置賭場嘅感覺~今次因為食生日飯, 所以揀咗呢間份量可以自己調整嘅中式Fine dining 陳皮香草焗西班牙豚肉 $228 花圖和牛寶合 $188/person 作爲招牌菜嘅花圖和牛寶合, 口感豐富美味, 牛肉片包住牛肉粒, 令口感更加有層次, 相信煮法非常獨特。 花圖爵士湯 $228/person 非常驚艷嘅必選之一！湯底濃郁鮮味十足，有龍蝦湯blend in 左傳統蜜瓜響螺, 口感順滑, 仲有一大片花膠，飲落非常溫暖而且養顔 姬松茸響螺燉烏雞湯$198/person 湯底尚算鮮味, 同樣地係有大大片花膠 龍蝦膏海膽炒飯 $358/碗 炒飯以新鮮的龍蝦膏同海膽點綴，豐富左炒飯嘅海鮮味道同奢華感。米飯煮得岩岩好, 每一啖都帶住龍蝦膏同海膽嘅香氣 濃湯瑤柱花膠浸菜苗 $138 另一道精緻嘅菜品,菜苗浸響濃湯上相得益彰, 菜上亦係鋪滿花膠, 骨膠原滿滿~ 流沙黃金銀鱈魚$358 流沙黃金銀鱈魚嘅外皮酥脆, 香濃嘅鹹蛋黃味道撲鼻，裏面則是鮮嫩嘅銀鱈魚肉, 入口即融 醬皇鮮菌炒蟶子皇 $128/person 肉質鮮美, 口感彈牙,絕對係海鮮愛好者嘅不二之選。 整體用餐體驗方面, 花圖餐廳嘅服務水平令人滿意。Staff非常熱情同friendly, 而且樂於解答問題並提供專業建議。餐廳環境寧靜舒適, 適合同家人、朋友或商務伴侶黎食。如果你對高品質嘅粵菜有追求,花圖餐廳絕對係唔錯嘅選擇!

天氣轉涼 一向出名食台灣麵嘅老媽拌麵 出左新Menu 所以就即刻去試 話梅酸計豬手鍋$78 極力推介好好食！豬手燜至軟腍入味, 皮厚含豐富膠質,話梅嘅獨特濃酸中和豬手的膩滯，醒胃又好味 臺式柚子骨鍋$80 原本想試慢煮蕃茄牛肋條,但7點未夠就已經賣啦🥺第一次試臺式柚子, 雖然唔係想象中柚子蜜嘅味道, 感覺應該係用左黑醋調味, 不過味道係有驚喜嘅, 唯一不足係今日可能厨師心情唔好稍微有點過酸😂 套餐加$20就可以揀臺式飲品, 仲包左2個甜品做結尾 黑糖珍珠奶茶布丁(+$28) 花奶仙草凍 門口有一部扭蛋機, 一問店員原來午市加$10就可以玩。

好耐無食燒肉, 咁岩見到late dinner有訂座優惠, 而且menu多選擇 就去左試呢間燒肉酒場。呢度主推成吉思汗烤肉, 但餐廳比較偏日式爲主, 環境幾大而且通風不錯, 坐得幾舒服。 爐邊圍滿蔬菜, 輕輕烤一下再夾上燒肉 大大減低油膩感。 而且拌菜嘅椰菜絲 配上酸酸甜甜嘅salad醬, 十分開胃! 🥢食物方面, 主要點左2set燒肉同小食。 和牛盛盒$468 廚師推介ge set, 有五款5款唔同部位嘅和牛肉，包括背桻, 三角胸小排, 肉眼、西冷、肩。和牛質量非常高, 雪花紋平均, 部位主要分別之處就係油脂分布同埋肉味濃度 - 上牛排脂肪相對較少，肩同肉眼相對肉味濃郁，三角胸小排脂肪比較多, 整體每款都係入口即溶, 淡淡都充滿和牛油脂香味, 口感極其鮮嫩。 燒肉酒場牛肉大盛 $218 一個和牛set一定唔夠滿足, 牛魔王決定要多個牛肉大盛, 一個set有曬厚牛舌, 牛板腱, 牛小排, 牛肋條, 橫隔膜同牛肉片。 餐廳仲有好多海鮮、剌身、小食、甜品、日式啤酒及清酒供應！中意飲酒嘅朋友可以去試下！

一向係香港餃子top 5 必試餐廳之一嘅甜記餃子 今日去開附近睇戲院終於有機會試到! 可能係因爲假日晚餐時間, 大概等左1小時先有得入座 而且大部分想試嘅餃子已經售罄嚕 南瓜忌廉鷄肉$46/10pcs 西洋菜豬肉$42/8pcs 湯底可以選擇雞湯或蕃茄薯仔湯, 見到蕃茄薯仔湯入面有新鮮蕃茄同薯仔咁足料 都毫無疑問點左2碗, 飲落十分鮮甜, 絕對係真材實料！中意食辣嘅一定要再配埋個辣菜脯, 帶有椒麻嘅味道, 後勁十分惹味 京蔥牛肉煎餃配粟米芝士鷄肉$50/10pcs 無論係總店定係太子 每次經過都係排曬隊 建議大家如果想食到最齊口味嘅餃子 可以早d來,就唔會有點菜嘅限制啦！

打邊爐除左料要正, 湯底都十分重要, 今日因為同朋友慶祝生日 去左試呢間手工火鍋店🫢餐廳位置都算方便 原來之前都有去過同大廈ge bar飲過野 湯底方面試左店員介紹嘅火焰沙白蟹鍋($328), 成個湯底主要用沙白蜆同花蟹做底,配上配料落酒炒香, 熬製過程都係打卡-able 店員會比我地飲啖湯先, 非常鮮甜,水準十足, 我都忍唔住飲咗幾碗湯！ 因爲朋友未到齊, 所以點左d小食頂住先 招牌酥炸茄子($68) 炸到非常之香脆,裏面唔會乾 又唔會好油 老友鬼鬼($68) 油炸鬼上加了蝦滑, 即叫即整, 香脆可口嘅另一選擇 火鍋配料方面我地點得都唔少,當中有幾款係特別要推介大家去試！ 本地手切牛頸脊($498) 肉味濃，脂肪分佈均勻，另至口感細緻軟滑 紐西蘭羊肉片($138) 手打梅菜豬肉丸($98/一份) 黑松露墨魚丸($98/一份) 黑松露菌菇醬入餡，完美融合左鮮甜肉香同墨魚香，配上松露嘅獨特香氣一食難以忘懷 呢度嘅食物同服務質素十分之唔錯 留到差不多最後都無趕人走 值得回頭嘅餐廳🫢

點菜後先送上剛烘暖嘅麵包, 沾上橄欖油同埋黑醋, 食住等開餐… 呢度午餐由$128-$189不等,每個set均有餐湯, 前菜, 小食, 主食同飲品 南瓜忌廉湯 真材實料製成嘅南瓜湯仍然保留南瓜絲 美國肉眼牛扒 $188 可能肉眼扒比較熱門 所以剩低份量較細嘅牛扒 不過配料汁搭夠🤭 香煎茴香貴妃豬 $138 貴妃豬有驚喜, 厚身但仍然保持鬆軟, 炸蠔 炸鹿兒島黑豚肉餅 惠顧滿$320仲會送一客甜品, 不過今次因售罄未能一嘗, 希望下次有機會再試！

Weekend同朋友去中環行街，當然唔少得搵bar happy hour下~可能因爲周圍都比較熱鬧，我地就響大館附近揾左間餐廳坐底。呢度設有室內和室外坐位，環境好有熱帶部落feel 。不過比我發現左原來戶外有個露台景觀開揚，可以望住大館打卡特別靚，吊掛裝飾燈都好浪漫幾舒服，可以望住靚景chill 下傾下計 飲品種類好多選擇，由於仲係happy hour 時間，我同朋友分別點左Feels Good Man, Carbon Crew同prosecco 辣肉腸芝士pizza ($158) 兩個人食分量岩岩好，芝士有拉絲效果，餅底夠薄脆，整體嘅感覺剛剛好，唔會太Heavy 炸雞塊($58) 共有8件雞塊，炸得外脆內軟😆，仲要熱辣辣🔥勁啱襯啤酒飲😳😳八點happy hour之前落單，就有呢個價，都唔錯🤤🤤

而家出街食飯都希望試下唔同嘅小店, 朋友介紹左元朗呢間由90後開嘅日本小餐廳 就專程去試下~ 今次5個人叫左3個主食同小食share 份量都好足夠 因爲出名貓飯, 所以點左幾個試下~原來貓飯嘅意思係一碗白飯加上味噌湯, 同或以紫菜、木魚花同醬油撈成 汁煮豬軟骨$74(定食+$30) 汁煮豬軟骨係廚師推薦 所以都點左個試吓。豬軟骨炆得又淋又入味, 唔會太膩, 十分推薦！ 豚肉生薑燒 $68 (定食+$30) 豚肉口感似豬頸肉, 配合淡淡生薑味都幾refreshing 但味道偏鹹。 和風牛肉$64 正常發揮🤭 蟹膏蜆肉炒飯 $98 有鑊氣嘅炒飯, 應該係即叫即炒, 而且粒粒分明,好香蟹膏濃郁嘅味道！ 流心芝士年糕$28 大阪燒$78 成個好厚身, 表面舖左好多木魚同紫菜絲, 個頂同底都非常香脆, 中間有一層豚肉,又夾住菜絲同粟米粒粒~不過略為有少少太多醬 串燒同小食 雖然餐廳座位未算坐得好舒服, 不過食物質素而言係十分推薦嘅小店

Nara Thai Cuisine係泰國其中一間非常有名氣嘅餐廳～而家金鐘PP都可以食到了🙈實在有太多野想食, 完全係花多眼亂 100%全血和牛船麵 $138 本身見到個名都有小小卻步, 望清楚原來意思係用豬骨、牛骨、雞腳、雜菜等熬成濃郁複雜嘅湯底~上台時湯底真係混沌唔清, 飲落去係超有泰風味, 重點係夠鮮甜~ 材料方面一d都唔吝嗇, 有牛肉,牛腱, 牛丸同炸豬皮， 麵條條條都掛湯, 係出面食唔到嘅風味！ 雜菜椰子湯$108 原煲連爐上菜嘅椰子雞湯,保持住湯嘅熱度~味道又真係好值得讚, 湯嘅酸甜鹹辣做到好balance好開胃~ 泰式小食拼盤（期間限定）$218 呢個拼盤包含咗春卷、沙嗲雞肉串、炸雞肉 同埋手工斑蘭香葉包雞~ 一開始其實就比個手工斑蘭香葉包雞 咁岩有呢個小食拼盤就完全fit我地2個人咩都可以試下~ 細細粒斑蘭香葉包雞係最地道傳統既泰國小食~香料醃地非常入味,十分出色; 春卷皮脆蔬菜多, 中和左炸嘅油膩感; 炸雞肉上嘅炸粉唔會太多, 剛剛好做到外脆内嫩; 沙嗲雞肉串中嘅沙嗲醬夠香, 而且雞肉肉質嫩滑.

觀塘一向都多台灣野食, 上次左外賣有間好食嘅台灣麵, 今次就試下堂食quality 紅燒半筋半肉刀削麵 $95 牛筋牛肉份量偏多,每舊都好大好淋又入味,牛筋嘅膠質好濃厚; 入面嘅蘿蔔都炆到非常腍同埋入晒味, 加埋牛肉湯底比較清甜, 濃厚適中, 唔會太鹹, 非常惹味~ 炸排骨便當 $62 排骨即叫即炸出黎熱辣辣, 外脆內軟而肉保持到香嫩; 飯底係充滿肉汁嘅滷肉飯, 肉粒肥瘦適中, 味道夠香 紅燒半筋半肉刀削麵 黑糖珍珠鮮奶 點左比較經典嘅台式特飲黑糖珍珠鮮奶, 黑糖味道十足同珍珠夠晒煙靭, 正啊！ 餐廳環境唔算太多人,低調隱世風嘅格局, 食物十分有驚喜, 可以encore😍