好耐冇食過燒肉了！呢間喺荃灣嘅安平燒肉，就算係平日都坐滿晒人，好受歡迎～今次就係選擇咗「澳洲M5和牛120分鐘吃到飽」呢個餐，有超過100款食物，包括肉類、海鮮、台灣地道夜市小吃、手搖飲品等，自助區仲有多款蔬菜、菇、飯、台式飲品、無糖冷泡茶等可以，真係琳瑯滿目～ 呢個餐可以選擇嘅牛肉有好多款，首先先有贈送四條牛舌芯，此外仲可以order澳洲M5和牛、安格斯牛小排、美國SRF極黑牛、三角牛肩肉等，我就最鍾意澳洲M5和牛，牛味濃郁🥩 食物推薦： 士林小香腸-充滿台式風味 奶油金菇-奶油味香濃 台灣小枕頭-煙靭香脆，配搭煉奶口味特別 豬大腸-油香十足 醬燒雞爽肉-肉質爽口 屏東燒魚腹-醃得好入味，而且充滿醬香 爽彈虎蝦-好大隻，而且爽口彈牙 烤魚乾同埋烤豬肉乾，好香口每次都必食！ 即食嘅食品，我就每次都會食滷水涼拌鴨舌、涼拌小黃瓜同埋黃金泡菜，喺其他餐廳唔係好食到呢種風味啊～ 120分鐘食得超滿足的，下次一定會再嚟！

最近冇去日本又想食有質素嘅日本嘢，搵到呢間位於中環嘅「月山」，佢係米芝蓮餐廳日山嘅姊妹店，無論服務、環境定係食物好有質素～餐廳夠晒闊落，行入去見到一隻船同埋竹林嘅裝置，充滿日式風情～店員服務非常殷勤，除咗認真介紹每一道菜式之外，仲非常主動留意食客嘅需要。 採用多款日本入口嘅食材，新鮮又時令！我就試咗NAMI SPRING MENU，Original Price $1,288/person ，然後FOODIE Exclusive $888/person，套餐包括有前菜、刺身盛合、卷物、天婦羅、串燒、主煮同埋甜品，份量超多，女仔可能會食唔晒呀！中環嚟講性價比都好高～ 前菜 前菜以木盒呈上，每一款都好精緻，其中包括有安納芋、熊本水果蕃茄、汁煮南瓜、鰹魚沙律配洋蔥及酸汁、薑蓉寒天、炸柳葉魚、地膚子+三文魚子胡麻豆腐同埋茶碗蒸，蒸蛋嫩滑，水果蕃茄甜度好高！安納芋好香甜，一款一啖，滿足晒多個願望～ 我另外upgrade咗個極上刺身盛 鮮甜肥美嘅刺身，真係相當之誘人！其中包括有縞蝦，入口真係極鮮甜～深海池魚爽口鮮味、北海道馬糞海膽入口即溶口味濃郁、油甘魚同埋中拖羅油香十足，另外仲有七色芝麻拖羅卷、海鰻cream cheese卷 、醋漬鯖魚壽司，口味好豐富，食完已經覺得大滿足！ 串燒盛盒 廣島真蠔大大隻蠔味濃郁、沖繩菠蘿簡直係我食過最甜嘅菠蘿，配上面頭嘅焦糖，味道更有層次！另外仲有紫蘇梅醬豚肉車厘茄串+柑橘味噌燒雞髀肉+鹽燒雞翼，燒到好香～而且每款醬汁各有特色，充滿日式風味！ 天婦羅盛合 天婦羅鮑魚真係第一次食！採用九州鎮西鮑魚，入口爽口彈牙而外層就香脆，粟米好甜，海蝦都好大隻，鮮味十足！另外仲有比較少食到嘅舞茸菇。 食完串燒其實已經飽到八九成，點知原來仲有個主食，可以選擇角切刺身丼或者薄燒日山A5和牛丼，我同朋友一人試咗一款，和牛口味夠晒濃郁入口即溶，而且份量都唔少～ 食埋個飯真係超級飽了，仲有九州地雞清雞湯，味道清甜無添加，入面有一啲菇同埋水菜。 飯後甜品就係靜岡縣蜜瓜配沖繩黑糖寒天+黃豆粉+九州蜜柑，甜而不膩，呢一餐真係食得好滿足好有驚喜呀！

啱啱去咗位於中環蘭桂坊嘅法式+日式fusion 菜餐廳，餐廳主廚Chef John 有多年法餐經驗，將法國菜元素融入日菜中，採用各款空運食材～無論菜單、選料定係製作方法都相當獨特。tasting menu $588/位，包含三款前菜一款主菜同埋甜品，中環嚟講真係性價比好高！ Foie Gras terrine 匈牙利鵝肝配上啤梨皮底下仲有雲吞皮脆，鵝肝口感幼滑香濃，雲吞皮脆卜卜，口感好有層次。 Tomato salad 來自法國嘅蕃茄味濃略帶酸，配上日式醬汁+芥末醬，口感清新。 Beef Tartare及Prawn Tartare 前菜可以選擇來自法國藍水晶蝦他他或者M4和牛他他，手切咬落特別有口感，牛肉味濃郁再配上鵪鶉蛋香，另外蝦肉他他配日本黃瓜漬，口感爽口彈牙，酸酸地好開胃！ 燒牛心 燒得好香，厚切口感好juicy又夠淋，面頭灑上日本香料更添風味。 南瓜湯 原個南瓜先焗再打爛成茸，口感綿密，南瓜好甜。 Egg Bomb 好特別嘅一道菜式！面頭係炸麵包糠入面包住流心蘭王蛋，一切開即刻爆汁～黑松露菌醬味道濃郁，同炸蛋味道好match。 Lobster 以Rosemary煙燻龍蝦尾，好香，但係又唔會蓋過啲肉味，龍蝦肉質爽口彈牙，伴碟嘅千層薯仔好Creamy，咬落層層有口感。 Duck 油封鴨腿配以蘋果蓉醬，鴨腿外脆內嫩，油香十足。青紅蘋果打成嘅茸酸酸甜甜口味清新。 Créme brûlée 日式風格嘅焦糖布甸🍮以蘭王蛋製成，唔會太甜，蛋味香濃。

最近有海外朋友嚟咗香港，諗嚟諗去有啲咩特色食物呢🤔吖有，去食烤鴨！新派烤鴨我就會推薦美中鴨子～佢最近推出咗全新午市 4人套餐，性價比好高，非常值得一試😋 餐廳位處荃灣廣場，交通便利，附近仲有好多大型商場可以行添！餐廳環境光潔雅致舒服，設半開放式的烤鴨爐，可以一邊欣賞大廚烤鴨和片鴨的精湛功夫，邊食邊打卡，就算帶海外朋友嚟品嚐都唔失禮啊～ 套餐包半隻招牌烤北京填鴨，烤鴨外皮金黃酥脆，鎖住肉汁精華，除咗可單食，亦都可以用餅皮包裹並搭配蔥段、小黃瓜享用，口味更有層次！ 三里橋醉雞，酒味香濃夠晒入味，而且雞肉嫩滑～ 芙蓉賽螃蟹就雖然係蛋白，但係口感真係好似食蟹肉咁，最啱撈飯～ 另外京淮點心包括香麻叉燒酥、無錫灌湯小龍包、糯米燒賣，每款都各有特色，尤其叉燒酥入口酥脆，小籠包皮薄餡靚！ 真心推介，不過一位難求，想食記得提早預訂

好耐冇食過燒肉，和牛燒肉一郎係一間高品質和牛燒肉放題餐廳，有多款套餐可供選擇，我就揀咗有145款食物嘅course E，收費$598一位，頭盤有黑毛和牛六款+海鮮三款（魷魚筒+帆立貝+青口盛合 ）+是日黑毛和牛精選拼盤，清酒、梅酒同埋啤酒都係任飲㗎。 另外仲有自助區可以揀選各款飲品，沙律前菜，日本雪條等等。 和牛燒肉一郎提供多款優質嘅和牛，每款各有特色，好鮮嫩多汁，肉質細緻，食落有層次同口感。和牛燒完外脆內嫩，保持肉汁同鮮味。 除咗和牛燒肉，仲有其他款式嘅燒肉可供選擇，例如牛舌、各款雞肉豚肉、海鮮、蔬菜等等。可以滿足唔同口味嘅人嘅需求。 餐廳嘅服務員好友善，態度好好，會解答你嘅問題同埋提供專業嘅建議。令食飯嘅體驗更加愉快。 總括黎講，和牛燒肉一郎係一個可以品嚐高質素和牛燒肉嘅好地方，食物好味道，服務一流，適合喜歡和牛燒肉嘅人去試吓！

好耐冇食過印度野，想食正宗印度菜我就鍾意去尖沙咀嘅Anjappar Chettinad Indian Restaurant，環境舒適口味又正宗，食物款式選擇又多～ Butter dosa 超大嘅牛油薄脆卷餅，係個個嚟都必點嘅打卡之選！牛油味香濃，口感香脆又有少少煙韌，配上四款不同風味嘅醬汁，非常特別。 ONION PAKODA 洋蔥圈 $70 印度香草風味嘅炸洋蔥圈，啱啱炸起非常香脆！ PUDHINA MURGH TIKKA 薄荷雞塊$140 綠色嘅雞肉睇落好奇特，其實係用薄荷同埋綠色辣椒醃製雞塊，雞肉嫩滑，入口少少辣。 BAMBOO BIRYANI (CHICKEN） 賣相好特別嘅印度竹筒飯！味道香濃入面仲有好多雞肉，炒飯少少辣好惹味～ Butter chicken masala+cheese naan🫓 必點菜式❤️牛油雞帶有蕃茄味道，唔會辣，雞件好入味，配搭薄餅就最啱啦！ Mango lassi 食印度嘢就梗係要飲芒果奶昔啦，帶有新鮮香甜嘅芒果味，口感香滑不過就有啲甜~

最近天氣咁熱，所以減少咗室外活動～放假我就約埋好友一齊去到北角Hyatt Centric 酒店嘅The FarmHouse食返個全新夏日下午茶，而家享用下午茶嘅guest除了可品嚐到一系列精緻美味嘅鹹點同甜點之外，仲可免費使用酒店的人氣必拍打卡熱點 – 頂層無邊際泳池，讓您於池邊享受陽光和壯麗的維港美景🌊真係打卡又消暑嘅活動呀！ 🍹夏日下午茶🧁 甜點有杏仁鬆餅配蜜餞菠蘿、雜莓醬、凝脂奶油，蜜餞菠蘿醬好特別啊！仲有草莓撻、朱古力泡芙、椰子芒果杯、熱情果汁開心果軟芝士蛋糕，每一款都各具特色又唔會過甜~ 鹹點有法式鵝肝凍撻、龍蝦包、番茄莎莎牛油果撻及和牛漢堡配黑蒜蛋黃醬。 除咗打卡三層架下午茶之外，自助區仲有提供無限量即場製作的梳乎里班戟、可麗餅雪糕筒、雪糕、綿花糖等。雪糕超多口味，我就最鍾意薑汁撞奶味，薑汁味濃郁，充滿香港特色！ 另外仲可以加配特飲Summer Spritz 由Chandon、橙、迷迭香製成，味道同呢個下午茶好match 㗎！

新城市廣場又有新餐廳喇！呢間curry kingdom 一間係新派咖喱餐廳，亦都係香港首家與新加坡知名百年醬料品牌 Amocan 聯手合作研發同提供泰國、新加坡、 印度同埋日本四國咖喱。相當之有特色🤩四款咖喱，每款辣度不同，有五種辣度可以選擇，辣同唔辣任君選擇！ 雞扒沙律$108 係印尼出名嘅gado gado沙律，花生醬汁香濃，雞扒大大件，配料仲有雞蛋同埋豆卜同埋沙律菜。 印度神牛（印度咖喱）$178 牛肉大概七成熟，軟硬適中恰到好處配上由多種香料組成香味濃郁嘅印度咖喱，再配上滑蛋，入口順滑。 串燒套餐（6串）$138 自選嘅六款串燒，配上兩種唔同口味嘅咖喱，非常惹味！我就揀咗豚肉波板糖、豬頸肉串、雞軟骨肉棒、雞肉串、燒秋葵同埋燒茄子，其中最鍾意豚肉波板糖，厚切得來肥瘦適中，配上咖喱汁口味更有層次。 黃邦邦 菊花味梳打，清爽解辣又refresh!! 綠邦邦 青檸梳打入邊配上薄荷葉，同樣都係清爽解渴之選～ 由即日起至 8月31日期間，顧客凡惠顧「咖喱邦」，即可以半價優惠品嚐各款特色飲品。另外，「咖喱邦」亦將於此期間發出港幣 30元現金券 咖喱邦 地址:沙田正街 18 號新城市廣場 1 期 7 樓 703A 號舖

向來都好鍾意食omakase ，今次嚟到呢間位於銅鑼灣鬧市樓上嘅鮨悠。晚市有多個套餐可供選擇，我就揀咗$1180/位嘅套餐，其中包含咗、刺身三点、吞拿魚二重、和食、壽司六貫、海膽盛、赤鮑魚伴海膽壽司、湯物同埋甜品，非常之豐富！ 餐廳係開放式吧枱設計，座位舒適，師傅同食客好多交流，氣氛好和諧～全部店員服務態度都好好，令人賓至如歸。 前菜三款 清湯蟹羊羹口感清爽又鮮味，食用仙人掌配黑蜜，仙人掌真係第一次食咋！口感爽脆好似蓮霧咁樣，酸酸地點埋啲黑蜜中和一下，味道相當之特別～合桃小魚乾就好香口。 深海池魚配酸汁 好新鮮，切到薄薄地口感更佳。上面仲有紫蘇花，令口味更有層次。 北寄貝赤貝 尤其是係北寄貝刺身，鮮甜又爽脆，一啲腥味都冇呀！ 梭子魚面頭炙燒左，有少少焦香，上面再加上芝麻蔥花。 拖羅兩食 有煙燻蘿蔔苗櫻花蝦+大葉竹炭鹽兩款口味，兩款各有特色！夠晒肥美，入口即溶。 壽司🍣 愛侶魚 北海道帆立貝 金線鯛 池魚 喜之次 野生銀鱈魚bb 海膽壽司 每一款都新鮮肥美，其中我最鍾意北海道馬糞海膽壽司，口味獨特！入口即溶又鮮甜！ 赤鮑魚伴海膽壽司，用料矜貴令人一試難忘～最後仲有麵豉湯同埋雪糕，真係超滿足呀～

好耐冇食過燒肉！香港咁多任食燒肉店，我就最鍾意安平燒肉，鍾意佢價錢公道而且食物飲品款式又多又特別。 一坐低，職員好認真介紹各種特色食物同埋醬汁配搭，上菜同埋收碟速度快，服務都好殷勤。用QR code落單非常方便～ 我選擇左澳洲M5和牛 120分鐘吃到飽套餐，收費$418/位，食物款式有104款咁多，真係琳琅滿目啊！ 牛類有牛類嚴選牛舌芯（每位贈送一客2件）、澳洲M5和牛、安格斯牛小排，都係必點菜式～海鮮方面烤帆立貝、屏東燒魚腹、大大隻爽彈虎蝦同鹽蒜燒生蠔🦪都不能夠錯過～ 烤魚干同埋燒豬肉乾千祈唔好錯過，包你食到停唔到口！ 我仲推介台式小食例如滷水涼拌鴨舌、黃金泡菜、墨魚香腸，好似台灣夜市啲嘢食咁樣啊！ 除此之外，仲有自助吧可以自己出去拎蔬菜、飲品同埋飯等等，飲品有多款台式特飲同埋無糖茶可供選擇。例如麥香紅茶、蘋果西打、桂花烏龍，每款都各有特色。 飯後仲可以選擇Häagen-Dazs雪糕又或者台式仙草芋圓，簡直係大滿足，下次一定會再嚟！