同兩個小朋友去太空館「睇戲」，先搵間餐廳填飽個肚先😌 幸運哋發現呢間新開嘅親子餐廳，兒童餐具係恐龍造型，好可愛，不過唔記得影低🫠 食物質素都唔錯，而且賣相吸引，份量亦啱啱好😋 蒼龍早餐 整體ok，帶子算大粒&調味👍🏻沙律菜新鮮～ 係d蝦同個酥餅稍微失色。 招牌明太子卡邦尼意粉 creamy好味，有明太子加持更加好味😋 祕製番茄醬巴馬火腿珍珠粉 最好味呢個～珍珠粉有咬口，一粒粒咁好啱小朋友食～加上番茄醬又好味開胃，火箭菜和火腿嘅分量啱啱好👍🏻推介～ 辣蟹tart 微辣，小朋友都食到～口大d嘅可以一啖一舊😌蟹味唔係好出，整體不過不失～可以一試👍🏻 不過講到底，帶得小朋友去嘅，最緊要都係地方寬敞，乾淨整潔😄加埋大量玩具😆等小朋友可以自己玩，大人就可以傾下計，或者me time吓😌 waiters 都好友善，有耐性又好helpful👍🏻仲會主動同小朋友玩添——幫手湊仔😆 餐廳負責人應該係恐龍愛好者，埋單後送嘅禮物都可以如數家珍咁，介紹曬唔同種類嘅恐龍玩具俾小朋友😁👍🏻 *店員話做會員後，每次惠顧都會自動儲積分，積分可以換玩具添😎

好友同我補祝生日，約我黎呢度食晚餐。因為之前有朋友送過佢哋嘅茶俾我，都已經好鍾意，口感香滑，所以都好期待黎試佢哋以茶入饡嘅菜式😋 我哋兩個都Order 咗佢哋嘅set dinner，太開心忘記了影餐牌😆 我set tea轉咗Happy Birthday Tea，入口香滑，淡淡香草味道，仲有少少berries 味咁。朋友都轉咗elgray tea。 頭盤已經覺得好驚艷，大蝦肉爽口彈牙，千張（豆腐皮）浸著濃郁嘅大蝦汁，上面撒上微辣香料，大大增加味道嘅層次👍🏻 主菜係海膽扁意粉，馬糞海膽金黃有光澤，十分鮮甜好味😋扁意粉軟硬適中，醬汁creamy。 另一主菜鴨胸Juicy有口感，伴隨淡淡茶香，唔錯～ 甜品係好refreshing, 份量啱啱好，淡淡茶香嘅cream包住雪芭，仲有d栗子蓉～配搭得好好～ 之後我哋再ordered 兩個macaroon，一個聖誕限定，另一個無食唔記得咗個名😝兩個都唔同傳統嘅咁甜，淡淡茶香果香花香，又係層次嘢～ 值得一提嘅係服務好好～個個都好友善，上菜&收碟嘅時間都捉得啱啱好～ 期待下次再黎～

因為要上興趣班嘅關係，呢排逢星期日都要係呢邊覓食，俾我搵到呢間性價比超高嘅日式小店👍🏻 先黎一個自選魚生飯😋 全部都係看得到嘅新鮮～活赤貝外表呈橙紅色、帶光澤，食落肉質爽厚，鮮味十足，好味到我都唔捨得點醬油了🤤 三文魚籽粒粒脹卜卜，醬油漬送飯一流；牡丹蝦厚肉鮮味👍🏻至於吞拿魚蓉，因為我話多蔥，師傅仲好好咁額外比多成碟我😂希靈魚肉質厚實，配爽脆的魚籽，香氣&口感都無得頂。 雖然➕$15就有埋湯&前菜，但無論份量定質素一d都唔馬虎，salad新鮮，迷你八爪魚都比一般嘅大隻d～ 再黎就係燒蒜芯，食落好香甜而且冇渣，調味好得👍🏻司華力腸外皮脆，肉質juicy。 燒雞軟骨，調味又係冇得輸👍🏻 E2火炙鰈魚邊、帶子、北寄貝、蟹子、玉子燒 呢個係嗌俾小朋友食嘅，我偷食咗塊鰈魚邊😝火炙後嘅鰈魚邊，d油脂被逼晒出黎，帶有微醺香入口即溶👍🏻大愛！其他冇食過就唔評論喇，但望落都係好新鮮～ 仲要值得一讚嘅係店員服務態度超級好，好友善，令用餐更愉快👍🏻👍🏻👍🏻 其實上星期日都想去食，可惜full Booking，之後就喺OpenRice度訂定位，今日一去到就可以食喇。如果大家怕無位or等位就記得訂定喇😌

路過見到裝修幾特別，又唔使等位，就入咗去食😌好在無令我失望😋 雖然自己食到好食嘅餐廳都會打食評，不過為免有bias，我食之前都唔會睇別人的餐廳評語😝 Turkish Breakfast 無論賣相定味道都好正，麵包略偏硬，好在同友人share，如果自己一個食晒應該會好攰😅麵包有四個醬可以點，分別係杏脯醬、無花果醬、cream+honey同埋番茄蓉醬。芝士都有三款，一款羊奶芝士、兩款牛奶芝士，齋食or點醬都好味😋土耳其茶要小心唔好放太耐糖棒，好容易過甜，店員都有細心提醒👍🏻 豬腿個個唔記得名lu，肉質嫩滑如果juicy d就更好。值得一讚嘅係露出其中一邊嘅骨頭，咁樣處理食起上黎又方便好多～再配蜜糖芥末醬就更加加咗好多分😋配菜有炸薯角、焗串茄焗，仲有邊豆👍🏻 雖然選擇唔多，但整體環境氣氛食物質素都好好👍🏻會再幫襯～

美景終於再有餐廳有新鮮沙律🥗食😌 夏天熱辣辣真係好需要沙律，仲要咁新鮮～Even係蝦堡個個伴沙律👍🏻 炸雞翼好好味，薯條都係，即炸，調味都好出色😋 未轉新menu之前都有幫襯開，環境舒適，食物質素都唔錯，不過可能位置問題，一直都唔多人幫襯。因為呢個位置真係睇住佢不停轉手😅 今次burger set比以前好食咗，洋蔥多d，又多咗沙律菜👍🏻 Feel到個廚師對食物幾有heart😌 至於飲品方面就一般啦，不過不失👌🏻 最近新裝修後，風格都突出番d，唔錯👍🏻

唔知係未因為最近天氣又熱又濕咁，令我無咩胃口，總係想食d辣&凍嘢刺激吓味蕾😅 原本諗住求其食個冷烏冬，但見到煙三文魚又好想食，於是厚著面皮問店員可唔可以C餐嘅材料+G餐嘅胡麻冷烏冬🙊 估唔到真係肯幫我整🥰街坊小店就係咁好，服務好又會變通～仲成日都有新菜式👍🏻絕對值得一讚！ 食到想食嘅嘢真係好開心～呢個組合真係好夾，真心希望餐廳可以加呢個組合係餐牌度😆一道健康輕食菜式就咁就誕生咗喇～如果沙律菜多多少少就更好😋

雖然相片得一張，但其實已經食咗呢間三次😌 食過漢堡🍔薯條、海鮮炒意粉、焗飯等都好好味。小食都唔錯，特別係炸大腸、蒜蓉包～沙律、連小食墊底嘅生菜都好嫩，好新鮮乾淨👍🏻👍🏻👍🏻呢個真係值得一讚！擺盤都唔錯，餐碟好靚亦好乾淨～而份量方面，我覺得啱啱好，但男士可能就要加多個一兩個小食先夠喇～亦聽到好似可以嗌多飯～ 係餐牌上嘅全名就唔記得喇😝但聽街坊講其他嘅嘢食都好好味，至於餐茶就一般，無咩特別～ 裝修用色簡潔舒服，光線充足，座位空間亦足夠～店員亦好親切友善～ 餐牌選擇唔多，但就咩都有d，啱晒選擇困難症嘅我😁而且第三次去食嘅時候佢嘅餐牌內容有d唔同，唔知係因為新開張仲調整中，定真係會定期出新菜式，如果係咁就再加分👍🏻👍🏻 總結係：值得一試再試希望可以一直保持水準。 p.s 佢地好似逢星期六休息～

首先係俾個店名吸引，然後店舖內嘅裝修感覺清新簡潔，貓貓嘅擺設&杯碟&畫都好加分。 餐單用鉛筆去剔，好環保♻️ 一個set有齊沙律🥗、主菜、小食、甜品、湯/嘢飲，齋睇都覺得好豐富，份量對我黎講啱啱好，至少1點食完到5點都未肚餓。 沙律嘅醬汁好好味，加埋兩舊火龍果即刻再健康咗，小食應該係有味菇+飛魚籽，鰻魚俾我想像中好味，有d脆脆地嘅皮，好香好味～個飯上面嘅流心蛋更加係畫龍點睛👍🏻cheese cake味道就一般啦，份量細唔會好漏～用貓貓杯裝住嘅蜂蜜綠茶即刻好飲咗🤭

每日lunch都好頭痛食咩好，諗住食日本嘢啦～本身係會員嘅我就入定個app揀嘢食la～見到呢個好吸引點知一上檯...仲以為佢俾錯我，因為有個櫻花丼都係咁上下然後我睇真d，個幾舊同甜蛋好似嘅海膽...真係無言😅只怪自己太天真 撇除份量&賣相，食材係新鮮嘅，海膽都好creamy 鮮甜，比較厚身，似北海道海膽～三文魚籽都好新鮮，差唔多粒粒都漲卜卜嘅～其他角砌刺身有三文魚、章紅魚～其餘就係青瓜and甜蛋。 $118加一，仲有碗蜆麵豉湯，係新鮮連殼嘅蜆～ 至於抵唔抵食呢...我就唔多夠飽喇😝本人胃部容量較大

由未入座已經俾人無視，可能因為係一位嘅關係，完全當聽唔到我講嘢咁🤷🏻‍♀️ 我企正係個waiter 前面，佢都可以不停入晒d5位2位，我係咁係度講1位就完全聽唔到😒 由點餐到上主菜，足足等咗半個鐘...隔離檯d人遲過我入座嘅都已經食咗大半😒 $88蚊包一杯飲品，一份細沙律，主菜個碟就大，食物份量就...有圖有真相...而且豬仔骨鹹到苦，就連薯蓉都好鹹，蔬菜得幾條... 好食都話丫...唉，真係黎一次都嫌多😒