宋王臺同土瓜灣一帶其實都有唔少特色小店等着我哋去發掘，呢間cafe久仰大名，喺觀塘成日都大排長龍嘅嘅heysonuts!! 今次一於試吓土瓜灣分店先💁🏻‍♀️ 焦糖布丁香草雪糕窩夫🧇 ($94) 呢度甜品嘅種類好多，窩夫都係即叫即整嘅，我哋食嘅時候仲保持到鬆脆，而且香草雪糕世一！望到入邊有好多香草杍好rich!! 布丁亦都唔太甜🍮焦糖帶有少少中和返😝 70%比利時鮮奶朱古力🍫($46) 呢杯簡直係朱古力奶嘅天花板，味道就好似將一排朱古力溶咗再加鮮奶混合而成，飲到底仲有少少凝固咗嘅朱古力醬㗎🤤朱古力控必點！ 自家製喇沙汁海鮮扁意粉🍝 ($138) 店員推介嘅菜式，喇沙汁本身已經好香濃，同蜆肉、蝦、魷魚等海鮮食材好夾！ 仲要我鍾意食嘅扁意粉😆 自家製青醬帶子意大利飯 ($148) 青醬味道好香herbs味道而且奶油味都好重! 好creamy~ 😙 四季橘冰茶🍹($48) 冰茶果味不錯👍🏻甜度適中

Chilling near Tsim Sha Tsui Harbour with a glass of drink has always been in my bucket list, this restaurant definitely fulfilled my needs😙 Mix Mediterranean Dips is one of my favorite as I have never tried these sauces before, Muhammara and Mutable are my go-to! They blend so well with the pita bread that I ordered extra bread to dip! Squid ink Linguine with Crab Meat that doesn’t have to worry about getting my month filled with squid ink, they are mixed inside the spaghetti and the crab meat provides such a strong seafood flavor😝 Grilled Chicken Skewer with a light flavored garlic sauce also served with fries and peppers. The flavored chicken is so tender and juicy. This lunch ended with Chocolate Temptation cake 🍰 there are layers with chocolate truffles and sponge cakes, sooo scrumptious🤤🤤🤤

銅鑼灣Mano最近做緊好抵嘅優惠可以以六折食到原價$888嘅二人套餐或者七五折食正價餐牌嘅嘢食😍包晒餐湯同出名嘅甜品Tiramisu🔥 唔怪得之我去到都full house! 大家去之前記得book枱呀 巴馬火腿藜麥牛油果沙律 是日餐湯南瓜湯（兩份） 8OZ 意大利牛柳 配火箭菜 相信最吸精就係呢一個煮得啱啱好嘅里脊肉，係牛入邊最嫩嘅部位~最適合就係煮到三分熟😝完全冇筋！再配埋佢嘅香醋牛肉汁超好食～ 香煎北海道帶子三文魚籽龍蝦汁扁意大利麵 扁意大利麵比較厚身有咬口，再配上龍蝦汁同埋帶子海鮮香味濃郁😙 甜品嘅部份係一個芝士蛋糕同埋Tiramisu ，芝士蛋糕非常軟熟同埋好鍾意佢個餅底好實淨！ 而Terms嘅mascarpone cheese好香，咖啡酒味亦都好平衡🥹💕兩個都好鍾意，不分上下！

尖東海旁嘅一條內街新開咗一間越泰菜，裝修以紅藍做主調，好有異國風情! 🤪 Grilled Beef Sirloin （$138） 用一條條嘅香茅包住西冷牛肉片嚟燒，令到牛肉有炭燒焦香味之餘仲多咗浸香茅味，仲伴有濱海米粉, 沙律菜，醬料中分別有甜酸醬同埋沙嗲醬任揀😝 Chicken Salad ($98) 越式嘅沙律以多種椰菜為主，有啲甜辣汁嘅感覺，好惹味同埋就算冇寫辣椒但都有少少辣🌶️ Stir-Fried Beef ($138) 呢個炒牛肉又係惹火之選😛 用咗好多辣椒去炒，而且好香好香羅勒葉味🥹herbs嘅愛好者必食 Green Curry Chicken Fried Rice ($148) 雞肉青咖喱相對就比較不過不失，雞肉唔係煎香嗰啲，但半碟好似係酸酸甜甜嘅生芒果同埋椰肉絲，酸甜開胃😚 Virgin Lemongrass Mojito ($78) 食完啲辣嘢飲番杯Mojito簡直一流！仲要冇酒精嘅版本，薄荷葉完全冇慳佔咗三份一！甜度同埋薄荷葉嘅味道恰到好處，三兩下就飲晒😝

尖沙咀越嚟越多商場行, 行到攰不妨可以試吓呢一間美麗華嘅日式居酒屋拉麵店~每日都有唔同嘅超抵加配優惠，揀啱想食嗰樣小食特價就衝過嚟啦🤣 晚市二人套餐$328 特製低溫叉燒麵 醬油豚骨 平時拉麵得一片起兩片止嘅叉燒，呢度嘅份量多到可以鋪滿碗邊😍採用咗有新拉麵再配上糖心蛋同埋蔥花～醬油豚骨湯底香而不膩 特製熊本蒜油豬骨湯拉麵 配料方面多咗鵪鶉蛋、紫菜同埋少少豬肉，蒜油味唔好出，但係豬骨湯底層次豐富😚 炸雞翼明太子 好考功夫嘅一道小食，將明太子釀入啲雞翼入邊，而且明太子唔會話好鹹好搶味😙雞翼都炸到脆身～ 明太子煎蛋 煎蛋最驚就係會變到好老，呢個絕對唔會🥳個心仲係保持濕潤㗎！配明太子一流🤤 我哋為咗健康起見再加點咗一個柚子沙律😝佢係類似柚子醬再配上沙律醬嘅一個組合~ 嘢飲方面叫咗檸檬燒酎梳打同埋生啤，約埋班friend叫啲小食飯啤酒傾偈都係不錯嘅選擇🤭

尖沙咀長期爆滿嘅韓國餐廳終於去食啦! 最出名就係因為佢呢一個熔岩炒飯實在太吸睛😍我都忍唔住係咁影相🤤 泡菜蛋漿熔岩炒飯($188) 韓國人最鍾意喺炒飯中加入大量芝士，呢度仲有店員即場燒，再淋上蛋漿同埋紫菜🥰泡菜為炒飯增添咗辣味~ 泡菜魚糕拉麵($98) 喺街食嘅泡菜拉麵硬係好食過屋企自己煮嘅🤣面頭嘅生蛋簡直係呢個面嘅點綴，魚糕都好有咬口~ 三色韓國煎餅 ($168) 一次過食到南瓜、蔥、泡菜煎餅~滿足晒三個願望😝南瓜煎餅嘅味道好香甜，再點埋佢嘅酸辣汁😍

之前食過馬拉菜都不外乎係喇沙同肉骨茶，呢間atas有基本嘢之前仲有唔少特色小菜，值得一試😙 白雪牛油骨 ($128) 豬扒骨裹着甜奶油醬，再灑咗好多奶粉，成件事奶味十足，唔會同豬扒有違和感😝但椰絲相對冇咁突出喇~ 喇沙辣椒老虎蝦 ($188) 將喇沙濃縮咗做炒蝦醬汁更香濃，老虎蝦每一隻都好肥美，剝咗殼之後醬汁味依然滲晒入去蝦肉度! 叄岜炒飯 ($138) 有少少蝦醬海鮮炒飯嘅味道，再加啲辣😛最特別嘅係旁邊有啲醬料我講唔出咩味但係有種鹹香😙好地道馬拉風味 美祿爆炸($58) 美祿恐龍嘅升級版再加咗Oreo🤣🤣一如以往非常濃郁嘅美祿味~係完美嘅ending 斑斕薏米水 ($28) 係清新嘅選擇，斑斕味恰到好處💛 A.T.A.S (銅鑼灣) 銅鑼灣邊寧頓街9-11號登龍閣地下C2號舖

之前食開Black Coffee係衝着佢嘅Tiramisu而食嘅！今次我決定要食其他甜品😙 自家製蕃茄醬炒煮粉 配慢煮口水雞 ($128) 首先晚餐方面自家製嘅蕃茄醬係好濃郁嘅車厘茄甜味～ 重點係佢個口水雞好友土匪雞翼味！而且辣味唔係講笑🤣惹味得來不斷出汗呀！ 自家製煙燻豬腩配黑啤意大利飯 ($138) 黑啤意大利飯呢個名號好特別，意大利飯中間都會食到少少酒香，唔好睇佢份量好細但係都好飽肚🥹佢嗰三片豬腩肉簡直煙燻到焦香焦香🤤淡淡都係豬肉嘅油脂～ 焙茶麻糬窩夫配咖啡雪糕($74) 重頭戲嚟啦！焙茶麻糬窩夫我叫咗半份，佢切碎咗一口嘅size，中間麻糬嘅部份非常煙靭而且配茶味超級濃！咖啡味嘅雪糕又係expresso咁，有啲Gelato feel~就算好飽都要食晒佢🤣 法式千層酥配青蘋果拖肥金寶醬及香草雪糕($70) 千層酥大家可以睇到佢嘅橫切面係有幾酥脆中間嘅吉士醬好硬身唔會整腍啲千層酥，味道都唔係太甜🤪青蘋果煮得軟硬適中，香草雪糕仲有睇到一粒粒嘅香草籽，整體嚟講甜品同雪糕都好有質素！ 竹炭黑芝麻鮮奶 ($48) 淡淡芝麻糊加奶香嘅味道😛🙈仲拉咗個好靚嘅花添🤤

油麻地甜牙牙主打甜品但系主菜都唔失色㗎，最啱約埋班friend食晚餐直落甜品，咁就唔使再出去另一間甜品鋪出面排隊捱凍啦⛄️ 蝦汁大蝦 🍤（$112） 睇個色澤就知道佢啲蝦汁幾濃郁，仲要好香蝦膏嘅味道系用蝦頭炒香後煮食嘅汁～有濃厚海鮮嘅味道😛 檸檬烤雞🍋（$138） 製作時間都需要20分鐘以上，但系絕對值得嘅！外表就好似炸子雞好脆身，淡淡嘅檸檬味滲喺個烤雞之中，都唔會太酸～ （+$40）可以升級做套餐就包沙律或者湯，仲有嘢飲同埋指定甜品！ 而呢度最出名甜品我哋梗系叫餐牌上面嘅甜品，每樣都可以減$20～ 朱古力窩夫🧇 配料都好豐富有朱古力雪糕同埋Brownie😚雪糕入邊仲有啲朱古力脆脆添🍫 芒果西米露河粉 芒果嘅河粉真系第一次食，但系芒果味都好香濃，而且芒果超甜～

海港城最近新開咗一個韓國過江龍，主打甜品同埋刨冰都別具一格！ 玫瑰醬八爪魚年糕 玫瑰醬永遠都係我嘅最愛，年糕本身冇乜味所以好靠呢一個好濃郁嘅醬包裹住🤤八爪魚亦都好大隻唔係碎濕濕！ 橡果黑毛豬卡邦尼意粉 煙肉煎到好香脆，醬汁濃稠度啱啱好，唔會因為食得慢芝士醬凝固咗～ 北海道粟米蛋糕 睇得出呢個蛋糕係非常用心之作😍目測每一層都非常清楚俐落，起碼有六種層次！其中最鍾意面頭嘅甜餅乾脆～配搭甜粟米別有一番味道，喺出面好少食到粟米做嘅蛋糕😋 黃豆粉紅豆甜心刨冰 紅豆刨冰非常綿密，唔會食到一粒粒冰粒，配上黃豆粉同花生醬嘅味道，成件事即刻好韓～中間仲有麻糬同花生粒~驚唔夠醬汁仲有煉奶添 怦然心動熱情果梳打(凍) 鍾意酸味嘅我有熱情果仲有少少檸檬片，個人非常啱口味! 甜蜜桃桃伯爵冰茶(凍) 普通嘅味道好香，淡淡嘅伯爵茶唔會太苦~ 作為新式嘅韓式Cafe打卡一流!!