男朋友好鐘意打邊爐，上網揾到呢間尚鮮火鍋好多好評就揀咗呢間。餐廳環境舒適，坐位寬敞，侍應服務仲好貼心，會主動幫客人加湯同清走湯面上嘅油，抵讚！可惜當晚只係得我同男朋友兩個人食，所以嗌得唔多野食。呢間火鍋好受歡迎，我地平日夜晚食都全場full晒，想食嘅朋友記得要提早book 枱呀 - 生蠔 $116 入口柔嫩滑潤冇腥味，海水味適中，帶有淡淡嘅甜味，蠔味都幾濃郁，擠少少檸檬汁直接食已經好好味，價錢又唔貴，性價比高 - 血池麻辣湯拼姬松茸冬瓜湯 $136 湯底有超過十款選擇，其中有五款都可以雙拼 麻辣湯辣度適中唔油膩，仲有大量爽脆雲耳 冬瓜湯好清甜，因為冇落味精所以就咁當湯飲都得，而且非常足料，有好多冬瓜粒同松茸 - 特尚手切牛(中) $180 打邊爐點可以冇牛肉，雪花紋好靚，肥瘦適中，入口嫩滑軟稔，肉味非常濃郁 - 鮮炸脆響鈴 $48 新鮮炸起嘅響鈴脆卜卜，放落湯浸一、兩秒就食得，脆脆地之餘又吸晒啲湯同肉汁 - 越式扎肉 $42 札肉厚薄適中，口感紮實，食落爽滑彈牙，放落麻辣湯超夾 - 自家製青檸梳打蜜 1000ml $68 味道酸酸甜甜，解辣同解暑都一流呀

估唔到荃灣有間咁有情調嘅日式居酒屋，裝修有令人置身🌸櫻花樹下感覺，食物種類多元化，擺盤又精緻，睇得出師傅對料理都好有心思，既然暫時飛唔到去日本，不如食下居酒屋，一解思鄉之愁😍

竹壽司盛盒($198)總共有9款，啱晒有選擇困難症嘅我唔洗左揀右揀，刺身全部都好新鮮，帶子鮮甜，三文魚肥美，油甘魚清爽👍🏻

原味日本香川縣玉子燒($68)口感濕潤紮實，甜度適中，蛋香濃厚😋
三文魚腩4切($58)非常肥美，肉質嫩滑，油脂豐富🤤
三文魚茶漬飯($48)以茶代湯嘅泡飯融入咗三文魚嘅味道，完全冇任何腥味，清新又開胃，鐘意食辣嘅仲可以加少少wasabi😆
串燒即叫即燒熱辣辣，食串燒就最怕醬汁太重口味，呢到完全唔會，調味都恰到好處，保留番食材原味，我試咗以下幾款都好唔錯💁🏻‍♀️
🍢汁燒蘆筍牛肉串($38)
🍢汁燒雞肉串($38)
🍢燒雞皮($38)
🍢燒煙肉車茄串($18)
🍢燒茄子($18)

不經不覺喜茶係香港已經開咗4間分店，但熱潮仲未減退，星期日繁忙時間K11分店我等咗差唔多一個鐘先拎到 我叫咗芝士金玉，金玉係烏龍茶的一種，帶有淡淡的桂花香，味道清香，而芝士奶蓋芝士味夠重，奶味香濃，奶蓋豐厚，質地幼滑有空氣感，果然是喜茶的招牌

油渣麵係香港平民地道美食，老三絕對係當中嘅表表者，長沙灣新舖係土瓜灣舊舖其中一個老闆娘開，質素當然有保證，懷舊美食愈嚟愈少見，大家要多多支持先至可以保留得到❗️ 招牌豬油渣麵($38)，豬油渣係自家製，即叫即炸，見到外表咁金黃已經好吸引，果然入口好酥脆，完全冇油膉味，蠔油冬菇片炆得好入味，蘿蔔鮮甜冇渣，湯底仲可以自選辣度，叫小辣啱啱好，唔會蓋過本身個湯嘅清甜味，上海粗麵好有咬口，辣菜甫都好好食 秘製餃子豬油撈蝦子麵($48)，餃子可以雙拼，有鮮肉韮菜同鮮肉椰菜兩款，餃子幾足料飽滿，豬肉同菜嘅比例都啱啱好，口感非常豐富，外皮唔會太厚，豬油撈蝦子麵好香，完全唔會覺得油膩，麵條都好爽口彈牙 食完麵唔多夠喉，再嗌咗幾款小食試下，叫炸雙拼($30)就可以試多幾款啦，炸物全部都即叫即炸，新鮮熱辣辣，炸南乳雞翼鹹香惹味，炸黃金墨魚丸食到有墨魚粒粒，口感爽脆 炸黃金韮菜角好香口，餡料十足，炸黃金蝦仁棗好重蝦味，質感厚實啖啖肉 另外仲叫咗個鹵水豬大腸($12)，食落都幾煙韌彈牙，就咁食略嫌鹹咗少少，放落油渣麵食就啱啱好啦

呢間中西合璧嘅快餐店同一般茶餐廳好唔同，除咗港式快餐，呢到仲可以食到蛋包飯、拉麵、意粉，連肉眼扒都有，而且餐牌每個月都會出新款，就算成日食都唔會覺得悶，鴛鴦奶茶已經成為我嘅飯堂首選 見到出新野仲要係我至愛嘅鯖魚就毫不猶豫叫咗，果然冇令我失望 日式烤鯖魚定食 ($60) 套餐配味噌湯、三款前菜同港式飲品 鯖魚好肥美新鮮，油脂豐富，外皮微酥脆，肉質厚實有彈性，而且完全冇腥味，擠少少檸檬汁更加可以帶出鯖魚嘅鮮味，估唔到快餐店都有咁高質嘅日式料理食，絕對值得一試

酒吧裝修型格，燈光柔和，並設有投映機播放歌曲和MV，氣氛浪漫，無論情侶約會或朋友聚會都非常適合 餐牌設計很特別，選擇非常豐富，食物多樣化 香煎鵝肝配無花果多士 ($138) 鵝肝兩邊煎香，口感細膩軟滑，多士入口香脆，佐以無花果肉和黑醋，可中和鵝肝的油膩感 輕煎北海道鮮帶子意大利飯 ($188) 意大利飯軟硬適中，帶子鮮甜肉厚，爽滑彈牙，其他配料也很多，有魷魚、勝瓜、玉子豆腐和鹹蛋黃，口感非常豐富 自家製開心果雪糕 ($42) 雪糕質地香滑綿密，開心果味非常濃郁，還有開心果碎，很有咬口 朱古力心太軟配椰子雪葩 ($68) 朱古力流心香濃幼滑，配上冰凍的椰子雪葩，一冷一熱，perfect match! 青金桔菠蘿梳打 ($38) 草莓蜜桃茶梳打 ($48)

荃灣岀名多野食，係 OpenRice 見到呢間冰室有咁好評就試下啦，果然冇令我失望，可以encore! 為咗一次過可以試晒啲招牌菜，我嗌咗呢個set: 蕃茄濃湯通粉配牛乳炒蛋、瑞士雞脾同華田脆脆 蕃茄濃湯通粉：滾熱辣上枱，食到最後都仲熱㗎，蕃茄湯頭濃郁，炒蛋嫩滑，好味 瑞士雞脾：食過最好味的瑞士雞脾，夠入味，肉質嫩滑，推薦 華田脆脆：特飲跟餐加10蚊，我鐘意食甜野都覺得太甜了

戲院小賣部通常都冇咩好食 淘大UA睇戲平 又有十字冰室 以後睇戲一於嚟多啲呢到 黑椒蜜糖巨人雞脾配懷舊雜果沙律 蜜糖同黑椒簡直係perfect match 雞脾整得非常入味 肉質好juicy 一啲都唔‘鞋’ 而且份量十足 有成塊面咁大 下午茶食一流呀 P.S. 雞脾可以帶入去戲院食 不過太香啦應該會好騷擾到人睇戲 十字燉奶(熱) 食完雞脾唔夠喉再嗌多個燉奶食 用十字鮮奶整嘅燉奶奶味十足 入口都幾軟綿綿 口痕想食甜品都可以試下 不過就冇雞脾咁有驚喜啦

呢間cafe開足14年依然屹立不倒，賣點就係食物質素同性價比高，絕對可以媲美出面嘅西餐廳👍🏻 慢煮24小時美國安格斯牛肋骨伴乾蔥紅酒燒汁 $298 牛肋骨煮得好軟腍，輕輕一咬就可以咬開，果然慢煮咗24個鐘真係唔同啲，食落肉質嫩滑多汁，而且牛本身嘅品質都好好，油花均勻，牛香味好濃郁😋 手撕法國油封鴨腿肉牛肝菌意大利飯 $158 鴨腿肉好嫩滑，一入口仲會感受到香口嘅鴨油填滿晒成個口腔，鹹香味十足，意大利飯嘅口感亦都啱啱好，吸收哂鴨肉同鴨油嘅香味🤤 牛角窩夫伴挪威焦糖芝士、焦糖餅碎、鮮忌廉 $98 牛角窩夫好鬆脆，味道方面都好特出，焦糖芝士甜甜鹹鹹好特別😆 抹茶豆腐smoothie $52 抹茶好出，但係飲落就會有陣豆腐嘅清新後勁湧出嚟😚 金莎朱古力 $52 呢個野飲版嘅金莎朱古力真係好出色，還原度好高😍

平時食韓燒都係鐵板燒，呢到標榜用正宗韓國柞木炭做燃料去燒肉，保留番食材嘅原汁原味，別有一番風味🤩 前菜 和牛三文治($318) 金黃香脆嘅多士、炸到嫩粉紅色嘅厚切吉列和牛，淨係個賣相都夠殺食啦😍 和牛脂香豐腴，食落肉質軟滑，配埋特製醬汁，真係令人回味無窮呀🤤 壽喜燒和牛西冷($288) 肉質非常柔軟細膩，脂肪分佈細密，就好似大理石嘅紋路咁，同埋大家完全唔駛驚唔識燒，因為會有專人代燒😆 壽喜燒汁非常香甜，和牛入口即溶嘅口感真係難以忘懷，沾埋蛋漿味道更加濃郁滋味😋 濟州活鰻魚($238) 濟州出產嘅鰻魚可以話係特別肥美鮮甜，因為濟州島出左名水質好，食落果然夠哂新鮮😙 慶州極上黑毛豬梅肉($198) 兩塊豬扒好大，分量夠哂多，食落肉質爽口，如果你怕食咁多肉太油膩嘅話仲可以包埋生菜食，點少少大醬一啖放哂落口，諗起都想食🤤 和牛牛肋肉($158) 牛肋肉有咬口之餘，肉味都好濃郁，而且油香十足😚