唔知大家會唔會鍾意收工同同事朋友甚至另一半去飲返杯chill下🥂今次發掘到諾士佛嘅樓上bar見到佢個名幾得意決定去試下💙 🌟🍴串燒組合（$178）🌟 串燒選擇太多花多眼亂所以決定叫set試幾款仲配埋野飲好抵～👍🏻我地今次叫嘅set分別有燒刺身帶子、羊肋串、日本黑豚腩肉、雞中翼同牛舌心😋串燒每款都燒到好乾身好脆調味唔會蓋過左食物本身嘅鮮味😋個人推薦雞翼同牛舌心～雞翼嘅皮燒到好脆但可以keep到好嫩好juicy💙牛舌心厚度適中燒到幾爽口💙 🍴風沙鹹蛋黃炸雞（$88） Menu見到好邪惡好想食～鹹蛋黃均勻咁佈滿炸雞嘅表面唔會太多太膩～炸粉唔會太厚雞肉亦都好嫩滑～ 🌟🍴慢煮紅酒牛面頰肉配薯蓉（$188）🌟 牛面頰都好推薦份量好多之餘亦都煮到好淋好入味～用叉輕輕已經可以整開😋有少少筋位令到肉質更有口感👍🏻👍🏻紅酒汁配上薯蓉亦都好好味😋 🥂Sakura（$98） 夢幻嘅粉紅色cocktails配上高酒杯🍸杯邊沾滿左砂糖個人鍾意配埋砂糖去飲酸酸甜甜好開胃🫶🏻 🥂My Favourite （$108） 另一杯又係好吸晴以Gin做Base再加蘋果汁同菠蘿汁飲落好fruity🥂 估唔到呢度食物質素都幾有驚喜👍🏻酒吧行型格路線一入門口已經見到霓虹燈招牌仲有得篤波同玩Beer Pong啱晒一大班朋友happy hour🍸 📍咕嚕咕嚕 (尖沙咀) 尖沙咀諾士佛臺10號騰龍閣4樓 #fattung #fattung尖沙咀 #fattungbar #hkfoodie #hkig #hkfood #hkfoods #hk #hkfoodblog #day2eat #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #地道美食 #cafe #hkcafe #cwb #尖沙咀酒吧 #尖沙咀 #尖沙咀美食 #尖沙咀酒吧餐廳 #諾士佛台 #bar #gulugulu

通菜街一向都隱藏住唔少小店今次就去左呢間比門面嘅霓虹燈吸引住嘅韓國菜💕一坐低店員會即刻上前菜分別有泡菜同醃蘿蔔～泡菜係偏酸嘅好開胃💙

🍴韓國金蠔($144/4pcs)
一般見法國生蠔多韓國金蠔都係第一次試💕上枱隻隻都好大隻性價比都幾好～韓國金蠔相對上Creamy啲甜啲，海水味相對較淡～比較大眾化嘅口味👦🏻表示比較鍾意呢款💙
🍴溫泉蛋帶子芝士湯烏冬($98)
黎之前睇OP已經覺得好吸引😍上枱都係一樣有兩大隻鋪滿芝士嘅帶子超邪惡💕湯底都好濃仲要夾起拉曬絲～忍唔住一啖接一啖極速清曬～
🍢串燒ssss
餐廳主打韓式串燒配上自家製韓式魔鬼辣醬～聽聞瘋狂辣更香更好味不過我地小廢物唔敢試😂
🍴雞軟骨($14)
🍴雞翼($18/2pcs)
🍴豬頸肉($18)
🍴香草燒羊架($58)
🍴牛脷芯($48)
🍴鹽燒虎蝦($88/2pcs)
Total叫左6款唔同嘅串燒個人最推薦燒羊架同牛脷芯💕羊架都算幾大舊羶味唔算好重但燒到好香肉質幾好仲好有肉汁肥瘦適中😋牛脷芯厚薄適中唔會太薄幾有咬口調味唔會太重蓋過左本身嘅味😋餐廳用左自家製韓式魔鬼辣醬今次我地叫左小辣味道偏甜大概只係BB辣嘅level～下次可以搵一兩串試下瘋狂辣究竟有幾辣挑戰下😂💕
🍺韓國CASS啤酒($32)
第一次飲呢款啤酒幾易入口幾鍾意又唔會好苦配埋熱辣辣嘅串燒好正💙

今次呢間餐廳經過過幾次因為太子站一出就係～今次終於有機會可以試～😋建議大家可以book左位先～咁就唔洗等位💕

🍴法式牛肝菌軟殼蟹意大利飯（$147）
原隻軟殼蟹炸得好香脆💙牛肝菌完全唔會唔吝嗇好香好夾基本上每啖都會食到～意大利飯好濕潤口感剛好唔會過硬/過淋😋
🍴美國安格斯肉眼牛扒（$228）
今次叫左5成熟雖然牛扒唔算好厚但肉味香濃煎得剛好😋而且配菜都唔會馬虎薯仔好香牛油味煎到好香脆～
🍲法式蟹肉龍蝦湯（$38）
本身Dinner set可以揀餐湯我地就將其中一個升級左做龍蝦湯～飲落好濃蝦味仲有一絲絲嘅蟹肉💙
🍲南瓜湯
當日餐湯係南瓜湯cream嘅比例較多飲落好滑有淡淡嘅南瓜味幾清甜～
🍴薯條三兄弟（追加$38）
上枱個陣嚇親冇諗過咁大份🤣Total有三大筒薯條再配上三款醬汁分別係黑松露、芥末同明太子～個人最鍾意黑松露好香但又唔會太搶foc薯條係粗身啲個款食到好香薯仔味💙
🍴伯爵茶卷蛋（追加$38）
係門外見到宣傳已經mark住一定要食好吸引🤤卷蛋濕潤度剛好又唔會太甜~配埋伯爵茶嘅cream同麻糬整體感覺好rich最後仲有Lotus餅做裝飾中和～麻糬嘅比例如果可以少翻啲多翻少少伯爵茶cream就perfect😋
🍴Tiramisu(追加$48)
上枱首先都係覺得好靚好大份💕食落好綿滑咖啡同酒嘅味道好balance～唯Mascarpone Cheese嘅比例較多食到後段有少許膩～

📍 Owens (太子)
太子砵蘭街412號地舖
#fattung #fattung太子 #fattung旺角 #fattungcafe

#hkfoodie #hkig #hkfood #hkfoods #hk #hkfoodblog #day2eat #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #地道美食 #cafe #hkcafe #旺角 #旺角美食 #旺角黃店 #太子美食 #太子 #太子cafe #owens

半搬左入大西北都年幾兩年但一直都冇特別探索過有咩好西食💙今次就去到元朗嘅一條巷仔入面食雞煲～主打雞煲係用左墨西哥魔鬼椒去煮所以會比較辣同埋香💕 🍴招牌魔鬼雞煲(半隻)($198+$30鮑魚2隻) 今次我地都唔敢叫咁辣淨係叫左BB辣😅除左辣味之外雞煲整體仲有甜味中和番💙上枱嘅時候6,7成熟上枱需要再煮但熟度就剛剛好好嫩滑😋仲有木耳、四季豆等一般平時冇嘅配料索曬啲汁仲食到有少少香茅味～鮑魚雖然唔算太大隻但都有鮮味同埋預早落索左啲汁更好食❤️建議一開始唔好叫得太辣如果唔夠辣可以再請店員幫忙加辣😋 🍴手切本地牛($198/半份) Menu嘅牛都有幾款我通常都係揀人氣推介嗰啲🤣仲要每日限量就試下💙肉味香濃肉質比較特別有口感仲有少少彈牙？嘅質地🧐不過記住唔好渌得太耐會韌架💙 🍴即炸黃金響鈴($42) 打邊爐最重要係睇下有冇即炸響鈴😋響鈴全部都大大舊新鮮即炸～上枱時仲配左泰式甜辣醬除上打邊爐仲可以沾醬就咁食～個人食食下覺得沾醬更好食😋 🍴紙豆腐($32) 睇Menu見到張圖紙豆腐咁特別係一卷卷嘅就打算叫黎試下～店員話淥幾秒就可以食～食落好似腐皮咁不過就幾香豆味幾特別😉 🍴手工韮菜餃($42) 韮菜餃內餡嘅韮菜較多而且係比較長唔會碎曬一咬開已經有好大陣韮菜香味漂出黎好新鮮😚相對肉碎會較少不過唔會覺得食完好唔滿足都好足料～ 🍴椒鹽粟米($58) 呢個小食其實好多餐廳都有不過我一直都未試過～椒鹽粟米切件後好方便食唔會食到冇曬儀態～表面鋪左一陣炸蒜記住要夾埋一齊香好多配埋粟米本身嘅香甜好正❤️ 📍 再來一煲 (元朗) 元朗鳳攸南街3號好順景大廈1座地下47號舖 #hkfoodie #hkig #hkfood #hkfoods #hk #hkfoodblog #day2eat @day2eat #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #元朗好去處 #元朗 #元朗美食 #新界 #元天屯 #元天屯美食 #元朗火鍋

💛 #黃色經濟圈 尖沙咀除左厚福街之外最近發現山林道都有不少餐廳仲有好多係同路人小店💛好長氣咁繼續講要多啲支持小店!!!!❤️ 🍴雞煲單鍋(雞脾拼雞胸半份$169) 雞煲本身好香好入味今次叫小辣唔會太辣😚餐廳幾好嘅係可以揀淨雞脾/雞胸~今次我地就揀左雞脾拼雞胸兩款都冇骨啖啖肉❤️就算係雞胸食落都幾嫩~另外一樣覺得驚喜嘅係雞煲入面仲加左豬皮😋我本身係吾食但係真係煮都好入味超正一定要試下~🥰 食完雞煲同樣都可以加湯打邊爐今次我地就揀左瑤柱群翅雞湯($49)除此之外仲有其他特色湯底可以揀~湯底倒落本身嘅雞煲到味道唔突出但可以食到有一絲絲嘅群翅😉而且到普通落清湯更突顯到其他食材嘅鮮味~ 🍴手切頂級安格斯($159) 安格斯肉味好濃油花分佈好平均😋可能係手切嘅關係牛肉係開邊切大塊之餘仲比較厚口感不錯😋而且份量都算幾多性價比都算高❤️ 🍴餃子拼盤($43/半份) 分別有鮮蝦雲吞、韮菜豬肉餃同魚皮餃~個人推薦雲吞內餡幾豐富鮮蝦都算彈牙~太飽嘅關係魚皮餃食唔落冇試到🙊 🍴即炸響鈴($59) 如果一般響鈴我通常都唔會叫但即炸響鈴真係忍唔到手🙊新鮮即炸出黎熱辣辣每條都好大舊好脆❤️建議可以配雞煲汁食會更濃更惹味😋用匙羹將啲汁淋上面仲可以keep住勁脆🥰 🍴皇帝菜($49) 🍹竹蓆茅根($58) $58有一大楂絕對足夠兩個人飲😋微甜可以解渴之餘仲下火❤️ 📍 尚上下夏 - 養生雞煲火鍋 (尖沙咀) 尖沙咀山林道23號地下 #fattung #fattung尖沙咀 #fattung火鍋 #hkfoodie #hkig #hkfood #hkfoods #hk #hkfoodblog #day2eat @day2eat @yellow_lulufoodie #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #地道美食 #尖沙咀 #尖沙咀美食 #尖沙咀黃店 #黃色小店 #黃店 #黃店地圖 #火鍋 #雞煲 #尖沙咀火鍋 #尚上下夏

呢間餐廳好耐之前已經食過一次見最近又多番人介紹搞到我都勁想食😋😋餐廳設計偏韓式校園風之餘有部分staff都係韓國人比較正宗😚性價比亦超高碟碟份量都好多❤️ 🍴泡菜餅($120) 泡菜餅幾足料幾厚身同時煎得幾乾身唔會食落口感好粉個款😋咬落脆卜卜好香濃泡菜味❤️❤️ 🍴炸魷魚勁道麵($158) 最期待嘅係呢個睇到相個陣已經好想食好吸引😚炸魷魚上枱嘅時候係原隻影完相店員就會好貼心咁幫手剪開一份份😋魷魚表面炸粉唔會好厚食落有鮮味爽口~勁道麵唔係一般嘅公仔麵比較煙韌質感有啲似蒟蒻麵~好掛汁好入味再加埋滿滿嘅芝士好邪惡❤️ 🍴鐵板韓式蔥炒五花肉($238) 私心幾鍾意食五花肉有時係屋企都會自己整勁肥🤣🤫餐廳仲配埋生菜可以包住一齊食fresh啲~仲有年糕同椰菜好惹味不過份量有啲多🥲五花肉唔會太肥而且好多舊都有軟骨每片都薄薄地好吸味之餘唔會好韌😋 📍 Bingo & Cook (銅鑼灣) 銅鑼灣駱克道487-489號駱克駅2樓 #fattung #fattung銅鑼灣 #fattung韓國菜 #hkfoodie #hkig #hkfood #hkfoods #hk #hkfoodblog #day2eat @day2eat @yellow_lulufoodie #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #銅鑼灣美食 #銅鑼灣餐廳 #韓國菜 #銅鑼灣韓國菜 #銅鑼灣好去處 #cafe #causewaybayfood #causewaybay

間唔中都想食番餐好獎勵下自己❤️希望疫情快啲過可以多啲人食飯聚會去旅行🥺今次因為4個人又唔想諗所以就叫左兩set唔同嘅餐試下😚 . 🍴二人前和牛壽喜燒套餐($488) 🍴二人前長腳蟹壽喜燒餐($688) 基本上兩個set嘅野食一樣所以就一次過寫❤️ . 🥗前菜🥗 . 🥗牛蒡漬物，炸池魚仔及沙律 牛蒡好爽好脆醃得幾入味好開胃❤️炸池魚仔好香口好好食😋😋 🦪清酒生蠔2隻 每個set都會有兩隻~生蠔隻隻都好飽滿大隻浸係清酒到10秒再食更加突顯到鮮甜😋 🍣二人份刺身 刺身有四款包括三文魚，赤蝦，油甘魚同呑拿魚~每款都好新鮮而且好厚😋 🍢串燒四串 串燒分別有雞翼、和牛棒、菠蘿同秋葵😋 菠蘿表面有一層焦糖仲要好甜好多汁❤️和牛棒好香但略咸左少少🤏🏻 . 🍖主菜🍖 . 🥩和牛壽喜燒 套餐本身包左澳洲和牛而且份量都好多兩個人食都夠😚牛肉味濃雖然冇日本和牛入口即融咁誇張但食落油脂分佈均勻😋壽司燒鍋內本身有雜菜、粉絲同豆腐等配料~湯底都係一般嘅壽喜燒湯😉配料需要碌耐啲先入味但和牛帶少少粉紅就可以沾蛋漿食❤️ 🦀海鮮壽喜燒 海鮮分別有長腳蟹、扇貝、蠔、鮮蝦同章魚😋個人最愛長腳蟹同扇貝❤️長腳蟹啖啖肉肉質唔會好鬆散仲保留左啲海水味~扇貝好大粒好厚肉食落好有質感😋呢款湯底係偏咸呈奶白色嘅配菜同和牛壽喜燒都係一樣😉 . 🍰甜品🍰 . 🍡抹茶、黑糖厥餅 黑糖厥餅分別沾上抹茶粉同黃豆粉😚個人比較鍾意黃豆粉~如果厥餅再煙韌啲就好❤️❤️ . 🍴牛肉他他($68) 牛肉外圍略為燒過幾香表面加左少少黑松露醬好香❤️牛肉下面有醃製過嘅紫洋蔥酸酸甜甜幾好食😋 🍴火炙和牛卷($88) 和牛卷用火炙做法整輕輕燒過仲略帶粉紅色😋卷物入面面都係包左醃蘿蔔同青瓜等幾解膩~ . 🍸飲品🍸 . 🍸青檸柚子清酒特調(套餐+$30) 🍸菠蘿清酒特調(套餐+$30) 🍸荔枝氣泡特飲(套餐+$20) 🍸藍莓乳酸特飲(套餐+$20) 店員介紹店內大部份飲品都係冇額外添加糖❤️主要依靠新鮮水果本身嘅甜味😚啱曬想飲肥仔水又怕肥嘅人🤣飲品黎講個人比較推薦青檸柚子清酒特調同荔枝氣泡特飲~青檸個款清酒味比較出加左青檸味道比較fresh😚荔枝飲落會食到少少果肉比起加左糖水嘅飲品更好飲😋 . 📍 天滿宮 (尖沙咀) 尖沙咀加連威老道41C號嘉威大廈地舖 #fattung #fattung尖沙咀 #fattung日本菜 #hkfoodie #hkig #hkfood #hkfoods #hk #hkfoodblog #day2eat @day2eat @yellow_lulufoodie #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #地道美食 #茶飲 #甜品 #尖沙咀 #尖沙咀美食 #尖沙咀日本菜 #壽喜燒 #日本菜 #刺身 #天滿宮

二鍋頭 選擇困難症嘅大家可以留意😚因為今次呢間餐廳除左打邊爐任食之外，雞煲、鴨煲同豬手煲都係任食!!!!❤️最重要嘅係性價比真係好高😚 係介紹之前比個小tips大家如果想好似我地咁為食想試多啲就記住落單個陣同職員講煲嘅份量少啲🤣咁就可以試曬三款煲類之餘仲可以有位打邊爐❤️ 🍴火鍋。雞煲。鴨煲任飲任食2小時($198) 首先坐低店員會叫我地叫左煲類先分別有惹味雞煲、火焰鴛鴦鴨煲同黑椒豬手煲三款😋個人比較推薦火焰鴨煲同豬手煲❤️ 鴨煲上菜時會落一碗酒做火焰效果記住撈匀再等佢煮一陣蒸發咁啲酒味先😚調味好濃好香重口味人士必點咬落啖啖肉仲要加左枝竹好索味❤️❤️豬手煲炆到入味咬落啖啖骨膠原嘅感覺😋滿滿嘅黑椒味又唔會有好重手嘅芡汁同樣地都係啖啖肉唔會冇野食😋 打邊爐嘅湯底多達九款可以選擇我地今次就揀左豬骨湯~本身湯底都幾濃仲有舊大豬骨可以食😋 打邊爐配料除左用紙剔之外仲有部分嘅配料可以出去夾選擇都幾多😋但係因為前面食左三個煲嘅關係都唔係好食得落我地主要都係出去夾番啲菜懶係健康啲🤣 邊爐配料水平都不錯呢個價錢食到咁多款食物性價比絕對高❤️海蝦同牛柏葉都不錯😋菜嘅種類亦有好多款仲幾新鮮不過放嘅位置比較高我呢啲小矮人夾就有啲唔方便🤣🤦🏻‍♀️ 飲品除左一般嘅汽水仲有中式涼茶同鬼佬涼茶(啤酒🤣)食到尾可以食埋個雪糕雪條~我今次就揀左比較特別嘅紫米味雪條味道比較養生~都似平時食紫米露嘅味但偏淡少少😉 📍 二鍋頭 (福苑) (旺角) 旺角西洋菜南街138號福苑2樓 #fattung #fattung旺角 #fattung打邊爐 #hkfoodie #hkig #hkfood #hkfoods #hk #hkfoodblog #day2eat @day2eat @yellow_lulufoodie #肚餓 #吃貨人生 #吃貨 #美食 #相機食先 #香港 #香港🇭🇰 #香港美食 #地道美食 #居酒屋 #旺角 #旺角美食 #旺角邊爐 #打邊爐 #雞煲 #放題 #二鍋頭

周街都係燒味店唔通周街嘅燒味店都好食咩🤣今次就真係比我搵到一間好食仲要有良心嘅燒味店介紹比大家💛

🍴黯然銷魂鴛鴦飯($68)
相信食神入面周星馳嘅黯然銷魂飯大家都好熟悉~餐廳除左本來有嘅叉燒之外仲配埋冰燒鳳凰雞🤤半肥瘦叉燒咬落油香較重蜜汁剛仲有燶邊好香口😋冰燒鳳凰雞燒到外皮香脆肉質嫩滑配埋鳳凰辣汁酸辣開胃❤️
🍴乳豬五寶飯($98)
疫情期間好多飲宴聚會都取消左令到我有啲掛住乳豬🤣乳豬五寶飯除左乳豬之外仲有油雞、叉燒、紅腸同鹹蛋~乳豬外皮香脆唔會好肥好膩肉質都唔會dry😚油雞keep到一貫肉質嫩滑豉油汁都入味~不過個人比較鍾意偏甜少少就會再正啲🤣呢碗嘅叉燒偏瘦啲但係肉質完全唔會「鞋口」都係好軟淋❤️
🍴鵝汁菜芯($20)
一般餐廳都係腩汁油菜我都係第一次試用鵝汁浸嘅菜芯🤤出奇地食落唔會好油但又有鵝油嘅香味~
🍴粉葛赤小豆豬骨湯(+$6)
餐廳每日嘅湯款都唔同我地去當日就係粉葛赤小豆豬骨湯~跟飯加湯都係$6好抵飲仲又足料😋

早一兩年Shake Shake海鮮袋嘅熱潮興起已經好想去食😋但一直都覺得太貴今次趁男朋友生日就同佢去食慶祝生日❤️今次呢間餐廳同時係酒吧

🍴麻辣小龍蝦🦞
香港唔算好多地方有得食小龍蝦今次餐廳有就當然要試下😋小龍蝦算係比較大隻拆左殼啲肉都脹卜卜幾爽口❤️麻辣汁香辣之餘帶有少少麻忍唔住不停接住食😚
🍴特色海鮮Shake Shake袋
重頭戲嘅Shake Shake袋我地今次揀左5款海鮮分別係鮮鮑魚、大元貝、青口、大蜆同海蝦❤️
個人推薦一定要嗌鮑魚同大元貝大大隻之餘仲好新鮮爽口入味😋手掌咁大隻咬落啖啖肉~今次叫左小辣個人覺得唔算好辣鍾意食啦嘅朋友仔可以試下中辣以上~不過都唔建議叫太辣會蓋過左海鮮本身嘅鮮味~😚醬汁係餐廳獨創具馬來西亞風味嘅辣汁~甜甜地好香奶油味好開胃不停要點汁超肥🤣除左海鮮之外本身仲配左粟米、德國芝士腸~粟米好甜仲好索味平時唔食嘅男朋友都食左幾舊🥳芝士腸嘅芝士味濃切左片配埋醬汁好惹味好好食❤️想再追加幾條🤫
🍴白酒蜆肉彩椒意粉
食左咁多海鮮食翻個主食先滿足~今次就叫左呢款清清地唔會太濃味嘅意粉🍝上枱嘅時候呆左完全見唔到意粉表面鋪滿蜆🤣淡淡嘅白酒味配埋蜆都幾鮮甜~啲蜆肉仲可以點翻shake shake袋啲汁好惹味.

餐廳環境裝修都幾靚仲要有酒game玩都幾啱各界人士去🤣情侶拍拖食餐飯啱~閨蜜傾計慶祝生日啱~三五知己飲下野都得🤣

📍 I Leisure (尖沙咀)
尖沙咀北京道65至69號環球商業大廈12樓