唔使北上就可以食到正宗嘅酸菜魚，呢間「太⼆老壇⼦酸菜⿂」喺內地人氣爆燈，12月終於正式進駐香港，一開就開4間分店，包括沙田、啟德、九龍塘及尖沙咀分店。 今次我黎到沙田店，裝修⿊⽩灰為主，融入版畫元素好有特色，而且座位寬闊，坐得好舒服。 老壇子魚酸菜魚1至2人份 $258 另加脆豆腐 $20 一碗白飯 $12 有別於一般嘅酸菜魚餐廳，呢度主打「酸菜比魚好吃」，酸菜魚更得一款口味，堅持「酸菜⿂就⼀種味道，就⽤⼀種⿂、⼀種辣度，不加辣也不減辣」。雖然冇得揀辣嘅程度，但佢嘅辣度同麻度都好適中，冇諗過湯底係可以就咁飲都咁鮮甜而又帶少少麻辣，湯撈飯又或者酸菜魚同飯一齊食真係好好送飯👍🏻佢地自家研製嘅酸菜，⼝感爽脆，酸度適中，⼗分開胃。⽽⿂肉選⽤鱸⿂，⾁質緊實，鮮味嫩滑。脆豆腐口感似魚旦片，爽滑又彈牙，同酸菜魚好match👍🏻 大滿貫小吃拼盤 $82 有選擇困難嘅我，呢個「⼤滿貫⼩吃拼盤」就啱晒我，有川式經典小酥肉、炸雞翼、薯粒及蝦片，點上麻辣粉同蜜糖芥末醬更加惹味😋 夫妻肺片 $58 口感爽嫩，味道麻辣濃香，感覺辣嘅程度勁過酸菜魚少少，越食越麻辣😛 蛋酥軟糍粑 $58 加入蛋漿去炸嘅糍粑都係第一次食，確實多左蛋香味，糍粑外脆內軟，配黃豆粉同黑糖漿，煙韌香甜❤️ 好喜歡飲品區，可以自己沖泡陳皮洛神花茶 ，用返佢建議嘅份量就恰到好處，真係飲得到陳皮嘅甘香👍🏻每枱仲有一個求籤筒，我同朋友都有玩下求籤🤣不失一個娛樂👍🏻 美味指數🍽：8.5/10 環境指數📸：8.5/10 整體表現💜：8.5/10 CP值指數😎：8.5/10

約咗朋友去大圍食飯，大家又唔係好肚餓，所以就揀咗呢間居酒屋，可以食吓小食傾吓偈。餐廳 木系裝修，有好多日式嘅擺設，而且樓底高，空間感十足，當日都幾full，所以我哋被安排到吧枱坐，感覺更加地道。 胡麻豆腐蕃茄沙律 $78 沙律菜新鮮，蕃茄爽甜，配嫩滑嘅豆腐及胡麻醬好夾好fresh👍🏻 三色腐皮海賊 $98 生吞拿魚蓉、蟹膏蟹肉、角切三文魚粒 食材新鮮豐富，配上甜甜嘅腐皮，三款口味味道都唔錯👍🏻 豚肉韮菜卷 $42 豚肉燒得香脆，韭菜燒得啱啱好唔會乾，兩樣夾埋口感十足👍🏻 牛油果軟殼蟹手卷 $58 軟殼蟹算大隻多肉，炸得酥脆，配牛油果蟹籽口感豐富👍🏻 野菜天婦羅 $78 番薯、菇、南瓜、青椒、茄子 炸粉唔會好厚，好鬆脆，野菜亦保持Juicy👍🏻 日式茶碗蒸 $28@ 蛋蒸得好滑，蛋味香濃👍🏻 一路食嘅時候見到好多特別又精緻嘅菜式上菜比其他客人，所以我覺得可以再次到訪，試吓其他菜式啊❤️ 美味指數🍽：8.510 環境指數📸：8.5/10 整體表現💜：8.5/10 CP值指數😎：8.5/10

近期越多越多人食烤魚，口味都係以麻辣為主，所以一定要約啲食得辣嘅朋友，今次就去試下小魚兒🐟🐠


呢間餐廳裝修有特色，用魚同霓虹燈做主題，主打烤魚同雞煲，仲有其他小食串燒都同樣出色❤️


烤魚有四款種類，醬汁口味九款可供選擇，辣同埋麻嘅程度都可以自己選擇。我地揀左BB辣BB麻，但比想像中辣，不過食食下習慣左就冇咁辣😆


江團魚 $348 （醬爆鳳梨香辣豆花+$18）
魚嘅肉質肥美、油份重，含膠原蛋白，好養顏❤️ 啖啖肉唔算太多骨，連魚皮都煎得好煙韌好滑👍🏻配料豐富，有豆腐、萵筍、芽菜、洋蔥、木耳、寬粉，豆腐好滑嫩，寬麵好彈牙，吸埋湯精華好正呀👍🏻 仲有大量蔥、芫茜、蒜蓉，成個湯底更加惹味👍🏻 鳳梨酸甜又多汁可以中和返個辣味❤️


黑牛柏葉 $98
打邊爐最佳配搭，唔使淥太耐，口感爽脆，吸左啲湯精華好正👍🏻


燒牛舌心串（孜然）$38
肉質鮮嫩，口感爽彈又juicy，孜然粉好入味好香口👍🏻


椒鹽豆腐 $68
豆腐好嫩滑又夠豆味，炸漿唔厚，一啖一粒，惹味又唔油膩😋


荔枝乳酸爆珠梳打 $38
草莓乳酸爆珠梳打 $38
酸酸甜甜嘅梳打飲品，可以解辣❤️


餐廳食物有水準，呢個份量兩個人食得好飽好滿足❤️ 仲有而家透過社交平台進行網頁訂位，即可享有限時折扣優惠添


美味指數🍽：9/10
環境指數📸：8.5/10
整體表現💜：9/10
CP值指數😎：8.5/10

天氣涼涼地自不然會諗起打邊爐，平時多數都係食港式、四川或者台式火鍋，重慶火鍋都係第一次，估唔到佢嘅食材夠晒特別、別有一番風味🤩 一坐低職員就比一碗紅棗雪耳糖水客人潤一潤喉，味道又唔錯喎❤️ 唔算食得太辣嘅我唔夠膽挑戰麻辣九宮格，所以叫咗鴛鴦火鍋，普通麻辣 $76 +養生花膠雞鍋（加20/位），麻辣湯底麻味適中，辣味都頗勁，花膠雞湯真材實料，雞件嫩滑，花膠都幾大塊，仲有杞子，蟲草花，味道鮮甜，記得飲咗湯先好打邊爐呀😋 醬料（$20/位），比起台式火鍋簡單好多，重點係香油，加蒜蓉少少醬油同蔥粒，可以減低辣度同埋提升食材香味👍🏻 嫩牛肉(半份）$48 必食推介，味道濃郁，好腍，滑捋捋 ，口感一流😍 美國Prime牛小排(半份）$138 雪花分佈平均，肉質鮮嫩👍🏻 藤椒牛舌(一份) $108 第一次食咁薄身嘅牛舌都覺得咁好味，口感特別爽彈，超愛😍 安格斯牛板翼（半份）$98 肉質嫩滑，有嚼勁👍🏻 美國桶蠔（半份）$98 必食推介，Size 巨大，淥完之後依然脹卜卜好飽滿，非常鮮甜，一啲都唔腥，啖啖肉好正😋 珊瑚蚌（半份）$68 好新鮮，口感爽脆又彈牙👍🏻 小郡肝串串（一份）$48 重口味之選，其實佢係醃咗嘅雞腎，肉質彈牙有口感，辣辣地好惹味😍 鰻魚（白鱔）（半份）$58 新鮮又肥美，口感爽彈👍🏻 現炸豆皮（半份）$38 淥完朔晒啲汁好惹味❤️ 餐廳7週年做緊添飲優惠（優惠期去到11月7日），凡惠顧一杯四大天王特飲或者Sapporo七寶札幌生啤，就可享無限添飲優惠👍🏻我哋每人叫咗一杯嘢飲，分別係水仙烏龍檸檬茶$48，洛神花鮮橙特飲$48，最後添飲衝上雲霄百香果雞尾酒（含酒精），只係每人$48就可以任飲大大杯嘅特飲，真係非常之抵😁 最後餐廳送咗一碟莆田柚比客人享用，柚子多汁又清甜，食得咁豐富，可以解膩，幫助消化😁 總括而言，所有食材都非常新鮮，海鮮類出色，菜式選擇亦多，火鍋湯底價錢超值，好鍾意菜式可以點半份，啱晒我呢啲鍾意試不同款式嘅人😆欣賞每碟菜式都有一個標籤提示淥幾耐，咁就確保喺最佳嘅時間享用👍🏻職員亦都好細心講解菜式同埋醬料嘅配搭。餐廳環境好寬敞，可以對住海景打邊爐嘆美食，真係好enjoy❤️呢個份量我哋兩個人食得好飽肚好滿足呀🥰 美味指數🍽：9/10 環境指數📸：8.5/10 整體表現💜：9/10 CP值指數😎：8.5/10

打邊爐就打得多，未試過一路打邊爐一路可以嘆住冷氣感受露營嘅氣氛😆呢間以camping做主題嘅火鍋店位於朗豪坊對面商場，地點超方便，環境相當闊落，仲有好多打卡位，初頭以為camping櫈會坐得唔舒服，點知一坐低就有種好chill嘅感覺，真係夠晒特別❤️ 夭麻川芎藥膳魚頭湯底 $298 火鍋未滾起已聞到陣陣藥膳味好香，見到咁大個魚頭真係好吸引，入面仲有豆腐、紅棗、紅蘿蔔、芹菜等等，湯底好清甜，魚頭啲肉好滑，我同朋友不禁飲咗兩大碗湯先開始打邊爐😆 日本廣島蠔(4隻）$88 好肥大飽滿，好新鮮，蠔味頗濃👍 牛骨髓 $68 牛骨髓本身冇乜味，不過打邊爐朔左啲湯汁，軟軟滑滑咁都幾滋味👍 手切牛肉拼盤（大）$498 牛魔王嘅我哋當然想試唔同款式部位嘅牛啦，而呢個拼盤就啱晒我哋啦😍 拼盤有本地手切騙牯牛肉、日本和牛、手切安格斯牛小排、安格斯牛粒、穀飼牛舌片、牛展、花雕牛，共7款😍 咁多款嘅肉質都好鮮嫩，牛味濃，最喜歡嘅一定係日本和牛，真係入口即溶，另外安格斯牛粒啖啖肉牛味超濃，牛展平時好少叫，肉質比較紮實，牛舌好爽脆，但個人喜歡厚切😬而花雕牛嘅酒味好重，都幾特別❤️ 總括而言，食物質素唔錯，牛肉有水準，真係一分錢一分貨😆下次可以試吓其他湯底，我覺得都好吸引，同埋好適合朋友聚會，可以慢慢坐慢慢傾👍 美味指數🍽：8.5/10 環境指數📸：8.5/10 整體表現💜：8.5/10 CP值指數😎：8/10

想同朋友食下飯又可以飲吓嘢relax下，自不然都會諗起太子酒吧街。呢間餐廳多年前曾經到訪，食物依然保持水準，價錢合理之餘，份量仲唔細，我哋二人叫咗一個main course再加小食、沙律，放滿全枱，最好食到好飽好滿足呀😆❤️ Blue Diamond $82 Fresh Lychee, Lychee, Lime Juice, Vodka, Blue Curacao 我發覺我Cocktail嘅喜好原來都係離不開荔枝味🤣不過每間餐廳都有佢嘅特色，呢杯藍色整得好靚好有層次感，味道都係酸酸甜甜，酒味唔算濃好易入口，上面粒荔枝好大粒好甜❤️ Lychi Mojito $108 Mint Leaves, Lime Juice, Syrup, Rum, Soda Water, Lychi 朋友叫左呢杯mojito，其實都唔需要多介紹，好多人都飲過，不過呢杯見到佢咁多薄荷葉就知佢薄荷味比較重😆 BLACK PINK炸雞 （4隻 ）$78 值得一讚嘅就係我哋影咗一陣相佢仍然保持脆口，雞肉都好嫩滑，black pink粉紅色醬汁顏色好sharp，食落微酸但味道唔太出，不過同雞鎚一齊食都算幾夾👍 香芒蟹肉沙律 $98 色彩繽紛睇見都好開心好開胃，中間有好多香甜嘅芒果肉同埋都唔少嘅蟹肉，加埋沙律菜配黑醋汁，材料豐富，正呀❤️ 日式焗生蠔 $48 呢個價錢食到兩隻芝士焗生蠔，相當抵食👍 鵝肝多士 （追加）$64 呢個鵝肝好厚身，好肥美，多士好脆，上面少少黑醋汁可以減少佢嘅油膩感，好食❤️ 黑松露炒野菌 （追加）$58 上面鋪滿黑松露醬😍野菌同雜菜炒得剛剛好👍 炭燒美國安格斯牛肩胛 （五成熟、燒汁 ）$168 唔好睇佢賣相一般，其實佢肉質都好鮮嫩，牛味都幾出，仲有少少咬口，side dish有薯蓉配上羅宋湯味嘅雜菜，配搭夠晒特別又美味😋燒汁調校得幾好，不過我更鍾意原汁原味，點少少海鹽就已經帶出佢嘅牛味啦❤️ 美味指數🍽：8.5/10 環境指數📸：8/10 整體表現💜：8.5/10 CP值指數😎：8.5/10

觀塘多特色Cafe好多人都知，但冇諗過會有一間裝修咁有格調嘅法國餐廳😍位置喺觀塘同牛頭角中間嘅上樓餐廳，餐廳地方十分寬敞舒服，有個好chill嘅梳化位可以打卡，氣氛好寧靜，好適合情侶閨蜜約會同埋慶祝生日，餐廳仲設有私人大房，可以搞小型function或者一大班人gathering👍 今次我哋叫咗兩個set dinner，包括頭盤、餐湯、主菜、甜品及餐茶，然後再叫兩杯Cocktail🍹🍸 餐包 有兩款唔同嘅餐包，暖暖地好鬆軟。 鯷魚車厘茄沙律 鯷魚味道鹹鹹地，唔會好腥，沙律菜好新鮮，配埋黑醋汁一齊食酸酸鹹鹹咁原來好match❤️同埋有銀白色嘅鯷魚點綴感覺更加精緻❤️ 蟹沙律酥皮撻 擺盤好別緻，酥皮又薄又脆，細細件但係蟹肉都唔少，開胃又好食❤️ 龍蝦湯（+$18 ） 非常香濃，飲得出有龍蝦殼嘅味道，入面嘅龍蝦肉都好新鮮彈牙，好味❤️ 法式洋蔥湯 洋蔥湯有好多洋蔥，飲落好鮮甜，加上面頭有用芝士焗嘅麵包，芝士嘅鹹香令到成個湯更加濃郁❤️ 熟成21日阿根廷西冷配法式賓利士汁 $388 西冷牛扒肉質鮮嫩，口感爽彈有嚼口，牛味濃，好鍾意佢外面燒得好香口，鹹鹹地好惹味😋Side dish係醃酸咗嘅青瓜同埋好爽脆嘅蘆筍，配搭新鮮❤️ 燒黄油春雞配羊肚菌黑松露汁 $328 雞髀位置好嫩滑，雞肉有少少鹹味唔會淡茂茂，薯蓉味道比較淡但質地滑順，配黑松露汁更好食。 Flamingo $68（cranberry Jus, Orange jus, Gingle Ale） Le Monde Rainbow $78 (Gin, Blue Curacao, Orange jus, Cranberry jus) 兩杯味道差不多，Flamingo似Fruit Punch酸酸甜甜幾好飲😆 Le Monde Rainbow就比較甜，酒味濃啲，打卡一流❤️ Dessert of the day 榛子蛋糕都幾重榛子味，唔會好甜，食落好鬆軟，側邊仲有榛子粒，口感會再豐富啲。仲有用焦糖香蕉做裝飾，食得又睇得👍 另外伯爵茶曲奇餅都好鬆脆呀👍 整體而言，食物質素有水準，環境舒服，以法國菜來講，價錢非常合理，不得不提兩位男職員服務態度好好，有時會講吓笑話同我哋打成一遍，呢一餐飯食得好開心啊❤️ 美味指數🍽：8.5/10 環境指數📸：8.5/10 整體表現💜：8.5/10 CP值指數😎：8.5/10

呢間豆漿大王位於新蒲崗工廠區，店舖位置有少少難搵，但仍有好多人都會為咗食粢飯而來，其中一個就係我啦😆 粢飯 $18 （凍豆漿加$9） 粢飯黎到係熱辣辣，米粒煙韌有咬口，入面有榨菜、肉鬆同油炸鬼，鹹香味十足，油炸鬼脆卜卜值得一讚，仲可以按口味追加，下次一定要試吓全加料，多啲餡料再豐富啲好味啲😆 豆漿豆味濃郁，入口順滑👍 酸辣淨水餃 $36 自家製水餃用上韭菜豬肉作內餡，菜同肉嘅比例剛剛好，內裡保留肉汁夠Juicy，餃子皮厚度適中。酸辣湯個酸辣味唔錯，啲湯唔會稀溜溜， 配料仲要超多👍 總括而言，CP值高，食物質素唔錯，難怪多年來人氣高企👍我見好多人都會外賣粢飯喺餐廳門口食😆 美味指數🍽：8.5/10 環境指數📸：7/10 整體表現💜：8.5/10 CP值指數😎：9/10

Lawry’s 係一間老字號嘅扒房，主打燒牛肉，食物嘅質素真係唔錯。環境優雅舒服，入餐廳前嘅旋轉樓梯都幾有格調，餐廳內嘅大圓拱頂充滿古典甚具氣派，係慶祝生日或anniversary一個唔錯嘅選擇🥰 餐前麵包 法包微熱，外脆内軟，兩款口味都好食😋 Cream of Mushroom 蘑菇湯有一粒粒嘅蘑菇粹，味道濃郁👍 Lobster Bisque 龍蝦味都幾重，龍蝦肉彈牙👍 Spinning bowl salad 侍應會喺你面前轉動放喺冰盤上面嘅沙律盤，然後一路mix啲沙律，上菜時侍應會比一隻冰凍嘅叉你，令到整碟沙律保持適當嘅溫度，沙律菜食落更爽脆，入面材料都好新鮮，配上炸麵包碎，少少酸嘅沙律醬，好開胃呀❤️ Prime Ribs （Lawry Cut） 我叫左medium rare， Lawry cut厚度適中，因為如果太薄口感冇咁好，肉質好嫩滑好juicy，牛味濃郁，入口軟稔👍 Grilled Baby Rack of Lamb 我都係叫左medium rare，好欣賞呢個羊架，粉嫩色好靚，肉質爽彈，羊味十足但唔會羶，羊架邊邊少少燒焦，加上咸咸地嘅香料，食落好惹味😋 Side dishes有Yorkshore Pudding 口感鬆軟，有香濃嘅蛋味 。薯蓉都好香薯仔味同埋幾滑，配埋燒牛肉汁食一流👍 美味指數🍽：8.5/10 環境指數📸：9/10 整體表現💜：8.5/10 CP值指數😎：8/10

平時好鍾意食西班牙菜係因為每間餐廳都有佢特色嘅tapas，款式多又精緻，呢間餐廳亦唔例外，食物質素有水準，仲有不同種類嘅飲品，可以同朋友摸吓酒杯底。餐廳裝修都好有心思，其中牆身畫左啲好可愛好有外國feel嘅畫，打卡一流❤️ 西班牙蒜油蝦配多士 $88 十分驚喜嘅菜式，蝦大隻又彈牙，多士十分香脆，好鍾意個醬汁，酸酸甜甜少少辣，好香蒜蓉味，淋喺蝦同多士上面食超正👍好味到最後我連汁都飲晒，真係好誇張😆 澳洲殼飼豬鞍串燒 $138 豬鞍肉質好鮮嫩好juicy，燒得好香，配車厘茄洋蔥香葉一齊食口感更豐富😋 北海道松葉蟹腳忌廉意粉 $188 意粉軟硬適中，忌廉汁好creamy，松葉蟹腳好鮮甜，意粉入面仲有好多蟹肉啖啖肉，加埋baby asparagus，完美配搭😋 Earl grey martini $87 earl grey tea infuse vodka, lemon, lime, honey syrup 賣相好靚，味道微酸帶甜，飲到少少earl grey茶味，酒味唔會太濃❤️ Muze punch $55 orange juice, pineapple juice, banana 賣相都好靚，味道有啲似Fruit Punch，酸酸甜甜，加上少少香蕉蓉，幾好飲❤️ 餐廳位於太子酒吧街，交通方便，逢星期三、五、六仲會有live band表演，可以聽歌又可享受美食，相信氣氛一定好好，值得再次到訪嘅餐廳👍 美味指數🍽：9/10 環境指數📸：8.5/10 整體表現💜：9/10 CP值指數😎：8.5/10