自從通關後，就再無係香港食omakase
係社交平台見到e間有流心膏瀨尿蝦食，認唔住要訂枱試試


今晚同朋友食e個餐，賣點就係瀨尿蝦
預早訂枱有折，埋單每人$13**

前菜2品 冲繩水雲配柚子酢北海道榮螺
水雲柚子酢十分開胃，榮螺無怪味充滿咸香


刺生4品
左上真蠔海膽三文魚子右上春魚
左下深海池魚 右下鰤魚
4款都好味，印象最深刻係春魚，燒完魚油爆發好好味


海膽天婦羅配日本小青椒
輕輕炸後海膽比較結實，不太特出


昆布高湯流心班馬賴尿蝦
今日主角，見到個膏真係好激動
整體味道偏清淡，2件蝦食完好膩，
好想加2粒鹽提一提個味道


甘鯛雪立燒
第一次食雪立燒，
魚鱗炸到脆卜卜，魚肉保持軟滑十分出色
魚肉下配海膽醬，為魚肉提多一點鮮味



壽司八件

左上至下
赤蝦-加了黑松露醬有d遮掩蝦的鮮甜
安康魚肝-自家製，兩面都用火充滿燒過，迫出魚油，但入口仍然食到酒香，超出色
喜之次-魚中公主
A4和牛-師父話有煙燻30分鐘，令和牛除了牛肉味再加上另一種風味
右上至下
坊主銀寶-超稀有魚種，魚肉滑中帶油脂
鯖魚捲-唔係普通既鯖魚同飯，入面仲有吞拿魚蓉，鯖魚仲有燒一燒，真係好得
吞拿魚腦天-一條人咁高既吞拿魚只可以有2條肉，十分精貴，燒過既魚肉再加底下的脆片，估唔到咁夾
壽司小盒-海膽白蝦三文魚子鮮既組合

當我以為食曬壽司，師父仔靜雞雞由廚房黎左d炸野出黎
原來係壽司拿破崙，有海膽吞拿魚蓉
最後再用蘋果木即場煙燻
估唔到咁正



北海道毛蟹釜飯
其實食到依個時候已經飽到上心口， 但當個飯上枱時一揭開個蓋，毛蟹嘅香味真係好正
仲驚喜係個飯有飯焦


魚子醬魚湯-十分鮮


心太軟
估唔到壽司店既甜品都做得好好





整體體驗十分好，師父十分健談，
食得超飽，選料有心思
值得一食再食

終於試左e間餐廳，服務就麻麻咖喇，每一句都好悔氣。 叫左lunch set ，選2前菜，1主食 前菜選了醃製蕃茄配奶咀芝士 蕃茄醃後偏酸但勁開胃，芝士有小小奶蘇味，夾埋蕃茄就中和左 另一小食加hkd188要火腿拼盤 拼盤有齊店內4款火腿， 但第3款火腿無落牌仔😂 估唔到最好味係36個月，油香同肉味最平衡。64個月可能要配酒會比較出色 温泉蛋配伊比利亞火腿黑松露忌廉汁長通粉 溫泉蛋賣曬，轉左太陽蛋，個脆邊太陽蛋好好味。。。。紅色一絲絲係辣椒絲，加埋意粉好夾，意粉夠熱掛汁，十分出色 咖啡拉花好靚，但奶泡打唔夠時間，影左一陣就開始塌。。。 lunch set 齊體ok ,可以一試。

葵涌係掃街天堂，幾個月無去，今日發現一間新食店。 三姐小食,賣香港人最中意既滷味串 有大路既墨魚 生腸 腸花 豬耳 豬頭肉等等 佢有幾個唔同價錢既小食set ，自由戀愛由hkd30～40 我叫左hkd40,墨魚 生腸花 鵝肝 墨魚彈牙,生腸花爽口， 最有驚喜係鵝肝，鵝肝切成一片片，十分軟滑。 呀姐落醬好大方，黃芥辣好夠味 下次一定要再幫襯！

講起元朗酸菜魚，一定要食楊記 細份bb辣 味道keep住夠香辣麻，但裝修後配菜份量好似少左 必點炒菜花 川味腸仔 睇海報以為細細碟點知勁大碟$1** 但真係食唔到，又干又硬個，好重煙燻味 唔岩香港人口味 炒茶樹菇 比較干，麻麻 配黑糖醬 好好味

第一次食東南亞料理研究所，只有簡單2張menu,全文字沒有圖，排版可以更好令客人更加容易睇。 最後點了2人餐，有拼盤有主食有甜品，可惜飲品要單點。 手撕雞牛油果沙律，中間加入香草，好好味 小食拼盤 春捲正常唔太油，雞翼炸得岩岩好熟勁嫩 好出色 扎肉米紙沙律，米紙放最面下面有好多扎肉，菜,香葉 牛油果咖啡 比例做得好 唔錯 飲到咖啡晚香同牛油果濃郁既味道 藥膳雞 份量超多 雞肉勁滑 ，個汁撈飯一流 泰式美極蒸日本桶魷 最好味係e碟，魷魚爽脆，美極唔太咸 超正 班蘭蜜糖厚多士配椰子雪糕 個班蘭汁超正，多士充滿班蘭汁，邊位微脆 e間餐廳食得過，但menu改改會更好😅

元朗壽司店林立，最近又有近開的鮨意。 餐廳內只有立食位置，立食枱下有一層可以放自己隨身物品。 網上見到其他相片，賣相吸引，所以今日收工過來買外賣。 澳洲牛油果軟殼蟹捲-中規中矩 池魚壽司，梅鯛壽司，油甘魚腩壽司，大吞拿魚腩壽司 甜蛋-中間偏乾，有小小過火 三文魚腩，赤蝦 全部壽司都好新鮮，部分魚肉面有𠝹花 魚肉厚度夠 飯團為一口大小，可惜米粒有小小偏硬影響口味，酸味不足。 整體十分滿意，外賣回到家時，壽司都是美美的。

最近時代廣場推出很多餐飲及購物優惠。 其中餐飲優惠券，於指定餐廳每消費＄100可減＄50，最多可以使用10張。即買滿＄1000最多可減＄500。 今次就買了鮨穴的特上刺生拼盤外賣，有大約10款刺生，包括牡丹蝦，大拖羅，三文魚腩，油甘魚，帶子，海膽等等 全部刺生質素十分高，其中2款有皮魚，魚味突出，海膽細細片但濃厚鮮甜，大拖羅甘香肥美。。 另外點了一隻粒貝刺生，十分鮮甜爽口。 餐廳下午都有set lunch,有機會要試試。

餐廳前身是西班牙餐廳，走中高價位路線，最後結束離場，由Green Waffle Diner 頂上。 有lunch set,但今次點了餐牌內的食物。 牛扒 炒蛋 沙律$148 牛扒比茶記厚小小，但無得選熟度，牛油救了牛扒，炒蛋超好味!多士夠脆。 半份Waffle 煙三文魚 煎蛋 蜜瓜 $** Waffle 脆口，蜜瓜不夠甜，煎蛋很大隻。 加$38 有一件班蘭pan cake,不錯。 鮮奶咖啡，好飲，入口順滑。 服務有待改善，希望店員能更主動執走用完既餐盤及加水。

近期興食船麵，估唔到現在元朗都有得食。 第一次星期日12點前到達，發現已出現人龍。所以前幾日星期一再光顧。 小店開1130，今次11點45左右到達，不用等位，店內仍然有數張吉枱。 坐下後大約11點52分下單，點了牛肉及豬肉船麵，牛扒沙律，泰式凍奶茶及 香茅班蘭特飲。 等了大約5分鐘，飲品先到。 泰式奶茶，真係好似係泰國飲既一樣。 香茅班蘭特飲，很清新，不錯。 等了差不多15分鐘，仍未見上麵，當時店員才通知牛扒沙律因未準備，所以不能供應，所以我們點了雞翼拼盤。 當時發現店內已坐滿食客，但大部分比我們先到的還未有食物上枱。 門外開始有人龍，然後看到店員拎了4大包外賣給門口的人客，估計是一早打電話下單。 過了差不多20餘分鐘，店內食客終於有開始有食物。 牛骨湯底好正!有淡淡的藥材味，湯頭很濃。 豬皮不脆，偏硬，牛肉丸彈牙濃肉味，牛腩粒甘香軟滑，通菜很嫩，切成細段分別入口。河粉煙韌掛湯一流。 豬肉丸比較牛肉丸無咁彈牙。豬肉片軟滑。 拼盤雞翼數量比想像中多，右上醉翼味道不錯可惜肉質偏鞋 。左下紅咖喱味不辣，3款中最好味。右下 香茅雞翼味道不夠。 整體來說，雞翼肉質偏鞋。 明白新店一開始會有各種問題，例如人手不足，流程不暢順。但食材準備不足，實在要盡快改善。

去睇鐵打途中，看到一個十分特別的店名，"炯記"。 網上食評多說炯記撈麵的鹼水味太重，但我又好想試手撕雞，所以最後都試一試。 點了鴛鴦手撕雞撈粗 等了好一段時間才上菜，先試一口湯，清湯配上青蔥，很清爽。 鹽焗手撕雞，雞肉軟，夠味。 麻辣手撕雞，只有一個辣度，太辣，太重口味。 鵝油撈麵，麵質彈牙，中式麵特有鹼水味，但不難吃，我覺得如果無了這種味會失色。鵝油適中，不會太油或太乾。 埋單時發現有一凍櫃賣不同味道的雞腳，全部$10，十分抵食。