2024 新一年嘅開始要搵間每樣野都很好的酒店食返個afternoon tea~開返無幾耐時試過，感覺不錯，所以新嘅一年又來看看有沒有什麼變化！結果係比我預期更好，值得我重出寫一篇食評！也升回我心中的afternoon tea 餐廳top 3之一！^^ 首先環境不用說，繼續是很寬敞的位置，加大玻璃採光維港景色，很舒服！而且不限時，相當悠閒，現在很多tea也限時一兩輪～ 今次是新一年的menu, 比上次感覺多了食物！上次來吃只有兩個scones, 今次多返兩個正常返～cotten cream繼續好好食，不過berry jam那個略覺得味道怪了點～ Scones繼續暖暖及有牛油香氣，即使我們因為拍照隔了一陣子才吃也有微暖～瑪德蓮蛋糕也香口，外有少少脆感，內很鬆軟～ 最驚喜的是竟然有薑汁撞奶，侍應介紹完後，便放了小漏斗計時，ok便可以吃！很薑味，很配當天有少少涼風，可以暖胃暖身，質感很滑！ 三文治一如既往好吃，由淺味至濃味～每一件都很用心，也有頂上的醬料及裝飾去配搭！雖然都是熟悉的款式，如三文魚、雞肉、醉蛋等，但加上醬及混合配料，味道很好！ 訂座時有mark生日，同朋友慶生! 餐廳會準備生日牌～ 全場最好吃我覺得是這個，本身不太喜歡吃栗子蛋糕類，但這個入口真的絲滑 smooth 到不能形容，內裡有些柚子肉，最底有糖粉脆，多重味道！ 這個玫瑰berry也不錯，聞落已有rose香氣，內裡有berry肉同醬，但又不會太酸～底層還有脆粒餅很好吃！ 全部甜品都不會過甜，而且每件的cream很滑很好吃得來不會覺得膩，這很重要！ 吃到差不多，最後侍應奉上青檸雪芭，可以中和成個tea refresh一下，清涼得來不會極酸，很好的結尾！ 服務一如以往的五星級，而且侍應不停幫手加水及看到茶杯沒有水也會斟，很自動自覺！ 加上每一位侍應也笑容滿臉，給客人很nice很warm之感！ 吃過不少餐廳及酒店afternoon tea的小妹我經常說：餐廳或酒店各方面的應要對得起相應的價錢，不論多客人或少客人！ 第二次吃後感想：值得繼續encore的一間！

本身疫情後沒見朋友們幾個月, 朋友又想吃芝士炸雞，便在月初訂了這家，想一起過happy Friday~但今天晚上是撲了個全空！ 8/5 經這裡預訂了，然後今天一位朋友到了訊息說找不到店，圍了板，未到嘅我們就覺得'唔係呀嘛'，應該朋友搵錯未搵到，然後我看到食評今個月16號還有人寫，更信朋友搵錯～之後朋友見到大廈連餐廳名牌都吉了！打電話去餐廳係mail full~Oh~一個開心星期五變了要走圍搵地方食野，真的心情大受影響！還好，最後都搵到間餐廳，唔駛等好耐，朋友已累！ 如果餐廳已知結業，為何還給客人網上訂座，還有，見到有booking但沒有通知客人，真的快樂星期五嘅心情有點不是味兒，打亂計劃！這次後，下次預約什麼的都係早一日再打去confirm~說完～

復出寫一下食評~~對上一篇應該已經是幾年前了!! 因為公私兩忙所以沒有再寫作~~而且今年1月後疫情關係也沒有出外吃, 不過對於鍾情下午茶及能在此得到治癒的時間, 月尾開始我要重新出發再吃美食及精美下午茶, 所以先來一篇復出食評, 雖然已經是幾個月前的, 但是對於這次朝聖的體驗真的想記下來分享下。這間是之前蠻出名的朝聖之地, 除了聽說住宿環境很好之外, 打咭住置就是漂亮維景下午茶, 要預早預約才能吃到!! 酒店餐廳也很貼心, 早一天會whatsapp當天餐牌及地圖教客人如何前往, 因為真的不太易找。地點在K11 Musea購物中心隔壁, 地鐵站J出口那邊上電梯往Musea的方向走, 右邊的小路就是Artus酒店的入口, 那大門真的讓朋友跟我以為走錯, 如果不是有地圖教的話! 進去真的有種去了另外的空間的感覺, 職員詢問我們要到哪裡便幫我們按lift上去餐廳, 本來地下大堂蠻暗的, 但一上到來lobby就截然不同了, 超級明亮, 加上當天的好天氣, 真的讓人有種很舒服的感覺! 出lift後一直往左邊走, 一直走會看到lobby不同的佈置, 我覺得像去了一間show flat一樣的感覺, 又高級、清新及舒服!! 職員帶我們入座時看到基本上8成的位置都是對窗傍邊, 所以坐到的機會很大, 當然預早約時request最好!! 

坐下後點了飲品就打咭拍美照了, 因為天氣好, 加上漂亮的環境, 真的心情也變好!! 我們的位置也能看到酒店的住宿露台, 也看到客人在露台吃美食, 應該也蠻舒適, 不過staycation的價格也不便宜~不久, 食物就來, 每枱的食物架也蠻特別的, 擺放食物也很用心!! 侍應也很小心的放上去~因為小妹今個月生日, 而且有銀行優惠有一個小蛋糕, 蠻開心的! 預訂的時候也可以寫下birthday request給餐廳啊, 平時也可以餐廳也會寫上字句啊!今天叫了Floral Earl Grey, 除了有Earl Grey的味道, 還有淡淡果香, 配下午茶蠻合適的。先試淡味一點的, 油甘魚蠻新鮮彈口而且都不少, 賣相蠻美的, 但可能我不太吃魚生, 所以just ok; 另外牛肉他他, 配料及醬汁蠻東南亞的味道。這個炸雞迷氣漢堡個人覺得乾了一點, 包也不太有口感, 而且真蠻迷你的......這個我覺得是咸食中很好吃的一種, 醬料配這個夾包加菠蘿, 蠻好吃~不過五花肉就不是韓式的那種一大片燒烤的感覺, 但整體蠻好吃的。檸檬柚子球一咬下去真的蠻酸, 但又可以中和之前吃的膩, 而且可以咬到小粒的柚子粒蠻清新; 另外的栗子的栗子香也不錯, 但不是我個人的口味。薑味焦糖布丁很滑蛋味香很好吃~~這個特別的朱古力麵豉包芙真的很驚喜, 是甜品但朱古力味上有咸的麵豉味, 真的驚喜得來不太喜歡, 有點怪跟不搭之感。這兩個鬆餅很不錯, 凍了也有點脆面的感覺, 是我吃過眾多下午茶之中蠻好吃的一個, 而且朱古力棒子味的鬆餅蠻少見。下午茶體驗不錯, 而且望著漂亮的維港景嘆下午茶, 真的心情都變好, 是一種生活的享受。服務方面也不錯, 侍應會幫忙拍照, 還會移動擺盤令構圖更好, 也主動加了幾次茶。不知不覺, 時間又過去了, 吃完後就看一下那lobby的佈置裝飾, 說真的感覺很舒服, 如果有時間在這裡待久一點的話也不錯, 座位也很舒服, 也可以看到黃昏的景色!! 這個大大的國際象棋盤真的很漂亮!!坐在這裡真的很舒服~地方也蠻大的。雖然下午茶價錢也不太便宜, 但整合來說很值得, 在這裡真的會有種healing的感覺。所以月尾今年復出的第一次下午茶我又去這間啦, 不知款式跟服務有沒有不同, 到時再寫一下食評吧!

香港食肆何其多, 能突圍的原因除了美食外, 環境也是佔一大比重! 尤其現代人更著重各種品質去襯托美食, 今晚就同閨蜜一齊來到美美的地方!! 這家開業不是太久, 但已經有一班捧場客, 因為由門面開始就很吸粉, 尤其與好友知己來吃, 之前朋友經過已經很想去品嚐, 所以便約了今晚同行!! 7時多的時間已經有不少客人, 還好我們預訂了座位, 侍應便帶我們入座…… 這家是Master Kama品牌旗下的, 今次是以女性概念出發, 門面粉色系加上”Girl Boss”, 已經能吸引女士們的心! 入裡環境簡潔新潮, 當然不失主色粉紅, 雖然地方不是很大但間格也不錯! 餐巾也是pink pink系的, 餐牌是紙質的, 而且可以直接用筆在上面填寫要什麼, 我們兩人決定選擇一個 “Bossy Royal Set”, 感覺價錢不太貴, 而且可以點蠻多的款式 (因為某些是half portion), 最岩食唔多但有選擇困難症的女士, 填好便給侍應就好了! 不過Set是不含飲品的, 所以我們分別點了以下的: Bunny’s Peach (小月兔白桃茶) ($58)~~~近來要養生所以都是飲熱飲, 名字已經很可愛的吸引我, 而且很喜歡桃味, 所以點了! 整壺上桌, 茶壺及杯子也是美美狀, 而且杯子裡有檸檬及桃粒, 倒出的茶蠻香及有清幽香氣, 飲落幾香桃味, 好舒服的感覺!Pineapple & Mint Teat ($58)~~~朋友點選的凍飲, 比想像中大杯, 而且很多菠蘿肉, 朋友說很清新及蠻fresh的…… Salad/Soup (選兩款):  蟹肉牛油果蘋果青瓜沙律~~~用玻璃樽盛著一反平時的感覺, 幾得意, 這幾款夾埋幾配合, 蟹肉加醬好食, 各樣mix埋一起是不錯的前菜選擇……有機紅藜麥、椰菜花古斯米、檸檬芝麻沙律醬~~~雖然藜麥近年盛行, 但我好少食, 朋友就多吃, 所以選了~很多時我覺得佢質感怪怪, 但今次食落口感軟軟加有咀嚼感, 配上特製的醬, 感覺又不同, 蠻特別的~ Appetizer (兩款Half Portion): 這裡另一個吸睛點就是根據客人點的菜式, 會將前菜及另一款菜式以三層架上桌, 頓時覺得自己在食afternoontea咁, 擺放得很漂亮, 而且每一隻碟都是自家品牌的名字, 金色的輝煌, 簡潔不俗氣~龍蝦/黑松露/芝士魚子蟹肉玉子燒~~~這個三款料選一款, 我們選擇了芝士魚子蟹肉, 因為覺得同玉子燒會好match! 玉子燒好嫩滑, 裡邊夾的料也蠻多, 每一啖都是滿足的質感…… 白酒醬烤雞翼~~~初初覺得個醬會否好奇怪, 但一上桌已經聞到好香, 更能提升烤雞翼的美味, 而且雞翼烤得唔乾很嫩滑~ Main Course: 香煎西班牙豬腩肉、玫瑰蘋果沙沙、薯蓉、烤蔬菜~~~望見已經很有食慾, 豬腩肉煎得好香, 雖然腩肉比其他部位會肥少少, 但加埋清新的青蘋果沙沙汁可以中和下, 仲有薯蓉好滑好soft, 而且量很多似多過一碗飯, 哈哈~~蔬菜都有不同款式, 我覺得薯蓉可以少返少少加多點蔬菜更好!Burger & Pizza (Half Portion): 流心芝士龍蝦三文治~~~來到這家怎能不吃龍蝦, 本來想在main course時叫, 但近來皮膚不太好, 所以就少少地吃吧! 龍蝦肉其實都唔少, 而且幾彈牙新鮮, 配上芝士合而為一, 不過就唔算太流心, 上桌時還有少少, 可能熱度不夠, 但總括係好食的!Pasta & Risotto (Half Portion): 三文魚白汁五色蝴蝶粉~~~一望到就覺得好creamy, 心諗會唔會好膩呢? 但吃著又唔覺, 而且唔會好咸, 吃到最後都仲有好creamy的汁! 混合三文魚吃好味~~菜名寫著五色蝴蝶粉, 原來係其中裡邊包含, 我覺得可以真的用不同色的蝴蝶粉, 那樣上碟會更靚~~ 吃完同閨蜜都覺得好full, 以主打日式及西式的fusion菜來講, 食物質素、環境、服務及價錢都不俗, 而且主攻女士心, 我覺得蠻成功的, 除了能與閨蜜來一聚, 其實情侶來也不錯, 男朋友們可以帶女朋友來, 一定會很喜歡~

近期天氣真的很熱啊, 好想食d地道野同刺激下口腔的菜, 這家之前就吃過覺得蠻不錯同地理位置幾好, 所以上星期又與一眾朋友來吃了, 今次點的菜式也有少少不同, 因為都有不少新款的~~~ 椰青水 ($38)~~~近期蠻喜歡飲的, 因為真係覺得好清涼, 而且價錢蠻抵, 加上這家比起我之前吃的店, 好像較大, 我就是一頓飯也飲它耶, 可耐飲呢!! 雖然應該飲其他特色的, 但這個覺得蠻原狀及真的能解香料喚喚口腔之飲品, 所以就選了~~ 鮮蝦柚子沙律 ($138)~~唔知點解食泰菜通常都會點柚子沙律, 因為作為開胃菜, 少少酸酸甜甜清新的咀嚼感加上嫩蔬菜是不二之選, 這款還加了大蝦, 眼看都不少隻數, 而且幾大仲好爽口, 好似涼品那樣, 好味!! 火雞腎串燒 ($15@ 兩串起)~~~好少地方有這款吃啊, 而且真的蠻特別!! 吃著口感其實同普通雞腎有點似, 但大舊同實在d, 加上燒烤的關係, 外皮有少少脆口, 蠻特別不錯的一款, 想試新野的朋友可以叫~~ 燒鮮冬菇 ($15@ 兩串起)~~~估唔到一樣蠻普通的食品, 但這樣整起來幾好食, 源於朋友勁鍾意食冬菇, 這款好稔好有汁, 完全唔乾, 仲有好香的燒烤味, 加上醬汁有少少沙茶醬的配上來很不錯, 就咁食都好食!! 泰皇咖喱蟹 ($380)~~~這個簡直是盛宴級啊!! 雖然價錢不是太便宜, 但吃著覺得蠻值的, 只是那個汁就已經好感引, 不是太辣, 還有少少甜味, 加埋泰式香料, 味道好濃, 蟹肉都好嫩, 都有蠻多的肉, 加上配法包的話, 真係好好食!! 尤其那個汁真係可以混幾碗飯, 哈哈~~ 泰式豬手 ($128)~~~好味同抵的一款, 豬手而家閒閒地普通一家店都要百幾二百蚊, 但好唔好食就唔知!! 這款一上枱已經覺得份量不少, 看色澤也感覺到很入味那款!! 那要看吃著的食感如何~~估不到稔得來有韌度, 極入味, 外皮的骨膠原質感蠻重, 無論皮同肉都好入味, 好味的菜式之一~~~ 海南雞 ($108 半隻)~~~其實好多食店都有這款, 不過做得好唔好就是另一回事,這家的蠻嫩, 雞肉同皮都做得幾好, 滑滑的感覺, 而且無咩雪雞的味道, 加上配的泰式有少少辣味的汁, 蠻不錯~~ 飛天炒雜菜 ($75)~~~食左咁多肉, 當然要點一個菜啦, 炒雜菜無易是一個選擇, 因為很多款式, 而且看那些菜的色及吃著的質感, 好嫩啊~~加上頂會灑一些炸過的蒜粒, 好香口, 吃肉肉餐之時不忘點個嫩嫩的菜來中和一下!!  華欣咖喱蟹球配法包兩塊($238)~~~嘩!! 這個絕對是呃LIKE之選, 哈哈~~一上枱的造型就已經好吸引眼球了, 勁大個漢堡扒一樣!! 好有一柱擎天的感覺, 真係好大個啊~~聞落去又好香, 中間個支是大大的香茅, 我們都奇怪點解要那樣的擺設, 但後來就知道用途了~~看肉汁的色澤好似幾辣咁, 先試一試, 有少少辣但唔算好勁, 想切開的時候, 香芧就發揮作用了, 就是作固定幫助, 哈哈!! 切開好厚好實在啊, 裡邊好白雪雪, 好彈牙啊, 就好似平時吃那些手打丸的好煙煙韌韌, 太有質感了, 仲有蠻濃的蟹味, 沾著汁吃好配啊!!   芒果椰汁糯米飯 ($78)~~~平時都吃得多這款, 但這個蠻特別是三色的, 而且廚師整到好似少少心形狀, 很可愛啊!! 女孩子例必鍾意, 三隻色有少少唔同, 普通椰汁, 中間係芒果汁, 仲有紫米, 芒果好甜啊, 好味的甜品~~
很滿意的一餐, 坐得舒服同唔係太貴, 幾有質素, 而且平日的日子都滿座, 可見受歡迎程度, 下次可以再同大伙人來吃多點其他款!!

上環其實是一個隱世美食的地方,雖然不常去, 但也聽說有很多不錯的食店, 今次跟好姐姐來這家法式甜品店, 只睇店內裝修已經跟平時的甜品店很不同!! 地點就在西港城的對面, 抬頭一看就能看到搶眼橙色的招牌, 望入去店不是太大, 但很簡潔, 而且設計蠻用心的…….這家店是由兩位法國好友創辦的,其中一人更於法國朱古力品牌Valrhona擔任餅廚, 所以質素是很有保証的!! 室內設計幾有心思, 好有energy好有年輕的活力及概念, 應該是配合製作餅的理念吧~~ 近門口有貼著一些介紹這店的資料及signature的tartes, 大家心思思唔知揀咩好時可以睇一下!! 另一邊係好多好多的盒子, 還是有歌手親筆簽名的, 店的名字有 “POP”字, 創辦人應該是很喜歡流行音樂的, 之前在fb見到還有給之前開唱的 Britney Spears啊, 我也有看那場演唱會呢, 學生回憶啊, 呵呵~~ 講返tartes~~其實款式都多, 不過我們近放工的時間去, 所以不是太多選擇, 很多也賣晒啦 (聽說抹茶那款兩點就賣完了!!), 還好有新款及其中的signature款~~看到玻璃櫃的外賣盒子也很得意, 9件獨立包著, 都有小盒子, 或16件小tartes, 其實價錢都OK, 真係可以考慮作散水餅呢~~~
講下今次同朋友吃了的三款先:Mojito ($50)~~~這個是新款, 店員說只係出了幾天, 我們有幸吃到啊!! 一看上去白雪雪好感度加, 再加上小jelly同薄荷葉, 一看就是summer item了!! 酸酸的青檸加清涼的薄荷葉的,好開胃好清新, 超級適合夏天吃的一款啊!! 中間有些jam感覺好像混了少少熱情果, 夾埋幾特別, 餅底咬著好有質感, 有軟有硬, 感覺不錯!! Coffee Creme Brulee ($45) ~~~一來到已經聞到好香的蛋香, 表面覺得同其他出面無咩分別, 但面層的焦糖唔係片, 係會好dou dou咁旭的, 咬一口後覺得咖啡味好出, 中間夾著coffee pudding味, 又香又滑, 而且全個吃唔算太甜, 吃多一個都仲得, 怪不得是店中signature的其中一款~ Raspberry chocolate ($45)~~~老細曾任朱古力品牌Valrhona的餅廚, 那當然是引入這家的朱古力, 而且是介乎milk及dark的程度中間, 中間就好smooth, 表面有層朱古力塊, 最底是朱古力味餅底, 不同層次全個都好滿足, 加上酸酸地的raspberry jam, 感覺就唔會好膩, 果然係好match的配搭……. 還有, 如果堂吃這三款也是放在一件唱片型的膠板上, 好特別, 果然貫切POP音樂啊!! 我們初初還想要叉子, 但店員說是沒有的, 因為想客人一口咬, 能將不同層次的都mix一起吃, 這才能嚐出真正的味道, 果然是有道理啊~~
如果早點知道這家店, 散水餅應該可以諗下, 下下都係某幾間大餅店的蛋糕, 來一點特別好味的, 給一眾好同事也不為過; 當然平時對自己好點買來吃或同朋友happy share也是樂事, 下次希望試埋signature款,  喜愛的 Sesame Matcha……

又係時候同幾位紅家朋友吃飯聚會啦, 今次選了KT店, 其實之前都食過, 還有其中一位朋友係KT迷加上看到好像有新款菜式, 於是揀了這家作聚會點~~果然款式增多了, 當然是有KT樣子及可愛造型的菜式啦, 加上近母親節都推出了一些套餐給大家選啊, 我們幾位就散叫了吧, 那可以吃到不同造型~ Hello Kitty菜苗餃 ($62)~~~這個可愛, 細小精巧, 精瑩通透, 加埋飽滿的臉, 真是可愛, 裡邊的菜苗同蝦肉都新鮮彈牙, 值得叫~ Hello Kitty爆炸飯 ($108)~~~造型很可愛啊, 成個KT樣, 肥嘟嘟的, 那幾條貓鬚很得意, 飯好像是黃薑粉混合過的, 初初沒留意為什麼叫爆炸飯, 原來係碟側邊有很多兒時吃過的回憶爆炸糖, 哈哈, 很有趣, 不過夾唔夾就見人見智, 但倒是蠻特別的呢……Hello Kitty啫啫雞煲 ($78)~~~其實這個比想像中細鍋, 雞也是不多的, 不過那個汁蠻OK, 我地後來將佢用來沾饅頭, 呵呵~ Hello Kitty千層糕 ($68)~~~好耐無係茶樓吃過千層糕, 以前吃過的真是很用手藝, 你會看到很多很多層的, 當然現在少見之餘也沒有那麼多層次, 不過這個KT造型就加分了, 而且蛋味好出, 一上枱幾香, 吃著幾鬆軟, 中間有層蛋黃蓉夾著的, 感覺像馬拉糕及千層的MIX, 初初以為蝴蝶結是糖, 但原來不是, 煙韌得來沒有太大味道的……. Hello Kitty三代同堂 ($108)~~~本來諗住叫KT造型包, 想著要蓮蓉還是奶黃心好的時候就見到這個大包加三小包混合選擇, 所以最終決定點, 揭起大包下面有幾個小包, 真係好似媽媽同囡囡的感覺, 奶黃心係有少少流心感覺好香, 而蓮蓉心唔算太甜都OK; 這個真係要有返幾個人先好叫, 因為都幾大同飽, 加上大包係沒有料的, 有點齋, 所以我們用之前的雞煲汁沾來吃, 餐牌有個還大的要訂造, 適合大伙人來啊!! Hello Kitty乾炒牛河 ($108)~~~四個人得一個飯當然唔夠, 加碟牛河, 呢款之前來也吃過覺得幾好食又大碟, 飽肚之選不為過, 價錢也合理, 所以就點了, 牛肉幾嫩同唔算太少, 炒得都幾足鑊氣! 台灣紫梅骨($108)~~~我地呢幾個人真係大食, 雖說菜式每款都不是太大碟, 但我地真係會再叫其他野, 其實已經叫左好多款, 今次再加紫梅骨, 個汁幾好食, 酸酸甜甜, 加上以為骨多的原來都有幾多肉, 價錢不便宜, 但味道蠻OK……. Hello Kitty芝士撻配雪糕 ($68)~~~這個是新款之前沒有的, 本以為是像蛋撻類或類似街的餅店的芝士撻, 但吃落口感覺好唔同, 外表脆得來粉粉地, 芝士好smooth同埋滑, 估不到有西式的感覺, 這個幾好食, 推!飽飽滿滿的一餐, 最好係星期五都無限時, 可以坐很久, 與朋友談天說地真是樂事, 現在還有消費優惠, 憑單到某些店鋪買東西有85折啊, KT迷不要錯過呢~

話說之前跟朋友們在銅記吃韓菜,之後當然要吃點甜品去清清口腔,朋友經過見到這家新開的所以就試了, 其實名字我知道很久了在旺角甜品街蠻出名的, 不過不知道在銅記剛開啊, 就來試試吧!!
店鋪幾清新乾淨明亮, 加上牆上的畫, 果然是年輕人之選!! 甜品款式多都令我們有選擇困難症啊!!  北海道牛乳綿綿冰($54)~~~幾大碗, 加上七彩的粒粒及那些椰果, 可以令唔太甜無咩味的綿綿冰生色不少, 綿綿冰入口即溶令人覺得好舒服, 清新的一款!!! 芒果拿破崙 ($64)~~~顏色好靚, 加上芒果好大大粒, 拿破崙層次鮮明, 吃著芒果好甜, 加上不膩的cream, 酥皮都好脆及鬆, 好味其中一款!! 紫薯窩夫 ($64)~~~這個就覺得乾同燶了少少, 雖然都脆口但好像過了, 不過個紫薯cream幾滑幾好味……. 紫薯心太軟伴雪糕($66)~~~近來都係鍾意紫薯類, 平時食朱古力或綠茶心太軟多, 今次吃紫色系, 全個都係紫色好靚, 切開係流心的, 不過略覺得個流心色不太紫, 較深了, 但蠻好的係唔太甜, 加上較甜的雪糕及鬆的蛋糕, 混合吃不錯!!
新店期間, 影一款食物up上fb或ig給店員看, 每人可以多一球雪糕啊, 女人真係要每餐吃埋個甜品先叫做完滿啊!! 直到尋晚睇 “馬家開飯” 就見到介紹這店, 我地早過佢地食, 嘩哈哈!!

真係好耐好耐都無食過泰菜啊,之前因為皮膚問題所以唔敢食呢類東西, 其實泰菜係有種吸引力的, 尤其係香料及香口的調味加配料, 所以會有一段時間懷念呢, 今晚就同朋友來吃一吃。 原來這家是之前吃過的燒肉日本料理“牛禪”同一集團, 就是在隔離而已, 所以在門口侍應會問是吃哪樣, 入內設計雖然簡單, 座位不是太多, 但也有少少不失特色的泰式吊燈及擺設, 最能吸引我的是那幅鈔票畫, 因為將好多不同年代的鈔票放在一個框內, 蠻有特色的~~好了, 睇完環境就要點菜, 其實款式都蠻多的, 不過某些就留待下次吧, 今次叫以下幾樣:泰式龍眼蜜 ($45)~~~先來一杯滋潤的飲品, 泰式飲品其實相當出名, 尤其凍飲, 不過近來要戒凍飲, 所以來杯滋潤的龍眼蜜, 一杯都幾大, 而且好多好多龍眼肉, 飲落唔太甜, 好清潤的感覺, 非常啱我……18巷拼盤– 炸魚餅、炸蝦餅、炸蔬菜卷、豬頸肉、炸蟹餅 ($188)~~~泰式小吃大家都知每款都不錯, 但總不能每款也點一碟來吃, 大家多數想happy share, 所以呢款就最好不過, 因為咩都有, 雖然價錢不便宜, 但份量也不少啊, 而且炸物非常香脆, 沒有太多炸粉, 最愛的豬頸肉燒得好香口, 也是嫩嫩的……蒜香大蝦 ($238)~~~好大的蝦啊, 一上枱就香氣四溢了, 尤其那些配料, 又香又脆, 蝦肉也是彈牙新鮮的, 雖然唔係話太多隻蝦, 但肉都不少, 當然價錢不太便宜, 但如果鍾意蝦的朋友是不錯的選擇……原條明爐蒸魚 ($208)~~~養生清淡的當然要吃魚啦, 這個真係清清地, 而且presentation好得, 係魚狀的盤加火上枱, 雖然說清淡, 但配料絕不簡單, 菇類、蒜頭、蔥、粉絲、介菜、肉碎等, 魚肉好鮮味及嫩滑, 個汁好似魚湯咁清, 都會飲埋佢, 簡單得來有心思的一款, 提提大家因為魚上很多配料, 所以如果吃時就要叫侍應給多一隻碗將料搬走先食到魚啊, 所以配料真係好多的…….馬拉盞炒芥蘭 ($88)~~~我覺得是蠻代表泰菜的一款, 因為每次都會叫, 真係唔知點解, 哈哈~~~馬拉盞有咸味, 加上鋪係面的蝦乾及少少辣椒,
野味之選~ 香辣肉碎炒飯 ($98)~~~造形唔錯, 加上半熟蛋, 蛋醬mix埋辣的肉碎飯, 令人不知不覺會吃多一點…….鮮蝦炒金邊粉 ($118)~~~金邊粉必點之選, 相信有吃開泰菜的朋友都會揀, 加上配料多, 有大大彈牙蝦、有花生碎、蛋絲等等, 加上少少檸檬汁, 可以中和那重味的感覺~酥皮咖喱雞 ($148)~~~這個是意料之外的選擇, 朋友說想吃咖喱, 所以點了, 不是平時普通的, 係好似西餐飲酥皮湯咁焗, 一上枱好香, 平時撕開吃會覺得有點飽同油, 但這個完全沒有, 好似印度薄餅咁又酥又似風, 沾上咖喱汁, 真係好好味, 裡邊的雞肉都唔少, 混埋汁真係可以食多碗飯都仲得, 哈哈……泰式椰汁西米糕 ($58)~~~最後要來個甜品作總結, 好香的椰香味, 而且西米粒都多, 每粒都精瑩通透, 作為甜品最不為過~

吃飽飽滿足了我久違的泰菜口癮,坐著坐著雖然是平日, 但都坐了九成滿, 所以應該口啤也不錯吧, 不過再來吃其他款~~

又有一段時間沒有去過這間西班牙fusion菜的餐廳了, 近日它裝修後再開營業, 朋友又沒吃過, 所以就跟她來捧一捧場吧, 看看環境的變化及有沒有加進新款菜式; 7時的時間不是太多人, 之後就開始排隊了, 一入去門面不算太大變化, 最喜歡還是lift位置那幾塊大大的黑板畫牆, 很漂亮; 入內就看到沒有了以前的間板, 感覺環境也感覺寬趟了, 悠閒的桌椅, 中間多為兩人以上的枱, 最入就是長梳化位的二人枱, 一看就是空間感大了及明亮了; 再看看餐牌, 果然也變得更漂亮及多了很多未見過的新菜式, 那當然要試試一些新款吧……貴妃荔枝茉莉茶($39)~~~其實本來想試下咖啡, 見到一款三色的小杯子好像不錯, 不過最終也敵不過喜歡的這款茶, 因為太耐無飲又好掛住啊!! 很香的荔枝味再加淡淡的茉莉茶香, 好清新又解渴, 好岩一年四季飲呢……墨魚汁鰻魚薄餅($108)~~~好少會見到這個配搭的pizza,通常係日本菜或者配上意粉類的配料, 但作為薄餅又豪不遜色, 一上枱已經好香的味道, 芝士及黑白芝麻的香氣, 撕了一塊來吃, 芝士的絲也是連著的, 咬上一口, 感覺很好, 餅是薄皮的好香脆, 而上面的料也是很豐富, 有厚厚的芝士層, 還有質感不錯的鰻魚, 連著表層少少脆口的焦感, 還有紫菜同芝麻, 不同層次的感覺, 這是一個日式及西式的結合, 值得一試……蟹鉗西班牙奄列($78)~~~這個要需時弄, 不過也是蠻值得的, 也是很香的氣味, 一堆紫菜及醬係面, 真係好和風的感覺, 哈哈!! 切開看到有幾舊大大的蟹鉗, 初初以為係有個托盤盛著, 原來全個也是蛋, 切開便能看到那些蛋奄列的層次感, 奄列不算太juicy, 但吃著感覺好實在及飽肚, 食唔到咁多舊, 多人share較好~~加上好有蛋香, 蟹鉗就弄得皮脆, 不過裡邊略覺得乾了少少, 但整體還是不錯的……溫泉蛋卡邦尼煙肉意大利麵($88)~~~朋友想吃的一款, 好多芝士絲, 加上溫泉蛋的混合的汁, 好creamy的一款, 這個相對其他款式就不會有太大驚喜, 但還是好吃的一款……雜錦麻糬窩夫拌忌廉配雪糕($78)~~~本來想叫當天的紫薯窩夫, 但卻被這款的相片吸引了, 顏色很豐富, 所以就決定試下; 一上桌就如圖片一樣咁靚咁繽紛的感覺, 有著多款顏色的窩夫, 底下配了吉士醬, 側邊擺了不同的生果, 中間為黑糖漿, 另外還有果味雪糕, 女士們見到個整體已經會是超開心; 之後吃著繼續是有點驚喜, 本以為窩夫顏色是抹茶、芒果及紫薯味混合製作, 但原來不是, 是果汁糖的味道, 好像吃緊果汁糖的感覺, 但又不會覺得超甜, 份量控制唔錯, 加上麻糬煙煙韌韌及香脆的窩夫, 感覺好得意, 當然配上雪糕更是熱同冷之間的配合, 雪糕味感覺像芒果及香芋, 不知對不對, 但成個present都令人覺得好開心同好sweet, 女生們會很喜歡……吃完這餐很滿足, 又是滿滿的一餐也吃了幾款新菜式, 也能飲到懷念的飲品及窩夫, 很不錯!! 其實我見出了二人set menu價錢也合理及都有幾款菜式可揀, 看到隔離枱叫上來都好似唔錯同聞到香氣, 下次都可以試下……