睇完迪士尼煙花⋯ 晚上9點鐘荃灣可以選擇嘅餐廳已經唔算多⋯ 我哋揀咗夜燒店 貪佢坐到12點 好多種燒烤食物揀！絕對係區內最多選擇！ 細路仔先會選擇！大人乜都要！ 但由於食物太多啦🍗🍡🦪🥟🍙🍟🍖 冇辦法等到齊晒先影大合照 簡單用公仔去表達我嘅喜愛啦 原條肉碎茄子蕃茄 真露(水蜜桃，提子） Asahi （大支装） 燒燒賣 燒腸仔 雞腳筋 月見免冶雞肉軟骨棒 鹽燒牛骨髓 豬肉荔枝卷 清酒煮蜆 炸七味雞軟骨 沙律醬雞泡魚干 鹽燒牛小排 燒豬大腸 蛋黃醬白磨菇 芝士流心蛋大啡菇 啤酒薯條 焦糖菠蘿 我自己最鍾意大啡菇 超Juice！唔怪得知可以成為招牌啦！ 另外豬肉荔枝卷 荔枝嘅清新即時解膩！好有驚喜 另外要讚吓職員嘅服務態度真係好好！ 上食物嘅時候 & 收碟都好有禮貌！ 就算真係坐到12點！笑容依然好好！ 值得推介

睇到特首宣布10月1號有煙花 即刻上網搵望到煙花既餐廳 訂枱 3 位 晚上8:15 （2小時還檯） 本身餐廳話未必可以喺窗邊 但可以安排到望到窗嘅位置 但今日話公司改左安排 要最低消費$3800 一張檯（未加一） 每人要$1500 感受好差囉 可以咁樣變卦咖咩 我按程序確認訂座咖 同區人均$400-800既靠窗餐廳full 曬啦 食物可能好好 但咁樣既服務安排真係好差

諗住同舊同事一舊happy Friday 簡左Plan C 食下和牛開心下 星期五晚8:00入到去好荒蕪⋯ 醬料除左檸檬鹽⋯其他醬料都係吉⋯ 沙津區 係無點打理過 蕃茄仔只有10粒⋯栗米粒都係得返DD⋯ 除左一開場開果盒肉同西冷⋯ 其他肉品好麻麻⋯ 連和牛類都係D好唔靚既部位⋯ 去到9:30終於有人俾芝麻醬我 一小時後先開始有D好少少既肉出現⋯ 甜品區 得2款 仲要無匙⋯ 9:45 又識準時cut Order… 每人700 蚊 但大家都食得唔太開心 太多不足啦 連拎把剪刀都問2次先有⋯

同朋友已經好耐好耐無聚 6:50 入座 剛好仲有卡位 推介大家早D黎 卡位氣氛更加好 叫左一大埋送酒小食⋯ 全部都好好食 選擇不下 杭第拼盤 雞腎 燒魷魚 炸雞軟骨 鰻魚 燒豆腐 雞皮 芝士 雞泡魚乾 沙拉 刺身新鮮 串燒香口 連松子沙津都很對胃口 清酒有分甘口/辛口兩大類 我們本身想由易入口 米香開始⋯ 店員為我們推介‘好運’ 但太好飲⋯但續酒不算快⋯ 大家改為威士忌梳打暢飲 由日常生活吹到未來大計 結帳後 店員會送上coin 用作夾‘優惠卷’⋯大家都玩得好開心 如果店家保持這信水準 疫症怕什麼～暢飲吧

由於新開張⋯預約晚餐都要一個月前⋯ 一行6人都滿心期待呢一餐⋯ 揀咗鴛鴦鍋底..酸菜&麻辣.. 食物嘅種類都好少⋯ 肉類得10款左右⋯菜類只有幾款左右⋯ 湯底味道方面非常非常普通⋯ 酸菜唔酸⋯麻辣唔香又唔辛辣⋯ 安排店員加辣加酸⋯味道依然非常普通⋯ 大家都好失望⋯ 佢有限時90分鐘⋯係訂位時間計起⋯ 所以要留意番準時攞枱⋯ 至於價錢⋯也不便宜大概300至400⋯ 清單上寫湯底是每位$70蚊⋯按人頭計算⋯ 實在唔建議大家來嘗鮮

睇完荃灣老闆娘既新聞⋯ 決定上3樓搵間真黃店幫襯下 裝修唔錯⋯有日本居酒屋既氣氛⋯ 晚市時間⋯即使2個人都可以坐4人檯慢慢嘆⋯ 今晚叫左燒雞翼，牛舌，清酒煮蜆，韭菜，炸一口芝士，燒翠玉瓜，雞軟骨，雞皮⋯⋯ 食物好高質⋯容易海鮮敏感嘅我食完峴完全冇事👍🏻 炸一口芝士好好食！記得趁熱食！ 牛舌燒得勁正⋯配啤酒一流！ 燒韭菜⋯燒得好好！ 其實樣樣都好好味⋯ 點解咁推介佢呢？老闆好有人情味⋯ 本身當日茄子係賣晒⋯ 朋友再次問⋯老闆居然幫忙安排⋯ 燒茄子真係串燒店不可缺少 熱辣辣⋯好鬼好味 哇！呢D小店真係值得大家支持喔 店內位置不多⋯但可以打電話預約

睇完雜誌介紹之後⋯
心癢癢當晚就去鋪頭一試！
星期五晚2位大概等左就嚟45分鐘⋯
鋪頭地方唔算大⋯座位有少少迫啦⋯
係咁繁忙嘅晚餐時段職員都算有禮貌嘅⋯
因為唔知自己食到幾多碗，店員都有提議一開始叫住10碗食先⋯唔夠再落單⋯
大概等左10分鐘終於有嘢食啦
梗係相機食先啦! 小船麵有牛雞豬三款餸可以揀！
麵嘅配搭都有好多選擇！我會推介粉絲或者河粉！粉絲入晒味！河粉就滑身！
而三款餸我就會比較推介牛同豬啦！
即係牛腩，豬肉同肉丸⋯
而雞脾仔真係冇咩味囉
隨後帶咗兩款雞翼兩款小食！
等左15分鐘⋯居然漏單⋯味道亦普普通通⋯
依樣野真係要改改先留得住啲客
食完野推開門條隊居然更加長！
想挑戰大胃王嘅朋友都係揀平日嚟挑戰啦
！

好多元朗人都會推介呢間車仔麵! 星期六黎過! 大排長龍! 所以簡左平日再入黎食10餸！ 係門口點餐! 拎埋碗麵搵位! 開動! 大碗麵包括豬腸，豬紅，豬皮，魷魚，魚蛋，紅腸，雞翼，翼尖，羅白，菜心 全部係係我想食既餸！一次有齊曬! 真心覺得全部好好味！好出色！ 分少少俾朋友！女仔都絕對食得曬！ 大家慕名而來! 一定唔會失望！ 值得我再搭車入黎食佢

應該熱潮過左! 星期二晚餐時間無需排隊! 嗌左牛角次男丼加溫泉蛋 店員好細心！會提醒燒肉汁有少少辣！ 5分鐘內食物已經送到！香噴噴 梗係手機食先啦！ 真係好值得影 牛肉份量真係幾多！啖啖肉！ 無出現凍左既問題！但牛肉燒得略乾！ 牛肉汁再配溫泉蛋！完全配合好好 至於套餐既味噌湯中規中矩啦⋯ 我會推薦食肉獸黎開心下！ 小鳥胃既朋友！黎影下相！D肉真係好吸引咖！ 下次要試豚肉先得！好似好好味咁！

$124可以食得幾豐富？ 平時午餐豪好少少都要100以上⋯ 龍寶居然推出套餐1488供12位用! 每人只需$124咋!加一都唔使 你一定會諗劣食啦!事實上又唔差喎！ 套餐包括⋯有原隻乳豬! 肥瘦適中! 花膠湯仲幾正喎!濃郁冇味增! 蒜蓉蒸腩骨!啲粉絲超好味! 食到飽飽!仲有熱辣辣壽包! 除咗講抵食！同埋好鬼抵食！ 但如果喜歡食環境氣氛嘅食客就可能唔啱啦! 環境係略為嘈左少少！啤酒妹又煩左少少! 嚟緊中秋可能再同屋企人黎食多餐 仲有12個橙打包返屋企!