平時想食平啲都會揀sukiya! 不嬲食嘢都好細食，食好少就好快飽。Sukiya有個好好嘅地方，就係佢嘅飯會分為大/中/細三款size🥹岩晒我呢啲細食人士，唔洗浪費食物☺️ ❁ 香炸蒜頭京蔥絲牛丼 (S-$39) 見到佢新出呢款飯，覺得好開心🥹因為炸蒜同埋京蔥都係賣飛佛🥹🤎炸蒜仲要有成七粒，京蔥絲都係大量🙈正👍🏻 +$10，會有青菜套餐，加多$5會有豚肉味噌湯，味噌湯入面好多豬肉👍🏻仲有紅蘿蔔、淮山! 估佢唔到咁多料👍🏻

同屋企人閒日食飯，七點食唔洗等位可以直入。 ❁ 宮崎和牛野菜火鍋 $188 火鍋石就包括日本米白飯、凍豆腐、漬物同埋豚肉味噌湯。火鍋入面和牛得4塊，呢個價錢就偏貴，和牛亦頗細塊。下面都係娃娃菜同皇帝菜，份量頗少🥲 ❁ 吉列豬扒定食 $128 ❁ 吉列豬柳定食 $128 定食包括日本米白飯、椰菜、漬物同豚肉味噌湯。可以免費添加椰菜，枱邊有芝麻醬或者柚子汁可以配椰菜。 豬柳炸得比較乾，唔算好juicy，豬扒比較好，厚身，唔會好乾。

同男朋友慶祝紀念日，所以搵左間中環既日本野賀一賀佢🥳 中環地鐵站一出，過條馬路就見到門口，唔難搵。門口相當有格調，入到餐廳會經過一個吧枱先，店員再開另一道門，帶我哋入咗入面坐，好神秘😂 $328有free flow sake! 店員每支Sake都好用心講解，會介紹唔同sake適合配搭唔同既食物👍🏻 🔸佐賀產照燒牛扒御膳 牛扒油脂分布平均，入口有油香，牛味充足，個醬汁配上肉亦好夾👍🏻 我就叫咗個商務鐵板燒午餐一人前🍽️ 首先嚟咗前菜，分別有海膽配豆皮再加左山葵既醬汁，海膽新鮮，但醬汁就未太食到山葵味😆 主菜揀左$728既加拿大龍蝦（半隻）🦞 龍蝦肉爽彈，配上用Cajun醬煮既洋蔥，少少辣辣地但惹味👍🏻周邊仲有啲三文魚子。 🔸黑金牛肉薄燒 牛肉入面包住滿滿嘅蔥花🥹（本人好中意食蔥，所以見到都覺得開心）減低油膩感，最底仲放有兩片烘左既麵包👍🏻 🔸日本產四國曉蛋辣高菜炒飯 見到蛋黃既顏色已經覺得正🤤炒飯係蛋既底下，蛋煎得好香脆，撈埋一齊食辣辣地正👍🏻 最後生果，好甜👍🏻 🔸特上松葉蟹甲羅石鍋飯 蟹蓋上面分別有海膽、蟹籽、蟹肉，底下有三文魚子拌飯，撈飯一流🥹 最後我地仲叫左幾串串燒食，分別有燒秋葵、燒白鱔同埋燒鵝肝釀名古屋雞翼，燒白鱔係最好食👍🏻首先無骨，燒既火喉岩岩好，好juicy，唔會乾。 最後兩個人食左around $1800, 整體黎講食物算高質素，另外想讚下店員Steve全程好有禮貌咁serve我地，最後又會同我地傾下計問下我地對呢餐飯既意見👍🏻

當日同屋企人食生日飯，揀左owens呢間西餐，一直都save左係Openrice savelist, 終於有機會試下☺️ 當日我卜左6:30，不過得我一個到，屋企人未到，餐廳店員都好有禮貌亦好好，請我係cashier隔離坐底等等，盡量等齊人先入座。 我地叫左二人餐 ($408)，前菜叫左湯同沙律，蘑菇湯係有蘑菇粒粒嘅口感，亦好creamy👍🏻沙律就冇乜特別。 • 薯條三兄弟 $38 另外我哋加咗$38叫咗薯條三兄弟。店員上菜時佢問左一句「要唔要埋四兄弟？」我果下呆左⋯我「咩話？」佢「茄汁🙂」我「哦好丫😂😂😂😂」幽默既店員。 $38既薯條三兄弟好抵食！其實佢一包薯條已經好大份量🤣佢仲要三包，我地四個人食到尾都食唔晒。 醬汁方面有芥末醬，松露醬同埋明太子醬。明太子醬感覺好新鮮🤤三隻味都好食！四兄弟係基本盤😆 • 芝士焗生蠔 二人餐有4隻👍🏻蠔夠肥嘟嘟，芝士亦夠多👍🏻 • 黑松露軟殼蟹意大利飯 $142 軟殼蟹賣相好好😆非常適合打卡，意大利粉亦都好夠黑松露味！飯並唔會太硬，creamy的🤤 • 墨汁帶子意粉 喺其他餐廳食墨汁意粉，最怕就係意粉還意粉，墨汁還墨汁。不過呢度嘅意粉就非常之足夠墨汁味👍🏻👍🏻唔會過鹹，口感啱啱好唔會太淋。帶子亦都煎得夠香～～ • 肉眼牛扒5成熟 有厚度，有口感，有牛味，唔會乾👍🏻 • 伯爵茶麻糬tiramisu 加$38 個人覺得cream太多，底部嘅酒味有啲重，我自己就唔特別鍾意食麻糬，所以呢個甜品對我嚟講還好😆 • 雪糕窩夫 呢個係本身二人餐跟嘅甜品，想講窩夫係熱辣辣超好食！唔係灘凍左淋晒韌左既窩夫，所以呢個有驚喜🤩 最後店員突然間拎左個甜品伯爵茶麻糬蛋糕捲出黎！問我地邊位生日😆呢下先係最驚喜，我只係喺OpenRice嗰度揀咗生日，乜都無寫，佢哋就送多個甜品俾我哋🥹🤍呢間餐廳真係好有心思🩷 最後想講，餐廳嘅店員好有禮貌好好服務態度👍🏻👍🏻嘢食都好食，又岩打卡，餐廳環境亦靚👍🏻絕對可以再嚟食多次🥳

同屋企人係西九果邊睇完麥樂雞展，就過黎圓方搵野食，見到有間食炸豬扒，又好耐無食就試試佢！ 我地係閒日晏晝3:30左右入座，所以當時餐廳未有其他客人，我地一入座後店員就送上兩碗芝麻比我地自己磨碎佢。 芝士係有炒過的！所以輕輕磨左幾下已經有好香既芝麻味飄出黎😌 然黎店員再講解磨碎芝麻後，可以加入豬扒醬。 • 特選吉列豬柳定食 $198 我自己就叫左豬柳定食，有一個飯、漬物、椰菜、豆腐豬肉湯、及炸豬柳。 豬柳食落唔算好juicy，但幸好未到好鞋🫠而且都有5舊，份量足夠。吉列炸既豬扒油膩感唔算好重，椰菜絲我就落左柚子醬，酸酸味味可以中和返油膩感。 • 吉列厚切里肌豬扒配冷烏冬 $198 里肌豬扒望落肉面偏粉紅，因為油脂較多，所以食落都唔會太乾。反而凍烏冬幾有驚喜！佢提供左鵪鶉蛋、芥末、蔥粒去撈個烏冬汁。烏冬亦頗有口感！少少芥末既辣味加埋一齊夏天食就好透心涼，亦有好fresh既感覺。 最後二人埋單$436，圓方食野黎講價錢差唔多，而且我地大概4:30離座，都開始陸續有其他客人入座。

係旺角收工好肚餓同另一半搵野食，搵到呢間泰國野，都見Openrice有過千個好評，就試下😛 坐底我地見到二人餐$378，都幾多野食就揀左二人餐（唔洗諗😆） • 燒豬頸肉 肉質okay的，不過佢燒到個外皮有少少鞋/韌（好少）但都有啲影響口感。不過醬汁加分 !! 辣辣地好惹味🤍 • 海南雞 海南雞份量都足夠兩個人食！而且比左髀既位置我地🥹（開心仔）肉質好滑，我自己就怕肥無食到啲皮，不過連平時唔食肥膩野既男朋友都話啲皮都唔係好肥，佢食晒😂醬汁方面唔係好食到咩味🤣就咁食少咸，但點埋個雞食岩岩好😋 • 蒜蓉包（4件） 佢個餐本身係包兩個白飯/油飯，我地將其中一個飯+$10轉左做蒜蓉包。不過我地做左個唔係咁明智既選擇🥲因為蒜蓉包都好脆口下，但我地個餐就唔包咖哩，所以食落都比較dry同𠝹口😂蒜蓉包都幾香脆，不過個人覺得牛油/蒜油可以再加多啲，蒜蓉/蒜味目前唔算好多。 • 泰式肉碎生菜包 肉碎份量非常多！菜量反而唔算好多😆同埋佢既生菜都偏薄，食第一塊時加滿肉碎食，搞到太咸🥲第二塊就咁鋪薄薄一層肉碎就岩岩好。肉碎都肥豬肉偏多，重油香，而且夠辣，好食🤤 由於菜唔夠肉多，而且蒜蓉包比較dry同𠝹口既關係，我就嘗試將生菜包既肉碎放係包面一齊食，係好食的😂👍🏻 • 生蝦刺身(6pcs） 生蝦刺身就一般般，無乜蝦味，果塊蒜片亦唔夠辣🥲唯有靠個泰式辣醬去拯救佢😂 加埋一埋單$427，覺得價錢for兩個人又有咁多野食都算係咁👍🏻

同屋企人黎淘大食飯，見好耐無食台灣野所以試試呢間。 一入餐廳，覺得裝修好有心思，滿滿既台灣懷舊味道👍🏻 Menu就係一張紙，自己填選食物及野飲。 • 紅燒牛腩刀削麵 HK$65 牛腩非常大舊👍🏻但口感一般，唔算好淋又唔係鞋口，都有4-5舊。 但刀削麵就爭少少，可能同平時食開既刀削麵有啲唔同，佢似係比較煙韌但唔算好彈牙而闊身嘅麵條，但湯口係幾夠味道，唔係死咸。 • 香酥雞扒魯肉飯 HK$53 雞扒都夠多及大舊（我影得醜🥲），而且炸起熱辣辣👍🏻不過魯肉唔夠肥同埋唔夠多！唔夠拌飯🥲而且醃蘿蔔只係得一片⋯希望餐廳之後可以改善，起碼最少都有三塊😂 • 滷味拼盤 HK$37 佢又唔係大碟，但係啲份量又唔係話好少🫠我自己本人就唔特別大興趣食滷味，屋企人就話無咩特別。 • 玉米起司蛋餅 HK$32 成餐飯覺得最好食嘅一樣嘢食🥹有非常多嘅粟米，咬入口之後有卜卜既口感～而且都有足夠嘅芝士！粟米同芝士味道都好夾，加埋辣醬食好惹味🩷 叫左杯芋頭奶茶，熱，0糖。一飲落口，勁甜😵我即刻望一望張單，又真係落左0糖架喎，我就估可能餐廳本身係用糖水浸住啲芋頭肉，不過芋頭肉有好多👍🏻但甜度需要改善🫠 價錢合理，再次經過既話都可以再試下其他野食👍🏻 另外有一位姨姨店員，不停行埋黎想收我地啲碗😅明明未食完，係咁行埋黎問食完未，最少問左三次😂呢方面印象唔係咁好🙏🏻

同朋友係Openrice見到呢間日和食店，睇到相幾靚就上網卜左試下。 門面都幾靚，好有舊式日本餐廳感覺。 餐廳唔算好光猛，主要靠門口塊窗口既外來光滲入嚟。但樓底夠高都有足夠既空間感。 佢既menu食物種類都有小食、飯類、麵類、甜品同飲品，個人黎講都算幾多選擇既，不過一開頭見到佢前後menu係倒轉⋯認真細睇原來後頁係重覆既紙⋯（雙面印=廢紙😂）建議無用既資訊就可以唔洗比客人睇既🙈 落左單之後店員就幫我地上左兩個麵豉湯，有幾粒豆腐同紫菜，一隻蜆，蜆係肥美同有鮮味的！湯好飲👍🏻 • 鮮明太子三文魚意粉 HK$118.00 賣相好好👍🏻意粉唔會過淋，口感岩岩好，汁亦都足以掛上意粉，味道唔錯👍🏻三文魚上亦有一大Pat明太子，可以人手再撈落意粉度，不過三文魚就略嫌有少少煮得耐左，一吉入去個硬度已經知道😂一路食一路灘涼左會更硬🙈 • 鐵板牛舌芯 HK$158.00 大概有8塊左右，有炒菇、蕃茄、菠菜伴碟，中間仲有一大舊牛油。炒菇有啲太咸⋯牛舌芯口感係淋架👍🏻，唔會超薄，厚度適中，不過中間有幾塊中間太生了，我地食到一半時鐵板又已經涼左了，但店員都好好，我地問可唔可以幫我地再整熟少少果幾塊太生既牛舌佢都幫我地整👍🏻不過本身鐵板碟底已經有一定既油，中間再加一大舊牛油就搞到蕃茄同菠菜超油了，建議可以唔洗加牛油🙆🏻‍♀️ • SHIBUI咖喱和牛漢堡扒蛋包飯 HK$168.00 份量適中，賣相靚既，蛋都夠滑，漢堡扒就收左係蛋下面，但食落無咩特別，覺得呢個價錢就有少少高🤏🏻 • 昭和布丁 HK$48.00 打卡一流既布丁🍮食落都係無乜特別，蛋味唔算好出，質地亦有少少散，但打卡okay既😂 最後兩個人食左HK$541.2，每人都食左$270左右🥲野食就普通無咩特別覺得超好食，所以呢個價錢既話都係黎一次打卡就夠了，CP值唔算好高🙆🏻‍♀️

同朋友入長洲東灣嬉完水之後好肚餓去搵野食，就見到食串燒/炸物既鋪頭！🤩 牆上貼住以往既天然美女相⋯有張栢芝、黎姿、朱茵、王祖賢等等⋯果然係店如其名 非常鐵漢😂 而另一幅牆就貼滿左餐廳野食既相😍睇到都已經好肚餓🥹 Menu上都好多選擇！而且啲名非常搞笑😂（睇到果陣會笑左出黎）最後好肚餓既我地叫左11樣野🙈 冰鎭黃金咖哩魷魚 $42/份 呢個價錢黎講份量就唔算好多🥲不過味道係真係好好👍🏻咖喱係汁黎，唔係醬，但咖哩味道好出色！係好地道好香港既咖哩汁！辣度適中，冰凍既魷魚好爽口👍🏻 對唔住因為好肚餓所以無逐串同佢黎張close up😂但可以特別講講比較出色/可以改善下既串燒🙈 • 豬莤（豚肉芫茜）$28/串 總共有3舊，係炸過既豬肉片包住芫茜莖，豬肉片略微炸得耐左，食耐有啲硬，芫茜莖好大方有非常多！不過正正因為太多既原因，食到入口時就同豬肉既量唔係好balance, 而且可能我果舊既莖位比較老，都比較難咬，第一舊一次過擺入口時咬左好耐😂第二三舊我就將入面既茜一半蚊出黎先食，口感就會比較好🙈 • 雞皮餃子 $25/串 一串共有2舊，雞皮炸到超酥脆，好香口！包住餃子餡，味道又出奇地夾👍🏻（定係雞皮包住所有野都夾到？😂） • 蒜燒原條茄子 $38/條 茄子面頭都有足名既蒜粒，不過面頭既醬料同蒜粒略嫌有啲過咸，覺得無夾醬料一齊食都好食🙈朋友話食左粒蒜覺得好咸🙈 整體黎講都好食既！兩個人一共食左$283💰之後再入長洲都會返黎再食過😛

Ciao呢間餐廳我應該都幫襯過4-5次，只要經開石門就會心思思想食，或者放假都會過黎食🥹 白酒忌廉青口配香草包 $88 青口數量都有十幾隻 兩個人都唔會唔夠喉👅size唔算好大但一定唔係細隻，有好多蒜片（正阿岩晒我呢啲勁中意食蒜既人🤩），汁都有好出既白酒味，配埋香草包好夾👍🏻 鮮帶子配明太子汁意粉 $98 每次黎我都一定會叫呢個意粉食（食左咁多次對唔住我而家先寫食評😛），明太子汁唔會係好稀，所以非常掛到係意粉上面，咸度適中，撈埋意粉食岩岩好，意粉口感亦唔會太韌或者太淋。以前用帆立貝會大粒啲，而家用鮮帶子無左裙邊不過照舊煎得香口👍🏻 香草檸檬燒香雞 $158 呢張相我影得比較衰🙇🏻‍♀️佢有薯蓉，西蘭花同埋車厘茄伴碟，呢碟燒雞就較為失望，因為顯然佢唔係燒雞，只係煎左隻雞，皮亦無好脆，香草味亦有啲太多，食落有少少酸味，不過份量都算大，有半隻雞，肉質正常，但薯蓉好滑👍🏻 支持好食又用心經營既小店🙆🏻‍♀️不過希望餐廳將來可以改善下油煙問題🥹每次都冒住啲衫或者個頭好大油煙味都要黎食😣，或者餐廳都可以考慮下提供熊寶寶呢類噴噴比客人臨走前噴下🙏🏻廚房哥哥加油阿，之前仲有食過burger pizza 雞翼都好好食😋