食物有水準。牛扒同燒豬腩卷都做得好好，豬腩卷皮脆肉又淋。可否當晚鱸魚已經sold out,下次一定要再試。 值得一讚嘅係餐廳服務人員。個個都快手有禮。 尤其是餐廳經理更加值得一讚，由於我哋係食第二時段，前面既客人未走佢都好細心咁同我地解釋幾次,又比位我地坐住先，完全無嗰種忙到一頭煙就西你面既感覺。係今時今日香港既服務嚟講係係好難得。抵佢地一晚兩塲都full house.

每年朋友都會約一次大閘蟹放題。今年朋友係網上平台買咗富臨。 計埋加一，除返開都每人$600。

多都唔想講。 重點如下

1. 等得耐， 每次問阿姐幾時先有。佢都費事答你。只係叫你寫過。咁寫極都唔嚟有鬼用咩

2. 全蟹乸，所以想食軟膏既可以慳返

3. 全晚最好食既係個湯，因為得佢係熱既

4. 蟹係有膏既，但勁多黑鼆鼆嘅位。睇見都無胃口。真心想問其他讚好同雪白蟹相既朋友，我係咪去咗平行時空

5. 蟹肉未至於臭，但淋既。

所以要叫咗兩round. 我地已經give up. 轉塲食其他野好過

JW Cafe 既buffet不嬲出色. 今次蟹主題, 雖然比平時貴.  但亦多咗好多蟹選揀, 搞到平時主角花膠同鮑魚都變咗配菜.   長腳蟹食得出新鮮唔會勁咸. 蟹粉小籠包鮮味. 
最估唔到既係放係片鴨附近既蟹蓋, 入面全部一疏疏蟹肉. 勁滿足. 
蟹餅反而唔洗試.
其他炒蟹其實都好食. 但可惜個肚有限. 食唔到咁多. 

係為牛角既長期金card會員，真心想寫篇post讚一讚灣仔呢間分店。 同其他分店比（e.g旺角，TST)呢間環境唔止闊落好多，而且冇咁大油煙。地方亦乾淨企理。 重點係，近呢3個月夜晚嚟都唔需要等位（雖然對佢地嚟講未必係好事😛）。但唔知係咪咁樣，呢間分店既員工亦相對好有禮貌。所以呢半年我都由TST轉咗嚟呢間。希望佢地會越做越好。但更加希望佢哋會保持到佢哋有禮貌嘅服務。 講返肉，唔知係咪心境好，肉都好似好味d咁。起碼我就覺得呢間分店既肉好dd. 可以睇下我之前影其他分店既相以作比較

生日正日，老公訂咗以前記念日會嚟既steak house. 重開之後第一次嚟所以我地都充滿期待。 餐廳都係以前相同位置，而且可能人唔多，感覺無以前咁嘈 坐低落完order就耐心等我哋嘅嘢食。食完頭盤，牛扒都上埋嚟啦。點解唔見咗以前既重要㨂刀環節既？ 於是就問負責我哋嗰枱嘅waiter。佢竟然答我哋因為未㨂好佢地餐廳之後會用咩刀。所以而家係無咗比客人㨂刀既環節既。 比佢一講，我開始留意下其他枱係咪都無。又唔係喎，有d枱waiter依然會攞住一盒盒既刀比客人㨂既？ 唔明點解負責我地嗰枱既waiter要咁講…… 講返食物，牛扒依然充滿炭燒味。但個蟹餅就好似無以前咁出色。最加上服務方面差咗，整體感覺冇以前咁好

同事介紹，今晚girls night嚟試呢間係富豪酒店入面既日本串燒店。 門口係好日本居酒屋咁，入到去鋪仔細細。有bar枱。師傅對住你就係炭爐度燒緊串燒。感覺好正宗咁 但一坐底就出事，咁熱既？！本身入到商場已經覺得唔夠冷氣。問返鋪頭，佢話本身個中央冷氣就唔夠。重要嗰日好似壞壞地。好彩我有自家風扇仔。唔係真係幾好食都頂唔順 講返野食，好食既。尤其是個雞肝，燒得啱啱好，好滑。 希望佢地快d搞返好個冷氣。如果唔係，真係要等冬天先好嚟

同事請食生日lunch. 諗住去下好耐無嚟既海天。照舊叫返個4人餐。但已經完全唔係之前既水準。 係得個叉燒重係好食之外。其他既菜，嚟到又唔熱。又細碟咗。 碟炒甜豆，以前係會用真螺片炒。今日換咗個我地個個都叫唔出係咩既肉（懷疑係急凍象拔蚌仔？但就得個嘴，冇其他部份個喎）重點係，無味架😮‍💨 真係無下次… 如果你有睇我d相，我以前真係讚佢d野食架。希望佢地會做返好個水準。唔好再Hea做

係荃灣返工食到悶。走到上荃景圍睇下有咩食。見openrice d 相有花膠米線好似幾ok wor. 點知坐低先知d 相係upload錯咗嚟呢間店 荃景圍呢間係食小炒，無花膠米架。 既然嚟咗，就試下啦。好驚訝係鋪仔細細lunch竟然有30幾個選擇。連椒鹽九肚魚都有就試下你咩料。竟然仲好食過酒樓嗰d. 即刻拉中隊叫一班同事嚟再試（人多可以試多d嘛）。 total叫咗8碟，樣樣有水準。午餐有小炒有飯重有杯野飲都係5-80蚊左右。重想點。一定會有下次

朋友生日飯。由坐低一刻已經不停sell 貴價海鮮。Sell到要同佢講比少少時間我地睇睇menu. 佢先無尾音咁走開 到落單啦，朋友問生日係咪有甜品送。經理回覆你地無訂無架。ok無問題。 到食到尾，朋友既老公嚟咗，開咗支千幾蚊既清酒。過咗無耐，經理攞咗碟手掌咁大嘅甜品過嚟。我地問咩嚟架？ 佢話生日送既。唔係無架咩？！佢竟然回我地話你地下次早d開，咪早d送囉。 嘩….嗰下心諗真係多謝哂。 野幾好食都唔會再嚟。更何況只係sell擺盤。

不嬲都鐘意呢度既點心，叉燒，燉湯。晚市必叫龍蝦伊麵。 但今次既service真係令人討厭。每幾分鐘就會有唔同既部長走嚟sell你貴價海鮮。你唔要咩，即刻尾音都無句就掉頭走…. 之後成塲得嗰5，6枱都可以做到叫人無人嗰下好野。