今日同朋友去咗isquare潮藝館飲茶😍一入去右手邊就望到酒吧枱，當時心諗我係咪入錯餐廳😂呢間餐廳幾潮，中西合璧，有洒吧，又有中式的點心，而且保留傳統，不忘創新👍🏻 睇完menu後，叫左幾款點心 蝦餃皇：皮不會太薄亦不會太厚，蝦肉幾彈牙 燒賣：店員好溫馨提示👍🏻呢個食時小心裡面好熱，會流汁，呢個果然爆漿好食啲 松露野菌晶瑩餃：賣相已經好靚，深藍色的皮晶瑩通透，食落去好香的松露和菇味😋 酸菜魚餃：有少辣，食落去幾特別 潮州粉粿：幾足料，都係花生，韮菜碎，豬肉碎… 流沙包和叉燒包都保留住傳統的風味 最後甜品劃上完美的句號：桂花糕，賣相實在太靚了，而且淡淡桂花香😍 環境好舒服，水滾茶靚，食物質素偏高

話說我都好享受一個人去飲茶，俗語有話飲杯茶喫個包！我通常有樣必點嘅就係蝦餃或燒賣，呢間旺角點心到真係啱晒我，因為佢可以有啲點心係兩粒，咁我就唔使食晒四粒咁飽😂 最近天氣熱咗我都細食咗，少少地叫咗兩粒蝦餃，蝦餃皮不會太薄亦不會太厚👍🏻而且蝦肉幾彈牙 兩粒原隻蝦燒賣：呢個需時，即叫即蒸，一咬落去熱辣辣正，而燒賣皮薄👍🏻蝦肉一樣彈牙 薑蔥牛柏葉：有啲蘿白，薑絲，蔥，牛柏葉幾淋，帶少少辣 黑金流沙包：淨係賣相已經好吸睛，黑色嘅包再用金筆劃，一咬落去嘅時候流心奶黃已經流出來😂

今日行開奧海城，望到好靚的花花打卡牆忍不住影相，睇吓有咩買，竟然見到有即食花膠😮買返兩盒返去試吓先 見到有十幾款不同口味嘅曲奇，例如有咖啡味，芝麻味，抹茶味，牛奶味…..我最後揀咗伯爵茶味，呢個打開蓋已經聞到好香嘅伯爵茶味，食落去又香又脆，唔係太甜健康口味👍🏻 另外仲有特濃朱古力，又係比較香比較脆！ 紫菜肉鬆蝴蝶酥，又鹹又甜味道唔錯 南瓜杏仁酥：呢個極之推介，當小食吃，好快食晒一罐😂 仲有朱古力蛋糕好軟熟😍

鐵塔下的下午茶，在咁靚嘅環境下享受擺設好靚嘅tea，食物好精緻，又可以打下卡，心情好舒服🥰 鐵塔下午茶$258兩位有兩層，下面嗰層係鹹點： 法國鄉村凍肉醬多士：肉醬好濃郁，配脆多士，上面仲有塊酸青瓜 蕃茄芝士迷你蛋批😋 炸黑松露蘑菇球：一咬落口已經有好勁嘅黑松露味喺口內同埋菇味都好香👍🏻呢個我覺得做得幾出色 西班牙白毛豬火腿：風乾火腿帶點鹹香味 甜點： 焦糖餅乾味芝士蛋糕：濃郁嘅芝士味配上焦糖甜味，呢個配搭不錯 士多啤梨迷你撻😋 紅桑子馬卡龍：酸酸甜甜幾開胃，馬卡龍唔會太甜非常好👏🏻 榛子朱古力迷你撻👍🏻：呢個極之推介，好濃郁嘅榛子味 另外兩杯飲品都揀咗洋甘菊味的法國熱茶，label仲溫馨提示地寫住焗6分鐘👍🏻

最近都開始養生，係時候要飲番啲健康嘅飲品🥰以前呢我有試過羅漢果焗水，未試過黃金羅漢果，今次我就試吓《好宜棧》的黃金羅漢果，飲後覺得好清甜，仲有種回味㖭，使用低溫真空脫水，它的營養維生素都高過傳統羅漢果 糖尿病患者也啱用ga，羅漢果的甜是來自羅漢果本身，跟庶糖不一樣，它不會產生熱量，是糖尿病患者的甜味替代品 黃金羅漢果天然糖，可以用嚟沖冷熱飲品，亦都可以用嚟整甜品（例如桃膠糖水），又或者用來醃肉煮餸都得，適合關注血糖人士 黃金羅漢果茶包共16包，有四款各四包： （1）黃金羅漢果配香茅  （2）黃金羅漢果配胎菊  （3）黃金羅漢果配桂花  （4）黃金羅漢果配老薑  可配合自己喜歡的花茶、茶葉、 檸檬、咖啡等.....可作代糖使用 15年新會陳皮，新會嘅特產係陳皮，人生有幾多個10年？15年的陳皮，更加有功效🥰 **配合黃金羅漢果焗水效果更佳

平時返工尖東站轉車，會經過K11 ，見到Arte by Padaria登陸在k-11藝術館,原來它的主打係香港首創的法式可頌球，一睇外型就已經成個藝術品，靚到真係唔捨得食，最後揀咗個橙色嘅波波，就係抹茶紅豆味，畢竟我都係抹茶控！當我返到公司第一時間，已經急不及待打開嚟食，一搣開就見到有好多紅豆，仲有啲綠茶蛋糕，一咬落去覺得外面好煙靭，幾種層次感，真係一試難忘🥰 另外熱情果mousse tart,又係幾特別，仲有啲堅果在入面，再加上外層朱古力tart圍住，食落去不會太酸，幾有口感！ 另外呢仲有啲曲奇餅睇落去都唔錯，都見到幾多口味，下次試吓先

望住海景吃嘢兼打卡都唔錯㗎，介紹一個平平哋嘅地方幾十蚊就可以望住海景打卡，就係尖沙咀天星碼頭嘅媽咪雞蛋仔，大家記得行去最入嘅位置打卡呀📣 身為抹茶控的我，當然要叫返個抹茶黑糖麻糬雞蛋仔試吓啦！它的外皮真係好鬆脆，外脆內軟之餘個麻糬係好Q，而且黑糖味唔會太甜，我覺得幾好食，綠茶味幾濃，呢個配搭唔錯👍🏻 另外叫咗杯荔枝梳打走冰😜出意料之外地好飲,好重荔枝味,叫埋飲品平$4 真係都幾多選擇，有好多唔同口味，我之前食過伯爵茶味，香蕉味，下次再試埋其他😂

通常吃呢啲afternoon tea,我係一層一層吃😋 最下層係鹹點🥰 冬蔭鮮蝦碎蛋卷：青瓜包住，我覺得幾fresh 香脆雞肉棒配蛋黃醬：呢個食落去幾得意，就好似麥樂雞包住軟骨的感覺 巴馬火腿芝士三文治：麪包幾軟熟，一口三文治正 青咖喱雞酥盒：外層好脆，呢個有少少微辣，吃到不同層次 跟住吃第二層😜 咖啡啫喱泰式奶茶慕𢇁杯：好香濃的咖啡味 紐約cheese cake 特濃抹茶卷蛋：抹茶控的我😍真係勁濃味👍🏻 最後吃上層😋 原味英式和斑蘭味的鬆餅，配菠蘿青檸果醬和奶油忌廉，點醬吃仲美味 在海景旁吃tea,簡直環境一流！

呢間係元朗雞地鐵板燒嘅外賣店，本身以前係鐵板燒堂食嘅餐廳，後來生意難做，而家呢幾個月開始轉型做外賣，但係外賣嘅質素一啲都唔差，仍然keep到高水準👍🏻而且價錢好實惠，價錢$58已經有一個鐵板牛丼，你仲可以即場望住師傅燒，其他丼飯都係幾十蚊！ 鐵板牛丼：牛肉味好濃，而且份量好多，再加上蔥蒜，沙律汁，真係超好味 另外仲有一個推介鐵板魷魚鬚，呢個勁推介食落去好彈牙👍🏻 仔細望下餐廳的設計都好靚，花左不少心機👍🏻

呢間餐廳我bookmark咗好耐，今日終於來食😚話說門口其實不是太顯眼，外面入邊都係全黑，喺門口行過籠😂 入到去睇完Menu後，叫咗紅菜頭藜麥沙律拌香煎虎蝦仁，就咁睇賣相已經好靚😍而且好健康，紅菜頭排毒補血，而且仲有士多啤梨，藍莓….而且沙律菜都好新鮮，啲蝦又好彈牙 原隻大蘑菇素漢堡伴薯條，睇OpenRice啲相見到有竹炭漢堡包，所以想試，但落單時冇晒了😭但係都照叫😜店員好貼心地問，要唔要幫我哋切埋？跟住我心諗非常之好，因為share食，自己一切就散😂切埋呢點加分👍🏻 飲品我哋試吓呢個苺果花茶，焗佢十分鐘倒飲，啲味出晒嚟好香嘅果茶味， 另外仲叫咗杯手搖芒果茶都唔錯 最後甜品畫上完美嘅句號，開頭諗咗好耐要pancake定係要窩夫好？最後都係叫咗法式千層酥日式疏乎厘pancake，店員話可以不要cream😍食落去呢比較空氣感，但係蛋味好濃，而且千層酥好鬆脆