今日經過想買蛋糕就行入去睇吓啲蛋糕，睇緊嘅時候旁邊有個短頭髮嘅阿嬸店員企係度，佢淨係企喺度冇serve 客人亦冇做其他嘢，我睇睇下聽到佢冇端端鬧人痴x線，我望住佢佢只係直望住佢前面麵包櫃。我係OpenRice 睇返啲食評應該係佢之前都有人話過佢態度唔好。咁樣鬧客唔會再幫襯。

第一次幫襯, 之前睇過啲食評，有好有壞，所以都有啲擔心，結果都ok, 不過服務質素有待改善。 之前已經留座，另一半早左幾個字去到，想先入座，但職員表示要再等10分鐘，但眼見係有空位，可能唔係俾我地坐所以冇得入⋯之後睇menu, 發現佢牛肉個頁改咗啲價錢做100g, (我見之前啲食評相有啲係200g 價錢）但旁邊又細隻字寫咗min.200g, 感覺有點誤導，以為好平，其實價錢係double 或以上。我哋叫咗兩個牛扒、薯蓉、兩杯coke zero, 但佢只黎左一杯zero, 我哋同個職員講（職員係用英語溝通），佢就拎咗兩個吉杯同倒水俾我地，其實唔清楚可以再問我，可以講多次⋯之後拎咗切好未煮嘅扒俾我地睇，話其中一塊切多咗，變咗300g, 咁冇所謂嘅，食多啲囉，咁佢都幾好，話300g 會free 一杯啤酒，補返杯冇嚟既zero🙂 一塊係肉眼，一塊係rump cap, 兩塊都叫咗medium rare, 所以熟咗啲都唔緊要。我覺得食材質素好已經贏咗一半，le 兩塊扒亦都煮得唔錯，幾好味，如果鐵板角落的鹽多番啲就更好。個薯蓉都唔錯。 我哋食完冇耐已經有位職員問我地有冇興趣叫埋甜品，真係好員工，我本身都想試食評有人介紹嗰個沖繩醬爆冬甩🍩，但原來已經改咗做蘋果批，咁就叫咗個批試吓。等左好一陣終於黎，連雪糕上，一熱一凍，加上個批唔太甜，雪糕邊亦都有d蘋果蓉，一齊食都幾好味。 總括嚟講，食物質素好，不過staff 要再nice d 同多啲溝通，英語職員都要聽客人嘅說話再作合適嘅回應。

另一半嘅生日飯梗係要揀間好啲嘅餐廳，之前食過穴壽司，覺得食物水準唔錯，所以今次都早兩日用openrice app book 枱，賺取Asiamile. 早左去到，等左陣，探埋熱，就入得，都差唔多滿座，今時今日咁已經唔錯。入去坐低時，waitress 俾咗個由A4紙摺兩摺既信封俾我地放口罩，幾貼心喎。 之後就慢慢睇餐牌，有一個$9xx 2人set ，有前菜，刺身、魚、和牛、飯同甜品，都幾抵，所以叫咗set, 另外加兩杯日本酒飲下。 左：柚子酒；右：梅酒 我係第一次飲，個人覺得柚子酒易入口啲，梅酒酒味偏濃厚。 前菜係蟹肉魚子凍豆腐，個凍豆腐質地比平時嘅豆腐實啲，加埋蟹肉魚子同個汁，幾好味。 刺身拼盤一上就知道冇揀錯，刺身鮮甜好好味。 Le個燒雪魚好正，夠曬滑，加埋個蛋黃醬真係好邪惡但好好味😆 Le個魚湯就一般，魚味俾胡椒味蓋過，魚肉亦較鞋。 和牛配埋芥末醬好味，食到尾就覺得油膩同開始飽啦。 鵝肝魚子醬炒飯，鵝肝太少唔夠食，個飯炒得乾身，不過不失。 甜品係柚子雪芭，佢有啲柚子蜜淋左係雪芭度，甜甜地幾好味，另一半覺得甜咗啲。 今晚餐飯好食，但由落單開始，個男waiter 一去不返，一直得一位友善嘅短頭髮waitress 幫我地落單加茶，希望餐廳可以改善下服務態度問題，人手係夠，起碼有6-7人，不過唔知去晒邊。

今日未到晚飯時間經過開，就打算買外賣返屋企食，見到le間米米食有鰻魚炒飯又有炒意粉，一人一樣啱啱好試新野！叫左一個鰻魚炒飯、一個炸帶子炸蟹鉗炒意粉，等左陣有得攞，返到屋企打開非常驚喜，大大盒，結果老公都食淨飯要留返聽日食。 鰻魚炒飯炒得好乾身，唔會有好多油既感覺，又好味，又大份，真係唔錯！ 意粉食咗少少先影相，意粉原本係滿一碗，炸蟹鉗同炸帶子各有兩件。意粉都好乾身，炸物又係唔油，酥脆，但食完唔會好熱氣👍🏻。 食完兩樣野，一定有下次😋

今日星期日約咗親人飲茶，原本諗住去稻香，但見到近排d食評嘛嘛地，所以改咗去利苑，因為食評唔錯又有得訂枱😊 準時到達，勁多人等緊位，我一枝箭咁走入去拎枱，招呼唔錯，前後叫咗8樣點心小吃，質素唔錯，大家都幾滿意。 蝦餃啖啖肉，小粉果一如其名細細粒，不過味道唔錯。 咸水角夠熱，新鮮熱辣出爐、裏面個餡係滿嘅👍🏻，因為我食過d裏面好似空氣咁既😬 燒賣大大粒，足料皮又薄👍🏻 炸兩係脆口嘅，仲有齊花生醬、甜醬同豉油俾我哋點，正！ 個牛肉包就無乜特別，下次可以唔使再叫😆 個牛肉球好彈牙，又大粒，認真唔錯！👍🏻👍🏻 個和風茄子都唔錯！ 最後埋單仲有asiamile 儲分，食緊d職員又會不時過嚟清下啲碟，有時間會再幫襯😊

今日又去左Yoho mall 食午餐，揀了未幫趁過的純壽司試試看，睇下同元氣有無大分別。去到好快已經有位，並安排了入座，同鄰座的位置都有點近。這間餐廳係用平板電腦落order的，睇完餐牌便用平板落單。叫了數款壽司🍣，但每次都只會到一兩碟，然後隔了好一陣先會再有一兩碟，感覺上菜有點慢。唔知係咪新年關係，枱上有好運籤，幾特別，很好玩。食物質素方面不錯，新鮮不冰凍的，唔錯。 炸雞的味道出色，配合自家醬料很好味。另 最後要埋單才到最後一碟，希望可以改善下。

今晚首次試新餐廳，餐廳原本係apple green, 可惜已關閉，唯有寄望新的la postre. 7點幾去到見到差不多滿坐，好在waitress都很快安排了我喜愛的卡位，正。Set dinner menu 都幾多選擇，揀了正常的西班牙海鮮飯及芝士海鮮雲吞，還叫了兩杯水果茶。此餐廳的餐具都很精美，金色的刀叉🍴匙都不會太重，很輕巧別緻。 海鮮飯只有辣味，蓋過了海鮮的味道，而且較遲才上菜，不太推薦。 反而芝士海鮮雲吞有驚喜，芝士味道很好，而且海鮮除蜆、帶子外還有小瀨尿蝦、紫洋蔥，感覺很不錯👍🏻也很快上到菜。 水果茶有很多生果切了粒，喜歡飯後水果的可以考慮一下。 之後再叫了一個芝士蛋糕，另外大家可以用Storellet app加入餐廳會員，會有一個迎新的焦糖布丁送😊 甜點都幾好味，可以一試。 餐廳waiters 都很醒目，食海鮮會有吉碟付上裝海鮮殼，叫甜點見你兩人都會主動給你兩枝餐具share食，👍🏻 整體而言今晚食得幾開心😄

今日特地來九龍灣德福廣場看聖誕市集，看完7點半多就試試這間餐廳。餐廳未滿，同侍應說想調卡位都爽快答應，非常感謝。一坐下來就有水供應，不錯啊。叫了個例牌的海南雞、串燒、蟹肉炒飯和炒通菜。上菜出奇地快，不用過5分鐘就已經有海南雞先來，然後其他菜也跟著一個一個上來，不怕餓著等。 海南雞嫩滑，伴碟的青瓜也有很多。 串燒只有雞比較嫩滑，其他都有進步空間。 蟹肉炒飯沒有很特別，下次可以試試其他。 炒通菜開始食的時候不錯，唯吃到尾聲感覺很咸。 餐廳侍應隨和，環境輕鬆，食物水準也可，有時間會再幫趁😄

週末晚上行逛完，完全不認識底下試一試這間Glass House. 雖說沒有人等位，但仍舊等了一會兒才有職員安排入座。座位環境舒適有情調，枱面有一盆小植物，亦有一個玻璃蠟燭座。職員先來點著蠟燭，再來一杯杯暖水，已經很少有餐廳會主動給水，還要是暖的，感覺很好。 然後打開menu 會見到一個個fusion 菜色，新鮮感馬上提升不少。揀選了一會兒，最後揀了以下兩個dishes 同飲料。 飯很好吃，鴨肝香，醬油惹味，肝油令鍋飯吃下更美味。 春雞沒有什麼味道，一般，雖說醃了24小時⋯ 飲料不錯，還有蜜桃肉吃。

星期日的下午，逛逛錦上路站旁邊的跳蚤市場，然後打算去看看附近的壁畫途中，發現了這條商業街內的cafe. Cafe 有少量室內及室外座位，由於星期日的關係，座位所餘不多。找到位之後，可以去counter 取menu ，然後再在那裡落單。 叫左個朱古力mousse 蛋糕, Toast 及芒果飲料。 食物味道一般，朱古力蛋糕內裡有點乾，飲料也是一般味道，沒有很特出。反而景觀不錯，閒日來個悠閒的時光是不錯的。cafe 有日本及旅遊雜誌觀看，加分。