周六約朋友吃晚飯，她說不是太餓，不如隨意選一間多人排隊的餐廳，她給幾個選擇，而剛好我又到厚福街，那麼我就選擇這居酒屋。 到餐廳六點半左右，竟然walk in有位。店小二說90分鐘交枱。 *但入座後，另一位店小二問我有沒有訂座。我說walk in ，之後她說60分鐘交枱。 坐位很窄。本來是四人座位，分成兩張兩人枱。跟鄰枱陌生朋友的距離就是這麼遠那麼近。一張膠片的距離。 終於等到朋友，店小二先上前菜，凍番茄。味道不錯，亦沒有我不喜歡的草青味，酸酸甜甜的。這前菜是餐廳自行送上，不過，要付費的。 看menu. 原來這餐廳，每一款串燒，最少要叫2串。也沒所謂，因為分量不多。 三文魚腩刺身。每件很迷你，但算厚切，魚油味濃….收貨。 朋友必吃串燒，厚切牛舌。上枱，真的是厚切，香料味不重，收貨。 羊架。不騷。肉厚，很juicy, 香料味幾重，但不會乾曾曾，收貨。 豚肉蘆筍。味淡，爽口，上枱很熱，不算特別，可以試吓其他。 豚肉夾心肉。味濃，油份重，香料味亦重，不太差。 加一杯清酒，沒拍照。 餐廳不會主動加茶，而進餐時間太短，所以不清楚會否加茶呢。 結賬$620 。 一試無妨，但如果要我排隊，我覺得可以有更好選擇，抽風系統差，離開餐廳會一身油煙味。

現在已經很少出街食飯，多數叫外賣，今次叫外賣的有我喜歡的大炸雞髀，超大隻。 同勁creamy的磨菇湯（最怕水汪汪的）同時叫左個意粉，意粉一般，魚肉夠滑，魚扒份量比想像中大份。意粉唔會因外賣而淋哂，但下次會叫返肉醬意粉。加叫一個黑松露薯蓉，比上不足 比下有餘，薯蓉算滑，不過一定唔係叫有驚喜。會有下一次，不過就係即場外賣，感覺上價錢平好多，亦比外賣平台多食物種類及款式，但如果對於喜歡宅在家中的，都係一個唔錯嘅選擇。

這日式料理餐廳就在棉登徑內，就在我公司的附近，在還是見城已經想吃。想對自己好一點，他的名字已改成城八。 北海道的白玉粟米。同時有生吃和燒的，白玉粟米的甜度可以生吃，鮮甜多汁。燒白玉粟米也不錯，口感爽甜。對比下，比較喜歡生吃的。另外，再上壽司 吞拿魚面頰-帶油香，很有口感。 沙甸魚刺身，壽司師傅已經鉗除去沙甸魚的細骨，沒有想像中的魚腥味，好吃！燒喜知次- 貌似大眼雞。燒得皮香肉嫩，肉質細緻而緊實。加上蘿蔔蓉酸汁，十分開胃。

同妹放工入元朗食蒸海鮮。這間在元朗的蒸海鮮，多是套餐,而且有專人替你蒸海鮮唔想動手嘅我，簡直就是一流
今次叫左個黃金套餐$288，其實最先想食$198套餐，每人份都有半隻蟹同龍蝦。但最後兩人都一致決定想各自食一隻奄仔蟹、同食鮑魚，所以就叫黃金套餐啦！
蒸海鮮除左要個爐，當然就要食材新鮮，海鮮送上枱時真是剛剛劏好，極新鮮呀。首先蒸奄仔蟹🦀好多膏呀！肉質實淨而鮮甜，爆哂膏，好在最後決定一人食一隻，因為半隻唔夠爽。
蒸龍蝦🦞，每人有半隻，龍蝦都幾大隻，因為新鮮，龍蝦肉好爽，龍蝦頭堅多膏。
鮑魚呀！
仲有其他貝類、蝦，所有海鮮都已經處理哂內臓，可以一蒸就食得，爽！
仲有蒸蔬菜，冬瓜、南瓜🎃、津白、粟米，我就鐘意點豉油食，阿妹就唔加豉油，咁先食到個鮮同甜。
最後當然要食蒸海鮮嘅精華，南瓜粥，加上菜甫乾，十分満足。
最後仲有生果。

每個套餐都有一罐飲品。
＊建議最好訂位，真的愈來愈多人，好在有阿妹訂左位先。

上周六到此餐廳吃午餐，餐廳位於炮台山及天后地鐵站之間，位置交通都算方便。 餐廳的裝修，簡潔明亮，裝飾上加上不少綠油油的裝飾品。座位多是卡位，播放著柔和的音樂，可以輕輕鬆鬆的享受一下。 當天因爲在12點左右便到餐廳，不算太多人，不過客人就愈來愈多，如果訂座會比較方便呢。 是日叫左燒法式羊架配燒汁。 佢午餐會有一個餐湯式沙律。主食。甜品及餐飲的。 蕃茄湯 ：酸酸甜甜的，有濃濃的蕃茄味，唔錯。配有一塊麵包，幾鬆軟。 燒羊架。 我叫左7成熟，肉質好嫰，易切，配菜唔錯，我比較喜歡烤薯仔。餐飲叫了凍檸茶。因為糖水會與檸茶分開上的，甜度可以自行調較。 最後加上一份甜點。不會過份的甜。

今晚同左個小朋友去Happy Hour! 其實依間餐廳係restaurant and bar。所以主要都其實為左食晚餐，當係考試前夕輕鬆一下喇。 今晚叫左兩個餐，一個扒另一個係溫泉蛋卡邦尼亞意粉。 先來前菜沙律 再來餐湯蘑菇湯，好濃好杰充滿蘑菇味加上用蒜蓉多士點，牛扒叫7成熟伴有炸薯角，薯角好香口！扒好夠份量，連小朋友都讚夠嫰。 卡邦尼意粉係小朋友至愛，最重要就係有隻溫泉蛋，佢食完心心眼😍。 係我食完玩手機其間，佢竟然食晒我朱古力上既厚cream，個樣仲勁滿足。最後黎一個甜品，對小朋友來說當然極滿足 整體價錢好合理，因為我係7點前到餐廳的，但之後愈來愈多人來Happy Hour。食物種類及小食都算多，小朋友話考完試想再黎啵。

阿菇剛回香港兩天，大家約左去佐敦文英街去吃火鍋，餐廳內𥚃裝修得古色古香，男女廁所全金色的（真係好浮誇），餐桌下有一個置物籃，方便放袋 黃金皮蛋 愛吃皮蛋的我當然必叫！皮蛋金黃，加上秘製香辣醬，加上大量芝麻，微辣又香口。 藥膳清湯鍋底，好香濃的藥材味，店員每次都會自動問我要不要加湯。最滿意真是加湯不是加水！雪花肥牛大大件，每片都好夠分量。豬腳筋，滾熟後會縮小，帶爽口的口感。 瀬尿蝦墨丸，用墨魚膠包著原隻瀬尿蝦肉，瀨尿蝦已經是沒有殼的，墨魚膠彈牙加上整隻瀬尿蝦肉 汕頭牛丸，上枱時與我北上吃的汕頭牛丸有點不同，毎一粒較大，有油香。 脆鯇腩，打邊爐我最愛吃脆鯇的口感，爽脆但又有魚味，很新鮮，不過有些碎魚骨，要小心一點吃。 炸魚皮，浸一浸熱湯才吃，口感又脆又淋。魚皮是新鮮剛炸好的，打邊爐加炸魚皮一絶 滾到半透明就可以吃了，口感Q彈。 打邊爐的菜最怕唔乾淨，依間好乾淨。食得放心。

星期六不用上班，但其他人都要返工，慳家的我唯有一餐當兩餐食啦（早餐拼午餐）。 午餐去左vcity 對面新開的西餐廳，賣點係大大份西式定食。叫左個什扒餐，份量果然堅大份，細食的應該食唔晒。有扒-幾嫰下、有雞翼-炸雞翼炸到皮很脆、煙肉-有兩塊、有薯蓉-好creamy 、牛油粟米大量,忘記仲有條腸及都幾爽的大蝦。小食有個炸薯餅其實佢係一塊炸南瓜餅，剛炸好，幾香口下。 有個薯仔湯-creamy有個沙律，合桃碎加提子乾，好有口感。仲有最愛的生果杯。 吧枱有三款飲品可以任添加，不過我都只係飲左兩杯。整體個定食堅大份，周六中午好多人仲未放工，可以係餐廳hea，聽住輕快音樂都幾正下。

約朋友行元朗，友人建議去莆田食福建菜，話我未食過福建菜啵。福建係沿海地區，應該都是水產之類。上次友人話同佢家人食過一次，用餐區寬敞，一大班人都可以坐得好舒適。 酥炒芋芯 之前完全未食過，這芋芯好特別，以為類似竽頭的感覺，它口感係外酥內糯，帶點鹹鹹甜甜的味道，做開胃小吃特別好味。 九層塔香燜海蠣 依個好味！這海蠣外酥內裡多汁，因為用九層塔，入口都有九層塔香味，帶出香燜的海蠣特別香, 整體好惹味。 江口家鄉海蠣湯 最初睇名以為只是蠔仔湯。這湯內有不少配料，有海蠣丶豬肉丶菇等，味道整體唔錯，湯是帶點粘稠的，唔會好似清湯咁，整體味道濃而帶海蠣既鮮美。 百秒黃花魚 百秒應該沒有兩分鐘，條黃花魚用百秒時間燜煮，用家庭爐具煮一條魚最少用八分鐘，條魚煮得剛剛好, 唔會過生，不會煮得過老。雖然用簡單烹調方法，更食出黃花魚的原汁原味，魚肉勁滑嫩鮮甜，唔算多魚骨，不過都要小心食魚，我同友人都食得津津有味！ 興化米粉 第一次食興化米粉，上碟睇到興化米粉特別幼身，而且唔腍身又唔會一舊舊，配料有蝦丶蜆丶豬肉丶菜等，飽肚之選。

近排係牛頭角食左間泰菜真心不錯，好想推介一下。 餐廳名叫曼谷車站，門口招牌有寫是泰國廚師主理，係正宗的口味。 幾乎全場都係卡位，都舒服好坐。 我地坐的卡位，系模仿火車卡座架，無端端做左電車男女⋯⋯ 餐牌選擇亦多，從小食到甜品，應有盡有。 而且價錢都好親民，炒菜、咖哩、沙律同小食都係五至六十蚊就有交易。 燒牛肉沙律 $68 先香後辣，食得出幾正宗的泰式辣汁，都真係幾辣。燒牛肉其實係牛扒條，似啱啱燒起，仲暖暖地的。唔會韌又有牛味，mix 埋D辣洋蔥同西芹一齊食，真的很過癮，五星無懸念！ 鹹魚炒芥蘭$55 未上菜已經聞到好香鹹魚味，阿姐一路行過來，果然真係我地條菜呀！ 急不及待要忍住口水影張相，可恨的是，我影唔到熱辣辣的煙和香味。 芥蘭炒得好好，軟硬適中。鹹魚雖香但唔會好咸，而且份量都足。呢個價錢，可能都仲平過茶記炒碟菜，認真抵食。 海南雞（半只）$85 份量夠多，堅有半只，燒味店 take away 半只都成 70 蚊，可見渠有幾扺食。 雞唔算十分滑，但亦唔係嚡的。鍾意佢唔肥，有雞味。另外，有三種醬汁可以點，分別系薑蓉、泰式辣汁同濃味甜豉油。三款醬汁都好夾隻雞，亦梗有一款夾到你。 泰式金邊粉 $62 外表及用料平凡，見到沒有 wow 一聲。 但金邊粉炒得幾乾身，冇痴住一舊舊，味道甜甜地好適中，熱辣辣亦好飽肚。蝦爽口沒有雪味，呢個價錢，我冇法挑剔。 芒果沙冰 $28 超大杯，勁夠凍。有芒果味，味唔會假。唔太甜，飲成餐都飲唔完。 青擰梳打 $23 青檸冰底 + 成枝singha 玻璃樽 soda 俾你自斟自飲。 見到都爽，味覺與視覺同時享受。 環境好，設計有心思，卡位又大又舒服，可以同時放到多款餸菜。 最好系冇限時，地方夠乾淨，有服務，仲要冇加一。 食物水準有返咁上下，位置尚算方便。 埋單位位百六，性價比高。