打開menu雖然款式唔多, 有壽c, 刺身, 炸物, 燒物等........服務幾好, 點菜自己寫, 上菜快, 無漏過單, 真係要俾個讚
刺身: 三文魚新鮮, 帶子大隻, 牡丹蝦都係好大隻, 魷魚夠爽天婦羅蝦 唔會太多粉鐵板牛肉粒: 老左d 炸蠔: 蠔本身夠大隻, 粉漿唔太多燒魷魚: 香口唔會太老燒鲭魚: 好大條好肥串燒雞翼：　總括：　無時限可以同朋友傾耐ｄ，　唔駛食得太急，　如果有埋任飲就正

當天一落船放下行李在威尼斯人就行去官也街, 但當時只係十一點半未開門, 所以都係行多一陣先......

十二點正我地回到山度士, 因為多人所以去左2樓坐下, 大家都肚餓即刻叫野食

燒乳豬 x2 夠入味脆皮 葡式炒蜆 無沙及大隻 焗鴨飯 表面有飯焦香口, 內面有鴨香味 牛仔骨 有肉味燴雞飯 另外, 每碟菜都有薯條, 麵包都好香場中都有幾檯係澳門葡國人係度食, 絕非係d賣廣告及遊客餐廳

都係澳門朋友介紹, 洪馨椰子雪糕及椰子汁, 雪糕要$13 蚊一杯食落都好香椰子味, 但係椰子汁我地個杯係壞左變酸, 店主好好人, 將原來一桶的椰子汁倒左, 另外在店內給我們另一杯新的, 夠凍及好香滑

店內仲有機器即做椰子汁

有朋友在澳門揸車同我地去黑沙食燒雞翼緊係好, 諗住平日下午五點幾無咁多人啦, 點知人頭湧湧仲見到d人一打一打咁買d燒雞翼, 我都唔執輸4個人買左半打雞翼, 仲有燒粟米, 青椒, 炭燒豬排包雞翼岩岩燒好真係好好味金黃色的, 而且仲有香草味, 粟米及青椒好甜

炭燒豬排包有炭香味而且無骨, 啖啖肉, 麵包用炭火烘過脆脆的, 正

因為訂左檯所以唔駛等位, 人地叫火鍋城緊係食火鍋, 佢地d火鍋料新鮮,

仲有一樣餸要推介, "鹽焗奄仔蟹 ", 肉厚多膏咸味岩岩好另外仲有海蝦用黎打邊爐真係一流, 而且斤兩足, 如果冬天用原隻鮑魚打邊邊仲好

睇完戲已經十點第過有位, 咪去試下, $138加一任飲任食, 有火鍋有刺身,
但係刺身細細粒, 炸物: 天婦羅蝦比較好大身d

燒物: 串燒蝦好細隻, 串燒牛舌可以好處係上菜快, 但係座位狹窄

有家人生日所以試一試, 整體上係滿意的
服務: 侍應有禮, 上菜也很快
環境: 算清靜. 及有浪漫氣氛, 因為全餐廳唔係太多位, 最多五六十人左右, 所以排隊取蠔唔駛太耐, 最長龍時都係六至七個人
食物: 自助有六款蠔(美國, 新西蘭, 澳洲及非洲) 無錯係非洲都有蠔出,
凍蝦, 長腳蟹, 翡翠螺, 帶子, 青口有兩款, 仲有沙律及其他小食.....
甜品都好多款式, 我鐘意芒果布丁
因為我地係要任點食, 所以仲有另一份menu可以order的
有分前菜, 湯, 麵飯, 主菜及排類, 全部都可以order, 而且仲可以order完再order, 如果你鐘意
主菜推介燒春雞及羊鞍.....好味, 有太多自己睇相啦

去完大三巴就去福隆新街行下, 依~~~點解咁多人排隊, 原本係食碗仔翅, 但係咁多人排隊即係好野, 可是門外已經有成十個人排隊, 最後決定外賣豪華碗仔翅 $38蚊, 等左十分鐘仲落雨添, 只好在簷下食左佢, 味道可以, 材料有蛋, 肉絲, 竹笙及兩片有湯匙咁大的魚翅如果下次有時間先入去食煲仔翅

中午時間入去好彩搵到４個位坐下，　呢度係７－８年前住在澳門的親人推介的，　ｄ豬排包由＄１１蚊食到依家＄１７蚊，　去官也街買完手信一定去食的

豬排包，　多汁入味即整，　包熱騰騰而且脆口葡撻，　偏甜用黎送奶茶咖啡一流

在openrice搵到兩間沙利文，但有兩間地址唔同但電話一樣，　真係唔係好明，　好彩問左澳門的親人，　沙利文在京都酒店對面，　所以正確地址係　南灣大馬路512號沙利文餐廳 1961年開業, 有好多律師及法官去食飯, 因為法院就在附近, 所以價錢會貴一點, 如果想便宜的, 就唔好去呢間

我地中午時間去到餐廳唔駛等位被安排上去上層近窗口坐下, 環境都好有特色, 我地點左幾個菜色
1.馬介休炒菜 --- 馬介休咸左D, 但係加埋菜一齊食就岩岩好2.葡國雞半隻 --- 雞唔會太”梅”及夠入味, 薯仔仲好味3.牛肋骨一份 --- 牛肋骨好有牛味, 唔會太”um”，但係都係偏咸4.海鮮焗飯 --- 魚件, 魷魚, 青口及蝦, 可能仲有其他料我食唔到, 汁味道適中, 飯唔會太濕, 炒飯底 5.沙利文蒜蓉大蝦　 --- 因為唔食辣，　所以改做開邊蒜蓉蝦，＄２４蚊一兩，一隻約＄１００蚊左右，蝦唔會煮得太老，汁野味而且味道入晒蝦中．因為食得太飽, 所以無叫甜品, 但原來木糠布丁係出名真係可惜

環境，　服務及食物都好配合，　想食得高級一點黎沙利文就無錯